二鍋頭 (福苑)

营业中

休息中

天氣變冷，大伙兒都提議吃火鍋。旺角中心對面有家樓上火鍋，見價錢挺平民，還要是任食的，吃貨們一起去吧。時間尚早，所以到達的時候，不算多人，有卡位坐，較舒服，飲品櫃有支裝飲品，都是較健康的滋潤飲料，也有罐裝茶、果汁及啤酒。先吃雞煲，然後才開始火鍋。雞件已經預先調味及熟透了，店員把整個鍋放上爐上，再開爐烹煮及翻熱，炒香洋蔥、芫茜、大蔥。雞件香噴噴，紫洋蔥炒至軟淋。不過吃至後期，雞肉蘸滿醬汁，炒至後期，醬汁更加濃稠，味道更鹹。待我們吃完後，店員便會拿走雞煲，轉成火鍋。湯底選擇多，不過我們只有一個湯底，除非6人以上。這次挑選了滋補藥膳湯底，感覺較健康。雖然是藥膳材料，不過味道不濃郁，所以很易接受及入口。火鍋任食，配料選擇多，除了在點單紙上挑選外，還有其他材料在外面的。點單紙上的主要是海鮮、肉類等新鮮的材料。各款蔬菜、瓜類、丸類、餃子、炸物等都放在外面自取，連出前一丁也是一包包放在外面任拿，毫不吝嗇，很少有。最後怎少得甜品，女人有第二個胃，朋友吃榴槤味，而我挑了蜜瓜味，味道不錯，帶真實的果香。

揀任飲任食的火鍋好處就是不用考慮價錢，盡情食。位處於旺角的這間雞煲店，不但地理上十分方便相約朋友聚會，而且食物質素不錯，加上坐得舒適，不妨和朋友輕輕鬆鬆去大飲大食。先可以自選調味料，再先選雞煲或者鴨煲。我們揀了雞煲，因為想食辣。我們揀了中辣，煲的時候已經嗅到辣的香味，令人流晒口水。雞煲的辣汁十分傑，沾在雞上，每一口都吃到濃濃的麻辣香味。加上雞肉用料不錯，啖啖肉，十分滋味吃完雞煲後，可以轉打邊爐，我們選了鴛鴦湯底，分別是藥膳煱和蕃茄薯仔濃湯。蕃茄湯底酸酸甜甜，十分開胃。藥膳湯底有中藥味，食了加速血液循環 (全身發熱)。火鍋料分成自助區任食和菜單任點。下面那些都可以在自助區任拎。基本火鍋食材應有盡有，各式丸類，生根芝士腸等等，都是我最愛。當然不少得炸魚和響鈴，每次我打邊爐都一定要食。吃完雞煲還想繼續食肉的食肉獸朋友，可以在菜單點各款肉類。我們點了肥牛和鴨腿肉等。用料都不錯。肥牛片真心正，可以叫多幾碟Encore還有脆肉鯇魚片，九肚魚和豬大腸，從圖中可以看到鯇魚十分新鮮，喜歡吃魚的朋友絕對要點。菜亦係可以响自助區任拎，好新鮮好爽口!考慮到價錢這麼超值，食物質素又不差，我建議大家不妨一試這間雞

「二鍋頭」位於旺角西洋菜南街福苑2樓，地理位置及交通都非常方便。餐廳主打2.5小時任飲任食雞煲火鍋，晚上9:30pm前入座每位$188，9:30pm後入座則為$168，冬天凍冰冰就最啱一大班朋友食雞煲打邊爐啦！座位以大卡座為主，保證客人坐得舒適首先係熱辣辣嘅雞煲，辣度可以隨意任君選擇，我就揀左最低嘅少少辣～雞件啖啖肉，雞胸、雞髀、雞翼樣樣齊，都幾入味，吸收晒醬汁嘅精華，好惹味，辣度並不高，唔食得辣嘅人都可以接受食完雞煲就可以開始打邊爐啦！多款精美湯底可供選擇，揀咗個比較清熱下火嘅芫荽皮蛋湯。鍋裡有唔少芫荽，都幾足料火鍋配料紙的選擇都幾豐富，也有額外收費的升級食品餐廳另一邊廂仲有火鍋自助區，炸魚皮及響鈴無限供應，仲有兩大個雪櫃放了多款食物配料及蔬菜，總有一款啱食活海蜆都幾新鮮，鮮甜！鮮蝦雲吞同鳳城水餃大大粒，蝦肉及豬肉比例均一，爽口彈牙，好好食呢！美國肥牛果然好肥美，牛肉味香濃～多款冰凍飲品及雪糕雪條都係自助仼取，一定夠你飲飽食醉

好耐冇見過啲朋友仔，於是大家約出嚟，打下邊爐  烚下烚下，吹吹水。揀咗大家居住地點嘅中間點旺角，餐廳位置方便， 地鐵行幾分鐘就到。餐廳食雞煲火鍋，新開張冇耐，環境唔錯，朋友話坐得唔迫，幾舒服。任食任點都係188元，價錢抵。我哋揀咗惹味雞煲，我鍾意佢唔會過鹹，微辣啱啱好。雞肉都好嫩滑，火鍋就揀咗藥膳，因為我哋三個閨蜜都係健康之人。豐富配料選擇任叫，我最喜歡白 鱔白鱔 味道肥美 。喜歡吃魚的我，亦點了不少鯇魚片，夠爽脆。最後每人一條紫米雪條，十分滿足。

逢去旺角食飯到處都人山人海想食得舒服又唔駛迫，就梗係要去樓上舖開餐，近排食得最多應該就係火鍋係咁天氣食最正，今次就去咗呢間火鍋店開飯當然係任飲任食而且價錢超值，呢度最吸引一定係佢招牌美食二頭鍋惹味雞煲外，仲有另一款火焰鴛鴦鴨煲，同平時食開只得雞煲又多咗一款美食選擇確係唔錯，重點係可以重復任食呢兩款，食到滿足為止先至食火鍋，我地都先點番個雞煲食住先邊炒邊食味道特別香濃，入口肉質香嫩相當惹味，真係越食越滋味，好多人都會同我地一樣再來一round 先至食得滿足再飲啖酒最正，至於火焰鴨煲睇見隔離枱食得相當開心，我都想食不過好友話驚食唔晒留番下次再來品嚐，一個人真係食唔到咁多冇辦法啦，輪到火鍋先係餐紙點到心水配料之餘，又可以係自助區再覓食其他火鍋料至於湯底有八款口味供應，先放丸同餃子再放不同嘅肉慢慢品嚐一番，美國肥牛就必定要吃入口肥美多汁再食下帆立貝、豬大腸、鳳城水餃同沙爆豬皮牛柏葉吸收湯汁精華特別入味最後食埋甜品已經好滿足嘅一餐火鍋。

今晚約咗朋友食飯，佢哋揀咗呢度食雞煲同埋打邊爐！一開始先食雞煲，食完一round可以再添!個雞煲好香，小小辣，幾惹味！飲品櫃有好多選擇，我揀咗支滋潤嘅飲品。之後就開始打邊爐，我哋揀咗藥膳湯底。個湯底煮起有好香嘅藥材味打邊爐嘅材料可以係點菜紙上面剔，出面亦有一個食物櫃可以攞食物，食物嘅選擇都唔少㗎。朋友鍾意食魚，叫咗幾款魚類。白鱔片幾好味，好肥美！喺出面攞嘅蔬菜有萵筍同埋淮山，唔係好多地方有得食仲有炸魚皮、響鈴、出前一丁呢啲打邊爐必備嘅食物食到九成飽就要食吓甜品韓國雪條好味道，食完兩條飽晒

同朋友喺旺中行完街，又係時候諗晚餐食乜。由於我地都極度肚餓，所以決定過對面食雞煲+火鍋任食！🐓二鍋頭惹味雞煲🍗雞煲的質素令人喜出望外，非常之惹味，雞肉亦嫩滑可口，大讚！🔥川椒麻辣鍋🌶🍲食完雞煲就轉鍋打邊爐，店員知道我同朋友食得好辣，特別為我們而製一個加辣版🌶🌶🌶🌶🌶🌶🌶太貼心了❤️除咗幾款額外收費食品之外，大部份火鍋配料都係免費任食的，選擇包羅萬有。自助區仲有多款食物同蔬菜，每樣試少少都包你飽到行唔郁！飲品也是任飲的。夜晚9:30前入座，每位只係$188，有加一服務費，但仍然算相當抵食，性價比極高呀！

二鍋頭係近期旺角一間相當受好評既雞煲火鍋，好奇之下一於去試一試。早一日預訂佐位，一去到就可以入座。舖面好光猛，環境整潔，仲坐得相當舒服，令人有好感。講返食物先，同好多坊間食店一樣係先食雞煲後打邊爐，店員送上雞煲後會係顧客面前炒香。雞煲分大中小辣，加入大量乾葱同京葱，香味十足，麻辣味反而少啲，但濃淡適中，屬於大眾化口味。食完雞煲會換湯底打邊爐，有多種選擇包括豬骨、蕃茄薯仔、沙嗲等等，蕃茄薯仔湯由蕃茄薯仔西芹茄膏混合而成，相當濃郁。火鍋配料有超過五十種，除佐大路既肥牛、豬、雞、各式丸類同菜之外，白鱔片驚喜之選，仲有超大隻既帆立貝。飲品方面就正正常常，主要係汽水同韓式飲品。值得一讚係店員有禮殷勤，入舖頭坐低後好快送上味架、幫你落單，中間會主動幫你收碟加湯，間唔中會教你淥下嘢野食，食物味道唔錯之餘亦食得好舒服。

依幾日有點冷，當然要打邊爐啦！一家四口去在旺角新開張二鍋頭試任食火鍋🔥。首先當然食雞煲和鴨煲熱下身先。兩款都好好味，尤其鴨煲一般少有。熱完身緊要開始正餐打邊爐，款式多蘿蘿，目不暇給，選擇困難的我經介紹推薦食豬大腸，果然好味兼冇肥膏，真係食多多都唔肥嫁。另外加了海鮮拼盤，樣靚又新鮮，認真色香味俱全。另外一讚係提供250升樽裝飲品，可以試吓多D種類又唔怕飲得太飽食唔到嘢。最後食品種類多，店員招呼好，值得一嚟再嚟😃

是日工作忙碌左一日都無啖溫飽落肚，所以決定搵餐任食嘅滿足下個肚皮。🤪今次嚟到旺角樓上火鍋店二鍋頭，行完幾層樓梯上到去，已經見到店員好熱情打開門招待。我哋一行兩個人店員都安排左卡位，位置相當闊落，另外餐廳嘅抽氣都做得好好，坐低都唔會聞到好大浸雞煲味。呢度除咗🐔雞煲之外仲可以選擇🐥鴨煲，不過本人唔太好鴨，好怕佢陣味，所以都係穩陣啲叫番雞煲啦。小辣真係唔辣，如果好似我咁食得小小辣嘅建議都可以嗌返中辣以上。呢度嘅雞煲比較乾身唔會好多汁，好處係無咁油膩，壞處就真係有少少乾，不過好夠鑊氣首輪雞煲唔算好多雞，彈性啲想再食可以嗌多round，想主打打邊爐嘅亦唔會食完雞就好撐，可以多啲選擇。打邊爐嘅湯底都有啲特別，今次就叫左比較清甜嘅藥膳湯底，配肉同菜都適合。打邊爐嘅配料選擇十分之多，除咗有點單紙上面嘅肉類，另外店舖嘅另一面都擺滿左丸類、菜、仲有韓式年糕同餃等等可以自助夾，咁樣肉未到都可以食野食住先😜依家好少任食邊爐有豬頸肉同白鱔，瘋狂點左好多round🤪🤪🤪必點嘅配料有鯇魚片、炸魚皮、帆立貝等，食材新鮮無腥味！而炸魚皮相當脆，鹽份唔高，好食！唔經唔覺都食左3、4round🙈🙈🙈韓式泡菜餃用黎打邊爐原來

天氣開始變凍,又喺時候打邊爐,雞煲x任食火鍋周圍都有,佢又有咩咁特別??湯底夠特別,我地要佐藥膳湯底,有D酒味,打邊爐之前飲口湯,好特別!另外,有好多海鮮,有魚,又蜆,有蝦,有鱔。。。白鱔片幾厚肉,蜆無沙又新鮮!多選擇,除佐點食材有~30款,外面仲有凍櫃任選! 最愛出前一丁同炸魚皮!

💁🏻‍♀️ 二鍋頭 (旺角) 🍴-天氣轉冷，最岩打邊爐🍲食開雞煲嫌悶想有啲新意，不妨試吓呢到嘅鴨煲+任食火鍋。任食二鍋頭惹味鴨煲+火鍋（平日，$168 加一）個鴨煲一上枱我地即刻俾個份量嚇親，因為真係幾大份！！估唔到材料絕不馬虎，有好多花椒八角同莞茜等香料，加熱時會有侍應幫我地點火，睇得出好夠鑊氣！食果時鴨肉佈滿醬汁，但唔會太重口味，食到勁滿足！食完鴨煲之後，侍應即刻幫我地換上火鍋，服務一流！今次揀左個邪惡沙嗲湯底😆😆好彩湯底唔會太鹹，食落罪疚感都低啲。火鍋配料個人推薦：🐖美國黑豚肉 - 肉質鮮嫩，油脂分布平均🦑墨魚滑 - 爽口彈牙，鮮味十足🐂美國肥牛 - 真係幾肥，好重牛味總結，呢到火鍋配料同野飲任嗌任飲，地方闊落，cp值高，十分抵食，真係窮人恩物！/📍 二鍋頭 (旺角)#旺角 西洋菜南街138號福苑2樓#小丸子搵食記 #小丸子旺角-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodstagram #hkfoodporn #樓

冬天黎到又係食雞煲既時候。自問港九新界比較出名既雞煲火鍋都有試過，以為有水準既食店都發掘得七七八八，點知今日係旺角又試到間相當不錯既雞煲。二鍋頭近旺角站B出口，係南記上層，雖然唔算大間，但係環境乾淨企理，而且坐得相當舒服。坐低之後店員好快手送上味架同豉油，豉油配料同坊間其他雞煲火鍋店大同小異，唯一唔同係店家提供一樽類似魚乾既配料，加落豉油可以增加香味。火鍋食法都係先食雞煲，後打邊爐，店員誠意推介佢地既鴛鴦鴨煲，不過我掛住雞煲多啲，唯有下次再試。嗌佐個小小辣雞煲，雞件同京葱、乾葱同花椒等配料一齊炒，香味濃郁，上檯個時店員會係你面前炒香。由於本人大食關係，二人份量既雞好快就食哂，正諗住換湯底打邊爐之際，老闆竟然問我要唔要多份雞，抵讚。食完雞煲就到打邊爐，我地嗌佐個蕃茄薯仔湯底。湯底夠足料，不過茄膏落得有啲多，個人覺得個陣酸味過濃。粗略估計有超過五十款配料可以揀，肉類同海鮮要入紙另上，菜類丸類就可以去自助區拎。重點推介有：白鱔片、肥牛、豬頸肉、海蝦、帆立貝、墨魚滑等，其他配料都唔差。飲品方面都有好多選擇，包括汽水、韓國飲品，仲有幾款鴻福堂既健康飲品，啱哂鐘意健康既女士。值得一讚係店員服務態度

試新野，雞煲火鍋，唔使等位，雞好味，打邊爐會換另一個鍋，唔使搞到有雞煲味，海鮮新鮮，全部野任食仼飲，湯底即煮，不過上菜有啲慢，係大件夾抵食，海鮮必食，侍應服務態度好好，價錢合理，會再次幫襯

行過路過 , 就在旺角中心對面 發現到這間任飲任食雞煲火鍋店 "二鍋頭" , 於是就上去 , 一嚐究竟 ~Menu & 點單紙 ~原來一個價錢，可以有三種享受 , 食齊雞煲、鴨煲、打邊爐，還要是任點任吃 , 真是平靚正！雞煲 : 香氣撲鼻 , 雞煲夠足料，可選擇自己喜歡的辣度 , 筆者所選擇的是中辣 , 味道是三分麻七分辣 , 雞肉入味嫩滑 , 香口惹味又不會搶喉 , 感覺不會太燥熱 ~鴨肉煲 : 鴨肉煲原煲端來 , 然後侍應生即席灑酒 , 再用火槍然起火焰 , 成為火焰鴨肉煲 ; 鴨肉煮得鹹香入味又軟嫩 , 既鹹香又帶點微辛 , 酒香滿溢 , 香濃惹味 ~雞煲、鴨煲都是任點任吃的 , 吃完更可以選擇打邊爐 , 火鍋配料可在點單子上選擇有一些火鍋配料 , 罐裝飲料 就在外邊的雪櫃內，可以自行去拿取 ~ 罐裝飲品有很多選擇 , 絕對有驚喜 ~火鍋 : 鍋底 , 筆者選擇了 "滋補藥膳鍋" 味道清香帶有少少藥材味 , 但不會過濃 ~打邊爐嘛 .... 肥牛、豬潤、各式丸類、墨魚滑、雲吞 , 鮮蝦、蜆 , 當然都是必點的食物 ; 全都是任點任吃 , 而且質素都不俗 ~必須一提，要珍惜食物，