二鍋頭 (福苑)

营业中

休息中

呢排天氣咁凍，出街食飯第一時間就諗起想食火鍋。而家啲火鍋非常之好，又有雞煲，食完之後仲可以用個雞煲湯底嚟食火鍋，非常之惹味諗起都流口水。今次去咗旺角呢一間二鍋頭食雞煲火鍋，佢價錢非常之實惠，二百幾蚊，雞煲任食，食完之後火鍋配料仲係自助嘅可以自己出去拎。我哋首先試咗一個小辣嘅火鍋雞煲，啲雞都賺得幾細件又香滑，炒都算炒得幾香濃，侍應會喺我哋面前將啲雞件炒而炒香，後尾我哋仲試咗佢個鴛鴦鴨煲，第一次食鴨煲原來都幾香㗎喎同埋鴨肉好補身可以食多兩件，侍應中間仲會點火炒熟啲鴨肉，好有視覺享受。外面嘅自助火鍋配料有菜，腸仔，唔同種類嘅院，蟹柳同埋麵烏冬等等。如果想食牛肉同埋豬肉，就可以喺張單上面落單。張單上面仲有海鮮配料，可以單買單叫，整體來講食物都算幾豐富。順帶一提，呢度啲侍應非常之有禮貌，見我喺自助火鍋配料嗰度拎咗好多野，仲會幫我手拎去我個位嗰度，又會細心介紹火鍋配料內容同埋雞煲食法。

🥶天寒地凍到旺角逛街後最適合去打邊爐，今次去間新開的火鍋店🔥 ，2.5小時任飲任食雞煲火鍋，9:30pm前入座每位$188，就去食下。雞煲份量都不少，小辣份量剛好，店員仲會幫手炒埋，炒完好香好惹味🤤。打邊爐湯底有好多款，我們叫了蕃茄薯仔濃湯鍋，另外菜式都好多選擇，看看我們叫的就知道，而且其實還有很多款式沒叫。湯底很香，與餸菜也很配合。另外飲品同樣多選擇，而且一點都不hea，有OKF汽水、啤酒、支裝涼茶等。地方也算闊落，二人坐卡位空間大，服務態度抵讚👍，見湯底不夠就會走來加。唯最後食得太飽都忘了吃雪糕呢🤷🏿‍♂️！整體感覺不錯，環境舒適，食物和飲品多選擇，服務周到，價錢合理，回頭率高🏃‍♂️！

天氣最近又凍返，最啱就係打邊爐，最近呢一間火鍋店都幾hit，一黎係新開無耐，二來係有鴨煲食！以往都只係食過雞煲，鍾意食鴨既我當然要來試試啦！餐廳上兩手我都有幫襯過，而店舖都保留左部份前身嘅特色，環境唔錯，坐得幾舒服。分成兩邊，有自助配料同飲品供應。選擇都幾多。飲品方面，仲有鴻福堂嘅支裝飲品👍🏻👍🏻👍🏻坐低之後，先選擇任食雞煲還是鴨煲，最後特別小小緊係揀鴨煲！一黎到已經好香，原來唔止係普通鴨煲咁簡單店員仲會加入酒，做出火焰嘅效果，加咗酒之後嘅鴨更香更有層次，好出色，而且肉炆得好琳，同時唔會重鴨蘇味，推薦！食完煲之後就進入打邊爐，我哋揀咗蕃茄薯仔湯底，料唔算多，味道亦不太重，不過不失。而係其他配料方面，海鮮類嘅選擇都幾多，有蜆、蝦、最愛嘅脆肉鮸、帆立貝都有👍🏻，而且質素都好唔錯，夠新鮮。 總括嚟講，呢度嘅質素唔錯而且價錢合理，值得一試。

一到冬天天氣涼浸浸，約朋友食飯一定離不開打邊爐，知道旺角中心附近有間可以打邊爐同雞煲放題，朋友們即刻打去訂位試下👍店內地方寛敞坐得舒服😌基本上火鍋醬料非常齊全👍坐底之後我們先點了個雞煲食先，這裏除了雞煲還有鴨煲選擇，雞煲辣度可以自由選擇，店員捧來時候巳經香噴噴熱辣辣，食落肉質鮮嫩入味，啖啖肉😋非常惹味。食完雞煲後我們再點了一個麻辣湯底😋食物紙上基本火鍋配料都好齊全，肉類，海鮮都有，還有多款食物，疏菜及丸類都可以出去自助區取😋美國肥牛肥牛色澤紅潤新鮮，油脂分佈平均，食落口感豐富😋美國黑豚肉肉質鮮嫩，完全沒有雪藏味道，肉味香濃👍油鴨髀油鴨髀都係第一次用來打邊爐，外皮好香口，肉質不會過硬好有口感，鹹鹹香香，口感豐富😋墨魚滑新鮮爽口，配辣椒豉油食，正👍飲品種類齊全還有啤酒🍻

有驚喜的火焰鴨煲😍🔥同朋友聚會離不開打邊爐、雞煲等等呢到一次過滿足兩個願望😍有得任食雞煲、鴨煲同打邊爐更有自助區 可以拎唔同配料 選擇豐富👍🏻🔥 火焰鴛鴦鴨煲本來無諗住嗌鴨煲架🙈 經店員極力推介後 決定嗌個來試試一上枱就聞到香氣 配料同鴨肉份量都好多店員再贊酒 點火快炒 令香味更昇華急不及待甘試一件鴨肉 雖然有骨 但係鴨肉夠唒稔又入味👍🏻仲有大大隻鴨掌 認真抵食🔥 二鍋頭惹味雞煲雞煲比較乾身 配料無甘多 同樣惹味不過我地都係喜歡鴨煲多啲🙈🔥 任食火鍋食完雞煲同鴨煲 大家都怕熱氣 所以就冇叫到麻辣湯底今次就嗌個蕃茄薯仔湯底😝基本肉類都齊嘅 仲有不同海鮮 都算新鮮呀蝦、蜆、白鱔 我都不停encore💗豚肉比牛肉岀色呀 丸類沒太大特別可集中食肉類喔🙈🍽 二鍋頭🔎 旺角西洋菜南街138號福苑2樓

我份人太摺，平時食飯都係得2個人撐枱腳，好少有4個人一枱。今次終於有返d人氣，朋友揀左位於旺角的二鍋頭。又有雞煲又有得打邊爐，人多可以食多幾款食物👍餐廳除左雞煲，竟然有鴨煲😋一般火鍋店好少見到有任食鴨煲呀👍可以自己揀辣度，我地唔太食得辣，所以叫左少少辣🌶️拎定手機等侍應倒下酒，點火🔥哇，好惹火，成個鴨煲頓時加添了酒香味。鴨煲配料好吸引，有鴨件， 鴨掌同腐竹。識食既當然食腐竹先，吸曬醬汁的味道，濃郁好食😋有鴨掌好有誠意👍仲試左雞煲，雞件份量多，不過骨都稍微多。味道幾好👍食完侍應仲會問夠唔夠食，洗唔洗添加雞件。食完雞鴨煲就到打邊爐啦🐥🦆多種湯底可供選擇，包括香茜皮蛋鍋，冬陰公鍋，沙爹鍋，麻辣鍋，我地揀左清甜的蕃茄薯仔鍋🍅蕃茄湯底濃味👍美國肥牛，美國黑豚肉，豬大腸，脆鯇魚腩，花枝片，帆立貝，墨魚仔，鳳城水餃。menu上仲有其他配料。如果唔啱心水，可以去自助區揀😌大家想食豪d可以加錢叫海鮮😎飲品種類尚可，汽水，milkis，涼茶同啤酒應有盡有。我就揀左竹蔗茅根，打邊爐熱氣要清熱。飲品櫃旁有甜品櫃，4款雪條選擇，有melona蜜瓜味喔🍈

年近歲晚，同事們話一齊食個收爐飯慶祝下。無論人多定人少，最好都係圍埋一齊打邊爐啦😆咁就搵左一間係公司附近新開既雞/鴨煲+任食火鍋既「二鍋頭」。「二鍋頭」就係旺角中心對面既福苑2樓。七點幾上到黎已經8成滿座，好彩我地有預先book定✌🏻店員作簡單介紹後就係俾火鍋醬料你揀啦。哩到有🐤煲同鴨煲俾你揀，仲有4種辣度（小小辣->大辣）。同事唔食鴨所以我地揀左小小辣雞煲，如果食得辣既朋友，建議可從小辣開始試😆 食完第一輪雞煲之後，店員會問你使唔使再加雞件，但我地要留肚打邊爐就冇再加啦。食完雞煲後，店員會為你換另一煲打邊爐。自選火鍋湯底有8款咁多，我地就揀左蕃茄薯仔湯。另外仲有超過30款海鮮肉類俾你點，而其他丸類同蔬菜就可以係自助區自取，評響皊、炸魚皮同出前一丁都有齊。打邊爐點少得肥牛、豚肉片，薄切肥牛淥一淥就食得啦。小妹最愛吊桶仔，細細隻又爽口👍🏻最後記得要食埋甜品先走呀，係韓國雪條仲有多款俾你揀。認真·真係好抵食呀！

今日同好友係旺角行街辦年貨， 行街買野真係又餓又累，之後我地都覺得要找個地方座低勁食先得， 朋友話有間食雞煲唔錯的，食完仲可以打邊爐，咁一於去食餐勁架啦！我們先叫左中辣雞煲， 店員細心幫我們炒好先叫我們慢慢食 ， 雞件夠哂入味又夠滑夠香， 食完雞煲後，我地轉打邊爐，過年前唔想咁熱氣我地選擇左滋補藥膳鍋， 呢到有個自助區，食幾多可以自己夾， 另外肉類海鮮果d就自己劃飛， 我好滿意呢到的牛和羊肉，好味道， 我自己都食左幾轉， 最後再拎左生菜和公仔麵。 呢到飲品款式好多，仲有雪糕和雪條， 今餐真係好滿足。

今晚放工即興同一班工作戰友們食個團年飯🤣 係旺角中心大街行行下，見到《二鍋頭》呢間上樓餐廳標住任食雞煲/鴨煲 同火鍋 就即上去睇下。上到去勁爆場，好彩仲有一個卡位比我地😃 卡位都好闊落， 唔會話迫到手踭撞手踭， 同埋張枱都好夠闊。佢係有d野食係張紙比你揀，亦另設食物自助區，可以自己去睇，唔洗下下要小小野都畫單自助區好多選擇，菜都有4-5款， 例如西洋菜，通菜，萵荀等 其他響鈴，魚皮/丸類都可以自己拎。雞煲佢係有職員即刻係你面前炒，醬汁好香，雞肉好滑， 亦唔會太過味精味👍🏻👍🏻我地今次叫左蕃茄薯仔濃湯打邊爐， 由於我哋好鐘意食海鮮，所以主要都係叫海鮮同牛肉。特別一讚係佢海鮮好鮮甜，洗得好乾淨，蜆肉，青口個d都完全無沙🦐🐙牛肉就正正常常，肥瘦適中，牛味都算幾重😃呀....漏咗個重點，佢既飲品唔會得汽水，有好多清熱既飲品，加上細細支，可以飲幾款唔同既飲品😃雪條仲有特色口味，例如黑糯米，椰子，紅豆等等.....

旺角食店選擇都不少~但這家打邊爐加雞煲的，卻屬於平價但多選擇的~先吃雞煲再打邊爐，已是常識🤣🤣🤣而雞煲的雞吃完後，再用剩下的雞煲醬料抄蟹柳魚皮等食物，就超正了~冰箱裡有很多款不同的飲品，多達兩部冰箱的選擇~而雪糕雪條也有數款的~至於食物，基本的丸子類都超多選擇，菜類也有很多種類~而不想到外面取食物，坐在坐椅上，其實都有一張紙的選擇，而上半部份的貴價海鮮類就需要額外再付費才能吃，下半部的就會在價內包括~

這家火鍋店位於旺角，南記樓上，新開張人不算太多二鍋頭惹味雞煲可選擇辛辣程度，由於我不太喜歡辛辣，所以只選了少少辣。 雞煲非常惹味，醬汁濃郁，雞肉嫩又多汁，我們吃了2個煲! 因為是全食的。吃畢雞煲便到打邊爐，滋保藥膳鍋。除了自選食物之外，還有自助bar, 腸仔， 餐肉，菜蔬等一應俱全，飲品選擇多。鮮牛真係好新鮮，輕輕一焯已經熟了，入口香滑。黑豚肉，帆立貝也很入味鮮蝦雲吞，花枝片很爽口墨魚滑很有墨魚味，彈牙又好味最後當然要吃雪糕甜品。

天氣涼涼，特別好想打邊爐食雞煲，同朋友收工相約係旺角食飯，見到新之城有一間打邊爐同雞煲，同朋友決定去食呀。上到2/F 有兩邊門口，右手邊一推開見到侍應生，好快安排我哋坐低，見到有鴨煲/雞煲，我哋都是選擇左雞煲 微辣，個雞煲黎到都好夠食，而蔬菜要自己出去蔬菜部自取，除咗蔬菜，有烏冬有公仔麵，有丸，有餃子，我哋食完個雞煲，之後選擇左豬骨湯做打邊爐湯底，打邊爐有肉類，海鮮類選擇，我們叫左牛肉，黑豚肉，墨魚滑、帶子，湯底好濃豬骨味，仲有幾舊粟米，仲有野飲都是自取，選擇都好多，有汽水，烏龍茶，竹蓆茅根。

臨近新年又係團年既時間最方便就係一齊烚烚下啦今次約2個FD去食雞煲地點好方便, 就係旺中既對面價錢都幾實惠的 百幾蚊, 仲有我喜歡既藥膳鍋添今次都係食番雞煲下次試下鴨的雞煲上果時會有職員即刻埋黎同你炒炒佢, 香氣四溢, 好肚餓!雞肉都好夠味呀, 應該話, 愈食愈惹味呢!今次就朋友叫左小小辣, 下次叫中辣應該仲正~食完雞煲可以出去自助吧夾野食都係有丸類菜類同埋午餐肉呀腸呀果D, 同埋有好幾款飲品, 仲有雪糕雪條呢不過我好食左2 ROUND 雞煲都飽左一大半XD 食唔到甜品了另外係點心紙都揀左D肉同海鮮鮮滑牛肉口感唔錯, 幾厚身黑豚肉都幾好食~!

市面上有唔少雞煲任食火鍋放題，但係好多時要用返雞煲嗰個煲底再加湯，感覺上會比較油膩，自己唔係太鍾意。但係我今日喺旺角食嘅一間火鍋店，喺旺角中心對面上2樓叫做二鍋頭。呢間提供雞煲同埋鴛鴦鴨煲再加任食火鍋，佢哋係會食完雞或鴨煲之後再俾你自選湯底，有成8款，有麻辣、沙爹、蕃茄薯仔同冬陰功等等。由於同行朋友本身唔食鴨，所以我地就要咗雞煲，雞煲滾起夠惹味，食落唔會太油，麻辣度剛好，好快食晒，店員詢問我地仲要唔要加雞煲，但由於想留肚食火鍋，以免眼寬肚窄，所以無再加。點咗蕃茄湯底，茄味都算幾濃郁。火鍋料都係任點任食肉類、魚類用order紙落單，蔬菜，丸類、菇菌同豆腐類就自己出去攞。我哋點咗滑牛肉，脆鯇魚腩，鮮魷同鵝腸等。另外攞咗小量丸、餃，㕑司腸，腐竹，篙筍同幾款疏菜鍾意佢呢度款式夠多，淨係菜都有六七款，好似我地咁，平時少食菜，樣樣都可以試少少。整體來講所有火鍋配料都好新鮮，響鈴同埋炸魚皮亦都夠晒香脆，百零蚊一位認真抵食。

最近旺角有間新嘅火鍋店，百幾蚊就有火鍋雞煲任食，如果唔鍾意食雞仲可以揀鴨煲，都幾有特色，就約埋朋友過嚟一齊試吓。上到黎之後發現座位都幾寬敞，好舒適，無論係二人定係多人都一樣坐得舒服，飲品選擇多多，有自助火鍋配料區，部份嘢食就可以自行落單。餐牌所有資料都好清晰。我哋首先就揀咗雞煲先，小小辣，上面有超入味嘅洋蔥同埋芫荽，有少少麻辣香味都好吸引！雞煲可以任食，不過我哋本身比較細食，所以都叫佢份量盡量少啲，留返個肚打邊爐。打邊爐方面就係豬骨湯底，會見到有大大嚿百骨 x 2，湯底味道都幾清甜，可以直接飲吓，又幾好飲～如果想食海鮮盤，可以另外加錢，不過我哋本身食嘅份量唔大，食返一般任食嘅就可以了，一開始佢就首先上咗幾款唔同嘅食物俾我哋，如果有唔食嘅最好同佢講返啦，費事曬咗。基本上基本海鮮都可以任點：海蝦，帆立貝，蜆，魚等，都幾新鮮！鍾意食肉嘅點少得豬牛羊，一樣都可以係咁叫！ 出去揀嘅配料一般都係素菜為主，或者係一啲腸仔或丸類，建議唔好攞太多，因為食食吓都真係幾飽⋯最好就係食到兩個半鐘，完全唔使急，食飽飽再攞多條雪條，任食價錢算係非常抵，同埋咁近地鐵站真心方便！