五月星牛肉麵

营业中

休息中

襯住weekend行遠少少, 同朋友去觀塘嘅駱駝漆行街食飯晏晝又想食湯麵, 見到呢間五月星牛肉麵有lunch set好似幾抵, 於是就去試試<招牌紅燒牛肉麵>五月星嘅招牌紅燒牛肉麵份量都幾多紅燒湯頭味道鹹鹹地, 帶有少許嘅藥材味, 但又唔會好濃烈麵底就採用比較粗身嘅麵條, 口感彈牙白蘿蔔鮮甜得黎非常入味牛肉方面, 就採用牛展部位, 軟諗入味<古早味豬軟骨拌麵>朋友就嗌咗份古早味豬軟骨拌麵麵底同牛肉麵一樣豬軟骨入口即溶, 有膠質味道甜中帶點酸 隔離嘅魯肉口感就偏向爽口<蒜泥白肉>午市套餐有包一份小食, 大食妹就嗌左蒜泥白肉薄切嘅白肉加上少少蒜泥, 更顯惹味<手拍青瓜>朋友嘅手拍青瓜酸脆帶勁, 都幾唔錯<巨峰提子果汁 (左) 及 水蜜桃益力多(右)>跟配嘅果汁同益力多味道都正正常常, 而且款式都幾多

觀塘駱駝漆工廈好多小店餐廳，朋友介紹下，今次黎到五月星牛肉麵食台灣菜而家晚市主食加$32可以任食幾款小食，不過今次太想食鹽酥雞！有機會下次再試！食台灣菜唔少得紅燒牛肉麵：牛肉同蘿蔔都煲到好焾又入味，香濃湯底帶點甜，配上粗身麵條，正！刈包：上枱時熱辣辣，餡料有甜酸菜、五花扣肉、同埋特製既花生粉，又咸又甜衝擊好有驚喜，好好食！香腸肉燥飯：肉燥飯中規中矩，配上台灣腸，外皮煎得夠脆，入面又多汁。試管鹽酥雞：鹽酥雞炸得香脆，可以配試管幾款味道的調味粉，有孜然粉、梅粉、海苔粉、芝士粉等，選擇豐富。個人最鍾意梅粉，酸酸地又開胃。麻辣鴨血：醬汁好辣好過癮，醒胃前菜！飲品方面，點左珍珠奶茶，特別有種伯爵茶底香。另一杯黑糖珍珠鮮奶都唔錯，珍珠Q彈，又有焦糖味。

今日和朋友來到著名的駱駝漆工廠大廈吃晚餐，選了這間台式小店招牌紅燒牛肉麵 - 湯底是超濃郁的，有雪菜，牛𦟌和蘿蔔牛𦟌非常軟腍，而且筋和肉的比例剛好，非常入味鹽酥雞滷肉飯 - 鹵肉滿滿的，鹽酥雞都是一口炸的，炸得非常鬆脆，不會很乾，雞肉肉質鮮嫩多汁鹵肉肥瘦均勻，有入口即溶的感覺，配飯吃真是吃不停口刈包 - 很少地方可以吃到刈包，刈包即叫即蒸，以小籠上，十分有誠意刈包材料豐富，有大大舊鹵肉伴著雪菜和台式青瓜來吃，口感十分豐富蒜泥白肉 - 小食點了蒜泥白肉，白肉薄薄一片沾滿了蒜泥醬，十分惹味黑糖珍珠撞奶 - 這個十分有驚喜，有黑糖味而且不會很甜，鮮奶香濃細滑這間台式小店食物質素高，而且價錢合理，值得再來

觀塘駱駝漆工廈出名多野食，今次就搵咗間台灣野食🥢，餐廳主打紅燒牛肉麵，鹽酥雞滷肉飯，刈包台式小食等等⋯⤑重點係只要叫任何一款主食就可以+$32任食台式地道小食🤩！港人最愛嘅麻辣鴨血、蒜泥白肉、黃金皮蛋、麻辣豬耳、炸甜不辣等10樣款式！*放題時段只適用於18:00-21:30⤑雖然任食但用料絕不馬虎，全部都勁高質，尤其推薦麻辣鴨血，好滑溜冇血腥味，唔似用一磚磚個款平價鴨血😛，麻辣香濃辣得過癮！炸甜不辣都好煙韌口感唔錯！絕對推薦加放題，出面食一碟小食都要30幾蚊，呢到叫幾碟都回本🙌🏻⋯⋯⤑🔸招牌紅燒牛肉麵 $ 73餐牌上寫住湯底用上騸牯牛骨長時間熬製而成，所以入口都好香濃，牛肉方面就用上牛展每片都好軟嫩，煮得好入味！蘿蔔清甜無渣，麵條偏𣺉身，鍾意食辣嘅記得加埋枱上個秘製辣椒油，個人覺得落咗味道更提升更惹味😛！⤑🔸鹽酥雞滷肉飯 $68呢度嘅鹽酥雞都幾特別，可以用埋枱上嘅試管調味粉，調配自己想要嘅口味！有海苔粉、辣粉、鹽酥雞粉等等⋯有辣有唔辣😏！咬落都幾酥脆，但滷肉飯個汁如果再多啲就更好😝！⤑🔸刈包 $ 32刈包即叫即蒸麵包好鬆軟，入面嘅五花腩好邪惡🤤滷得夠軟身，加上酸菜芫荽，減輕左油膩感，同

五月星牛肉麵主打台灣菜，即係良心小店，價錢相宜，質素不錯，值得支持！刈包 $32刈包所用嘅食材都很香，鹹嘅五花肉，甜嘅花生粉，酸菜，刺激了味蕾每一區域，好有特色！試管鹽酥雞$48鹽酥雞香脆可口，可以加多款調味粉，個人最喜歡話梅粉！蒜泥白肉$32蒜味濃厚，白肉肥而不膩！招牌紅燒牛肉麵$73牛展大大件，麵嘅份量也頗多！黑糖珍珠撞奶 跟餐加$14香甜美味，珍珠煙煙韌韌，黑糖味香濃！青蘋果益力多 跟餐加$14酸酸甜甜，好開胃！

啱啱喺觀塘上堂 落堂後梗係要去搵好嘢食 放鬆下啦 一向都知駱駝漆大廈食店居多 不嬲為食嘅我 今日決定食台灣菜 上次經過見到《五月星牛肉麵》好多人排隊 所以都冇去試🤨而家仲未到晚市時段 所以唔使等位就可以入座👍店舖座位格局比較迫夾 燈光以暖色為主 好有家嘅感覺☺️今日我點咗2碗麵食 分別係:招牌紅燒牛肉麵 五星拌麵(椒麻味) 另外點左2杯飲品 分別係:黑糖珍珠撞奶 水蜜桃紅茶 並每位 +$32加配任食小食 有10款選擇😚。招牌紅燒牛肉麵 (HK$73)呢個牛肉麵同喺台灣食嗰啲唔同 佢個湯底比較特別 濃濃嘅藥材味 有啲似平時鹵水嗰陣味😅湯底咸味適中 蘿蔔清甜 牛肉炆得好淋而且入味 肉質嫩滑 肉味濃郁 👍 麵質勁度十足 非常彈牙😉 整個配搭令我食到拇指大動 愈食愈想食🥰。五星拌麵 (椒麻味) (HK$63)拌麵材料包括:醋青瓜 菇 滷肉 豆芽😊我揀咗椒麻味 辣味比較強勁 有點搶喉 除咗食到辣味之外 沒有其他醬汁的味道 稍為單調咗一點 🧐。 +$32加配任食小食 有以下10款1.麻辣鴨血 2.蒜泥白肉 3.麻辣豬耳 4.甜不辣(炸物) 5.麻辣菇菌派對 6.涼拌茄子 7.手拍青瓜 8.白灼時蔬

駱駝漆大廈有好多唔同嘅餐廳，呢排有啲掛住台灣夜市既小食，見到呢到只需要+$35就可以任食小食，好抵好吸引，就過左黎食。好可惜我地黎到嘅時間已經太晏，小食已經賣晒，唯有下次先再試。- - - - - - <招牌紅燒牛肉麵>碗麵一上枱嘅時候已經聞到好香，個湯底濃郁得黎又唔會過鹹，牛肉好淋好入味，整體黎講都幾好食

觀塘區很多美食😋， 放工約了同事行駱駝漆大廈， 然後到11樓F室的五月星牛肉麵吃晚飯。 小店細細間，枱櫈不算太多，牆身放了一些台灣相片。 先點兩碗牛肉麵，✨招牌紅燒牛肉麵$73和✨紅燒蜂巢牛肚麵$73， 然後再點小食✨刈包$32， 還可以加每位$32，✨任食十款特色小食， 飲品就叫✨黑糖撞奶$28和✨巨峰提子益力多$25。 🔺刈包🥠🔻～刈包裡夾著豬肉，配上香甜的花生粒和鹹香的酸菜， 味道豐富，如果包皮可以稍為加熱些， 就更加好味了。🔺紅燒蜂巢牛肚麵🍜🔻～有嚼勁的牛肚，口感厚實，Q彈爽口麵條， 湯底越飲越惹味。🔺招牌紅燒牛肉麵🍜🔻～ 湯底味道好濃， 帶點微辣，紅燒牛肉肉質嫩口軟腍，麵條份量充足。🔺任食小食🧆🔻～ 十款特色小食裏面我試了三款，麻辣鴨血香濃滑嫩、 蒜泥白肉蒜香薄切和手拍青瓜清爽開胃， 三款各有特色。🔺黑糖撞奶🥤🔻～奶味順滑， 黑糖加多些更好。🔺巨峰提子益力多🥤🔻～ 酸酸甜甜的益力多，甜美的巨峰提子味，好飲。最喜歡牛肉麵的湯底， 惹味好飲🤤， 值得推介。😉

觀塘嘅工廈愈開愈多樓上小店，今次就揀咗呢度食lunch🍽️【試管鹽酥雞+鹵肉飯】鹽酥雞炸得酥脆唔油膩，有6款味粉可以自己逐樣慢慢試👍🏼如果唔落味粉嘅話好似無乜味🤔鹵肉飯一般港式水準，無期望無失望🤡【招牌紅燒牛肉麵】湯底食唔到應有嘅香料味同牛鮮味，只有偏向單一嘅人工甜味🥴牛肉燉得夠淋夠入味👍🏼麵質一般諗住叫親【招牌】實無死...可惜令人失望😪【跟餐小食 - 手拍青瓜+涼拌海帶】青瓜用鹽同醋撈過，作為餐前小食都幾開胃👍🏼海帶質感原本有少少滑潺潺，加上呢碟嘢好似浸咗好耐...口感唔太好，食咗一啖唔想再食🙈【跟餐飲品 - 珍珠奶茶】份量十足大大杯可惜茶味欠奉，算係不過不失基本上跟餐小食有同無都無分別，如果可以唔要小食而價錢平番少少就好喇😌附近有咁多選擇，呢度睇怕都無下次👋🏻

今日lunch過嚟駱駝漆覓食，呢間牛肉麵唔錯啊！12點到達，啱啱開門，整體感覺都幾企理～珍珠奶茶都OK，唔會得個甜字揀咗拍青瓜，開胃醒神因為唔食得辣，所以揀清湯，麵底就好似冇乜味，但係牛肉就好林好入味同事講碗係紅燒，聽聞唔錯支持小店！跟住見到陸陸續續都有客人來～呢個價錢有小食，有飲品，都算係合理！呢度啲店員阿姐都有禮貌，可以encore！呢度唯一麻煩啲就係等lift，有時要等好耐，尤其係食飯時間。好在我哋可以早出來！

遲遲未通關，等到花兒也謝了🥀 唔緊要，工廈都有食肆林立嘅餐廳，見到門口寫住牛肉麵、無味精小店就想試下🤤店員推介係招牌牛肉麵，有辣嘅紅燒，有唔辣嘅清燉，我就想試清燉同佢嘅秘製湯底：新鮮騸牯牛骨同生果熬煮牛肉揀左厚身Q彈嘅牛𦟌，熬左好耐好易咬又好入味😍 湯底好好飲，飲得出用左新鮮料，有少少藥材味，飲左大半都唔口乾。至於麵條都係爽口嘅，唔會淋左，所以成碗我都好鍾意食得台灣野點少得鹽酥雞，嗌左個有芝士鹽酥雞，又可以係雞上面撒試管調味粉，所以一碟雞試到7款味，好抵😂炸粉唔算厚，脆卜卜嘅炸雞加上芝士真係極邪惡嘅產物🤤黃金皮蛋😍 呢個性價比好高又好睇，溏心而且通透，口感綿綿同淡淡麻辣香味招牌刈包，上菜時用蒸籠裝住，佢地會提你「襯熱食」，好細心嘅係已分左一半，可以分享/乾淨啲咁食，包中間有秘製醬汁同腩肉、青瓜酸菜，口感好豐富又唔覺膩依間餐廳係唔錯，有台灣食物嘅中上水準，下次會再黎

想簡簡單單食吓台灣野，建議呢間，味道唔錯價錢亦都合理。叫到成枱都係，款款細細碟都幾豐富。招牌紅燒牛肉麵 $73台灣的紅燒牛肉其實係牛𦟌，一件件牛𦟌軟硬適中，有牛味。湯底頗濃，有加入酸菜與蘿蔔平衡油膩感。白色粗麵口感比烏冬煙韌，配上濃濃牛湯，好食。刈包 $32台灣特色刈包，有滷肉、咸酸菜、花生碎等，白色的蒸包口感似饅頭，成籠蒸熱上枱。台式傳統burger，份量好足，好豐富。試管鹽酥雞 $48新鮮炸起熱辣辣，炸粉脆口唔厚身，雞肉少少但好滋味。旁邊有試管，有六款味粉可以加，甜酸苦辣鹹樣樣齊。個人最鍾意孜然粉併海苔，好香好特別。蒜泥白肉 $32白灼豚肉，加入芝麻蒜泥醬。白肉都幾好食，唯獨蒜味唔夠多，個人鍾意勁蒜多D。黃金皮蛋 $15一般皮蛋的蛋白都係黑色，但呢度竟然係黃黃地透明的。呢款皮蛋味道冇黑皮蛋咁濃，亦少點澀味，比較清爽，幾過癮。麻辣豬耳 $15豬耳都幾入味，好香麻辣但唔算太辣。切成一條條，正正常常有咬口幾惹味。珍珠奶茶 $28珍珠幾Q彈、有口感。奶茶係台灣口味，唔會太甜，好啱飲。黑糖薑母茶 $22正常甜度，好夠薑。

官塘工廈有好多餐廳食堂，今日就去咗駱駝漆大廈3座11樓的「五月星牛肉麵」。 餐廳裝修簡單，好有台灣風格，食物選擇簡單，主打台式牛肉麵、拌麵、台灣特色小食 等。店員非常熱情，會細心介紹呢度嘅食物，店員姐姐推介＜招牌紅燒牛肉麵＞，話湯底以新鮮牯牛骨淆熟20多個鐘，值得一試。＜招牌紅燒牛肉麵＞有幾件厚身的牛，牛展筋肉紋理清晰，燉煮得好軟化，麵質彈牙，湯底入口微辣，非常香濃。必食＜刈包＞ 刈包帶甜入口軟綿，包裹一層肥一層瘦，炆得好入味，肉質綿密鬆嫩的鹵肉，再配上酸菜，花生碎，青瓜，饀料豐富。酸菜、花生碎、青瓜的清爽，平衡咗鹵肉的油膩，咸甜互相配搭，非常好食。＜手拍青瓜＞脆口，清爽開胃。 ＜蜂蜜綠茶＞蜂蜜味甜，消暑解渴。

黎呢間台式小店主要係比佢既任食小食吸引左😍不過入到去睇menu之後見到發現太多選擇😆所以放棄左任叫小食叫多個刈包食😋皮蛋醃得入味 而且係黃心皮蛋🥰刈包入面夠豬腩肉好夠味 油香十足🤤鹽酥雞可以自己加配唔同味粉 有大慨5隻味揀 任加唔嬲🤩最後叫埋杯台飲 好滿足！！！

餓底今日嚟觀塘做野，見有啲時間就來駱駝漆行下，見肚餓，就响度食埋野啦！原來都幾多選擇，今次就試下呢間台灣麵。 麻辣牛肉麵嘩，一上枱，陣香味已經撲鼻而來，好香！試左牛肉先，好夠淋，入口鬆化，同埋入晒味呀！再來飲一啖湯，都辣，但又想飲，點解會咁？一問之下，原來湯底係用左大量鮮菌同香菇煮成，無添加，難怪令人飲完想再飲。再來食埋麵，彈牙爽滑，呢碗牛肉麵好高質！ 百里香綠茶食辣野，當然要叫杯野飲解解辣，一啖辣麵，一啖凍飲，爽呀！ 店員極力推介刈包，但餓底已經飽左，一於下次再來試！