五月星牛肉麵

营业中

休息中

呢間小店晚市時段柯打一個主食，之後加$32可以任食9款台式小食，勁吸引！先講主食，我們都沒有選滷肉飯或拌麵，但原來牛肉麵除了湯底也分了兩種！招牌紅燒牛肉麵 $73 牛肉有筋，幾有嚼勁，但唔會痴牙。仲有好腍既蘿蔔，唔錯！滿漢牛肉麵 $93 隻碗大一倍（睇對筷子就知幾大碗）料都多好多，有牛肚牛丸（粒牛丸好似係醬爆，好好食！）不過我選麻辣湯底就唔係好覺辣，反而有點偏甜。台式小食方面，首推甜𣎴辣，即炸需時，熱辣辣，外脆內煙韌，正！次推黃金皮蛋，賣相好似一般，但口感同醬汁都好食喎，我地一人食左幾隻！麻辣鴨血同麻辣豬耳都唔錯，Encore左兩次。蒜泥白肉塊肉偏瘦，醬汁唔夠譚仔好食。蔬菜方面，麻辣菇菌派對同涼拌茄子幾好食，手拍青瓜同涼拌海帶就正常普通，白灼時蔬就無叫到。本身想請試店家另一招牌試管鹽酥雞，不過食台式小食食到飽，都係下次有機會再試。飲品叫左杯巨峰提子益力多 $25，雖然睇住水吧即時加益力多落攪拌機整，但見杯飲品分左兩層，味道唔算濃，攪匀飲覺得味道有少少怪...。