二鍋頭 (福苑)

营业中

休息中

同朋友都好鍾意打邊爐～火鍋放題就真係最好啦！因為唔洗諗有啲咩唔食，又可以食到唔同野環境闊落又舒服～任食鴨煲好惹味啊，仲可以無限加！再揀火鍋湯底，我哋就食咗個藥材湯底～滋補藥膳鍋都唔錯架海鮮蔬菜🥬多選擇飲品同雪糕都有齊～✨火焰鴛鴦鴨煲中間點火，有火焰嘅感覺，好香濃又夠味，唔會好多骨！✨滋補藥膳鍋總體感覺藥材味都唔會好重，加入海鮮牛肉喺裏面都唔會食晒啲味道✨💕美國肥牛、羊肉半肥瘦嘅牛肉，而且都夠新鮮， 羊肉片有好羊騷味，絕對唔係雪櫃冷藏貨！帆立貝鮮甜又大粒💕食咗好多粒啊！脆鯇魚腩好爽口鯇魚腩，夠晒口感活海蜆啲肉都一樣禁鮮甜又好味😋大大個仲有好多蔬菜例如生菜西洋菜等等都可以食到，魚皮都有㗎不過我哋就太飽已經食唔落啦！服務態度真係好貼心，會主動收野同埋唔翻我哋嘅意見！

收工後和友人來到呢間二頭鍋吃雞煲+邊爐，呢間任飲任食兩個半鐘都係$198一位。餐廳可以先讓客人選「二鍋頭惹味雞煲」或「火焰鴛鴦鴨煲」，友人偏愛雞煲多於鴨煲，所以便選了雞煲。辣度選擇有小小辣，小辣，中辣同大辣，我地就揀左小辣。可以點既配料醬汁種類相當多，不過雞煲同邊爐湯底都夠味，所以我都不太需要點醬料！雞煲入面爆香既芫茜洋蔥真的好惹味，而愛雞煲既朋友亦忍唔住叫多轉雞煲，我自己就較想留力去食邊爐。邊爐有八款火鍋湯底可以選擇，我地選擇川椒麻辣鍋。川椒麻辣鍋上枱所見好多乾辣椒同麻椒粒，微微香麻惹味﹗邊爐食物係寫紙仔落單，再有店員送上，令人感覺安全衛生。推介鮮鵝腸、墨魚滑、肥牛同鮮吊桶仔等新鮮食材，配上麻辣鍋特別滋味，而海蝦都好大隻好鮮。仲有不同飲品同雪糕可以選擇，一邊睇住電視，一邊食雞煲同邊爐，真係夠過癮﹗

今日嚟到旺角行街～見到好耐冇打邊爐🙈就搵咗間餐廳去打邊爐🤣佢喺旺角新之城對面嘅一棟大廈2樓嘅火鍋放題～一入餐廳就覺得環境幾闊落🥰坐入卡位都幾舒服👍🏻首先會俾你揀咗任食雞煲定係鴨煲，跟住再揀火鍋湯底同埋唔同嘅海鮮蔬菜等等嘅火鍋食物😍仲有好多唔同嘅飲品同雪糕任食💕呢度啲職員同埋老闆都超級好人☺️火焰鴛鴦鴨煲一大個鴨煲上枱，入面有熟咗嘅鴨，職員會喺鍋中間點火再炒熱啲鴨🤣我哋叫咗小小辣，感覺唔會太辣🙈不過好香好正👍🏻啲鴨肉幾嫩滑☺️同埋好入味😋而且啲鴨好多肉，好美味🥰滋補藥膳鍋鍋入面有紅棗同其他唔同嘅藥材～加入海鮮等食物入個鍋入面，食起身有少少藥材味😂但係好易入口😋而且好香👍🏻美國肥牛肥牛片超級正😍半肥瘦嘅牛肉，我哋兩個人都叫咗五碟清曬🤣帆立貝好新鮮嘅帆立貝😍有海鮮嘅鮮甜味😋又唔會太韌口～羊肉羊肉片有好濃郁嘅羊騷味🤣好香濃好新鮮👍🏻而且唔會太肥脆鯇魚腩同樣地好新鮮，而且好爽口嘅鯇魚腩😍食落啖啖肉😋活海蜆好大隻嘅海蜆😍啲肉都好鮮甜～好正👍🏻豬大腸豬大腸煙煙韌韌～而且唔會有好多肥肉🤣我哋食到超級飽肚🙈而且呢度嘅服務態度真係超級好💕好值得一試👍🏻

珍貴嘅外食晚餐，今日交俾旺角「二鍋頭」🤣，$198 / 2.5小時主打雞煲火鍋任飲任食，非常唔錯。食物••••••首先一個價可以任食雞煲+任食火鍋，任飲，任食雪糕雪條，💯！有汽水、茶、啤、仲有細支裝鴻福堂飲品！可以試多幾款jeng😛。雞煲要左小小辣，入口係微麻少辣，幾過癮😚雞固之然入味，配角洋蔥非常搶鏡，煲到軟身甘甜😍。火鍋要沙嗲湯底，煲size夠大夠滾，野食方面好豐富啦，應有盡有，肉類豬牛雞鴨羊、海鮮、丸、餃、蔬菜、粉麵。✅推介蜆 - 大隻，全部開殼鮮味，連埋蝦煮呢湯底會變鮮甜😋鮮滑牛肉 - 大塊有口感，相當嫩滑，每一轉都嗌🥰美國黑豚肉 - 上枱已經一齊話紋路靚，淥完一啲都唔韌唔柴墨魚滑 - 真係食到墨魚粒🤤環境👍🏻••••••樓底高無壓迫感，座位好寬敞。最最最緊要！係冷氣夠強！唔會食到煙霧瀰漫🤣。衛生👍🏻••••••爬文知道以前係有食物自助區，今次全部都係劃紙，感覺衛生。火鍋湯底亦同一般雞煲店不同，呢度係會用一個新煲，唔會將湯加入剩餘雞煲料，枱面座位都乾淨無痴立立，呢幾點幾好☺️。

今晚朋友帶我來二頭鍋無限任食雞煲+邊爐$198，可以揀雞煲或者火焰鴨煲。而我地揀左我至愛既雞煲，雞煲無限任食真係一大賣點。店員係雞煲上枱時會幫忙翻炒熱，雞肉入晒醬汁味，香濃嫰滑，相當惹味。夾完一件又一件，所以一轉既雞煲好快已經清晒。由於自己真係太耐冇食雞煲關係，所以忍唔住叫多轉雞煲。估唔到叫多轉既雞煲係係用另一鍋再上，不存在食第二轉食雞份量會少左既問題，雞腳同樣有四隻 。之後再揀川椒麻辣鍋湯底打邊爐，自己好鐘意食菜，例如:鮮萵筍、金菇、通菜、蘿蔔，嗦晒麻辣鍋湯底，刺激食欲。特別推介浸完麻辣鍋豆卜好入味，一咬爆汁﹗飲品選擇多元化，有涼茶又有汽水，而我至愛涼粉爽。最後就食埋兩杯香芋雪糕，十分盡興﹗

晚市堂食放寬到10點, 放工後可以有比較鬆動嘅時間去食雞煲或鴨煲, 加打邊爐啦!二鍋頭主打食雞煲或鴨煲, 之後換個湯㡳打邊爐, 有多款食材可選擇! 仲有飲品及雪糕自助任拎, 任飲任食, 每位只係$198, 非常抵, 絕對可以回本!火焰鴛鴦鴨煲雞煲食得多, 第一次見有鴨煲, 當然要試一試啦! 由鴨及臘鴨組成的鴛鴦鴨煲, 份量十足!上菜後, 店員會贊酒落鴨煲, 再點火, 及幫忙拌炒，好壯觀, 而且香氣四溢！鴨肉吸收了酒香, 濃郁美味, 好正呀!食完鴨煲後，就可以選擇湯底打邊爐啦! 火鍋食材質素唔錯，真係大滿足！

二鍋頭位於旺角中心對面，交通四通八達，點去都咁方便。之前晚市堂食限於9點前，收工想去打邊爐，根本就咁夠時間。依家放寬到10點，又係時候出動喇！$198/位有雞或鴨煲，而且仲可以換湯㡳打邊爐，價錢相當公道！飲品同埋雪糕都係自助任拎，保證可以輕易回本！火焰鴛鴦鴨煲由鴨＋臘鴨組成的鴛鴦鴨煲，相當足料而且香氣四溢！店員會幫忙拌炒，炒到咁上下，就淋啲二鍋頭落去點火，增香提鮮，仲可以方便食客拍片打卡添！鴨肉味濃而且香口唔鞋，佐料索晒啲酒味，夠晒刺激！食完鴨煲，就換上豬骨湯底打邊爐，抖一陣水滾又可以繼續大吃大喝啦！有多款食材可供選擇，唔洗二百一個人頭收費黎講，啲肥牛都算係幾高質，可以喪嗌！

自疫情起都好耐未一班人出去打邊爐，但又心思思好想去恰下恰下，所以就去左朋友推介嘅二鍋頭餐廳，過下邊爐癮。一入去就見到環境好乾淨闊落，食客之間有合適嘅距離，方便食客放置火鍋配料，唔洗擔心無位一下子要放晒d配料落火鍋到，可以慢慢恰下恰下👍🏻一開始就上左雞煲先，店員會倒d酒到雞煲再點火，面頭有d芫茜，所以成個雞煲係好香好惹味。而且有辣度嘅選擇，所以食唔得辣嘅朋友都可以接受到，食完重有得refill。開始打邊爐，有8款湯底可以選擇，我哋就簡左川椒麻辣鍋。火鍋配料方面，有不同配料選擇，有肉類及海鮮、丸類、蔬菜等，非常豐富，而且食物睇落同食落質素都好新鮮!!! 飲品方面都有大約十款，仲有飯後雪糕，都係任飲任食，真係好正🤣🤣坐得舒適，食得開心，係約會同好友聚會好地方，非常回味👍🏻👍🏻

二鍋頭旺角西洋菜南街138號福苑2樓自從停止晚間堂食之後已經無出過街食飯啦，岩岩政府公佈左晚市可以恢復二人堂食至到九點鐘，所以即刻約埋朋友出動啦餓左咁耐最想食既就係打邊爐啦，為左大家就腳揀左係旺角食，呢間餐廳之前已經幫襯過，係正新之城既對面，地鐵站行過黎好近非常方便呢到係任食形式，打邊爐之前仲可以揀個雞煲或者鴨煲，而火鍋配料既選擇都有好多，非常吸引我想講雞煲既份量超多呀，而且真材實料有好多肉，用秘製既醬料加埋芫荽，洋蔥炒埋真係好惹味，未食已經聞到好正，如果唔夠食仲可以任加架 湯底我哋揀咗川椒麻辣鍋， 如果六位以上仲可以揀兩款湯底架我地叫左幾轉火鍋配料，全部都好新鮮，而且上菜嘅速度都好快 另一樣值得讚賞嘅就係飲品方面，除咗各色各樣嘅汽水同啤酒之外，仲有幾款滋潤清熱飲品，打邊爐咁熱氣，飲呢D 就最岩啦 最後埋單，$198一個人再加10%, 任飲任食2個半鐘雞煲+火鍋，絕對超值

火鍋、雞煲係小編一年四季最喜愛嘅菜式之一，食過唔少仼食雞煲火鍋，間間都係大同小異，今次去呢間餐廳-二鍋頭，除咗仼食雞煲，仲有鴨煲，孤陋寡聞嘅我真係第一次試仼食鴨煲，而且仲要係食鴛鴦鴨，即係油鴨、新鮮鴨。第一，先揀食雞煲定鴨煲，另外，可以選擇辣度，我同朋友仔今次係為左鴨煲而來，當然揀咗鴨煲，鴨嘅份野唔算少，大概係油鴨同鮮鴨各半隻，佢地會將鴨件、油鴨以及材料預先煮到半熟，上菜時，就會落清酒炒香，十分惹味，落清酒時會有火焰燒起上嚟，名乎其實嘅火焰鴛鴦鴨煲。個人就比較喜歡食新鮮鴨，有肉質冇咁死實，除咗主角鴨，我第二最愛係枝竹，吸收曬鴨肉同醬料嘅味道，食完一轉，如果唔夠喉可以無限添加。食完鴨煲就開始打邊爐，有8個火鍋湯底你揀，今次我哋就試咗滋補藥膳湯，藥材味淡淡的，由於我唔太鍾意重藥材味，所以我幾鍾意。而食物種類繁多，質素頗新鮮，仲有幾款海鮮仼食，如蜆、墨魚仔、白鰻，不過，最特別都係有油鴨脾，一般火鍋店未必提供。小總結: 原價$198一位，喺openrice訂位仲可以平$10蚊，百幾蚊仼食雞/鴨煲火鍋，味道唔差又價錢唔貴，性價比高，絕對值得一試！

考完試又咁岩撞正屋企人生日就緊係食返餐好啦網上見到呢間雞煲可以任食屋企人即刻話去試入座個陣唔係好多人但食食下已經full full地（由於太肚餓既關係 已經唔記得左影相🤣🤣）佢有雞煲同鴨煲揀辣度亦都係自己剔因為屋企人唔食得辣就叫左個唔辣雞煲個雞煲都唔少份量啲雞都夠滑個醬夠曬惹味啊媽都大讚好食打邊爐就叫左沙嗲湯低夠曬濃味好正佢仲有平時少見既韓式粉絲餃即刻攞多幾舊黎食野飲方面都好多選擇每人二百蚊好抵食

今日去到旺角行街，咁啱見到呢間火鍋店個名又好特別，二話不說拉左啲friend上去打個邊爐～可能因為去果時啱啱開始晚市，唔算好多人，不過已經有幾台客食緊～佢個地方同平時其他任食邊爐既場都好唔同，啲卡位好闊落。一坐低店員就即刻過黎介紹下個餐牌，其實都係一目了然，開始先揀左雞煲或者鴨煲，食曬之後揀過個湯底就可以打埋邊爐啦～同行既骨友唔係好好食鴨，所以就揀左個小小辣既雞煲。喺等食既同時又去調教醬油配料，正常既生熟蒜，沙茶醬都一定有。一返埋位啲野食已經到啦，好香既雞煲味！佢俾既量絕對唔吝嗇，仲有埋雞腳食。啲肉好嫩又入味，好正👍🏻👍🏻食完雞煲之後就落埋火鍋既單，本身以為佢好似其他舖咁會就咁倒個湯底落去，原來佢會成個煲換埋，好貼心既服務！我地叫左個沙嗲湯，好濃味。而佢既美國肥牛質素都唔錯，幾有牛味。出面仲有食物自助區，基本上所有熱門既食物都有，特別仲有芝士波波腸，好正！下次會推介其他朋友再黎食過～ (401)

朋友係要見嫁，咁耐無見當然要搵個地方食得耐傾得耐，最重要係抵食，貪心如我搵了間可以任食雞煲+火煱放題。當日我遲到，朋友們無留雞俾我，原來等我去到唻多煲，真好。除了大、中、小辣，仲有小小辣，啱晒又想食又怕辣嘅朋友，雞肉嫩滑大件，十分入味，而且份量不少，最好可以因應人數追加，之後我地轉戰火煱😋選了豬骨煱，湯底香甜，再去食物櫃拎食物。有唔同菜類、丸類、原包出前一丁，推介炸魚片同響鈴，服務員態度好好，見炸魚片得返細細片，幫我換過一啲大塊的，好味。另一雪櫃有唔同飲品及雪糕任均選擇，$188+1 食足2個半鐘，仲見到唔少外國朋友，高性價比之選。

🥰家姐真係好鍾意雞煲.久唔久都拉埋我去食🙃·任食雞煲鴨煲火鍋（$198）超抵食🥰我地揀左比較新穎既鴛鴦鴨煲🦆辣度選上了小辣🥰黎到時店員加酒炒熱😆香濃惹味🔥·食完就開始火鍋😋揀左清熱下火香茜皮蛋鍋🍲🥩🦐🦑🥬🥒🥦🌽🍢咩款式都有仲要幾新鮮！！！食到口渴當然唔少得飲品🍻🧃都係任飲架👐🏻仲有飯後雪糕🤡想放肆一下可以試試二鍋頭～·📍 二鍋頭旺角西洋菜南街138號福苑2樓

朋友生日, 我哋終於有藉口可以聚喇! 好耐無食火鍋的我提議食火鍋, 最後選定呢間, 因為大家都未食過而地點大家都方便!  首先有任食雞煲, 雞份量本身都唔少, 為免食唔落其他邊壚餸, 所以無再添雞! 雞煲味道不錯, 唔辣仲甜甜哋! 食晒雞煲後, 一般餐廳都會直接加水/湯打邊壚, 但係呢度係換第二個鍋的! 我哋選藥饍鍋, 夠養生! 自助區有丸、菜、腸、年糕麵食及飲品, 肉食就用紙剔! 我哋一行4人, 肉比2片……海鮮幾新鮮, 豚肉片比肥牛好食, 墨魚滑好一般! 註: 脆炸魚皮好好食