二鍋頭 (福苑)

营业中

休息中

餐廳名叫二鍋頭，係正旺角中心對面，個人認為198價錢可以任食雞煲同鴨煲，2.5小時任飲任食，真係好抵食，仲要唔係指定一款，你食完雞煲仲可以轉鴨煲，或者再食多轉雞煲，非常抵讚。 雞煲入面會鳳爪，紫洋蔥等配菜，仲可以自取蟹棒，蟹棒甜甜地加上雞煲辣汁好惹味。食完雞煲之後唔會就咁放高湯打邊爐，有成８款湯底可以任君選擇，咁今次我就叫沙嗲湯底，配料方面肥牛同海蝦都唔錯，海蝦實肉唔會梅，好新鮮。 飲品方面會有汽水，烏龍茶，果汁，涼茶有竹䉀茅根等等健康飲品，仲有我至愛香芋雪糕，除此之外仲有芒果味同埋朱古力味既雪糕。 仲有店員服務、態度好好。

好耐冇出黎食雞煲啦今日食呢間二鍋頭好抵食，198價錢（另加一） 可以任食雞煲同鴨煲，唔限你揀一款，食完雞煲轉鴨煲都仲得。見到人地食鴨煲仲可以加酒點火，做到火焰感覺。食完雞煲之後仲可以任揀一款湯底，呢個食法平時可能價位要去到300幾蚊！雞煲有好多雞，仲有鳳爪添，最好食係鳳爪。除左主角雞之外，其他洋蔥等等配菜都好淋好入味。今次叫左沙嗲湯底，沙嗲湯雖然唔濃但都有沙嗲味，任點配料都有好多款，肥牛/海蝦/蜆等等。仲有自取食物一定要拎蟹棒，好鮮甜的。

前幾日同女朋友去左旺角行街,行行下到肚餓就話不如去打邊爐啦,又可以任食又唔貴,甘最後我地決定去二鍋頭到食啦.不過佢要行兩層樓梯先上到去既,行到上去,餐廳職員就好有禮貌幫我地度體溫.之後又好好甘解釋比我地聽,佢地係先叫一個雞煲,如果食完覺得唔夠就可以加,如果雞煲夠既就可以轉叫湯底打邊爐,依一點都幾好,因為平時都係會加湯落雞煲到搞到D味會怪怪地,但佢地係換個新煲比你去打邊爐,真係無得彈.同埋佢地會拎D醬料到你枱,甘就唔洗行出行入會倒瀉甘麻煩.甘個雞煲有好大量既雞係入面,個份量真係比平時既多.甘佢地食物係分開兩個部分既,肉類就係需要入單既,而丸類同蔬菜類就係去自取處到拎既,佢地食物既種類都幾多,打邊爐想食既野佢基本上都有,所以整體黎講都好好,佢地服務態度都好好,咩問題都好樂意幫助你

/ 雞煲 鴨煲 火鍋任食 $198 /呢到嘅任食超抵，雞煲鴨煲唔係二選一，而係2款都有得揀，仲要係任添🤩，2.5小時可以食到夠～先試二鍋頭惹味雞煲，雞煲揀咗唔辣所以味道較淡，但重點嘅雞肉係全煲都好嫩滑。之後添嘅火焰鴛鴦鴨煲仲掂，店員先灑上酒再點火🔥，食落成煲都好香酒味，神奇地啲鴨肉又係好嫩滑😯👍🏻。火鍋湯底揀咗滋補藥膳鍋，老實講湯底就還好，藥材味唔夠，但係火鍋配料誠意唔錯，除咗有得寫紙仔之外仲有自助區，其中必點海鮮，新鮮好味道😋[ 7.5 / 10 ]二鍋頭 (旺角)旺角西洋菜南街138號福苑2樓

近排因為疫情好少出去打邊爐食雞煲，最近有朋友介紹一間任食雞煲性價比好高，我倆就決定試吓呢個$198任食雞煲鴨煲火鍋。.除咗雞煲之外，連鴨煲都有得食。首先就揀咗雞煲或者鴨煲嘅辣度，食完之後佢會重新上過一個新嘅湯底俾你打邊爐，出面普遍餐廳都係用原本嘅雞煲再加湯黎打邊爐，咁樣可能會令到個湯底好油膩。二鍋頭俾你揀過一個新湯底，好貼心！我地今次揀左清啲嘅皮蛋芫茜湯底，蔬菜🥬有非常之多嘅選擇，娃娃菜，生菜白菜仔等等，仲有南瓜粟米呢啲必備嘅火鍋配料。至於丸類方面有芝心丸，牛丸等等。.除咗雞煲配料任食之外，飲品，雪糕都係任飲任食，而且選擇都好多，每次落單叫食物唔可以多於十樣，驚喜地有脆骨腩同脆皖魚片！我倆早入坐食到中段都非常爆場，大家黎之前都要book定！.📌 二鍋頭 (旺角)旺角西洋菜南街138號福苑2樓.—————————————————————-#hkig#hkigfood#hkfoodie#foodie#food#food#foodstagram#hkfoodlover#hkdaily#foodiehk#foodig#foodlife#hkfood#hkfoodblogger#hkgirl #

好耐好耐無出街食過飯啦所以同朋友搵左間任食既打邊爐見佢無負評就試吓！因為我唔食得辣所以對唔辣既雞煲都無咩期望但係估唔到呢到就算唔辣都好好食食落係甜甜地 而唔係得濃味同咸味！好有驚喜呢唔知大家食唔食雞腳佢啲鳳爪好入味 好好味叫第二轉雞煲時仲叫左多鳳爪🙈有啲雞煲啲雞好多骨但呢到唔係 啲肉仲好滑添我哋食得太投入完全唔記得咗仲有個火鍋等緊我地火鍋就叫左清淡啲既皮旦芫荽配料方面有分出去攞同畫紙種類唔算好多勝在基本想食既都有！因為食雞煲都食到好飽火鍋方面就無食太多食物啦！二百幾數食到咁既質素 真係不錯不錯！不過下次要記得仲有個火鍋唔好係咁食雞

秋風起又係時間打邊爐，特別近排凍左要食返多d野，朋友介紹，所以去左呢間二鍋頭食任食。一坐低，座位闊落，店員就即刻介紹餐單，有雞煲鴨煲同火鍋，3樣都係任食，雞同鴨都可以任fill，食夠先換火鍋。我同女朋友好貪心咁叫左一雞一鴨再轉藥膳湯底。首先雞同鴨份量都好足，因為我叫唔辣所以可能味道唔算好濃，但雞好嫩，鴨好香同軟綿，而且加左少少酒點火，個酒香昇華左成個鴨煲，極度推薦鍾意既人要叫！ 野飲都齊全，有汽無汽有糖無糖，少量果汁都有，竟然仲有罐裝咖啡！藥膳鍋我覺得一般，可能之前個鍋太濃味。不過任叫既配料有活蜆同蝦，仲有鱔片，我已經覺得值回票價，而且食落都ok，尚算唔錯，呢個價位我接受。仲有其他配料係自助區，乾淨企理，種類又多，不錯不錯。食左2個半鐘，慢慢食，食飽都仲有時間剩，而且埋單$200位左右，旺角黎講真係好好，下次可以再黎之選！

位於新之城Neway入口嘅對面大廈，地點方便又容易搵。依家仲做緊每位$188+10%，任食火鍋嚟講質素可以接受，而且價錢都好優惠。入座後店員會詢問你選擇雞煲定鴨煲，然後食完雞煲就可以再揀多一個新鍋底打邊爐。雞煲，火鍋配料，飲品同埋雪糕都係任飲任食㗎🔝肉類同海鮮類都要畫紙仔order。🔝而菜、丸、素類就以自助形式按個人喜好去夾。🔝雞煲味道還可以，仲配埋鳳爪。🔝滋補藥膳鍋🔝肥牛略嫌肥咗小小，墨魚滑有口感。🔝活海蜆都幾大隻同好鮮甜，花枝片好香。🔝豬頸肉好爽脆👍🏻🔝蔬菜都算新鮮

樓上火鍋要講呢間喺旺角來講算係平（188+10%）不過就要考慮腳骨力上幾層樓不過後生仔唔驚嘅呢度都係先食雞煲後食火鍋，雞煲算係OK都幾入味而且可以添食，最重要係食飽雞煲係同你換嗰個煲唔係直接加水用個垃圾油湯底打邊爐嘢食份量如下，要無限寫得好密先得不過落單都補給嘅速度都算快真係夠食嘅，係喎啤酒汽水任飲㗎好似仲有啲熟食之類，不過冇乜點深究反正淨係食打邊爐已經夠食二鍋頭旺角西洋菜南街138 福苑2/F — 在二鍋頭

同朋友食雞煲，叫左中辣，啱晒食辣嘅我哋，仲可以揀另一個湯底係食完雞煲之後食， $198真係非常之抵呢度自助形式咁有好多嘢食揀，無論鍾意食海鮮、食肉定食菜都一定滿足到你。打邊爐一定唔少得自己調製個豉油汁🤩湯底我揀咗蕃茄薯仔濃湯，同朋友都揀咗好耐，因為有幾隻都想試，例如有藥膳湯呢啲都比較特別，我食得非常開心因為有好多菜類選擇😍仲有一定要食嘅年糕😍飲品方面都係任飲，連啤酒都任飲。最後緊係食埋杯雪糕先走😏我哋兩個都食到好飽😳

因為疫情關係，好耐都冇打過邊爐。終於趁呢排情況好返少少去食雞煲加打邊爐！今日就揀左呢間位於MK既二鍋頭，依家做緊折，先$188加一，又有得食雞煲同火鍋，一次過滿足2個願望~!性價比一流。我地怕辣，所以叫左小辣，味道岩岩好，d雞好嫩滑，又入味，唔會好咸, 值得推薦，食得辣既人，一定要食辣d，因為佢辣好香，好特別！食完雞煲又可以轉打邊爐，我地揀左最熱門既沙嗲湯底，老闆又好好人，如果食食下覺得加水淡既話，又幫我地加返d湯。火鍋既自助配料好多，蔬菜又乾淨又新鮮，肉類既質量亦都不負所望，海鮮既量亦都唔會孤寒，你叫幾多佢就出足咁多比你。來到呢到，無論鐘意食肉,食菜定鐘意食海鮮都會搵到自己鐘意食既野想一次過滿足2個願望，又想省錢既話! 二鍋頭係不二之選

今日同朋友去旺角旺中shopping 完，就見到對面有雞煲食。既然咁耐冇食過雞煲，所以即刻衝去試吓新嘅雞煲店。由於疫情關係，一入去都探熱，酒精搓手液的必須程序。6點已經好滿，如果7點後的時間一定要book !我地嗌左雞煲小辣，一上菜，店員會幫你炒香佢，炒嘅時候陣味已經飄咗出嚟，好香！兩個人都有一隻雞的分量。小辣初初唔會太辣，因為會越煮啲麻辣，但亦唔會太辣，係屬於惹味嗰種。雞肉肉質都好嫩滑，唔算鞋身。食完啲雞都半飽咁濟🤣但之後有火鍋係仼飲仼食。除咗雞煲，佢仲有個好出名嘅火焰鴛鴦鴨煲，可惜我朋友唔食，等我留下次機會再來。一般餐廳都會直接倒湯落去打邊爐但二鍋頭係唔同架, 佢可以比你再揀一個湯底邊爐，甘就又另一個享受。有8款湯底比你揀，我哋揀左懷舊沙嗲鍋。食物方面，餐廳都設有自助區域, 丸類及蔬菜類都可以去自助區既雪櫃自己攞。好多選擇，火鍋基本配料都齊，重點擺得好整齊。豬肉，牛肉，雞肉同海鮮類就係寫紙仔落單，甘就更加新鮮又衛生。真心推介大家叫美國肥牛同同白鱔片, 好新鮮又高質！最後飲品任飲同雪糕雪條任食!總括來說，真係性價比好高，可以一價兩種享受:雞煲+火鍋。好少餐廳會雞煲完比你免費換火鍋湯底

二鍋頭 (旺角).⚜️$198你任食雞煲鴨煲火鍋⚜️.係旺角咁方便嘅位置又有一間任食推介，有任食雞煲鴨煲之後再換鍋比你打邊爐，飲品櫃好多選擇，除左汽水啤酒🍻呢啲必備飲品，仲有健康飲品，全部迷你size!! 我覺得好好唔洗一次過飲咁多，我又可以再飲下一樣！出乎意料第一次見仲有罐裝咖啡lol!!! 我地叫左個雞煲先，雞件多雞肉嫩，之後再叫皮蛋芫茜湯打個邊爐！ 佢任食嘅蔬菜🥬丸類等係另一邊，而其他就tick紙每次最多叫十樣，蝦🦐牛柏葉等，仲有脆骨腩食！ ！.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️.📌 二鍋頭 (旺角)旺角西洋菜南街138號福苑2樓.——

鴨煲 + 打邊爐 $198 / 位選擇方面👉🏻係抵食既，除左肉仲有蝦、魚、蜆等等既海鮮👉🏻任食既質素當然係正常水平，鋪頭亦另設收費肉類同海鮮，豐儉由人👉🏻兩個鍋係講緊食完雞/鴨煲會換第二個鍋俾你，咁就可以重新揀過個湯底👉🏻湯底選擇唔少，有皮蛋、沙嗲、蕃茄、豬骨、藥膳，連冬蔭公都有!.飲品&甜品方面👉🏻鴻福堂小枝裝任飲，雪梨海底椰清甜最岩我👉🏻有兩款韓式雪條同雀巢雪糕杯.座位方面👉🏻佢位唔多所以都成日full，有心來就早點book位，好就好在有位既話都坐得舒服👉🏻有唔少卡位，我果晚唔係坐卡位，但都好闊落👍🏻

👧🏻😋👅🍽✨.$198 雞/鴨煲 + 任食邊爐兩個鐘.鴨煲方面✨鴨煲本身都少見，個煲有好多肉，唔知係我好彩定點，有四隻鴨掌，兩個鴨鎚勁好味✨調味方面都比較重，鴨肉就岩岩好，不過枝竹索汁就略嫌鹹左D.邊爐方面✨出面可以自助拎火鍋配料，丸同菜fill貨都快手✨牛肉勁好味! 肥瘦適中，但可惜每次俾幾塊haha 要狂食就要瘋狂點😎✨有得點油鴨脾又係特別wo! 不過係好似金華火腿咁勁鹹😂 半舊起一舊止.加一服務費