二鍋頭 (福苑)

营业中

休息中

黎到旺角，都係想黎打邊爐，選擇有好多，揀到花多眼亂，所以就揀間方便嘅，位置就係旺角中心對面，係旺角站C出口一出就係喇！呢間二鍋頭超級抵食呀！$198任食鴨煲/雞煲，仲可以打邊爐添！而呢度唔係食完雞煲加湯打邊爐！而係額外個湯可以揀！之後我地就揀左雞煲小辣，兩個人食份量都唔少呀！雞煲好好食，唔乾又夠滑，好食又夠味！呢度有雞腳可以揀添！如果唔想要都可以request走雞腳！唔錯！我地仲食左兩轉tim！之後就叫左豬骨鍋打邊爐！好快就叫左檯！叫啲食材都好快上齊，效率夠高！呢個價錢性價比真係好高！而飲品都係任飲，都有十幾款選擇，一啲都唔hea！仲有維記雪糕杯食呀！呢間真係值得一試！服務又好！唔錯呀！

朋友們見到呢間有2.5小時任飲任食雞煲火鍋，而且價錢都好抵！就去食下啦！鴨煲🐔雞煲，任你選擇我就揀咗雞煲，而且份量都唔少，小小辣，味道啱啱好，惹味又適合我地而且當住你面一齊炒香，好吸引！湯底打邊爐，有8款！超級多，叫咗個藥膳湯底👍 配料除左有紙仔之外，自助區都可以自己攞！蔬菜響鈴炸魚皮等等都有齊晒！好推介食白鱔片，夠哂新鮮，同埋肥牛都好正！脂肪分布得好好，濃郁牛肉味飲品選擇都好多啊！任飲任食，真係唔驚唔飽！地方闊落，服務態度非常好，會主動詢問夠唔夠湯環境舒適，性價比高，食物味道都不錯，可以食得開心慢慢嘆🤞🏻

他們的的火焰鴨煲🦢是有睇頭會點火的，但是肉質就真是很一般過一般吧⋯⋯味道還可以因為鴨的肉質好很鞋，而且又比較多骨，他們的火鍋材料選擇比較少，但是再落單紙上很多食材都沒有貨，例如最基本的烏冬都說沒有貨😨落單頭一轉的是可以的，但在第二次落單已經沒有白鱔和蝦了🥴不過在疫情下沒有太大要求和期望🤭因為我們祇是有地方可以一聚，而選擇他的原因是時間🈶️兩個半鐘頭，服務員手不足全店祇有3位連收銀，但當晚係全埸滿座👻

之前就2人限聚令，跟住又禁夜晚堂食，已經有段時間無出去食火鍋，又好掛住雞煲，呢2樣野都系好難系屋企整，2個人買料返屋企整又要洗又要買，買得多又食吾晒，買得少又無咩選擇，所以最好就系出去食，啱晒我呢啲懶人今日搵到間經濟實惠，既可以打邊爐，又可以食到雞煲，一次滿足晒2個願望任飲又飲食，飲得啤酒個啲真系回晒本先黎自製調味料，乾淨企理雞煲黎啦，都系任食架！份量好多，啲雞好多肉，吾會系舊舊都骨個啲，食得好高興食完個雞煲，整返個芫荽皮蛋湯底打邊爐，清清啲熱氣其實食完個雞煲已經飽左半成，跟住叫嘅都系魚，蝦，菜，清淡為主。火鍋料按人頭計，份量吾會太多，所以吾會浪費。最後整返杯雪糕，好滿足的一餐

好耐冇食雞煲, 諗返起都好想食。食放題就最好, 可以無拘束冇壓力咁食。旺角呢間 二鍋頭, 雞煲任食加火鍋放題, 用openrice 訂位每位$188加一, 仲可以食2.5鐘, CP值真係好高！惹味雞煲 分唔同辣度大中小辣選擇, 我哋揀咗小辣。侍應會即場炒熟個雞煲畀你食！個雞煲幾多雞肉, 唔會淨係得啲骨, 肉質嫩滑唔鞋口, 醬汁調得入味, 辣中帶鹹, 好惹味令人愈食愈想食！香茜皮蛋鍋 換個煲就食火鍋。香茜皮蛋鍋清熱降火, 清淡啲冇咁熱氣！呢度放題選擇非常多, 有海鮮、肉類、丸類、新鮮蔬菜等等。點了幾款海鮮, 白鱔片嫩滑有鱔味。墨魚仔煙韌軟熟有咀嚼口。活海蜆無沙清甜有蜆味。蟹柳係我至愛火鍋必備之選, 肉質結實唔會鬆泡泡。炸響鈴都唔少得, 香脆可口淥一淥就夠！呢度任飲汽水啤酒有多種選擇, 我就梗係啤一啤佢。最後留肚食番杯雪糕, 為這一餐劃上完美句號。

心血來潮想食雞煲, 朋友介紹呢間雞煲專門店, 喺旺角中心對面, 交通非常方便。樓上舖十分寬敞, 坐得舒服。除咗雞煲仲有鴨煲都係任食, 食完之後就揀湯底食火鍋放題！任食雞煲雞煲係香辣不麻, 點咗小辣, 辣不搶口。店員服務殷勤, 會喺你面前即場炒香雞煲, 色香味美！雞件肥美肉厚, 嫩滑惹味啖啖肉, 仲可以無限添食！香茜皮蛋鍋食完雞煲就點咗個香茜皮蛋鍋食火鍋放題, 清清地唔油膩。火鍋配料很多, 點餐紙自己剔選。海鮮 有海蝦、白鱔片、墨魚仔、活海蜆、脆肉鯇。海蝦爽口彈牙, 脆肉鯇片爽口彈牙！丸類因為已經好飽有冇點了。點咗蟹柳、炸支竹、炸響鈴、皇帝菜。 炸支竹乾身冇油益味, 皇帝菜新鮮翠綠平衡番過多肉食, 感覺健康!放題當然唔少得啤酒汽水任飲, 兩個雪櫃嘅種類任你揀。甜品就有雀巢雪糕杯, 口味幾多, 好耐未食過, 充滿有童年回憶！

性價比高，員工服務好值得再去。推介鮮牛肉，夠滑夠入味雞煲好吃，追加了一次，惹味呀環境很不錯，員工服務令人滿意。任食2.5小時，邊吃邊聊不用趕時間，飲品種類ok！

天氣早晚開始有點秋意最好當然是食雞煲+自助火鍋啦，雞煲好像怎麼都吃不厭，醬汁濃郁，香辣惹味，吃完嫩滑雞件換個芫茜皮蛋湯繼續打邊爐，平時食雞煲一般都唔多夠喉~二鍋頭就非常之好~雞煲都是任食😋，我地兩個人其實食完雞煲已經飽飽地所以我地都係食蔬菜為主 ~ 叫咗牛肉，蝦，鱔片，雲吞，魚皮餃，南瓜，萵笋，蘿蔔，魚皮，准山…………其實我地都叫咗好多野😁再飲罐冰凍馬蹄爽同清涼爽解一解熱氣~正😀👍，這裡汽水啤酒都是任飲還有雪糕不過真的太飽所以沒有食..

以前來旺角朋友聚會總會到酒樓任食火鍋，到今時今日，一間講求乾淨衛生嘅火鍋店就最緊要。旺角中心對面的二鍋頭就是其中一間信心選擇。訂了7 點的雞煲火鍋專門店由地鐵站行幾步就到，店內空間感不錯，現在的防疫格板令友人傾計都較安心，坐低即刻選擇左最愛嗁沙爹湯底同雞煲先，門口旁已放置任飲任拿嗁罐裝飲品，選擇幾多，有啤酒涼茶汽水唔錯選擇。而且有唔同口味杯裝維記雪糕任食，惹味辣雞煲先出場，因為怕太辣所以揀左小辣，味道剛剛好，石鍋上菜，乾淨又吸引，先等店員將雞件炒勻後，鍋內煎香的雞件油份出色，是醬汁平均分散的好味雞煲。食完雞煲收起石鍋再上一大鍋任食火鍋，材料選擇十分多，最愛的肥牛肥瘦平均，又有海鮮、炸魚皮響鈴等，每款菜上檯才分量較較好，慢慢食慢慢再點過，海鮮款最吸引，每樣都好新鮮又鮮甜。任飲任食的雞煲打邊爐非常抵食，$198 再加一值得試試，朋友聚會的一個好地方。

雞煲、打邊爐真係一年四季都可以食啊！今次喺旺角揀咗呢間二鍋頭，一坐低侍應就俾咗三張紙我哋揀嘢食，分別係火鍋料，雞煲/火焰鴨煲及自選火鍋湯底。仲俾咗醬料架，醬料都好多選擇。鴨煲都係第一次見，但係我同朋友都唔太好食鴨，最後都係揀咗雞煲，少少辣。其他地方食雞煲多數都係冇得追加，呢度就唔同啦！！！雞煲同鴨煲食完都係無限添加嘅。不過食完雞煲都已經飽咗一半，要留番個肚打邊爐㗎嗎😆雖然係揀咗少少辣，但係辣度有後勁，非常惹味。雞件唔會煮過龍，雞肉仍然保持嫩滑。除咗雞件好味之外，配料紫洋蔥都唔輸蝕，吸晒雞煲醬，仲有洋蔥嘅甜味。通常食雞煲都係食完就加湯打邊爐，個味又會怪怪地。但係呢間就唔同，食完雞煲就同你換過個爐打邊爐，超讚👍🏻我哋就揀咗懷舊沙嗲鍋，非常濃郁，湯底仲加咗櫻花蝦嚟煲，好有誠意。🌟推介🌟美國黑豚肉肥瘦適中，紋理分明墨魚滑有真· 墨魚粒係入面白鱔片任食邊爐好少見灼完肉身呈白色，新鮮，爽口彈牙活海蜆大大粒飲品方面有好多款，汽水、韓式果粒飲品、韓式茶、細枝裝滋潤飲品、啤酒，連咖啡都有真係唔驚揀唔到嘢飲。甜品有細杯裝雀巢雪糕任食，但係食到好飽，最後都係冇食到。$198食2.5鐘，同朋友慢慢食慢慢傾都夠

今天到旺角和朋友聚舊，他很餓可以吃很多，所以我們到了一家我一直也很想試的二鍋頭 他們家是任飲任食，有雞煲、鴨煲、火鍋、雪糕和飲品！我們點了小小辣的雞煲，雞的味道非常好，調味得很不錯，連伴菜的蔥也很入味，有雞味，所以伴菜我們也吃的乾乾淨淨！吃完雞煲就試試他們的火鍋，點了香噴噴的沙嗲湯底，加上豬肉和牛肉片的味道非常配，我們不知點了多少個回合了，大家都吃得非常滿足！最後甜品有雪糕，我們嚐盡不同的味道，渡過了一個很滿足和愉快的晚上！

為食鬼大解放日子，難得限聚已略為寬鬆，朋友實在太耐無見啦，三五知己邊爐系列梗係要預先訂位確保食得開心，一間乾淨企理嘅任飲任食雞煲鴨煲火鍋專門店就更為難得，位於旺角中心對面的二鍋頭，由地鐵站行上去只係十幾步路程，難怪7 點正Walkin 已全店滿座。有別於酒樓火鍋，店內飲品選擇多款，啤酒汽水涼茶果汁整齊吸引，多款味道杯裝雪糕任拿任食，$198抵食價當然少不了出場的主角，惹味辣雞煲，選擇小辣味道剛好平衡，上檯精美，店員協助炒勻雞件確保每件入味，雞表面多了份煎香感就更加吸引眼球，驚喜地還有已煮林的雞扎，吸收哂雞煲精華!同樣是主角的任食火鍋，配料少驚喜，幾款海鮮、韓式水餃及指定肥牛菜款等，每款新鮮點到即止，首推帆立貝活海蜆，食唔停口而且大大鍋原湯料食足兩個鐘，是時候約多三個好朋友，一齊吹下水嘆返餐自由自在食返餐勁啦!👅美味: ⭐️⭐️⭐️⭐️/5✨環境: ⭐️⭐️⭐️⭐️/5💫回頭: ⭐️⭐️⭐️⭐️⭐️/5💡性價: ⭐️⭐️⭐️⭐️⭐️/5💆‍♂️服務: ⭐️⭐️⭐️⭐️/5

呢間雞煲打邊爐好值得推薦，因為係樓下已經聞到香噴噴，而且非常抵食！！入座後可以揀雞煲或者鴨煲，我地就叫左雞煲，BB辣，因為之後要出trip，費事食太辣，上菜時已經聞到好香，d雞非常之入味，如果］日2日d雞冇骨我可以食到幾煲😂😂 小小辣亦都非常之開胃！所以呢⋯食完一round 就叫火鍋，呢度嘅沙嗲湯底真係一絕，香到呢⋯我落一落牛肉，唔係用調味都好正，正宗嘅沙嗲牛肉👍🏻👍🏻佢地嘅火鍋配料都幾多選擇，每樣都叫小小咁好鬼滋味！雪糕同飲品都全包，呢一餐性價比真係好高！

食完返尋味嘅雞煲火鍋😋之前來呢度食過一次，今次再同男朋友過來食。環境優雅，坐得闊落舒服。坐低先調配自己鍾意嘅調料，呢度嘅調料都算ok，應有盡有，沙爹醬好正。點左雞煲，上菜時間都幾快。香噴噴的雞肉+香菜味撲面而來，雞肉香滑且份量多，食完已經有三分飽。食完雞煲換鍋打邊爐，揀左豬骨湯底。order左海蝦，蜆，帶子等等～ 海鮮都幾新鮮。呢度真係好啱飲酒朋友，Ice啤酒任飲唔嫐其他牌子啤酒亦有 不過要加錢，但都好平。食完翻尋味 下次會再來～

依家疫情稍緩 放寬了就餐時段，梗係要同男朋友過來食下佢最鍾意嘅打邊爐啦～仲要有我鍾意食嘅雞煲，呢間鋪滿足曬兩個人嘅願望～.🌸雞煲先黎食嘅雞煲先，上鍋後店員會再幫忙翻炒兩下，散發出陣陣香味，雞肉嫩滑可口。.🌸正宗豬骨鍋食完雞煲，諗住等加水開始打邊爐。但店員話要幫我地換鍋打邊爐。.豬骨鍋入邊仲有玉米番茄🍅。.我地叫左一round嘢食就飽啦。最鍾意食豬潤同大腸，豬潤粉粉嫩嫩好好食，大腸洗得好乾淨，味道亦唔錯。💗.嘢飲任拎，仲有雪糕食。食到好飽 但都要甜品不可少～