二鍋頭 (福苑)

营业中

休息中

今晚同朋友慶祝生日去左二鍋頭食雞煲邊爐放題！一坐低職員已經擺低一堆醬料俾你自由混搭，正！一開始有雞煲同鴨煲任食，我地叫左雞煲小辣，雞肉煮得好入味，肉質嫩滑唔會煮到好老，d洋蔥十級好食。之後到食火鍋喇，我地叫左藥膳湯底，有濃濃既藥膳味，唔係味精果種，好清好健康既感覺。有好多料都係任食，大部分都係好新鮮，特別係海蝦，勁新鮮勁彈牙。好少可任食邊爐有帆立貝任食，仲要都幾大隻同埋唔係急凍料，食左超多粒！仲有本人最愛既花枝片，真係勁彈牙勁好食，必encoreee！唔止火鍋配料有得任食，野飲同甜品都係任食！甜品有韓國既雪條同牛奶公司既雪糕，真係勁滿足！呢d放題最岩就係同d食肉獸朋友一齊喪食！