二鍋頭 (福苑)

营业中

休息中

香港天氣愈黎愈凍，依d氣候最適合就係打邊爐，但買餸返屋企整又有排執，所以食自助火鍋就最方便啦，平時雞煲都有食過唔少，但二鍋頭就第一次試，上網見到有人推薦話幾值得一試就同男朋友上去試下，因為佢係樓上鋪黎既，所以都要細心留意下招牌先見到。甘佢有一樣野好特別，就係食雞煲同打邊爐既鍋係會換既，啫係你食完雞煲，佢會換個新鍋比你去打邊爐，依個服務態度真係好好，平時出面既雞煲店都係會直接加湯架嘛，甘佢甘樣換就唔會令到兩隻味會溝埋一齊，甘雞煲方面我地就揀左一個小辣既，甘佢就唔算太辣既好開胃，好適合一d平時唔食得辣既人都可以試下，甘邊爐方面我地就叫左個清湯豆腐鍋，甘就清清地唔會怕熱氣，而且佢仲會好好甘拎d醬料比你係枱到加，甘就唔洗自己行出行入整，簡直好似5星級既服務甘。食物方面佢都好多唔同選擇，海鮮同肉都係入單叫既，而丸同菜類就係出去自助區到拎既，甘就可以入完單之後就出去揀下自己想食咩丸先，不過要留意下佢上肉既速度真係好快，而且肉又好新鮮，所以唔好行開甘耐啦，唔係d肉就會比你朋友食哂架啦。食飽之後仲可以食個雪糕做甜品，簡直大滿足。整體黎講，我好滿意二鍋頭既服務態度同埋食物都好新鮮

今日朋友約左我黎二鍋頭，原來地鐵站對出呢一座大廈好多火鍋食入到黎地方光猛整潔，而且佢係食完雞煲再打邊爐，雞煲仲要任食，真係好抵!飲品任飲，有酒有汽水自助類既蔬菜同丸類都好多，岩哂樣樣都想食少少既我唔夠喉仲有公仔麵，正!醬料都係一般常見既雞煲要左少少辣，全程都係店員炒，唔洗自己落手，味道超香!食落雞件夠滑，味道夠香濃，我覺得少少辣岩岩好，唔會太辣又夠惹味同朋友refill左三次先夠喉!!天氣開始涼，同朋友揀左藥膳湯底，健康又暖胃未食肉之前食返一round菜打打底，唔洗等到最後食菜吸哂油佢既牛同豬油脂花紋算幾靚肥牛食落幾香口，牛味都好夠豚肉十分推薦，夠油香之餘豚肉味好出因為食得太多肉，最後都係食返D菜balance一下，最後一定要食返D炸腐竹，比起響鈴佢更香口更吸湯

這裡真係抵食之餘食物選擇多，今晚就朋友上了這裡食過夠，最正係可以任食雞煲之外還有個火焰鴨煲，有雞有鴨嘅選擇總有一款合大家口味！雞煲就係要麻辣味嘅，雞件炆得十分入味，上枱後店員再再熱攪勻就可以享用，肉質嫩滑軟熟，正！當然在火鍋前追加多一次食過夠！火鍋湯底就可以重新選擇，所以唔食辣嘅朋友絕對放心，又可以轉口味，今次要了個正宗豬骨鍋，大大件豬骨放在湯底內，味道鮮味，當然就係點選肉肉，同埋出去自助櫃位置取不同嘅丸丸同腸餃啦！飲品就要飲啲解渴嘅茶系款式！上菜快，湯滾當然就係邊滾邊吃！這裡嘅雲吞大大隻，入口蝦肉彈牙十足在食雲吞麵檔嘅感覺！而雲耳餃亦十分出色，雲吞爽口彈牙，好有口感！當然肥牛同鮮滑牛都十分好味，肥牛一拖滾湯即熟，入口嫩滑軟熟肥美，滑牛厚切入口彈牙軟滑，又係另一種口感！當然還有個自助甜品櫃，食埋佢嘅韓式口味雪條，就真係十分滿足了！一個價錢可以在這裡慢慢嘆！

今晚同朋友慶祝生日去左二鍋頭食雞煲邊爐放題！一坐低職員已經擺低一堆醬料俾你自由混搭，正！一開始有雞煲同鴨煲任食，我地叫左雞煲小辣，雞肉煮得好入味，肉質嫩滑唔會煮到好老，d洋蔥十級好食。之後到食火鍋喇，我地叫左藥膳湯底，有濃濃既藥膳味，唔係味精果種，好清好健康既感覺。有好多料都係任食，大部分都係好新鮮，特別係海蝦，勁新鮮勁彈牙。好少可任食邊爐有帆立貝任食，仲要都幾大隻同埋唔係急凍料，食左超多粒！仲有本人最愛既花枝片，真係勁彈牙勁好食，必encoreee！唔止火鍋配料有得任食，野飲同甜品都係任食！甜品有韓國既雪條同牛奶公司既雪糕，真係勁滿足！呢d放題最岩就係同d食肉獸朋友一齊喪食！

「二鍋頭」係因為可以食雞煲又得，食自選火鍋湯底都得，所以食到好野，行完兩層樓梯都抵！(無升降機，因只供住客使用！我同朋友先叫左個雞煲，再叫個芫茜皮蛋湯底食火鍋，感覺可以清下火，無咁上火啦😆雞煲叫小小辣啱哂口味，少少麻香，BB辣，味道剛剛好，份量好多，雞肉嫩滑，多啲洋蔥仲正！火鍋食物非常多選擇，連菇、瓜、蔬菜類都接近20款，夠新鮮！個人非常欣賞鱔片、蜆、雞公子、肥牛、羊肉片和豚肉片。點的份量按人頭份量俾，不會浪費，食完再叫，仲要服務好，快又準！侍應聽到我哋想食金菇，而出面未fill,主動送上一碗金菇，好細心

今日去咗一間任食火鍋加雞煲嘅餐廳！性價比高～價錢唔貴，食雞煲更加唔使另外加錢～正👍🏻👍🏻👍🏻依家出邊嗰啲任食火鍋通常都起碼二百幾至三百幾～但呢度$200內就食到😬😬😬😬一坐低我哋就食咗呢個雞煲（少辣），個味道啱啱好，唔太辣，同埋個味係你食完唔會狂飲水嗰啲！我自己係非常欣賞，食完一舊接一舊🤣🤣🤣🤣之後佢會拎走個雞煲，再俾一個新鍋你，可以揀湯底，我揀咗皮蛋芫荽湯！好多芫荽呀🥳🥳🥳🥳美國肥牛豬肉片墨魚滑有好多食材俾大家㗎揀架！👏🏻👏🏻👏🏻👏🏻同埋職員見到冇食物都會即刻refill~得意嘅係佢有呢啲嘢飲係細細支，大家可以試吓唔同嘅嘢飲，又唔使要飲唒一大支先可以再飲其他😀😀😀職員服務態度非常值得讚，手腳好快，又有禮貌❤️❤️❤️❤️大家可以去試吓啊！　

火鍋，秋冬天最啱食。呢間二鍋頭個名好得意，同酒一樣，但係佢呢間火鍋雞煲最特別係除咗雞煲任食之外仲可以選擇鴨煲，同樣係任食，性價比非常高，今次就同朋友兩位去試一試。提早訂枱，去到入座率都有接近七成，入到入面先少d人，非常受歡迎。我朋友比較鍾意食雞，所以就直接揀咗雞煲，佢個醬汁都好香濃，而且有不同的調味，少少麻辣咁樣好開胃!食完雞煲仲可以添㗎，因為我個friend實在太鍾意食雞所以加咗一次，到之後打邊爐最好嘅係可以選擇多款湯底，秋冬天想開胃啲就揀咗泰式個款酸辣冬陰功湯，味道唔算太濃，比較小清新。食物種類都有好多，包括海鮮及各式各樣的肉，我朋友好鍾意食雞所以點左滑雞同埋雞子，都真係幾香滑，雞子大大粒口感十足。另外都推薦炸魚皮等等食物，鹹香又口味香口。出面仲有一個自取櫃可以選擇唔同款式嘅蔬菜、丸、例如佢嘅龍蝦丸都好大粒，爽口又彈牙。更有超過20款不同的飲品，幾款特別嘅雪條，平時喺街都好少見到有，更加值得品嚐。

最近見天氣涼左少少，即刻約埋fd子去食雞煲兼打邊爐～ 如果幫襯過二鍋頭嘅朋友仔都知鋪頭既位置係超易搵，喺正旺角中心對面，行完街餓餓地就可以衝上去刷飽佢～ 入到鋪頭，鋪面都算企理，勁香雞煲味！每枱都會比一盤調味料自己慢慢混醬混飽佢～二鍋頭分別有任食雞煲同鴨煲比大家揀，我就揀左佢地嘅招牌惹味雞煲～～ 另外估唔到火鍋湯底都有咁多款揀！本小姐最愛藥膳湯～ 任食嘅火鍋配料都算多選擇，任食嚟講，食多啲海鮮配料都算回到本～超香嘅雞煲～～～～ 好多芫荽～～ 至愛嘅芫荽～～ 雞件都好多！3個人share岩岩好！轉頭仲要打邊爐！大戰完個雞煲，眨吓眼就輪到藥膳鍋出場！除左可以落單order配料，自助區仲有好多款基本火鍋配料揀～響鈴、丸丸、腸仔走唔甩！最好就係乜都可以試D，岩哂我呢D成日心大心細既少女心。食左幾輪真係飽到暈！又真係幾好食幾抵食！加上坐得舒服，同大家過左個好開心既夜晚～

今次喺旺角搵到間可以任食雞煲，而又可以打邊爐，仲有可以揀食鴨煲，一聽到就已經覺得好豐富🤓🤓，真係急不及待要試吓佢🤤不過要食好嘢，就梗係要付出吓，行過兩三層樓梯，終於到呢間餐廳了😂店舖都算大，打通咗兩間舖咁，都坐得幾闊落😆一開始就揀煲食，食完可以再加or轉其他款煲，之後先再叫湯底打邊爐🍲，一個人就$188加一，有咁多嘢食真係好抵🤑首先一開始就試吓未食過既鴨煲先，一上枱就已經香味逼人，店員再加啲酒再火燒佢，酒精已經揮發晒，只係淨番啲酒香，呢個味道真係夠晒霸道😚肉質一定冇雞咁嫩滑，但味道搭夠，夠哂濃味，而啲枝竹索晒啲汁，更是一絕👍🏻👍🏻之後就再食雞煲，雞肉一如預期咁嫩滑，髀位都算多，啱晒我😜，不過味道就冇鴨煲咁重味，所以應該要食咗雞煲先😩食咗兩個煲都非常滿意，之後就揀過靚湯底打邊爐，我地揀清湯豆腐湯，清清個口🤣，啲食材雖然任食，但真係勁高質😍尤其係肥牛，海蝦，同埋活海蜆，啲蜆真係好大隻，又隻隻開到口，勁鮮甜🥳🥳最後都清到哂啲野，而家諗翻起真係食咗唔少，最後食翻個香芋雪糕作一個結號，真係捧住翻屋企🤰🏼🤰🏼

香港好似冇乜地方可以食到鴨煲，咁啱上網睇到呢間有間餐廳可以食完鴨煲再食雞煲﹐而且仲係無限加鴨、加雞！食完雞煲仲可以打邊爐，啱晒大胃王！呢個係鴨煲上枱，本身已經調好晒味，上枱嘅時候店員會點火再炒返熱啲鴨，炒到好香！肉質有啲咬口，食落都幾惹味！之後就到麻辣雞煲食完兩個煲都有五成飽，差唔多時候就轉打邊爐！我哋頭先食完濃味嘢，就轉食返個清湯豆腐鍋，火鍋料都幾多選擇！任食嚟講，啲食材都幾高質，海蝦、白鱔、青口、帆立貝呢啲都可以任食！肥牛肥瘦適中，唔會柴！啲蝦都大隻加彈牙！

鍾意打邊爐嘅話，一定要識得呢間位於旺角嘅二鍋頭～因為佢非常抵食！你見到價錢其實係非常適中！首先就可以選擇雞煲或者鴨煲，可惜最近有啲敏感，所以我就食雞煲，我哋揀咗BB辣味道都比較香辣，而且有芫荽等等配料非常不錯。我朋友好鍾意食雞就不停食，雖然份量都多但係好快食晒，亦都可以無限添加，不過我哋就想直接打邊爐。打邊爐亦都可以自行選擇湯底，因為有啲餐廳你食雞煲嘅話打邊爐就剩係得啲普通湯底，但係依度係成個煲會換咗做第二款味道，我哋就揀咗泰式冬陰功湯味，酸酸地非常開胃。嘢食方面除咗肉類之外，亦都有海鮮，出面有位置可以自取蔬菜及丸。豬肉花紋分布適中，都幾好食，炸魚皮等等非常香脆。墨魚滑都比想像中彈牙，配搭個湯底頗為特別。除咗飲品選擇多多之外，甜品我最欣賞係佢有一隻奇異果味嘅雪條，有多重層次口感，嚟到一定要試吓！

秋風起，又到打邊爐時間！今晚，我們揀了近旺角中心、出名性價比高的「二鍋頭」開爐！打邊爐前，先嘆一鍋雞煲！雞肉入味又嫩滑，但由於我們今餐目的是嘆火鍋，所以快快吃完後即轉火鍋！由於我們都不好辣，所以湯底就選了清新的滋補藥膳鍋！火鍋料選擇豐富，不用加錢的約33款，想吃什麼任剔任食！侍應上菜很快手，而且無漏單情況，抵讚！當中心水必食推介是海蝦和帆立貝，吃得出其肉質勁新鮮！另外，鮮雞片亦非常嫩滑，沒有因為任食而將貨就價提供次貨給食客！除了餐紙點食物，你亦可自己到點餐區夾肉丸和蔬菜等火鍋料！飲品方面，有汽水、果汁和烏龍茶！最難得的是，任食火鍋竟然有免費啤酒提供，正！最後，當然要嘆埋甜品才肯收口！

家陣一連四季都有得食火鍋真係好方使，而且價錢超值又多款式，係聚餐嘅首選地方，天氣又凍返係最啱時間食一餐，相約埋好友齊齊去咗旺角呢間火鍋店開餐，主打係火鍋任飲任食放題套餐，除了有火鍋之外叧一必吃美食雞煲，仲提供埋鴨煲就真係比較少食到，一場來到點都食番煲品嘗一下味道，如果夠六個人仲可以一邊食雞煲一邊食火鍋添，我哋都點個惹味雞煲食住先，雞煲味道當然要辣咁食先刺激，香噴噴嘅味道滲出雞肉吸收晒麻辣汁食落特別入味，又啖啖肉越食越正輪到另一款係火焰鴛鴦鴨煲，同雞煲嘅味道不同食落會有一番風味配料有鴨肉同炆枝竹，入口肉質香嫩味香濃，再食件軟滑枝竹片口感十足真係一個惹味嘅鴨煲，食完一輪招牌美食，仲有足夠時間準備品嚐火鍋，再係火鍋紙點埋各款配料連湯底又繼續開始美國肥牛同鮮滑牛肉係必點美食，肉質香嫩又多肉汁正，叧外餃類鮮蝦雲吞同鳯城水餃，餡料豐富又爽彈食完一輪又可以去火鍋自助區揀選其他食材已經食得飽滿最後食埋呢兩款甜品，咁又享受完一餐滋味美食。

其實而家好多火鍋店都係雞煲加配料任食，而我就鍾意揀d火鍋店包埋飲品，雪糕等等。當日先醒起要先去取電腦再去食晚飯，即刻揾到呢一間二鍋頭，第一次嚟，當然入open rice 睇晒有冇咩食，同佢嘅食評如何先訂座，冇可否認，睇完佢嘅食評ok,即刻用1分鐘去book 枱。食物，飲品方面：我選擇雞煲，之後再嚟香茜皮蛋湯底，其餘菜，炸魚皮，丸類係自助的，另外蝦，蜆，牛就填點心纸。而飲品就正常款式，188＋10％嚟講，冇得挑剔。環境ok, 我剛好坐Sofa 位，其實佢而家嘅座位放得幾好又唔迫，因為樓底高所以感覺坐得舒服。最值得讚嘅係佢會主動提你雞煲可以再加，如果唔係就同我地換湯底，另外又會講清楚d 食物係邊，全部自助，雖然有其他客會講，佢地自動係應份的，但我最近去過一間火鍋店，真係要問幾個問題先知道自己要去邊度先可以攞d 嘢反埋位。我地會再去的。

在旺角約了飯腳，涼涼地又想打邊爐，最後openrice左在我地附近的這間，就訂位試試。入面環境坐得舒服，位置不會太迫，而且有預留櫈來給我們放手袋，很好。自助的飲品雪糕、及自助的菜丸餃麵雪櫃都好齊全。有啤酒任飲，其他飲品款式也不少。食物乾淨也有好多款選擇。有出x一丁供應，非常好。打邊爐響鈴、魚皮就真係唔少得。蔥蒜盤直接送上枱，樣樣齊全，可以輕鬆‘加料’。可以選雞煲或鴨煲，而且餐單可選走芫茜或走腳，很細心。 我們選了雞煲。這裡仲要無限添食，可以食完雞煲食鴨煲。雞煲上枱，好香！而且有員工幫手炒勻芫茜，聞住就肚餓了。雞煲味道ok, 我們點了多麻少辣，而雞就的確惹味。食完雞煲，我地就開動芫茜鍋，芫茜好新鮮。除了自助區，攞菜丸餃麵，還有點心紙點食物，海鮮都有不少，我們要了生猛海蝦、帆立貝、活海蜆、白鱔片、墨魚滑、墨魚仔等等，活海蜆好食，蝦好新鮮，所以飽也encore左一次！再要了美國肥牛，真夠肥；鮮滑牛肉，夠嫩滑；美國黑豚肉，羊肉片等等，鮮滑雞件就真係好滑，食下食下就好飽了。最後都飽到食唔落甜品啦。