二鍋頭 (福苑)

营业中

休息中

香港好似冇乜地方可以食到鴨煲，咁啱上網睇到呢間有間餐廳可以食完鴨煲再食雞煲﹐而且仲係無限加鴨、加雞！食完雞煲仲可以打邊爐，啱晒大胃王！呢個係鴨煲上枱，本身已經調好晒味，上枱嘅時候店員會點火再炒返熱啲鴨，炒到好香！肉質有啲咬口，食落都幾惹味！之後就到麻辣雞煲食完兩個煲都有五成飽，差唔多時候就轉打邊爐！我哋頭先食完濃味嘢，就轉食返個清湯豆腐鍋，火鍋料都幾多選擇！任食嚟講，啲食材都幾高質，海蝦、白鱔、青口、帆立貝呢啲都可以任食！肥牛肥瘦適中，唔會柴！啲蝦都大隻加彈牙！