九份•十分 (河畔花園) (已結業)

今晚約咗沙田老友食飯補祝生日，老友問食咩好？我話係河畔花園開咗間新店，係台灣食店，不如去試下！我哋大約7點去到，間店已經坐咗一半客啦人，不用半小時，差不多滿座，都幾旺！由於天氣太熱，首先一人一杯涷飲先！紅心皇后，係一杯士多啤梨沙冰，士多啤梨好甜，好透心涼，爽！墾丁星空！其實係碟戀花青檸冰，個賣相好靚，本身杯飲品下半部係透明色，食店會另外附上一個燈座，將杯飲品放上去，個效果好掂，好有心思，好溫馨呀！叫咗個滷水拼盤（小），有蛋，豆腐，大腸，鴨舌，腎，雞翼，好多款式，味道不會太濃，幾好味！紅燒牛肉麵配幼麵，牛肉好淋，牛筋爽，幼麵又滑身，湯底好濃牛肉味，忍不住差不多飲哂，正溶岩芝士雞，作為芝士控的我，食到冇停手，首先將雞翼放落個包到，搞好，拉回上來，好有拔絲feel，食完雞翼，食埋個包，啖啖芝士味，十個正！最後來多個甜品，什果雪糕鬆餅！其實係窩夫，幾脆口，不是厚厚蛋醬，配少許芒果汁，好甜，好好味！這餐好滿足，好啱口味，下次會再來！