九份•十分 (河畔花園) (已結業)

今日分別叫芒果和菠蘿沙冰，都無貨！蚵仔大腸麵線，一般過一般。肉燥飯，好食，有肉香和肉汁，不似一般的多油。溶岩炸雞，d雞鞋既！個芝士就幾香。好彩不用排隊，但真心覺得比食評呃左！

最近,Facebook,Openrice,都有人介紹過依間"九份•十分"有朋友住沙田,就相約一試睇下有無之前他們人介紹甘吸引店面既佈置都算新穎...FOR 0430-1730, TEA SET,下午茶時間台灣野,梗係要揀D地道少少既就想叫"芋圓珍珠雙色冰淇淋鬆餅"點知,佢講係芋圓,只有珍珠,到時俾多D珍珠我我一心想食芋圓...最後PASSTOAST SET飲品選擇既款式都多又到我點餐時間,叫飲品想叫"黑武士之劍",店員又講無貨請問無貨就應該貼張紙或一早同客人講我又繼續睇MENU...睇多好多次就我第3次想食既野都無之下最後叫左一個大腸麵線同菠蘿冰沙味道唔算特別,一般般我對今次十分之失望,因為一間新開既餐廳,應該要係吸引食客而唔係令食客對餐廳第一印象變差要咩無咩..希望店主可以改善一下~

Walkin拎飛.......原來可以係apps拎飛.....................等了三十多個位.................門口空間十足..............排骨肉燥飯.............味道可以......但排骨粉較多...............$28柯仔大腸面線....................大腸很少...........最出息飲品............優格沙冰......good

鹽酥雞 $38Taiwanese Fried Chicken特別在於有五種味粉可以自己落 有芝士 香辣 紫菜 梅子 同埋咖喱 不過芝士粉完全落唔到 佢枝試管凝固左 小瘦肉覺得香辣同咖喱好香 重口味岩曬 其實雞既質感正常 不過有少少硬 唔夠鬆軟 而且個份量都唔算太多 .阿春麵線 $28Intestine & Oyster Noodles一個字 酸 煮既時候加太多醋 成碗都係酸 蓋過曬所有味道 同埋個質地太杰身 用匙羹拎起黎一大堆 好難細細啖食.滷水拼盤 (大) $68Brind Assorted Plate滷水甜甜地 味道唔係非常之重 但味道都幾入到食物度 有豆腐 雞翼 內臟既物體 鴨舌同雞蛋 一大班人食就唔夠食 因為都細細份 如果淨係食滷水既話 我自己未必會再黎.整體黎講 價錢平既 但無咩台灣味道 如果係屋企樓下附近都可以試試看

今日去咗沙田一間好有台灣特色餐廳，聽聞唔係開咗好耐但已經好多好評，所以同個friend黎試吓！台灣餐廳蚵仔麵線一定係唔少得嘅，麵線細細碗蚵仔份量夠多，咁我哋可以試吓其他嘢食，唔駛怕一碗麵就飽左個肚啦滷水拼盤滷水汁香濃入味雞翼、豬腸、雞腎、豆腐都夠入味鹽酥雞鬆脆可口，而且可以根據自己嘅口味去自由配搭，因為佢有好多隻調味粉架，我自己就比較鍾意紫菜味同咖喱味佢哋有古法醉鴿，醉雞就食得多醉鴿真係未聽都未聽過花雕酒完全滲晒入隻鴿到。芒果沙冰開頭我諗住係普通甜品店飲嘅沙冰咁，點知一黎到我真係嘩咗一聲，沙冰嘅高度竟然高過隻杯一半，我朋友嘅菠蘿沙冰更加係差唔多成個菠蘿搬咗過嚟咁滯，好飲！甜品叫咗一個奶油酥吐司同雜果冰淇淋鬆餅，奶油酥吐司奶油滲晒入麵包，相比起平時食嘅吐司更加香奶油味雜果冰淇淋鬆餅香脆鬆軟，下午茶時間加$18 就可以轉特色飲品包括沙冰真係幾抵

今天在沙田接先生放工，先生想吃台灣菜，路過河畔花園見到呢間排長龍的九份十分餐廳。見咁多人等以為好好食，所以的起心肝等位，但足足等足個半鐘先有位。😓地方唔算細，都要等咁耐，心想有一定既質素。打開餐牌，有好多款心愛既台式風味食物，小不了有肉燥飯，麵線，還有餐廳特別既小食，例如芝士炸雞，鹽酥雞以及各式各樣的窩夫甜品及珍珠飲品。我們最後點了茄子肉燥飯，阿春麵線，醉雞，皮蛋豆腐，香芋珍珠及熱紫薯珍珠。不過等食物之際，發覺我的座位上面天花板滴水😖不過有善的侍應即刻幫我地安排轉位，服務態度尚算不錯。上菜方面，都算快，但食物質素無想像中咁好☹️。皮蛋味道不夠濃，配撘豆腐上來味道有點奇怪，但勝在醬汁撘夠👌🏼醉雞雖然好重酒味，我先生十分喜愛，但我嫌它肉質太過(鞋)。麵線份量比想像中細好多，柯仔及大腸佔的份量好少，但味道尚算ok。至於先生點的茄子肉燥飯賣相好好，茄子好大條好好味，肉燥份量多，但不是平時食開個種肉燥味道，似係鹹魚味多啲😅😥所以整體上其實食物質素無預期特別好，等了個半鐘只有希望愈大失望愈大。雖然價錢唔算貴，但下次唔會專登幫襯了。

第一次光顧此餐廳，食物味道還可，賣相也不錯。一共叫了8款食物，四杯飲品，只有暗黑系甜心飲品味道不可以接受，味道太淡，沒有oreo味道，但這個價錢是可以接受的。環境方面還可接受，但有出現滴水情況。（另外留意到14號枱對出行人通道也有滴水裝況，建議擺放小心地滑板及盡快改善狀況，以免有意外發生！）但服務態度令我不會再次光顧，我們點了一個阿春麵線，吃到差不多最後時發現了一塊約一毫子大的瓦片，但瓦片不是我們枱上的碗碟破碎出來，看來似是盛載食物前已經有瓦片在碗內，我們請了店員來幫助，看來他應該是經驗不夠所以他請了店長前來，我們告知店長這情況，店長一開口並不是跟我們道歉，而是一邊收起瓦片一邊說 : [ 係啊，我地呢批碗碟好易爛，開將兩個月已經換左400隻，我地都知道有呢個問題，已經同老闆講左，我都會反映比老闆聽呢件事，唔好意思 ］ 我沒有興趣知道你們的碗碟有多易破碎，我要的不是解釋而是道歉，還有店長的態度沒有一點歉意，好像已經習以為常的一樣，說一句老闆知道，就好像沒有犯下錯誤一樣！然後店長說貴公司已經一早知道碗碟易破碎的狀況，但貴公司竟可以還犯下這些錯誤並沒有盡快改善。碗碟破碎我們沒有人受傷，對本人

大埔既朋友們推介一間沙田一間台式新餐廳，所以相約踩完單車後一齊去，反正平時都係附近踩開單車，索性踩過去食飯。呢到除左餐廳，還有外帶台式手搖飲。黎到台式餐廳，好難唔叫番個鹽酥雞！鹽酥雞可以話係台式小食既其中一個代表，而呢到既鹽酥雞係會有6種唔同口味比你揀，但揀就唔係一碟清一色咁揀，而係會一支一支好似試管既調味粉比你，鍾意食咩味，就落咩味！想食幾多粉，就落幾多粉！非常得意，之前幾乎未試過呢種玩法。6種口味各有梅子、紫菜、芝士、咖哩、香辣同原味，當中我覺得最好味就一定係紫菜同原味，不過每次都要落多D先夠味，而且每種都可以比你試，唔怕大家會有唔岩口味。滷水拼盤(小)有豆腐、雞翼、豬腸、雞腎、蛋， 每一件全部都非常入味，我最鍾意食就係豆腐同豬腸，因為入面滲哂滷水汁，然後每一口咬落去就爆汁，好正！皮蛋豆腐雖然睇落古古怪怪，但係食落出奇地不錯！皮蛋配上青瓜絲，皮蛋味不會太嗆，青瓜絲清爽，而豆腐薄薄一片，有點太易爛，但配上肉鬆，口感有趣，醬汁甜甜地，豆腐清香，實在是另類的小食新體驗。波士頓龍蝦堡估唔到係呢到食得到。大大隻龍蝦夠哂吸晴，而麵包鬆軟，入面係龍蝦肉沙律，多汁唔會dry，還有大大隻龍蝦鉗，旁邊

今日同男朋友一齊收早，所以就去左河畔食返個dinner見到有間新既台灣菜，門口好多人等位，決定試一試牆上面掛滿可以係九份買到既紀念品，即刻唸起之前台灣既旅行呢度有台灣特飲，小食，麵飯，樣樣都好吸引滷水拼盤（大），入面有雞腎，雞蛋，雞翼，豆腐，鴨舌等等，全部都好入味但又唔會太咸，好好味我地仲叫左個鹽酥排骨拉麵排骨炸粉同油都唔多，熱辣辣重點推介溶岩芝士雞，超大份，最少三至四人份量。麵包脆卜卜，而炸雞配上芝士一齊食好正，味道好夾芝士拉絲可以拉到好高嫁阿里山之夜（青蘋果沙冰），味道唔會太甜，賣相超靚，有種夢幻既感覺當然相機食先啦紅心皇后 (草莓沙冰)，好大杯！沙冰高過隻杯好多，係新鮮草莓整出黎既沙冰，完全無藥水味呢間台灣菜真係比到我好大既驚喜，款式多又大大份，仲要好好味相信這是門口超多人排隊既原因，下次帶屋企人再食

台式餐廳在香港愈開愈多，好幾家連鎖食店都大排長龍。之前在沙田河畔叮飯經過見到這間餐廳排長龍，一於去試下。因為七點前去到，卻好有座位不用等，點了菜之後門口已經開始排隊了。餐廳的座位設計很寬敞，都很舒適。男朋友說要吃滷水雞腎，角切的雞腎很爽口，滷水味道卻重而不咸。貪心一點的話可以點滷水拼盤。阿里山之夜，名字夠特別，原來是青蘋果沙冰，杯底放了發光的杯墊，賣相很吸引，只是沙冰有一點過甜。水果茶甜度剛好，酸甜果汁，配上自家製的話梅冰塊，十分清新可口。牛肉麵相信是餐廳的主打之一，牛肉和牛根都炆得很腍，牛肉湯底夠香濃，麵條也很彈牙而不硬。本身吃鹽酥雞比較多，反而是第一次吃鹽酥排骨，炸得十分香口，皮薄肉嫩，咸度剛好，與湯麵一起吃味道很夾。最後點少得甜品，這裡的招牌甜品是吐司。我們最後點了朱古力吐司，吐司的每一個部份都是烘得香脆的朱古力已經被烘進了麵包裡面，甜而不膩。

午餐時間。九份·十分是近來去沙田區做野的午餐新寵兒 抵食大份～忌廉芝士釀雞翼配肉燥飯。雞翼幾特別 新鮮炸起 忌廉芝士creamy 雞翼外面好香脆。肉燥飯份量好多 肉燥帶有濃濃五香味 我覺得可以口味可以再淡少少 同事就覺得剛好。大腸麵線。大腸好入味 麵線幾滑 湯底唔會太杰 恰到好處 有台灣風味!鹽酥雞。配備調味架 原味 咖哩 香辣 芝士 紫菜 梅子 任君選擇。雞件幾香脆 炸粉薄薄 雞的肉質不錯。我自己偏好原味 帶點椒鹽香。香辣的辣度頗驚人 好辣者必試！另外 第一次試梅子 幾清新！草莓沙冰。每次必飲！勁大杯 平時沙冰的兩倍份量。沙冰幾滑 好香草莓果味 間中會食到粒粒果肉 唔會太甜 健康又解暑。鮮雜果冰淇淋鬆餅。鬆餅即叫即製 在午餐時間都能做到 確實有誠意。外脆內軟 口感不錯 鮮打忌廉幾滑。配上四款水果 賣相不錯。街坊價 份量多 味道不俗 值得encore

小妹真係最近在網上得知河畔花園開了一間台式小店 一知道嘅時候已經要揾人陪我去食 星期六中午時候去係要等位嘅 不過大約等幾張枱就有位 時間又唔算好耐嘅 可以接受台南咖哩(雞翼/雞鎚)飯 當我落單問待應係咪雞翼雞鎚二選一時 待應話兩款都會有 但上枱時見到全部都係雞翼時 顯得有點失望😩😫說好的雞鎚呢🤔🤔不過唔緊要啦 佢啲雞翼真係炸得好好好脆呀😍😆真係外脆內嫰喎👍🏽👍🏽真係要等小小時間都值得嘅 伴菜仲有幾條粗薯條都好好食架😁😁至於台南咖哩 真係好香得嚟又帶點辣 又唔會過稀過油 好好味喎 撈飯食雞翼真係無得輸 仲好食過出面台式嘅連鎖店 哈哈 我推介哩個午餐呀👍🏽😋🤤🤤紅燒牛肉麵 賣相都好靚架 牛肉牛筋份量都好多架 牛肉好大條啦 牛筋又夠腍喎 仲要係好入味個隻 麵條粗度一樣 質感也不錯 彈牙又唔會過腍 湯嘅方面不錯 有濃厚嘅味道 飲左幾啖都無口喝啵 都幾好哈哈😊☺️蚵仔麵線 麵線入面有幾粒蚵仔同埋大腸 食到有大腸嘅味道 蚵仔都在不錯 可以接受的 但口感上小妹覺得有點怪怪的😅😅青青草原 啫係頂級宇治綠茶牛奶沙冰 勁大杯的呢😍😍不過可能夏天嘅關係會溶得快左少少 哈哈 至於味道方面 我朋友就話okay呀

見有咁多好評，滿懷期待，諗住黎試下啦～不過真係一次就夠，絕無下次！我哋兩個人七點幾去到攞飛，等咗個幾鐘先有位。因為今日天氣真係好熱，加上係街鋪，惟有熱住等...入到去環境以台灣做主題，係幾靚又夠新，不過位置唔太鬆動。等咗咁耐，拿拿臨揀野食，我哋總共揀咗5樣嘢。依個味道一般，而且太稀，冇咩麵線，同台灣食過比差好遠。鹽酥雞味道正路，亦有啲創意，因為佢會俾6種唔同嘅調味粉你自己灑落去，原來梅子&紫菜同鹽酥雞幾夾～芝士冇咩味，咖哩就直情係咖哩杯麵個隻味。呢個泡飯完全失望，同餐牌張相都差好遠😞湯多料一般，味道毫冇鮮味，只得味精湯味。依個咖哩蝦飯味道最好，亦係較為令人滿意。咖哩比較稠身，而且唔太辣。啲蝦都算大隻彈牙，而薯角亦脆口！依杯野就真係離哂譜，好想知究竟飲得幾多啖，你睇下9成都係冰，已經自己去試下整碎啲冰，但飲左幾啖，已經冇得飲，仲要$38杯😤希望愈大，失望愈大。試過一次，認真怕怕～

今天晚上到了河畔花園新開的九份10分台灣菜晚膳，我點了一客忌廉芝士磨菇雞翼，入面真的有一口芝士，熱辣辣，不錯。我亦叫了亞春麵缐，但略嫌胡椒粉濃味重了一點。另外叫了滷水拼盤細碟，我覺得雖然是細碟，但佢有好多材料，有成六七條鴨舌，不錯。我最鍾意食嘅滷味有豆腐，鴨舌，雞翼。另叫了一個豬手麵，粗麵，豬手也淋，麵也可口，因為我咳嗽所以沒有試他們的甜品和凍飲，我見附近都好多人，點了飲品。下次一定要試吓甜點。

星期日夜晚八點幾黎到都要等位等左大約二十分鐘就有位食親台灣菜我都會鍾意叫台灣牛肉麵依度嘅牛肉麵嘅牛肉夠"林"有四舊大嘅牛肉 有肉亦有近筋嘅部位不過湯底就反而有少少失望湯底嘅牛肉味唔香濃唔特出而且偏少少鹹配料嘅白蘿蔔唔"林"感覺佢個湯底唔係真正足料淆出黎台式香腸肉燥飯就正常 不過不失 肉燥嘅味道比平時食到嘅仲多左一種味唔係好食得出 但我麻麻地鹽酥雞好多人叫 所以我哋都咪執輸叫鹽酥雞 會提供多款調味粉俾你落個人比較鍾意香辣同咖喱味至於鹽酥雞本身都炸得幾好唔會好厚粉或炸到D肉好乾另外飲品叫咗杯優格雜莓沙冰好就好在唔會好甜不過唔算好有乳酪味環境氣氛： ★★★☆☆食物質素： ★★★☆☆服務態度： ★★★☆☆