二鍋頭 (福苑)

营业中

休息中

喺旺角$200樓下竟然可以食到任食雞煲加打邊爐簡直係城內嘅神話！而且色香味俱全絕對係超值餐廳分兩部份環境 非常寬敞舒適有大枱亦都有卡位 仲有獨立房 私隱度十足而且餐廳設有大型幕播放電影 咁樣打邊爐先至爽醬料架配料齊備 乾淨企理雞煲可以自選辣度 而且係任食㗎淨係食個雞煲其實都已經值回票價雞肉非常鮮嫩可口 辣香十足 非常惹味食完雞煲就可以打邊爐 火鍋配料非常多選擇無論係肉類同埋海鮮定丸類蔬菜都非常充足而湯底就揀咗芫荽皮蛋 清清地啱晒依家嘅天氣豬頸肉非常鮮嫩 啲肥牛亦都好鬆化^_^肥膏同埋肉比例完美 點上沙茶醬食非常滋味飲品全部都係清潤之選 非常有心思而且仲有韓國知名雪條任食

我本身就好少喺旺角食飯，因為我覺得特別多人。而且係我印象裡面，酒樓火鍋店都好迫而且唔係話特別乾淨，我就怕怕。今日試去『二鍋頭』主要原因係見到仲新新地，再加上有IG foodie介紹就去下喇。咦！個位置又幾好噃，係正旺中對面，真係冇方向感既人都一定揾到。未夠7點去到，人唔多。望下個環境得咁少枱既？原來唔係，入面仲有個大包廂，好適合一大班朋友（我估可坐約16人）一齊圍威喂烚下烚下。穿過中間條隧道仔，就轉咗去另一邊場，冇放CCTVB㗎，大家放心。而呢邊呢個場仲有兩個大櫃俾大家夾下蔬菜烏冬咁既。喺時候望下餐牌，有雞有鴨煲任君選擇。我更係要鴨，我係女人唔要鴨唔通要雞個鴨煲真係香噴噴，好有酒香味。雖然係任食，但食唔到既人真係唔好貪心，要多ROUND。再望下可以叫咩食先，我覺得都算幾多選擇。只少屬海鮮類既都叫多過大鴻輝18樓嗰間真係多多聲。而且上到黎嘅時候個湯底都真係好有藥材味，我覺得佢呢個收費完全對得住。場內兩個飲品櫃同埋一個雪條櫃，其中一個呢就放滿左啲蘆薈飲品啦，啤酒同埋鴻福堂嘅樽裝嘢飲。你一個雪櫃呢就放咗韓國好好食嗰隻雪條，有榴槤味芒果味同蜜瓜味。

寒風到的季節，本身極度怕凍的我，十幾度都已經覺得好凍，腦袋無時無刻都想打邊爐！這晚脅持了媽咪去旺角的二鍋頭，任飲任食雞煲火鍋，2.5小時任食，都只是$188+1，重點是食物種類都不少！我們坐卡位，都幾舒服！原來除了雞煲，還有鴨煲可以揀，因為比較少有，我們選了鴨煲，大中bb辣任君選擇，我們選了bb辣！來到之後店員會加酒再炒，大約有半隻鴨的份量，香噴噴！鴨肉都好嫩滑，還有枝竹，惹味的醬汁，食完身好暖！之後就選湯底，有8款，我選了滋補藥膳鍋，藥材味道不會太過濃烈，清清地不會油膩！飲品自助區有好多選擇，有果汁、汽水、啤酒，還有涼茶！自行混醬任食火鍋配料有好多款，較特別的有黃沙豬膶、白鱔片、雞公子等等！媽咪好喜歡鮮滑牛肉，好嫩滑又有口感，我就喜歡白鱔片，好肥美的鱔肉！還有蜆，都好鮮甜！出面還有自助區，有響鈴、炸魚皮，好多丸類，還有蔬菜！我哋兩個都食到好飽！

*今日eatmug9 #71天氣咁凍唔打邊爐仲要等幾時今次嚟試試依間開業冇耐嘅雞煲邊爐先睇睇價錢最實際兩舊水左右就有得任食雞煲或鴨煲再加埋打邊爐 抵玩喇樓面好闊落 唔會迫到密密麻麻仲要有個自助區 同埋有個大Mon一路食一路睇戲而且地方又好乾淨企理唔會搞到成場都好油膩重點係員工都好有禮貌同caring 食得非常舒服先講講雞煲份量啱啱好 唔夠可添食味道唔濃 如果可以多啲香料就好再到火鍋材料都算多款式都有20至30款上菜速度快 材料質素都唔差粒scallop 有成個拳頭咁大😂肥牛食落好綿唔難咬當中推介炸魚皮同鳳城水餃魚皮擺好耐都卜卜脆水餃夠足料 食落啖啖蝦肉

同男朋友行完旺角中心，準備食夜晚🙆🏻‍♀️🙆🏻‍♀️見天氣轉涼左咁多，想食啲熱辣辣嘅嘢，就去咗旺角中心對面嘅一間任食火鍋啦🙆🏻‍♀️🙆🏻‍♀️雖然要行三層樓梯先上到去😂😂😂不過唔緊要啦為咗食我哋真係咩都做得出😂😂當減定肥先🧐🧐入到去坐低位置都幾闊落，佢有得先任食雞煲，再食打邊爐，我哋就叫咗一個原味雞煲先試吓佢咩料！等待期間都周圍望吓飲品部，飲品種類唔算好多，但係都足夠！等到雞煲上嚟啦😍😍我哋叫咗BB辣，一上到黎職員都即刻幫我地炒雞煲😎😎好香食落呢啲雞都好滑！佢比平時雞煲唔同嘅係，佢除咗有唔同部位嘅雞，仲有雞柳放咗入去，啱晒唔鍾意倫骨嘅朋友😂😂食完一個雞煲我哋都想打邊爐啦！就揀咗藥膳湯底🙆🏻‍♀️呢度好嘅地方就係有雞煲轉打邊爐佢哋係會成個煲轉，唔會用返雞煲嗰個煲！咁就唔會好肥膩👍🏻👍🏻藥膳湯到啦🙆🏻‍♀️🙆🏻‍♀️🙆🏻‍♀️感覺唔錯，飲落都有龍龍嘅人參👍🏻佢可以叫嘅食物種類都幾多，亦都有自助拎嘢食嘅部份，種類都好足夠👍🏻值得一提嘅係佢嘅魚類真係好新鮮，真係好爽脆，而且大大份一啲都唔孤寒🤤🤤🤤總括而言喺旺角咁平嘅價錢食到任食雞煲加打邊爐真係算係咁！

天氣呢排開始凍咗喇 ,又係打邊爐嘅時候啦!任食雞煲加打邊爐好多地方都有,呢間特別多野食,好多海鮮!湯底都好特別我哋嗌咗有個藥膳嘅湯底有啲酒味嘅 !我最鍾意白膳片,脆鯇魚片,魚腩 。另外又有九肚魚,帆立貝,海蜆,墨魚 蝦等等!海鮮唔錯都幾新鮮㗎 !美國肥牛鮮滑牛肉 都好新鮮!除咗點送之外,出面仲可以拎好多好嘢食 丸類菜類,呢啲不在話下 ,自己最鍾意打邊爐打芋頭 ,佢嘅炸芋頭係好粉㗎 !仲有炸魚皮同埋響鈴 ,都係新鮮脆卜卜 !!仲有好正嘅出前一丁 ,打完食個面係常識吧 !

令人流口水兼夾回味尤如自主可任飲任食輕鬆般享受讓你在2.5小時內盡情暢盡吃喝新開小店「二鍋頭」主打招牌雞煲和火鍋邊爐吸納大眾化，環境具開揚一站式招呼與三五知己共進於一爐亦各有地道風味望落平均揀選食物款式五花八門，份量比例新鮮度相當唔錯，陳列自助區食品清晰一覽無遺，拌勻惹味自選醬料一併奉上就讓豐富一絕的滋味指數一浪接一浪推進相對澎湃氛圍一分價錢一分貨以一個價格停不了嚐鮮追加(美國肥牛/豬頸肉/黄沙豬膶/鮮滑雞件/煙鴨胸-帆立貝/水土魷/白鱔片/魚皮...等)光鮮色澤紅潤自家製主打或是冰櫃當中也一目了然，口感層層提升滋趣度，每分鐘既兑現足足能掌握侵佔你的胃內範圍

☃️❄️呢兩日凍到震騰騰 ❄️🥶🔥最好緊係約埋班死黨出去🍲打邊爐🔥暖下胃啦😋比我發現呢間位於鬧市旺角中心對面既「二鍋頭」🍲岩晒反工反到肚餓既你🤩一百幾蚊🤑就有個雞煲加火鍋任食😍🤩🤩🤩樓梯上兩層就到🚪入到去見到樓底高d 位都好有空間坐得舒適👍🏻🎊首先出場佢個雞煲完全同雞煲界巨頭一品有得揮😌真係估佢吾到 仲有得免費加雞🐓食完頭盤雞煲 就到主菜火鍋🍲湯底一共有8個選擇 而我今次就揀左好補既藥膳湯底😌🐄肥牛一到 比個👍🏻佢 吾係平時食個d 又薄又梅既爛牛係真係分怖得幾靚既肥牛(有圖） 肥牛呀海鮮呀都係任食不過係寫order 紙形式 而蔬菜類同飲品就自助區拎(記得拎埋雪條🍧食先走呀)

踏入秋冬的季節逐漸感到寒意，又到了跟朋友一起去吃火鍋的日子，剛好走到旺角見到樓上鋪二鍋頭，成為是日的晚餐選擇了。這裏是約兩小時任食雞煲或鴨煲，然後加上湯底，進行任食的打邊爐環節，這裏也有很多調味醬汁選擇。一開始我們點了鴨煲，因為是比較少見的，平常也只吃雞煲多了，沒想到鴨煲也很吸引，鴨肉沾滿醬汁很惹味，鴨肉份量也足夠的。之後把鴨煲吃完後，加入湯底打邊爐，這裏有多種湯底選擇，這次我點了豬骨湯底，湯底很足料有兩大件豬骨的，除了落單紙可揀選肉類、海鮮類的食物，還有自助區，有各式各樣的丸子類、青菜等、飲品等等。我一次過點了很多食物，肉類也有很多選擇，我各自點了美國肥牛、鮮雞片、羊肉片，比較喜歡吃這裡的羊肉片，不會有羊羶味的。更加推薦海鮮類吃別，的點了青口、帆立貝、雲吞、蝦滑，特吃別喜愛吃他們的蝦滑，口感很彈牙還不錯的。總結，如果想跟朋友吃鴨煲，以及吃火鍋的話，這裡也是不錯的選擇，有很多食物的種類呢。

今天又是一週最難過的星期一，但卻迎來一個重大好消息，下班當然要稿賞自己一下，除了慰勞今天的辛勤工作，更加要慶賀一番。我跟朋友相約在旺角，方便回家，本來是打算去酒吧餐廳的，但去到後發覺天氣開始轉涼，還是來個熱辣辣的火鍋比較應景，最後去了家叫二鍋頭的雞煲火鍋店，是任食火鍋。餐廳位於旺中對面，相當易找，環境闊落，進去後發覺客人不少，看來與我一同想法的香港人還真不少。原來這邊食法比平常的雞煲火鍋有點兒不一樣，一般吃完雞煲就會直接在煲裡加湯打邊爐，但這邊卻是換另一個煲火鍋；除了雞煲，也可以選擇鴨煲，當然我自己比較偏好雞煲。雞煲是即場現炒上枱的，材料豐富，味道濃郁，雞肉也不會太硬，不錯。吃完雞煲後，我們不慌不忙才點火鍋料，選擇没有很多，但基本應該有的都有，最後我們點了肥牛、豬肉、蝦滑、牛柏葉、鵝腸、墨魚、帶子等；點單紙只有肉類可供選擇，蔬菜或麵就要走到餐廳中間自己要多少拿多少。材料没有等多久，很快就上枱，食材還算新鮮，我們點了沙嗲湯底，第一輪當然先將蔬菜放進鍋內，先吃蔬菜幫助消化，然後才到肉類，油麥菜及小白菜都鮮甜十足，肥牛及黑毛豬更不用說，肥瘦適中；當中，我最愛是鵝腸及帶子，味道可口。總括來說，

前幾日考完試，所以就決定同另一位朋友去打邊爐慶祝，但朋友就話想食雞煲，於是我哋就揀咗呢間又有邊爐又有雞煲食嘅餐廳啦一開始我哋先食咗一個小辣嘅雞煲，呢個雞煲既小辣好啱香港人口味，唔算好辣所以可以食好多😍😍店員仲會好細心咁係咁問我地夠唔夠雞，唔夠就可以再幫我地加🥰🥰但我地得兩個人，所以食唔到咁多野，所以食完一轉雞煲就即刻打邊爐啦我哋揀咗冬陰公湯底，湯底好濃郁，而且完全落足料，酸酸辣辣咁超開胃！！而且餐廳嘅飲品款式都好多，仲有任飲嘅啤酒，啱晒愛酒之人除咗寫紙之外，出面仲有好多唔同既野食比我地拎，而我最中意既就係佢既響鈴，索曬啲汁超正！！

今日勞動左成日，真係要食勁多野先補得番。即刻同表妹揾間任飲任食打下邊爐先得！去到旺角，見到派傳單，話火鍋雞煲就去試下，又唔算太貴！一開始食左雞煲先，一上菜都好香好有鑊氣，我地揀左小辣。份量剛好又唔太多整到飽哂！我地揀左豬骨湯底，清清地無油林林。佢啲肥牛都可以，一定唔係啲得膏無肉，海蝦都新鮮，無死蝦。啲蜆又無沙，都新鮮。本人最鍾意食善片，好肥美加啖啖肉呀！雖然人多，但無漏單，上菜都好足，起碼唔會話無哩樣個樣！價錢二百蚊，好合理，食物值回票價！

又到左最適合打邊爐嘅季節，原來喺旺角新之城對面開咗一間新嘅火鍋店叫做二鍋頭，二鍋頭係做任食火鍋，首先就食咗雞煲先，跟住再揀一個湯底打邊爐雞煲我哋揀咗小辣，醬汁好惹味，雞件啖啖肉同好新鮮，唔會有雪味食完雞煲就可以開始打邊爐，我哋就揀咗個藥膳鍋，火鍋配料係或紙仔點或者出去自助食物區度自己拎自助區嘅火鍋配料全部用雪櫃雪住，乾淨衛生，選擇都好多二鍋頭嘅火鍋配料都有好多海鮮可以選擇，有蜆，有蝦，青口，魚等等飲品都係任飲，可以自己出去拎整體嘅食材質素都幾高，而且價錢都唔算貴，喺旺角打邊爐多個選擇

平日約班 friend 食飯，又要就這個返工，又要就那個方便回家，食飯地點真的很傷腦筋。如果在九龍區的話，我通常都選旺角，貪佢實在夠方便。今次剛剛找到一間新開張的任食火煱，正正在旺角中心對面，而且可以食足兩個半鐘，所以決定試試。原來這裡是先吃一個雞或鴨煲，然後再轉煱去打邊爐的。我今次就試了個小見d的鴨煲先~鴨都炆得夠林及入味，配料也不錯。打卡位是會有噴火表演，詳情自己試吓吧之後轉了冬陰功湯底，火煱材料大概都是那些，沒有太大驚喜，飲品尚算多款，以每人不用兩舊水來說算不錯選擇。還有，揾朋友吹水最緊要就腳，長時間之外，仲有最好坐得舒服。這也真的值得一讚 ! 大大個卡位，坐得舒服又唔逼。下次約人平平地打個邊櫃吹吓水可以考慮吓P.S. 不是打手，不喜勿插

今日開始轉涼所以就想去食火鍋放題網上呢到這間是新的，而且不貴（不用$200位）就試下.首先位置超方便，exactly 在旺中對面，地鐵行過去不用5分鐘.而且是兩食，即雞煲+特色火鍋湯底（不是加湯，而是真的換湯底！）.雞煲煮得出色，好香，肉質保持到嫩滑.有8類湯底的，我就選了懷舊沙嗲湯底真的是懷舊的味道不是日式甜甜的，而是帶點苦澀甘香的港式！.火鍋配料有很多，肥牛、帆立貝、海鮮等等都有！當然飲品都是任飲！.最重要是坐得好舒服，不會似其他放題店的逼，食足2.5小時正！