九份•十分 (河畔花園) (已結業)

今日經過河畔見到呢間新既台灣野，就入去試下，6點幾唔算多人，唔使等位。叫左招牌既野苺沙冰(維多利亞的秘密) 同鹽酥雞 (推介)，真係好夾好好味！！特別係個鹽酥雞有6 支試管裝既調味粉，試左辣味同梅子，好正！食完一碟仲想再叫，不過都係留肚試其他。 老公鐘意食雞翼叫左呢個芝士雞翼，佢係去左骨既雞翼中間釀左芝士，好濃既芝士味。仲有呢個紅咖哩骰仔飯，個名夠晒得意，D咖哩食落都吾錯，又香又唔辣，岩晒我。不過最驚喜既係佢既薯角，好脆好香同平時食既唔一樣！阿春面線都好吸引，細細碗，唔會太飽食唔落甜品～最後重頭戲黎啦：我最愛既WAFFLE呀！叫左士多啤梨味鬆餅，有4 件，新鮮即製 ，非常鬆脆，可惜已經太飽... 下次會再黎試佢既珍珠奶茶，見隔離枱飲得好開心：）

河畔係幾特別嘅地方，冇大型商場，所以好多小店，今日去探朋友見有間新野，所以入咗去試試，食個午飯。朋友要咗個紅燒牛肉麵，我就叫咗鹽酥雞扒麵，可以揀粗麵同幼麵。我覺得牛肉麵辣辣地，五香味重咗少少，鹽酥雞扒唔錯，炸粉薄薄地，好鬆化，飲品我揀了最簡單嘅珍珠奶茶，可以揀微甜/半甜/少甜，抵讚個茶味好淡。下次試下甜品先，賣相好吸引。

也想不起已經多久沒去吃台灣料理久久一次台灣料理的確是很令人興奮平日晚上用餐時刻都很多人建議大家可以提早到或是避開尖峰時間來不然就是要在外面等食物種類蠻多的還有美美相片介紹，令人食慾大增重點是價格不貴紅燒牛肉麵每一口麵條都吸附著濃濃的湯汁.實在好味湯底非常的香濃，而且不油膩吃牛肉麵就是要加酸菜 不然就少一味 再說到煮到軟爛的牛肉.有點半筋半肉的 非常容易入口.而且是完全入味 鹽酥雞最特別的是有六支不同口味的調味粉 有芝士、原味、咖哩、梅子、香辣同紫菜味 鹽酥雞吃起來新嫩多汁 個人最喜歡沾著梅子粉，會有甜不膩口的加分效果 綜合滷味拼盤 (細)裡面有大腸，鴨舌，雞蛋，雞賢，豆腐等 最喜歡鴨舌滷得夠入口，入口爽口水果茶以一個玻璃壺盛著壺內均有多塊切成小丁的新鮮水果，果香四溢確是真材實料水果茶也來得很香濃，酸酸甜甜的飲料，喝起來順口解膩九份.十分沙田大涌橋路20-30號河畔花園地下27-28號舖

今晚約咗沙田老友食飯補祝生日，老友問食咩好？我話係河畔花園開咗間新店，係台灣食店，不如去試下！我哋大約7點去到，間店已經坐咗一半客啦人，不用半小時，差不多滿座，都幾旺！由於天氣太熱，首先一人一杯涷飲先！紅心皇后，係一杯士多啤梨沙冰，士多啤梨好甜，好透心涼，爽！墾丁星空！其實係碟戀花青檸冰，個賣相好靚，本身杯飲品下半部係透明色，食店會另外附上一個燈座，將杯飲品放上去，個效果好掂，好有心思，好溫馨呀！叫咗個滷水拼盤（小），有蛋，豆腐，大腸，鴨舌，腎，雞翼，好多款式，味道不會太濃，幾好味！紅燒牛肉麵配幼麵，牛肉好淋，牛筋爽，幼麵又滑身，湯底好濃牛肉味，忍不住差不多飲哂，正溶岩芝士雞，作為芝士控的我，食到冇停手，首先將雞翼放落個包到，搞好，拉回上來，好有拔絲feel，食完雞翼，食埋個包，啖啖芝士味，十個正！最後來多個甜品，什果雪糕鬆餅！其實係窩夫，幾脆口，不是厚厚蛋醬，配少許芒果汁，好甜，好好味！這餐好滿足，好啱口味，下次會再來！

屬於沙田麻甩仔，最近得知沙田有間新開張台式餐廳，湊個熱鬧了解情況，特色大招牌十分養眼，精緻復古裝飾品配以搶眼黃色牆壁，搭配部份黑色擺設入型入格，服務員有禮貌，食物有水準有賣相價格合理，感覺良好會再次到訪選擇Set lunch 傳統台式料理，滷水雞翼肉操飯配台南魚蛋湯圓，滷水雞翼醃制時間恰當一共四隻，肉操醬汁恰當搭配白飯唔乾，飯較為硬身，滷蛋入味，魚丸湯魚蛋爽口彈牙湯亦清甜，非常抵食Oreo cookies smoothie沙冰充滿Oreo賣相吸睛，整體感覺好rich有餅碎有咬感既幼滑，夏天相當解渴

今日慶幸冇落雨，遲到的我係馬鐵沙田圍行去九份十份感覺有d遠，不過去到門口再入去真係有驚喜，裝修好有心思，好台灣式好乾淨企理，即刻入去搵個朋友，坐低睇下個menul有好多好吸引嘅食物同飲品，真心興奮💜進撃巨人綜合三明治，厚切麵包牛油烘過囗感乾脆，雞肉jucy有汁，菜蕃茄青瓜蛋全部夾埋好有口感，每一件都好大份慢煮豬巧巴拿達，除咗個包之外，仲有好多配菜包括薯角碎蛋同沙律，豬肉嫩口入味，淡淡芝士醬汁配生菜番茄加豬肉，清新唔漏，麵包鬆軟如果熱多少少會更好，薯角稍為硬左啲，碎蛋香滑，沙律旁邊仲有醬汁比你自己調味，非常細心墾丁星空個名特別賣相真係好靚，影相之餘我仲拍左片，因為佢係咁閃唔同色，仲有青檸片係杯嘅側邊做裝飾，酸酸甜甜的青檸味解渴一流香芋珍珠一灌保守嘅飲品，香芋味濃珍珠彈牙，唯一賣相好似外賣冇特別付款時見到收銀檯以舊式電話配合黃色背景，再回望一下整間店的橫裝，真係值得讚好難得咁有心思，坐低好舒服，其實今天個朋友係亞姨姨級比較麻煩到店員，但他們的服務態度非常友善，讓我感到抱歉及尷尬，我會推介朋友過嚟一試

琴日同朋友去開沙田第一城果邊，佢話試過呢間嘅lunch 幾好食又唔貴，即刻去！ 黎到望住個menu, 差唔多款款食物都有相睇，仲要勁吸引，最後我忍唔住又點左好多款小食，無點set lunch皮蛋豆腐，呢道係前菜界入面我一向好鐘意嘅豆腐好滑，醬油岩岩好 唔會覺得咸！$28抵食！忌廉芝士蘑菇雞翼， 雞翼入面釀左d 忌廉芝士同埋蘑菇，食得出好香嘅cream cheese, 份量唔算多，所以唔覺得膩口老虎醬鴨舌，去台灣最鐘意食鴨舌 呢道鴨舌唔算辣，我朋友唔食得辣都覺得好好食！ 嫩滑麻辣滷水大腸（走麻辣），呢款可以揀辣/唔辣。滷得好入味肥膏清走左好多，食落無成口油嘅感覺鐘意食大腸又怕肥嘅可以一試！主菜之前，上左兩杯特色沙冰，呢兩杯因為係lunch時段，原來只係每杯$18，我都係埋單先知維多利亞的熱情，一上枱我就嘩左一聲好多莓係沙冰入面，堆到好高。飲落有乳酪嘅味道，好fresh!夏日西門町，呢杯都係好壯觀，見到真係唔影相唔得呀！啖啖菠蘿肉係沙冰嘅面古早醉雞米，個醉雞有陣陣嘅酒香味，食落都有酒味滑而不肥麻辣龍蝦冷麵，廚師起晒龍蝦嘅肉，唔洗食得咁狼狽幾爽口！ 冷麵味道一般，可能係我唔慣呢種麻辣味道啦

今日同女朋友去咗沙田，發現咗呢間都比較新嘅台式餐廳，見個menu有好多特色飲品同甜品，正餐亦多選擇，於是決定一試餐廳環境都唔錯，舒服乾淨雞肉都幾滑，唔算濃味，份量唔算多，米粉湯都幾清甜，唔覺重味精。豬手飯分量適中，豬手亦都入味，味道似糖醋幾開胃。呢杯飲品睇落非常吸引，係蝶戀花加青蘋果，有青蘋果味但比較甜，不過女友話好靚水果茶就幾抵飲，一瓶都夠兩個人飲，而且水果味同茶味都非常balance，仲可以食埋D果肉，夏天飲就啱哂，好fresh滷水亦十分正入味好食，有雞翼，豆腐，蛋，鴨腎，鴨舌同酸菜，兩個人食叫大份就啱啱好share，鴨舌真係正其他亦有水準。飯後唔少得甜品，雖然珍珠比較少，但窩夫有焦糖味好香脆，就咁食已經好好食當然多D水果同珍珠會更佳。

作為沙田友, 本以為沙田會有突破, 開番間有番咁上下既餐廳(見開左冇幾耐有唔少好評), 所以一心去trytry。點知.....第一, 餐廳冷氣嚴重不足。中午12點半, 當日室外氣溫31度, 本人係好怕凍既(平時巴士冷氣係會穿外套), 一入去餐廳覺得溫度岩岩好。但媽媽同隔離台既人都熱到係咁用風扇同紙透涼,連我食完碗面都開始覺得真係熱。。。咁可想然之真係有幾熱?第二, 服務態度有極大改善空間。本人同媽媽總共落單兩碗面加一杯oreo沙冰, 食完一人一碗面 (約用左30-35mins)時間, 杯沙冰都未到, 我地問問staff, 佢竟然話: 沙冰係耐d 架喇! (其實我都知既, 咁姐係你覺得我吹你喇??) 杯沙杯黎到係冇左塊oreo(menu 上係有) 跟住staff 同我講今日已經賣晒oreo, 俾左杯oreo碎俾我自己倒落去.....埋單 仲要加一第三, 碗豬手面同鹽酥排骨粒味道一般,面就好似出面台灣連鎖食店 一樣咁普通...

住係新界平時同朋友相聚當然約係沙田啦，但近年沙田新城市都十分多人沙田圍自然入選為新聚會天堂易泊車又較安靜👍🏻依間九份十分之前都冇留意到，一入去又別有一番風情店員好熱心助人，有禮貌，會問我地有咩需要，同埋介紹野食推介我就叫左個醉雞米線，成個配搭好清新，唔重口，而且花雕酒濃度適中，肉質彈滑唔老米線軟硬剛剛好，好推介俾平時鐘意食清淡嘅你地～(^з^)-☆而野飲方面就叫左綜合水果茶，48蚊兩個人飲都ok入面有橙，百香果，蘋果等等，味道酸酸甜甜，好岩叫黎做refreshing drink之後我地仲叫左個鹵水拼盤，店員建議我地叫大size,因為有兩隻大雞翼一上碟隻雞翼size成隻手咁大，冇誇張而且仲有雞腎，豬腸等等，食得出係自家製，因為冇街市個種油luplup,個鹵水汁感覺健康，啲肉都好入味

住係沙田咁多年，一直都覺得沙田無乜好食同出名既野/餐廳。雖然家樓下有東菇亨大排檔，可惜多年來一直不停轉手，朋友好羨慕我可以食大排檔，但我好想話比佢地知，好食就係！所以我除左去沙田新城市食之外，一係屋企附近既就去河畔花園依一帶，近年越來越多新開既餐廳都唔錯，有日式泰式而家仲有台式，算係欣慰了。最近一知道開左依間聽聞唔錯既九分十分，即刻仆出黎試，就揀左今日lunch time剛好完既時候黎食，雖然唔使等位，不過見場內都唔算少人。或者大家都同我一樣心態吧！😂睇左menu其實佢都算多野食，有甜有咸，價錢合理（因為某幾間連鎖店價錢都好貴，個人覺得唔知點解而家一個waffle成百蚊d人都覺得無問題？但其實又唔係咁好食同唔值囉）佢好多款waffle都係幾十蚊咁上下。咁我第一次試就叫左個set lunch, 鹽酥雞扒湯麵，我食既係粗麵，另外野飲包左可以揀珍珠奶茶。先講珍珠奶茶，都係正常穩陣既，比較貼心既係佢用外賣杯比我，飲唔晒或者趕時間可以直接拎走。鹽酥雞扒，炸得唔錯，無過燶，香口夠脆，肉汁juicy既係。至於湯麵，湯底奶白色比我想像中淡味，但其實飲落係清甜既，不過個人始終覺得配紅燒既湯底較好？因為本

本來想在附近吃碗魚生飯，可惜last order 2.30pm錯過了，想起這邊新開了一家評論不錯的台灣菜，就決定過來嚐嚐。一進去就是木桌木檯的，侍應生似乎都是放暑假賺外快的學生。Menu內飲料和餐點各佔一半。Lunch set供應到5.30pm，共有5款餐點，亦有Tea set但基本都是甜多士。Menu下方說凡於午市期間惠顧任何食品均可以優惠價點選餐飲，問了一下，基本的都是+$8，特飲沙冰則+$12。其實很想點鹽酥雞再加碗淨肉燥飯，可惜並沒有單點的小碗肉燥飯，建議可以把肉燥飯加進去。然後小碗粉麵亦只有擔仔麵或擔仔米，如果研製到好吃的麻辣擔仔麵或麻醬麵，也會是很不錯的選擇喔。反正最後點了lunch set以外的鹽酥雞排湯麵，加熱胚芽珍珠奶茶(無糖)。非常驚訝的是，胚芽奶茶竟然用即棄咖啡杯這麼不環保… 其實堂食就盡量用可沖洗的杯吧。珍珠份量正常，胚芽份量滿多的，但奶茶很淡，沒什麼味道，茶味不濃。鹽酥雞排味道算不錯，有九層塔的味道。但還沒瀝乾油份就出餐，非常油膩。炸粉嫌太厚，雞肉部分太少，多的是炸粉。湯麵我選了粗麵，麵質彈牙，但有1/3都黏起來成一舊舊，未能做到一條一條的。湯底不錯，清清淡淡

話說我係6/6/2017買左野飲嘅，見天氣咁熱諗住同朋友飲野消下暑，見到有台灣野就心諗應該ok啦 試下先 新開嘛試下。咁我叫左杯野飲係加左椰果嘅，但我發現佢正方體 係點飲都飲唔到，所以我就搵杯倒出黎飲啦，但係正常你飲野係用長方形椰果/碎左果d，於是我去返問舖頭，會唔會有長方條果d/碎架呢？個經理淨係答我「公司俾貨係咁 幫你唔到」咁真係飲唔到 做客俾d意見你 希望解決下姐，但你咁嘅態度又唔解決問題，而且拎完貨都可以處理下掛？唔會逼客買完飲唔到咁開心啊？答得態度咁hea 你想令客點再幫襯你先？做生意做到咁無誠意又hea客，建議其他朋友仔買之前再考慮一下先啦

收完工真係堅攰，搵咗個同事一齊食下午茶，近近地就去咗河畔花園一間新開台式餐廳tea下！呢間餐廳裝修都幾別緻，好似台灣嘅火車站咁，有啲懷念喺台灣嘅日子同美食😋😋😋一入到餐廳，店員都好有禮貌咁帶位同介紹餐牌，餐廳連d餐具同裝飾品都好特別👍🏻👍🏻👍🏻介紹下我叫左d咩野食先麻辣大腸呢個真係要推薦大家食，小食來講份量都算唔錯，本人唔係好食得辣，但係呢種少少麻辣真好正，岩曬大家食，大腸好爽口同入味，寶物不嬲都藏歸底，大腸下的配菜真係好好食，配泡飯一流蚵仔肉碎泡飯 呢個泡飯都好足料，又最重要嘅蠔仔啦，竟然仲有蜆肉，重要有勁多，個湯都好入味溶岩芝士雞🐔我地最期待嘅主菜到啦！其實我覺得整呢個菜式都幾複雜，又要焗又要炸，誠意度滿分，炸雞配芝士不嬲係最佳拍檔，芝士亦都好濃好香，雞亦炸得好脆墾丁星空✨呢杯特飲真係好靚，搞到我都影左一陣相😂香香的青檸味，酸酸甜甜，夏天解渴一流紅心皇后♥️其實係士多啤梨沙冰，佢係用新鮮生果整的，一d都唔甜，但好香士多啤梨味，我好中意，熱辣辣，飲一杯沙冰真係唔錯總括來講，間餐廳食物款式都幾多，仲有好多甜品選擇，賣相都唔錯，最緊要相機食先😂

九份•十份餐牌比茶木咖啡弄選擇多雜錦鹵水 味道ok 不太咸水果菜係我飛弗，好多食店敗筆之處係好甜，但呢間嘅水果菜不但清新，重點係不會太甜，十分好蚵仔粥 味道不錯 蠔仔同蜆肉新鮮爽口 重點又係個湯不咸杯芽珍珠奶茶 正鹽酥雞排鹵肉飯 味道幾好 塊雞都幾脆 起碼唔會勁厚粉