九份•十分 (T Town ) (已結業)

事源是婆婆生日的大日子，一行幾人到了新開的九份·十分吃晚餐。大約6:30左右到達食店，可能因為仲早所以吾算多人，等左大約15分鐘便有位。入內，發現檯同檯之間都幾迫，而位子亦吾寬敞，對於比較大隻既人出入可能有啲吾方便。而餐牌方面，食物種類都幾多，相片都好吸引。我地分別叫左泡飯、麵同三文治。麵同泡飯麵好快到，大概5分鐘左右就上檯了。首先系公公叫既牛肉麵，我試左啖湯吾錯，公公都話好食，但可能因為簡左幼麵所以有些少怪怪地。另外媽媽叫左個豬手麵，豬手吾錯都幾軟幾入味，而湯底就有啲咸。兩個麵既分量其實都幾大，食完都話好飽之後就到左婆婆同表哥叫既泡飯，反而尼個系最驚喜最好味，因為有蚵仔所以店鋪有提供胡椒粉減少腥味，但我試左啖無落胡椒粉的，味道都吾太腥仲幾鮮甜有機會會再食，但系分量好大完全食吾晒，男仔都食吾晒而另外叫左既鹽酥雞同三文治就黎得好慢，其他食左一半，吹左好幾次先有鹽酥雞。而中間仲有幾次侍應放左其他檯既食物比我地，而我地叫既飲品又比錯隔離檯鹽酥雞上檯後仲系熱辣辣，聞落都好香好有台灣味但系食落就差啲啦，叫做鹽酥雞但系吾咸無鹽味既，同普通炸雞無分別，可能豪大大仲好食之後我份三文治吹完又吹，終於系大

好感動! 屋企附近終於有一家像樣的新派台灣菜!趁著九份十分試業期間，立即拖埋家中寶貝去試下先!台灣鹽酥雞$42寶貝最愛台灣鹽酥雞，每次去食台灣菜，呢粒小豆丁都指定要食佢! 雞肉厚身得黎嫩滑，粉漿脆薄，食落唔會只係得一堆粉!份量有6,7件雞件只售$42!!而且食店提供6款調味粉以供食客以自行調味，一種食物可以有6種味道，好岩我等大小朋友又食又玩。6款味粉包括: 原味，梅子，紫菜，香辣，咖喱和芝士。各種味道俱佳，平分秋色!芝士磨菇雞亦肉燥飯 $68肉燥帶有淡淡五香粉嘅味道，好香，而且一點都不油膩。芝士磨菇雞亦有三隻，嫩滑雞肉之中有己溶芝士粒，又香又滑，好juicy。配料的蔬菜係漬過的，並非一般白烚蔬菜。很讚!呢度的飲品款式好多，非沙冰類飲品更可自行挑選甜度和冰量，非常貼心。第一次來九份十分，本應試下呢度的珍珠奶茶，但菜單後頁的沙冰實是吸引!!海綿寶寶$48即是芒果沙冰。面層有粒粒的鮮芒果肉，場面震撼，份量之大，我相信絕對等於T-wood的1.5倍份量!!!;由於份量太大，開初飲唔切就會溶到枱上。暗黑系甜心$48怎動說起來好像在形容我的寶貝?實情它是oreo 沙冰，oreo乃我家中寶貝至愛!

商場裝修咗之後開咗好多新的茶餐廳 今晚就決定試下呢間 剛剛開張 營業的 台式餐廳!餐廳裝修十分之有特色。美如其名，以台灣九份的主題作裝修， 場內有好多 台灣poster, 令我諗返起喺台灣旅行的日子!醉小三 $148材料有三味包括有鮑魚 大蝦 同埋鴨舌，味道酒味道濃郁，大蝦好新鮮，大大隻好彈牙! 鮑魚都幾大隻，有口感!溶岩芝士雞 $118呢個一上碟已經好香好吸引! D 雞有雞翼，雞件和雞翼,份量有半隻雞甘多。個皮炸得好脆，d肉嫩滑多汁而且唔會淨係得炸粉，再配埋忌廉蘑菇芝士醬汁一流，十分邪惡! 涼拌三小蝶 $68有三款小涼拌，有豆角， 同埋海蜇 。 豆角有好多蒜蓉醬， 十分香口。 而 海蜇 加咗 芝麻油 ， 好滑同埋香。蚵仔肉碎泡飯$52啲蠔仔份量唔算多，但係個湯味道濃郁，材料仲有蜆肉同埋碎豬肉。雞腎角(老虎醬) $38呢度菜有獨家創作的老虎醬同埋滷水汁選擇， 老虎醬汁其實就係辣汁,雞腎好爽口，加埋辣汁仲正。 不過如果唔食得辣，那就選擇鹵水汁啦!!綜合水果茶$48酸酸甜甜十分開胃， 材料都十分足料， 有蘋果菠蘿西柚香橙 同埋百香果材料十分多同新鮮。 推介推介推介!!!!!暗黑系甜心 $