五月星牛肉麵

营业中

休息中

觀塘岀晒名多工商廈又好想飲台式奶茶 就食台灣野啦🥳🥳見到有個 必食 -刈包 就試下 睇下咩黎👀叫左招牌紅燒牛肉麵 刈包 芝士鹽酥雞 細滷肉飯 白灼時蔬招牌紅燒牛肉麵湯底好特別 好濃郁 但濃郁得黎唔會咸 仲帶一種甜味食完亦唔會口渴👍🏻👍🏻👍🏻👍🏻蘿白吸晒湯底濃郁既味😋😋牛肉係無咩筋 偏向牛𦟌既感覺 但一啲都唔會硬好欣賞個湯底 同一般既牛肉麵湯底不同👍🏻刈包第一次食 幾特別 值得一試包係中式包 包皮軟熟餡料有肉碎 酸菜 仲有啲花生 好香口 啲餡滿滿的芝士鹽酥雞啲雞炸得好好 外皮脆口雞肉𥚃仲滿滿油膩 芝士量都好足仲有啲調味試管俾你加味我幾鐘意梅 酸酸甜甜 夠晒開胃細滷肉飯雖然係細 但係都好大碗滷肉份量都多 望落去唔會好色素 但絕對夠味👍🏻滷肉唔會完全係肥肉男朋友形容係健康滷肉飯麻辣鴨血 顏色好豐富 望落去 可能會驚一驚 驚太辣但食落唔係辣的 只係有少少麻辣鴨血 算夠味 吸到辣汁香港黎講 算好高質👍🏻👍🏻👍🏻白灼時蔬色水望落好靚 好光澤 同新鮮份量夠多百香果多多 + 珍珠奶茶

暫時未能到台灣，但很懷念台灣的味道。所以朋友介紹位於觀塘駱駝漆大廈一間台灣小店， 即刻去試試！清燉牛肉麵很大碗，放了四大片牛肉,燉煮得很軟嫩， 加上用台灣來的麵條。麵身吸滿濃郁的湯汁， 湯汁是用了蘋果和你跟牯牛骨煮超過20個小時，入口清甜清香,完全沒有味精，算是標準正宗牛肉麵！試管鹽酥雞試管固然是噱頭， 色情是可以供食客選擇加入不同的調味料， 當中有海苔、梅粉、芝士粉等， 非常特別！每件鹹酥雞都能一口一啖, 即叫即炸, 表面不會太油, 很脆！刈包 是店舖的招牌， 半圓形麵糰中夾入炕肉、酸菜及其他餡料的麵食。 味道豐富濃郁，必食之選！花枝丸拌麵花枝丸的香脆的外皮，加上拌麵配料十足！非常飽足！熱柑桔蜜也好好飲。下次會試黑糖珍珠撞奶， 因為見隔離枱飲好大杯好靚！ 廳質素整體令我很有驚喜, 而且價錢不貴, 最緊要係全日冇加一!!! 的確抵食!

見到食評吸引來食紅燒牛肉麵，一個人來見到手午餐是套餐形式包一份小食同飲品$79 ，本來只是想試牛肉麵，但係好似冇單叫咁，可能其他時段單叫都係$79，午餐送小食已經係優惠？小食叫了麻辣涼拌什菇，熱紅棗圆肉茶，先來一豉油碟大小的涼拌什菇，冇咩麻辣味，菇似水烚，味道也淡，因為汁料也是水水的，失望！紅燒牛肉麵湯底唔夠濃冇咩茄膏味，但湯底係唔味精的算可以，牛肉質地也唔差，麵質就普通，冇嚼口，再來杯水杯份量的圓肉茶，原全冇味，飲唔到紅棗圓肉味，好淡，係指咪煲好再溝水？試過一次便夠，冇回頭！咁嘅價錢食呢啲會失望，如果$50一碗牛肉麵就可以考慮，但似乎係要$79/一碗，唔值！

▫️試管鹽酥雞鹵肉飯 ($63)⁣鹽酥雞值得一讚，炸得非常酥脆，而且唔會油膩，枱上有一樽樽好似試管甘裝住唔同口味既調味粉，同雞都好夾。 而鹵肉飯就正常水準，另外一提店員好親切同我地講如果唔夠飯可以加飯☺️，加飯係真係會比成碗新既鹵肉飯你，太親切既黃店😚⁣⁣▫️五月星拌麵⁣其實就係鹵肉加菇菌拌麵，味道正常，但無乜特別。⁣⁣▫️麻辣鴨血/涼拌海帶⁣小食全部都好入味，有啲似川菜小食既味道，如果真係好中意食小菜既話可以係佢晚市+$32任食十款小食架！⁣

呢間小店晚市時段柯打一個主食，之後加$32可以任食9款台式小食，勁吸引！先講主食，我們都沒有選滷肉飯或拌麵，但原來牛肉麵除了湯底也分了兩種！招牌紅燒牛肉麵 $73 牛肉有筋，幾有嚼勁，但唔會痴牙。仲有好腍既蘿蔔，唔錯！滿漢牛肉麵 $93 隻碗大一倍（睇對筷子就知幾大碗）料都多好多，有牛肚牛丸（粒牛丸好似係醬爆，好好食！）不過我選麻辣湯底就唔係好覺辣，反而有點偏甜。台式小食方面，首推甜𣎴辣，即炸需時，熱辣辣，外脆內煙韌，正！次推黃金皮蛋，賣相好似一般，但口感同醬汁都好食喎，我地一人食左幾隻！麻辣鴨血同麻辣豬耳都唔錯，Encore左兩次。蒜泥白肉塊肉偏瘦，醬汁唔夠譚仔好食。蔬菜方面，麻辣菇菌派對同涼拌茄子幾好食，手拍青瓜同涼拌海帶就正常普通，白灼時蔬就無叫到。本身想請試店家另一招牌試管鹽酥雞，不過食台式小食食到飽，都係下次有機會再試。飲品叫左杯巨峰提子益力多 $25，雖然睇住水吧即時加益力多落攪拌機整，但見杯飲品分左兩層，味道唔算濃，攪匀飲覺得味道有少少怪...。

呢款🐂紅燒牛肉麵🍜湯底非常濃郁，與出面其他牛肉麵有少許唔同，湯頭帶甜和微辣🌶️，而且有點稠杰身，每啖麵都可以食到啲湯，最適合重合味人士😋！牛肉大概有5塊，厚切且帶點牛筋，非常入味👍！份量非常之多，一般女仔會食唔曬，男仔就一定好滿足😙。午市套餐仲包埋小食同嘢飲！鍾意食台灣麵嘅朋友可以一試喔🤙～價錢望落雖然好似有啲貴，但包嘢飲同小食，碗麵亦好大碗，整體都算抵食嘅～店員服務態度都好好，好有禮貌！

講起化學堂，大家應該好快會諗到'做實驗'，而講起實驗，相信你地會聯想到test tube。今次帶大家重拾令起test tube嘅感覺，不過唔係做實驗，而係幫鹽酥雞'上粉'😂招牌紅燒牛肉麵$73🍜果然係招牌，同我試過嘅紅燒牛肉麵完全唔同，個湯底好濃，仲飲到d菜味，texture亦比出面嘅厚，但一d油膩嘅感覺都無。牛肉入味得來唔會過鹹，蘿蔔亦好清甜😆蜂巢牛肚拌麵$68🍝見大家推薦五月星拌麵或豬軟骨拌麵，所以點都要拌拌佢嘅，不過配菜就揀左我最愛唧牛肚🤤牛肚淋得來仲補留翻少許彈牙唧口感，而且好入味。拌麵方面，味道酸酸地都幾開胃，但因為係椒麻，所以會越食越辣😆試管鹽酥雞$48🌡揾test tube裝調味粉，幾有gimmick😍雞件本身都幾脆，但大舊左啲。試左5種粉之後，感覺都係梅粉同芝士粉最夾。芝士粉會令鹽酥雞更惹味，梅粉就可以帶出鹽酥雞本身嘅雞味同鹹味。不過呢，test tube就bug bug地，好難先chok到d粉出來😥青蘋果紅茶$22🍏巨峰提子益力多$25🍇

觀塘駱駝漆大廈有好多良心小店，第一次嚟到就揀咗依間五月星牛肉麵💛招牌紅燒牛肉麵湯底好濃，牛肉湯帶甜味而且微辣，牛肉好腍仲有蘿蔔酸菜幾豐富。試管鹽酥雞好有新意，可以自己隨意落唔同口味嘅調味粉，鹽酥雞炸得酥脆，我都係鍾意加番辣鹽酥雞粉，還原番平時食開嘅椒鹽味，另外仲有孜然粉、海苔、梅粉等等。鹵肉飯不過不失，加咗啲蝦米仔食落香啲。最開心嘅係午餐小食有得揀麻辣鴨血，鴨血幾嫩食落真係幾麻又惹味。珍珠奶茶係細個飲開最經典嘅味道，雖然唔會話茶底特別香或者珍珠特別好味咁，但都滿足到想食台灣嘢嘅癮～

想去台灣而不能去的時候便會去食台灣菜，這次就挑選了這間工廈裏的台灣菜小店試試。我們叫了兩份套餐：- 試管鹽酥雞滷肉飯：試管是指有幾枝試管盛著香料，隨個人喜好加進鹽酥雞，鹽酥雞炸得幾鬆化，而鹵肉飯就沒什麼特別- 紅燒牛肉麵：這個必食，牛肉很淋身很入味，湯底少少辣也不錯套餐配以兩碟小食及飲品，欣賞麻辣鴨血，很惹味。這間店值得推介，性價比高！

lunch set 是一個價錢：小食 + 主食 + 台式飲品兩個人來食，可以叫兩款不同的小食黃金皮蛋第一次見透明的皮蛋！原來是用雞蛋醃製的不是灰黑色那種用鴨蛋醃製的皮蛋好溏心因為透明皮蛋的化學味比黑色的淡所以可以食蛋黃的蛋味麻辣蘑菇派對蘑菇處理得不錯帶有爽口感，又無菇菇那陣 up 味不過調味辣左少少天氣凍凍，想即時食碗熱野招牌紅燒牛肉麵是碗大麵！牛肉好淋，味道濃郁湯底係紅燒，有少少辣味但係辣得來帶有甜味令人愈食愈想食阿姨擔心唔夠食，盛意拳拳地說：可以加麵加麵，真係好多麵麵最後都有食曬！古早味豬軟骨拌麵一樣很大的一碗麵從廚師的擺盤，明顯地區分出豬軟骨、青瓜、滷肉配料多到只能讓部份的麵條露出來呼吸豬軟骨是硬左 d，咬得有 d 辛苦 調味方面除了甜味，還加了醋，味道像極糖醋排骨滷肉比其他台灣風味餐廳有點不同一來切得粗身，不是變成肉碎的滷肉是會見到有豬皮，有肥膏，超有咬口感，食起來有陣豬仔味二來不是深色的滷，反而是淺色的不濃味不鹹所以與其說是滷肉，不如說成迷你腩肉啦同樣是粗身麵條，拌麵的會更有咬口感掛汁力都不錯，小心醬汁彈到自己就是今次麵條是熱的(不熨口)，攪拌時見到麵條出煙！今次拌麵的汁份量

話說老公要試西裝🤵🏻大概試左半個鐘左右就走，去咗附近行吓行到肚餓為止作為屯門🐮嘅我哋真係唔知呢度工廠🏭大廈進駐咗好多餐廳架喎～🤭.我好鐘意食牛肉麵，加上老公又想食肉燥飯，啱晒～毫無懸念就入咗去呢間食我哋嘅晚餐～🤤.兩個人餓👻咁嗌到一枱都係嘢食😂😂💛清燉牛肉麵 $73湯底用咗騸牯牛嘅牛骨配合埋蘋果雪梨一齊熬製，清甜唔油膩，店員姐姐叮囑咁叫我一定要飲嗰湯～牛係牛腱肉，啱晒我，牛肉味重，大大嚿，夠腍～👍🏻😋.💛細碗肉燥飯 $25老公話要嗌細碗，所以佢就可以嗌多啲其他嘢食咁話🧐雖然細細碗，但啲飯嘅份量都好夠，啲滷肉亦夠晒去撈呀撈呀撈埋啲飯一齊食，汁醬夠惹味～😋.💛試管🧪鹽酥菇 $48一擺低，食咗嚿就停唔到～呢個時候試埋佢唔同試管調味料，試晒咁多款，都係鐘意梅粉同芝士粉～.💛必食刈包 $32真係要襯熱食，老公又喺餸一上枱就擺落口，店員切開一半比我哋～食落鹹鹹甜咁，加埋酸菜夠爽口，再夾雜咗啲花生🥜味，嗰包係鬆軟嘅，味道食落好特別，有啲似片皮鴨～.💛試管鹽酥雞粒 $48食到最後先嗌，但掛住食無影到相😔老公話好想食好想食，新鮮熱辣擺落口又差啲辣咀仔🥴炸得好脆好脆，但肉質仍然好juicy，唔同嘅調味粉將

🐮招牌紅燒牛肉麵 $78 (7/10)⠀湯頭紅紅的，確實做到紅燒嘅感覺😗，飲左一啖有黏口感亦增強到掛湯力，但湯就偏甜左啲唔係好飲到牛骨同香料味🤔。⠀配料方面牛𦟌肉同酸菜爽口而且比得都多，如果酸菜有加少少辣炒更香😮。⠀⠀🐔試管鹽酥雞滷肉飯 $63 (6/10)⠀整體普普通通🙈～⠀「試管」係每枱有幾支試管裝住唔同調味比客人自己加，咁岩我地枱冇試管同冇人提我地，埋單先知有試管哩回事🥲🥲🥲，大家記住食之前要問店員攞試管喇！⠀⠀🐖刈包+$10 （8/10）⠀刈包裡夾著五花肥肉、鹹香嘅酸菜、香口嘅花生粉，口感味道互相配合🥰，係今餐最滿意嘅一道菜。

根據我觀察, 在香港的台灣牛肉麵店, 相當大的比例是黃店, 藍店比例比其他中式餐廳相對少. 今次介紹的五月星又是一例, 在觀塘的駱駝漆大廈, 附近有著如六兩三這是同樣是主打台式牛肉麵的餐廳, 自然會比較起來. 同樣是紅燒牛肉麵, 五月星比六兩三在湯頭上味道較為輕盈, 帶著更多來自蔬果的天然鮮甜, 相對起來六兩三的湯頭比五月星更濃重, 辣味也更明顯, 各有特點. 牛肉方面同樣是牛𦟌, 五月星的肉量較多, 鹵得也頗入味, 但肉質偏韌, 這點要多加留意了. 除了牛肉麵, 刈包也是五月星的名物, 連同蒸籠上枱, 熱氣騰騰冒出那一刻相當治愈. 配料如酸肉及花生相當豐富, 肥瘦均等, 甜香味重的五花腩肉與味道純樸的饅頭, 是簡單但飽足的配搭, 相當有傳統台菜的純樸味道.

呢間餐廳位於觀塘工業大廈，其實唔係好難搵，而且門面已經棟左好多塊大餐單。餐廳主打紅燒牛肉麵，湯底相當濃郁，另外佢嘅面底比較特別，唔係一般嘅米線或者刀削麵。而係自己手打出嚟嘅！有少少似烏冬，但係比烏冬更有彈性！另外餐廳第二個主打就係晚市加$38可以任食小食，平時食一碟小食都已經係呢一個價，更何況而家可以任食！推介皮蛋，同埋蒜泥白肉！餐廳係每片白肉上面加咗自己自家製嘅蒜蓉醬同蒜泥，超級惹味（但食完小心會口臭）其餘小食好似青瓜、海蜇、雜菇就中規中矩啦～

最後一日觀塘返工，比我搵到喱間台灣野「五月星」！地方位於工廠大廈入面，食飯時間真係好多人，排隊搭lift, 等位佢地嘅午餐包括主食、小食同飲品。$58-$98 不等，價錢方面就唔算貴。今日我地就試左「試管鹽酥雞配滷肉飯，紅燒牛肉麵」，小食就「麻辣鴨血、麻辣菇菌派對」，飲品就是「黑糖撞奶同芝士奶蓋」。試管🧪鹽酥雞其實係幾件雞粒，自由加上旁邊用試管裝住嘅調味粉，今日見到有5個味道，我最鐘意就是紫菜同孜然粉味，麻辣一點都唔辣，岩鹽太普通所以沒有試，雞炸得幾好，唔會好油，好脆。而碗滷肉飯真係好台灣口味，用左五花腩肉碎而不是肉碎，幾好味，可惜雞（5粒）同飯份量都唔算多。紅燒牛肉麵湯底好濃，飲落有少少辣，牛展好霖，有幾舊好入味嘅蘿蔔，整碗麵相當唔錯小食就是小食，小小一碟，雖然小但麻辣鴨血都幾好味，而麻辣菇菌就比較淡唔麻又唔。而兩杯飲品就比較一般，好淡，飲唔到本身嘅味道，黑糖撞奶唔夠黑糖，芝士奶蓋更差整體佢地嘅食物但飲品就.......