二鍋頭 (福苑)

营业中

休息中

又黎閨蜜飯聚時間👭上一次聚會我有啲唔舒服快閃食完飯就走人 都無乜傾過計好彩我有神隊友 我又可以有metine❤️今次我哋又喺揀左旺角食🙈食一間我哋成日經過見到但一直都未去食過既餐廳 就係旺中對面既二鍋頭🌟係2.5小時任飲任食雞煲/鴨煲火鍋🍲可以慢慢食慢慢暢談☺️有好多款飲品選擇💕汽水 涼茶 烏龍茶啤酒🍻都有 仲有杯裝雪糕🍦我哋兩個都超鍾意食辣 雞煲梗係要點中辣未食已經聞到辣香撲鼻迫人👃🏻唔知係咪我越嚟越食得辣 呢個辣我有少少覺得唔夠辣 再辣啲會更正但味道係無得輸 超惹味 雞肉好入味份量都好多 但真係太好食我哋兩個女仔都食得晒🙈食完雞煲就可以打邊爐唔係直接加水落個雞煲而係會成個煲換有幾款湯底選擇 我哋揀咗蕃茄薯仔豬骨湯 肉類同海鮮就用點單紙落單其他菜同丸類就自助形式自取☺️火鍋配料質素都幾唔錯 海鮮新鮮總括而言 任食來講$198一個人真心好扺 食物種類又多選擇 🙈性價比高❤️ 可以再encore👍🏻

二百零蚊都唔算貴，所以同老婆去食下！先黎雞煲，有大少辣，唔食得辣又想試，少少辣真係幾好，岩晒我地食，好夠味！攞左兩罐啤酒，夠晒凍，送雞煲雞正，食完可以再添！想試其他野，原來又會另上一煲湯底至打邊爐，揀左蕃茄薯仔湯，老婆話清清地又有啲味喎，冇揀藥膳，芫荽皮蛋，豬骨！火鍋調味料又幾特別，除左有紅椒仔，生熟蒜，蔥粒，仲有至愛唐芹粒，而豉油都係唔太咸，又幾好味！必食既有炸魚皮，蝦串，花枝片，帆立貝，食完又叫，好快送到！鵝腸，肥牛，膳片，脆脘腩，豬膶，牛丸，肉丸，腸仔，午餐肉，通通試晒，味道唔錯，賣相精緻，乾淨又乾身，最重要係有原味道，唔係只係得雪味！想試多啲海鮮，可以加錢叫！飲品都唔錯，雖然我地只飲啤酒，見到仲有汽水，果味飲品，仲有罐裝既忌廉溝鮮奶，雪糕雪條，下次可以約埋朋友再來！

細細間火鍋店，不過要自己出去拎菜，海鮮肉類就可以用紙點！叫咗雞煲同鴨煲，味道一般唔算好特別。另外，服務態度唔錯，不過選擇就比較少。人均二百幾，都算合理價錢以食物質素來講

天氣轉涼一點，就很想吃火鍋，今天和幾位疫友人去了旺角一間火鍋店-二鍋頭因疫情關係，人數限制，我們分了兩張枱，所以我們叫了都是雞煲，只是辣度不同，一上來的雞煲，很香的味道，想立刻試一下，煲內的雞份量比較多，材料很足，醬汁很均衝在雞肉上，雞肉不會太(梅)，很有彈性，不錯吃的，配料很吸味，蔥比雞好食，令人想起白飯，吃了雞煲，之後換了藥膳火鍋，因雞煲份量頗大，火鍋我只點了一些!藥膳湯不錯！有濃厚的藥材味牛肉-不錯的，牛味很夠，吃了很多雞子和鵝腸-不太新鮮鱔片和蜆不錯，新鮮!鱔片很鮮甜蝦-一般，可以不叫的還有任飲汽水和任吃雪糕!這餐很滿足!

成日去㕵角都係食雞煲打邊爐仲要好多時都係邊爐任食但雞就食得幾件😩今次發現到二鍋頭！平時旺角食野都未必會係呢邊食 一尾去左創興🤦🏻‍♀️今次高質任食有鴨煲，雞煲同邊爐一次過滿足曬食慾😋必須提一提餐廳服務好好 每一次上煲都會另外炒一炒 香味出曬黎先黎鴨煲！會先淋上玫瑰酒燒一燒d鴨 非常香！加上有臘鴨 食落有唔同層次另外雞煲麻辣味較重 但因為係乾炒 雞既面會有燒過既皮 非常香口不得不提食2個煲既時候可以去配菜區拎野食記得記得如果係蔬菜類要一開始放落去d肉既底 咁先會夠軟身同吸到d汁如果大家鐘意食菇 非常推介大家拎香菇同雞髀茄 好重菇味！絕對有驚喜！

秋風起，最好就係食返啲熱辣辣嘅雞煲啦！朋友就帶咗我嚟旺中對面嘅二鍋頭。平時唔望上去都唔覺有呢間咁正嘅雞煲呀！上到去發現佢仲有得揀鴨煲同多種火鍋湯底！未食過鴨煲嘅我真係勁想試！一上菜已經聞到香味，仲要淋上玫瑰露酒點火，吸引死人！食落先發現，原來佢用咗臘鴨同鮮鴨，食落有兩種層次。而成煲嘢最正嘅竟然係啲支竹！！吸晒臘鴨、辣醬、玫瑰露酒嘅香味，勁正囉！！好味到我哋自己再去加支竹呀！不過我哋建議一開頭就加多啲支竹，因為再加已經無酒味。一場黎到，點會唔食埋個雞煲呢?雞煲比較乾身，雞件食落超嫩，又夠麻香，好正呀！另外，配料好充足，丸、餃類、菜類都有好多選擇！飲品方面亦有無糖茶，夠曬消滯。食埋杯雪類，爽呀！

自從疫情起，已經有一排冇出去打邊爐食雞煲。今晚都係忍唔到口，同女朋友係屋企附近搵左間雞煲放題食餐飽🤣雞煲份量大大煲，肉質食落都新鮮嫩滑，食完仲可以添食既😋之後我地叫左個皮蛋莞茜湯底打邊爐。$198任食黎講，佢地食物種類都算好多選擇，食物質素對得住佢既價錢，而且仲有不少質素唔錯既有海鮮任食👍真係食到飽飽回家啊～

🔸2.5小時任食 $198/位-今次介紹一間啱晒大胃朋友嘅任食火鍋店，連加一後二百頭就可以任飲任食兩個半鐘頭，仲要係雞煲都任食、火鍋料任點，係性價比之王啊！今晚收早可以一早去到入場食，去到七八點已經差不多滿座。首先食咗雞煲先，揀完辣度之店員好快就拎咗個煲出嚟，會專人幫你開火兜到食得為止。雞煲都唔hea㗎，仲要唔止雞件多，仲有埋鳳爪好特別，入晒味超正囉！食完重口味嘅雞煲之後就打邊爐，我揀咗清清哋嘅香茜皮蛋鍋，好多芫茜超正！火鍋配料有部分係剔紙仔，仲有部分配料同飲品、甜品係自助形式，超多款式～特別推介：鮮滑牛肉、白鱔片、美國黑豚肉、墨魚滑。食足2.5小時，真係飽到反艇，性價比之選啊！

行完街，揾野食，雞煲加打邊爐，岩晒口味！入座會有侍應介紹點食安排，2.5小時任食，清楚明白！先食雞煲，有唔同辣度任揀，點左小小辣，加埋大祘，紫洋蔥，專人幫手現場略炒加熱，雞肉是嫩滑唔韌，真係入味，仲有係鳳爪，而唔係只係雞腳，好味！食完雞煲，通常係即時原煲加水就打邊爐，呢度係再上另一鍋既，揀左藥膳煲底，補補身！火鍋料有自選剔表，自取等，按人數安排份量，夠精緻又唔會做成浪費！必試食海鮮類，蝦串，花枝片，帆立貝，有鮮味又爽口，仲要係滾完熟左都冇縮水，正呀！再食肥牛，雲吞，豬膶，鵝腸，有水準，處理得乾淨，夠味又嫩滑！當然唔少得腸仔，午餐，南瓜，生菜，油麥菜筍，金菇菜等等，都係我至愛，食完邊爐，試左幾羹湯底，只係幾羹咋，唔肥膩，果然有煲左湯既味！其實仲有雞脾菇，油麥菜，白菜，响鈴，芋頭，丸類，出前一丁，烏冬等等等等，飲品都有不少種類，當然唔少得啤酒啦，仲有雪糕，雪條，因為太多，又太飽，所以都係要下次再試，以二百頭呢個價錢，係值得食既！

朋友突然興致勃勃咁話要食雞煲~跟住就搵左間係旺角既既雞煲打邊爐放題食連加一都係2百蚊鬆D, 價錢都OK丫....去到見到餐廳有唔少食客呢...打邊爐既配料可以係自助區拎, 另外仲有得用紙落單~大大個配料櫃~~飲品櫃都算多飲品選擇~可另加錢叫特選啤酒~~雞煲黎啦~~大大碟好吸引丫!!!!職員幫手炒雞~~愈炒愈香雞煲可以無限添加雞煲醬汁又濃又惹味, 雞肉都好滑!!!打邊爐ORDER既墨魚滑~~墨魚滑爽口陣牙, 墨魚味重呢道仲有甜品雪糕食呢

鍾意呢間餐廳地方方便就腳~而且任飲任食, 價錢經濟實惠可自選雞煲或鴨煲~最正係雞鴨無限添加火鍋配料紙~火鍋配料自助區~~自助飲品櫃~~我地叫左雞煲, 要小小辣~~OK喎, 真係好小辣, 岩晒唔食得辣但又想有微微辣味既我地~~雞煲份量都唔少, 好足料!!我最鍾意入面有幾隻鳳爪, 雞煲醬+鳳爪超好味雞肉就嫩滑可口, 好入味店員會主動幫忙炒雞~~食完雞煲就揀湯底打邊爐喇~~要左正宗豬骨鍋....豬骨湯底極具豬骨濃香，味道鮮甜海鮮配料全部都好新鮮~~特別係魚肉肉質結實幼嫩!!美國肥肉~肉質唔錯, 幾重牛味又唔韌自助區拎既配料~~~

地點：出旺角D/B出口最近 係旺中對面地鐵出 行2分鐘就到價錢：188+1 任食鴨煲/雞煲+火鍋性價比幾高衛生：地方乾淨 入座前有探熱 枱與枱之間有隔板食物：雞煲就食得多 鴨煲真係無食過所以揀左火焰鴛鴦鴨煲 有鮮鴨同油鴨兩種份量足 調味夠香夠味 鴨肉有油香味 彈牙而唔會韌 基本上食完個鴨煲都已經滿足一定要食支竹 完全吸收晒個鴨煲既精華火鍋可以另外揀湯底 因為鴨煲重口味 所以就揀左芫茜皮蛋湯底 湯底好好飲 而且有好多皮蛋肥牛 豬肉片 羊肉片都值得食 食落新鮮 肉有鮮甜味 唔會切太薄 海鮮推薦白鱔同青口 感覺新鮮 唔腥 煮完都飽滿 唔會大縮水 汽水/雪糕：選擇較少 有無糖茶同Coke Zero俾怕肥人士 雪糕係三款經典雀巢雪糕 不過以200樓下的雞煲/鴨煲+火鍋放題係可接受

限聚令期間真係少左出黎食野，最近情況好啲就出黎食下。前排發現左二鍋頭呢間野，個人覺得佢地嘅雞煲十分唔錯，甜辣鹹香味好平衡，最正既係雞肉入味。另外鴨煲都十分出色，不過眼見全場都比較少食鴨煲，大家不妨一試。最令人喜出望外係打邊爐。通常雞煲到打邊爐都只會加湯，二鍋頭係會㨂另一個湯底，而個湯底亦都唔會好hea，味道好夠。任飲任食雞煲黎講我覺得二鍋頭係十分出色，提提大家雞煲中辣都唔係十分辣，但唔好食食下話加辣，因為會變得好鹹。

話說好耐冇去打邊爐, 所以我同男朋友就趁星期日去二鍋頭食飯😆, 依家openrice仲做緊折, $188加一就同時食到雞煲同火鍋, 算係性價比👍🏻。.我地叫咗兩轉雞煲, 第一轉叫左中辣, 但覺得唔夠辣🌚, 所有第二轉就叫大辣😂 (不過都係依然唔夠辣🤭)。個雞煲幾好食😋, 唔會好咸, 值得推薦😉, 但如果啲肉滑啲就更好👏🏻!.火鍋湯底我地揀左蕃茄薯仔湯底🍅🥔, 食到一半加湯, 我地仲問老闆可唔可以加湯, 老闆幾好人, 比咗幾個蕃茄我地加落去😆, 呢樣野值得一讚🥰。.火鍋既自助配料選擇唔多, 啲蔬菜望落唔太新鮮😨, 但呢個啲肉類既質量好好👍🏻, 食落唔會韌, 中意食肉唔食菜既人好適合黎呢度😂。.如果想同朋友平平地食個雞煲同打邊爐, 二鍋頭係一個唔錯既選擇❤️。

繼上次食完鴨煲，超級掛住，特登約朋友再食。今次想食雞煲啦，叫咗最少嘅辣，疫情關係，短短幾個月，佢哋已經由自助改為✅✅紙，衛生啲👍🏿 舖頭嘅環境衛生都做得唔錯。仍然都係坐滿客，證明食物質素依然保持住。傾兩句，雞煲就到啦，一打開超級香，即刻夾件雞來食，雞好滑，夠味，辣度適中，以呢個價錢，仲要任食，絕對係物超所值，話咁快已經食晒啲雞，因為啲汁好食，平時唔係好食雞腳嘅我都食埋，其實係未夠喉。估唔到呢個時候職員行埋來問我想直接上火鍋湯底打邊爐，還是想加雞，😱 超意料之外，冇諗過雞煲啲雞都可以加，仲要唔係就咁加啲雞上去，係收起個煲，另外再拎一煲出嚟，誠意可嘉，仲有得揀另一煲唔要雞腳同埋雞頸，全部都係雞肉，仲要多芫茜，勁開心。其實食埋第二煲雞煲嘅時候都已經開始飽，但係又想試吓打邊爐，所以都係照食😛清清地叫咗個唔辣嘅豬骨湯底，由於都飽飽地，所以少少哋叫咗啲蔬菜同埋肉類就完美啦。雪櫃飲品同埋雪糕都係任飲任食😍食完辣雞煲，飲番支雪梨海底椰可以舒緩下個喉嚨。好鍾意佢食完雞煲唔係直接加湯打邊爐，而係另外揀一個湯底比一鍋我哋。好滿意，會再嚟！