二鍋頭 (福苑)

营业中

休息中

二鍋頭行過旺角中心，見到對面開咗間新野，仲要係$188/人 任飲任食雞煲同邊爐，即刻上去試一試佢。首先嚟咗個鴨煲，喺出面好少食到鴨煲，呢次係第一次聽到有鴨煲，佢個鴨都係由油鴨同鮮鴨件混合埋一齊， 好嘢味，配買碗白飯就岩岩好，有得揀唔同嘅辣度，仲有得無限refill，食到夠為止先開始打邊爐🤤🤤🤤 打邊爐最緊要咩？最緊要唔好食到成身油煙味返屋企！好彩呢間鋪頭樓底高、座位闊落同埋空氣夠流通！返番正題，今次揀咗個藥膳火鍋湯底，可以補補身，有唔同嘅海鮮，包括蝦、帶子、青口、蜆，除咗海鮮仲有羊肉、豬肉、牛肉唔同嘅部位都可以揀，實有一款啱你嘅仲有個凍櫃，入面有唔同嘅丸可以揀，仲有啲蔬菜同埋瓜類，當然仲有響鈴同脆魚皮😍😍食完邊路爐辣辣，可以喺雪櫃拎嘢飲、雪糕同雪條，呢個價錢都算係咁。地址：二鍋頭 (旺角)旺角西洋菜南街138號福苑2樓

麻辣雞煲非常好味，還可以添食。換火鍋湯頭很濃郁，豬骨湯有大桶骨。火鍋食材新鮮，羊肉比較羶。菜、丸選擇多。最差是雪糕，雀巢雪糕差勁，只有兩種味芒果和雲哩拿，芒果沒有芒果味，沒有朱古力味。如果換别的品牌雪糕更好。這裡座位闊落，樓底高，很好坐，沒有壓迫的感覺。燈光柔和，適合朋友間聊天相聚。服務員態度優良，有笑容，亦客氣，招呼良好。我們有不良於行的長者，離開時還主動帶我們去搭升降機。這大廈的商店設計很差，沒升降機，要爬樓梯上落。兩個半小時任食買單－位才＄203，非常抵食，會再去幫襯。

「二鍋頭」嘅2.5小時任食包晒雞煲/鴨煲➕打邊爐🙌🏻⚠️真係超抵⚠️性價比十分高‼️👉🏻有別於一般嘅食雞煲、打邊爐👈🏻餐廳會上左個雞煲先🐔 食完雞煲之後, 再成個煲拎走換上全新嘅打邊爐湯底♨️ 而唔係直接加湯落雞煲, 無咁油☺️☺️☺️-🐔二鍋頭惹味雞煲雞煲上枱後店員再即場炒下, 我地叫左少少辣都已經好惹味🌶加上雞夠滑, 份量仲好足, 食極都有😂-♨️打邊爐湯底有多款選擇, 有濃味亦有淡味健康嘅, 總有一款岩你💁🏻‍♀️我地就揀左滋補藥膳鍋, 無論涮肉涮菜都好岩~~🥢任食有▫️牛▫️豬▫️雞▫️魚▫️海鮮▫️餃類▫️墨魚滑▫️蝦滑▫️🔸自助區就有▫️菜類▫️丸類▫️公仔麵▫️🍻飲品方面亦係自助, 有汽水▫️涼茶▫️鴻福堂清熱飲品, 連指定啤酒都係任飲!🍦最後記住食埋雪糕雪條, 芝麻同紫米雪條都超好味!-

呢排可能因為天氣凍，就去打邊爐打得密左。呢次我收工就同同事落左旺角打邊爐，而呢間個位置都好近旺角站，旺角中心對面。聽聞呢間好似有鴨煲食，於是聞名不如見面，親自黎食下睇下得唔得先。係未揀湯底嘅時候，我地就揀要食雞煲定係鴨煲，咁緊係食鴨煲啦，因為唔係好多間鋪有鴨煲比你食，最多都係雞煲，所以呢間都算幾特別。食鴨煲佢係差唔多煮滾後，店員就係即刻點火，原來啲鴨有落到花雕酒，所以點火先至咁猛，好有視覺效果。食完鴨煲就揀得湯底，我地揀左個豬骨煲湯底，呢間湯底都幾足料。而火鍋食材除左係點心紙度點之外，仲可以係店內食材區度自己夾黎食，都好多野揀，有丸，餃子，蔬菜等等跟住啲海鮮類嘅野都好新鮮，好靚。呢間性價比都好高，又可以食得飽足，絕對有下次。

天氣一涼涼地，好多邊爐控都已經出動哂，我自己都已經連續第三晚打邊爐，無辦法，過年前都有唔少朋友相約食飯。網上揀左呢間好評頗多嘅(新)餐廳，位於旺角，好就腳，我地收工就可以直接過黎。雖然係新開張，但由於價錢唔貴，食物照片睇落都ok，所以二鍋頭晚市都幾full，特別如果係繁忙時間，一定要訂枱穩陣。呢度上手都係火鍋店，裝潢上都有改動過，起碼眼見就闊落左好多，兩邊卡位，中間係二人枱，鐘意佢地人少都一樣會安排卡位，其實相當闊落呢輪都鐘意食啲200蚊樓下嘅任食火鍋，性價比高。呢間食物選擇都多，環境唔錯，招呼都ok。價錢方面9點半前入座每位收費$188，9點半後$168，任食任飲2個半鐘。包括雞煲/鴨煲任食、火鍋湯底8款、配料超過30款同多款蔬菜、丸類、麵食。鐘意食海鮮可以升級呢個餐，睇落都幾吸引，有龍蝦。醬油三張點餐紙，先食雞煲或鴨煲，之後轉湯底打邊爐。我地揀左惹味雞煲，第一次食點小辣。好快雞煲就上枱喇，望落都唔錯，伴芫茜、洋蔥，見到少量花椒。店員會幫我地邱翻炒，轉左細火之後就可以食得。雞件都幾入味，唔算話好肥好多肉，小辣比較溫和，鐘意食辣可以點中辣以上。雞件仲可以一路任食，幾有誠意自選火鍋湯底有

最近去左呢間新開嘅二鍋頭打邊爐🍲，佢係一個價錢，任食火鍋，仲要好平，9:30pm都只係$188，好似好耐冇見過咁平嘅價錢最抵嘅係，打邊爐爐前會有一個雞煲或者鴨煲，我哋就揀咗雞煲，小小辣，唔算太辣，不過麻味夠，我哋兩個人，每人都食到十舊八舊雞食完雞煲，佢就會上令一個全新嘅湯底俾你打邊爐，都有8個選擇，我地就揀左滋補藥膳鍋，湯底比較清，不過出邊啲配料係自助任取，所以我地攞咗好多粟米，煲甜個湯底，另外仲有d食物係寫紙叫嘅，每次限叫10款，不過都係任叫架仲有飲品，雪糕同雪條，都係任攞，好抵呀

年近歲晚，與同事一起去打邊爐，上網搵到二鍋頭，新開又近旺角，可以食完去行下街。一行兩人，放完工後，直去餐廳，因為佢在旺角中心對面，十分方便。事前都book左位，上到去都係前點大右，好早。不過已經有唔少台開始咗。都幾旺下。我哋擇左鴨煲同豬骨湯底。個鴨煲是火焰鴨煲，侍應哥哥幫手炒一炒非常惹味兼惹火，好香酒味，鴨肉夠淋夠入味。個豬骨湯底相當足料，可以只食佢呢兩樣都值回票價。同飽晒。當我地已經飽左七成先岩岩開始，打邊爐有相當多啲餸可以選擇。肥牛黑毛豬同幾十款餸菜。任飲任食。值得贊佢嘅黑毛豬，非常出色，比肥牛仲要好，唔太肥，十分有肉味。濃郁鮮肉味，而又唔肥。因為個鴨煲已經十分飽，我地只係叫好少野。另外佢啲蛽相當新鮮，食得嘅話可以叫多啲沙白，可以變卜卜蛽煲。可以一試。

一心諗住搵間舒服的火鍋舖打個邊爐姐~所以見到呢間都幾平就去試~其實係旺角南記再上多層, 可能因為有D難搵, 所以見到佢個價錢都幾平($188/人)原本真係一心諗住打個邊爐, 點知佢係"先雞煲, 再邊爐"!!咁係照抵食!餐廳職員好用心解釋: 可以先揀左雞煲定鴨煲, 之後再揀湯底打邊爐, 再畫紙揀海鮮/肉, 菜就係隔離的凍櫃, 野飲/啤酒免費任拎!聽完已經覺得賺左!!!我們揀左雞煲,最低都係小小辣, 無唔辣; 食落惹味, 薑蔥蒜都多, 所以好夠味; 雞肉都唔少~邊爐揀左豬骨湯底, 裡面有兩嚿好大的豬骨同雞腳, 湯底好飲~海鮮/肉款都多野揀, 有好多少見的食材, 例如鵝腸, 沙爆豬皮等。菜櫃都裡面都好多野, 豆腐, 准山, 蘿蔔, 好多種丸, 菜都好多種!!海鮮好新鮮, 魷魚&鵝腸爽口, 蜆甜, 肉已經解凍好, 蝦滑都實的的~其實咁樣一路食一路飲啤酒真係好爽, 仲要有樽裝涼茶飲~

記得留肚先食呀。又有雞煲又有火鍋真係飽死。雞煲揀左少少辣嘅辣度，雞算滑好入口，少少嘅辣亦吊到味。有7個湯底選擇，其實算唔錯。最後選左豬骨鍋，呢個價錢唔係hea湯，兩舊大豬骨，真係算唔錯，所有野都ok，so far冇樣難食。菜櫃選擇我想食嘅都有係度。係飲品甜品選擇少左啲啲，一般都係氣水同鴻福堂飲品。雀巢雪糕，記得有芒果味。阿波羅雪條，記得有芝麻同紅豆味。兩個人食左$414，cp值真係算唔錯啦！已經夠食到好飽。

朋友話打邊爐，我就最怕攪到周身油煙味，我件外套仲要係新買不久。好彩這火鍋店有超高的樓底，超濶落的通道和超強力的冷氣，個心即刻放心晒。雞煲的份量及辛辣程度可按自己的口味和承受能力去選。雞件的份量比預期多，肉質亦頗為嫩滑。中辣也覺得有點兒辣左少少。對住個超大尺吋電視機，跟友人邊食邊吹邊睇劇，都咪話唔盞。串蝦肉質結實，仲有少少彈性，是我個人愛用來𨰹別海鮮是否新鮮的方法。帶子是我愛吃的，鐘意其肉諗，群邊則爽口，那種口感和鮮味，每次吃放題我一定會嗌。隔離有個大凍櫃，讓客人喜歡食乜就攞乜，自助模式放了很多貢丸、龍蝦丸、片頭角、芝士腸、枝竹、獅子狗...常見的食材都一應俱備。還有響鈴及炸魚皮都好搶手，特別是響玲，薄而脆。地方所限，飲品櫃及雪糕櫃都唔大，但還是能提供超過十款口味飲品及3款雪糕+雪條，都算係咁。最後當然係...「清倉」，全部食晒啦!

店舖新開，感覺都幾乾淨同寬敞😍😍店員安排左我地住窗口位，可以觀望到街景😍兩個人都係坐4人位舒服d👍🏿👍🏿雞煲有吾同既辣度，我地食吾到辣揀左小小辣真係吾辣，下次叫小辣試下，味重d!😛😛到打邊爐，我地揀左蕃茄薯仔湯底，都好夠味！D野食都幾好食～都算幾新鮮！👍🏿👍🏿餐廳有自助飲品、雪條同埋菜同丸區，都幾方便👍🏿👍🏿飲品、菜選擇多！雪條係韓國雪條，我食左榴連味👍🏿👍🏿店員服務態度好好，成日都會留意我地個火，多笑容👍🏿👍🏿有機會會再幫襯同推介比fd!！😍👍🏿👍🏿

第一次食雞煲，食完吾係直接上面加湯有幾款湯底可以揀，之後比個新煲夠哂誠意😍😍雞煲揀左小小辣，無咩辣味，我本身吾食得辣都好接受到！我地揀左蕃茄薯仔湯底，味道都幾濃👍🏿👍🏿D野食都幾新鮮，推介花支片、蝦,8爪魚仲有自助部分，菜好多選擇！好少見既西洋菜都有！👍🏿👍🏿👍🏿同加錢叫海鮮 價錢都算公道 $38 蟶子，蟶子都算大隻、新鮮～👍🏿👍🏿👍🏿好多野飲揀，近排打得邊爐多，飲返d涼野，都所選擇，好多鴻福堂，細細支，吾驚飲吾哂🤣

一星期打左4次邊爐，其中覺得呢間幾抵食，應該係新開冇耐，都係行過南記先留意到，位於福苑2樓，上手都火鍋，我地大概都知道格局，座位唔算好多，由於性價比幾高，已經有好多人知道，所以晚市都好full，如果唔訂枱，分分鐘食唔到，所以記得book位。卡位就當然闊落啲，但二人枱ok唔會逼嘅，另外有個架放配料。醬油價錢方面，平日9點半前188蚊位，已包括任食雞煲/鴨煲+自選火鍋湯底+超過80款配料+任飲汽水啤酒+任食雪糕/雪條，真係好抵食。自選湯底有香茜皮蛋/蕃茄薯仔/麻辣/沙嗲/豬骨/藥膳/冬蔭公/清湯豆腐鍋。部份配料係寫紙仔，例如肉類、海鮮、魚、雲吞水餃等；另外有好多蔬菜同丸類係自取區任拎麻辣鍋唔錯架，都夠辣度，就算中途加過湯，都一直好濃郁。美國肥牛唔會韌或者柴，任食來講收貨；我都幾鐘意鮮牛肉，更有嚼勁，而且配麻辣湯底好入味雞件嫩滑，油鴨脾好正，一定要encore！另外推薦花枝片，份量大方，而且食落好爽脆，新鮮蜆肉無沙、蝦都可以，任食來講算大隻。滑類仲有大量邊爐配料任食，自取夠方便，又唔洗等上菜百福豆腐超滑！最後點少得出前一丁！飲品任飲，有鴻福堂。食埋雪糕、雪條，輕鬆食到飽

今日幫襯咗一間新開嘅火鍋店，位於旺角中心對面2樓，南記樓上，有大大個招牌，好易揾，個名叫二鍋頭，呢度係任飲任食嘅形式，先食惹味雞煲或者鴛鴦鴨煲，跟住再上湯底打邊爐。麻辣雞煲食得多，鴨煲就比較少有，仲要係鴛鴦，即係鴨再加上臘鴨，幾特別不過由於連續打咗幾晚打邊爐同埋燒完嘢食，比較熱氣，所以我地就放棄左呢個權利，冇食雞煲或者鴨煲直接打邊爐呢度有三四十款肉類、丸餃同埋海鮮類可以任選，另外仲有雪櫃可以攞菜、菇及其他丸類雜色等等，款式都幾多，亦好衛生。湯底點樣麻辣湯底，辣到都幾夠，唔算好麻，幾適合香港人口味。雖然冇叫雞鴨煲，但係自己都點左雞件同埋臘鴨，尤其臘鴨係自己至愛，所以仲叫咗兩次，幾香唔算好油。另外脆鯇魚腩亦肉真脆，很贊以每位188嚟講，算係非常抵食，應該會再回訪臨尾仲有雪糕雪條！飲品選擇多。

原先打算跟朋友去食雞煲，黎到見到，除了雞煲，還有鴨煲可揀。平時鴨煲較少見，所以今次揀了它。一送上枱，職員便替我們點火，即時溢出陣陣酒香。辣度是級，個人來說還是有點辛辣，調味做得很好，惹味之餘，不會太鹹太 「確」喉。食完鴨煲，換上火鍋湯底。帶子、魷魚、鮮蝦、鴨件，整體新鮮度足。除弓order sheet 外，還有自助專區，擺放了各式肉丸、餐肉腸仔、疏菜...可謂麻雀雖少，款式齊全。食品也是無限供應，除各式汽水，還有啤酒和鴻福堂。甜品方面，說實話係少左d，但供應的韓國雪條，有兩款味道，食落仲幾 fresh，算係補番條數。總而言之，我覺得這裡地點就腳，食材亦新鮮，又有較少見的鴨煲，給我的印象良好。要扣分的是，電梯只送走，上來要行兩層樓梯，但可以接受的。