二鍋頭 (福苑)

营业中

休息中

今日幫襯咗一間新開嘅火鍋店，位於旺角中心對面2樓，南記樓上，有大大個招牌，好易揾，個名叫二鍋頭，呢度係任飲任食嘅形式，先食惹味雞煲或者鴛鴦鴨煲，跟住再上湯底打邊爐。麻辣雞煲食得多，鴨煲就比較少有，仲要係鴛鴦，即係鴨再加上臘鴨，幾特別不過由於連續打咗幾晚打邊爐同埋燒完嘢食，比較熱氣，所以我地就放棄左呢個權利，冇食雞煲或者鴨煲直接打邊爐呢度有三四十款肉類、丸餃同埋海鮮類可以任選，另外仲有雪櫃可以攞菜、菇及其他丸類雜色等等，款式都幾多，亦好衛生。湯底點樣麻辣湯底，辣到都幾夠，唔算好麻，幾適合香港人口味。雖然冇叫雞鴨煲，但係自己都點左雞件同埋臘鴨，尤其臘鴨係自己至愛，所以仲叫咗兩次，幾香唔算好油。另外脆鯇魚腩亦肉真脆，很贊以每位188嚟講，算係非常抵食，應該會再回訪臨尾仲有雪糕雪條！飲品選擇多。