二鍋頭 (嘉芙中心)

营业中

休息中

當日和2位朋友叫咗最基本的任食餐，食二小時包咗任食雞煲，鴨煲和豬手煲，有一張任叫的餐紙，大路的肥牛，魚片，雞，豬等。菜類，菇，肉丸，餃子，汽水自己出去拎。先食咗過雞煲，要咗小小辣，覺得麻多過辣，我唔鐘意麻，所以麻麻，雞肉都多，如果䓤頭可以更多仲正。可以選擇走鳯爪，不過餐廳太忙了，忘記咗同我哋走…。之後叫咗過豬手煲，唔啱口味，甜甜的，豬手太韌太難咬⋯⋯。呢到有様嘢非常好，就係煲係任食和食完煲後之後可以選一個火鍋底打邊爐。食咗兩個濃味嘅煲，就叫個香茜皮蛋鍋，唔錯，有好多皮蛋，好夠味。出面任拎的餃子好大舊，幾特別可能餐廳自己包，值得一試。其他邊爐配料基本上到水準，冇伏嘅料。當日用餐係平日晚上，好滿客，人手不足，不過職員都有禮，冇乜留單，CP值真係幾高。