九份•十分 (T Town ) (已結業)

媽咪放工後跟她到頌富研究有什麼好食。走到九份•十分, 發現很多人正在等位, 心想: 應該不錯吧! 因為價錢不貴, 又想試不同的, 所以點了多款, 誰知份量太大了, 根本食不完!醉溏沁蛋 ($12) & 醉小三 ($148)因大愛花雕, 所以醉X醉X一直都是我的心水!醉溏沁蛋的熟度剛好, 又流心又充滿酒香, 不錯!而醉小三則有鴨舌, 鮑魚跟蝦! 可以每樣都試到, 真好!唯一缺點是醃得不夠入味和蝦不夠爽~什果明蝦凱撒沙津 ($68)超值!!! 大碟到不得了!!! 超足料, 蝦比醉小三的蝦更爽! 台灣鹽酥雞 ($42)味道沒什麼驚艷, 但份量搭夠。另一賣點是有多款調味粉選擇。 食一碟鹽酥雞可試多種味道芭樂鳳梨鹽水雞干拌麵 ($68)點給愛芭樂的媽咪, 可惜芭樂較少。其實味道真的不錯, 但如果鹽水雞大塊一點(多但太碎了)跟麵爽一點就PERPECT!熱珍珠紅豆奶荼 ($24)媽咪點的! 想不到用的是凍飲杯...太大杯了!味道不錯, 不會太甜維多利亞的秘密 ($52)即是雜莓沙冰。 太瘋狂了, 又是超大杯, 大杯得總是漏出來!另外有冰凍的雜莓, 雖然好像比較貴, 但超值! 我推薦這杯呢~~~第一次

成日都會黎天水圍探朋友一直都唔知呢到有間咁多台式美食既餐廳成間餐廳既裝修令人感覺乾淨同舒服好在我地黎得早～午市時間都真係幾多人～Lunch set 都幾抵食呀四十幾五十蚊左右11點到5點半都可以點～重包幾款飲品 珍珠奶茶都唔洗另外加錢同朋友每人點左一個餐我點左奶油芝士炸雞手作麵即點即焗、所以要等大概15分鐘意想不到⋯份量非常之大😂😂我地兩個都食唔晒～焗芝士配手作麵好creamy..岩晒芝士控既我炸雞入面既肉都好juicy 同嫩滑朋友都讚好😂話下次要再黎～

想食台灣菜嘅心 真係話有就有 見到餐廳名叫九份十分，真係連menu都唔洗睇 就知一定係食台灣野餐廳裝修行台灣古早風，微微嘅舊年代感。食台菜，當然必食麵線，麵線味道濃郁杰身，加埋大腸同魚蛋，係正宗嘅台灣味。如果嫌單食麵線，味道唔夠豐富，可以加埋餐廳提供嘅烏醋、沙茶醬同蒜泥，撈埋一齊食。不過對我呢個嗜辣嘅人就有啲美中不足喇。另外我嗌左個溶岩芝士雞，無論係芝士定雞都比我想像多。唔知係咪食慣左冇乜味嘅拉絲芝士，對呢個明顯濃味啲，但同樣拉到絲嘅芝士有莫名嘅感動。炸雞炸得岩岩好，肉汁完全keep到曬，就咁單食已經好好食。小食嗌左個醉鴨舌，一盤有8條，酒味唔太濃，但對我呢啲唔太鍾意太濃酒味嘅，反而岩岩好。最後嗌埋個甜品草莓雪糕鬆餅，cream打得好空氣，食完一啲都冇罪惡感。鬆餅外脆內軟，仲有陣陣香甜味，自己幾鍾意，不過略嫌鬆餅唔太熱。係飲品方面，自己就嗌左個維多利亞的秘密，即係野莓沙冰。一上枱忍唔住嗌左聲，因為實在太誇張，啲沙冰疊到勁高。味道可以，係正常野莓沙冰味，不過真材實料又有埋視覺震撼，都抵番曬。友人就嗌左個墾丁星空，即係蝶戀花青檸沙冰。上枱有埋個Led燈放左係杯飲品底，成程你都會見到杯飲品係

今日同朋友放學去食晚餐，見呢間台式料理都幾吸引，價錢平民，所以就book左呢間。坐低waiter 態度好好，有主動介紹餐牌。台式香腸腸仔真係好驚喜，一咬落去肉汁必哂出黎，但$36 就有d貴豬手麵好少餐廳有得食豬手，平時都要趁姨媽姑姐隔離屋尐新袍結婚生仔先有得食豬手，所以見到呢個即刻心心眼咁點左佢。食落口滑而不膩，不會太油，又夠多，有成四五隻，落料好足，粗麵口感勁道爽滑，味道一流。下次再黎會再叫!涼伴三小份量適中，海蜇、涼拌四季豆，麻辣牛筋都好入味， 特別係四季豆， 香甜可口。Oreo 沙冰 大大杯好抵飲 白玉兩色冰淇淋鬆餅賣相吸引有心思又大大碟。窩夫香甜鬆軟， 配上芋頭味和雲妮拿味雪糕一流， 草莓特別甜。大大滿足偽台妹少女心! 環境衛生，光缐充足，室內設計幾有台灣特色， 價錢又相宜，極力推介大家來食!

一去到已經見到為數十幾人喺度等緊枱，不過都唔係等咗好耐啫，印像中都係十分八分鐘嘅事，證明餐廳店員做事有效率，讚。綜合水果茶，呢度嘅綜合水果茶係用jar上嘅，大大jar一jar都分到成六七杯，水果茶味道酸甜，當中夾雜著大量各式嘅新鮮水果，特別鍾意佢將啲檸檬同埋冰粒一齊雪，喺冰粒溶化嘅時候，仍然有其他嘅果味慢慢滲出，令整個果茶更富層次。台式烤香腸，台式烤香腸一共三條，廚師特別為我地細心切片，方便我哋share食，個味道同台灣食到嘅一樣，加埋旁邊嘅酸菜一齊食，就更見風味啦。醉小三，一直都好鍾意台北嘅醉的小品，每一次去都會專程揸車過去買佢哋嘅醉蝦，可惜近幾次去台灣都係喺高雄上落，又無咁神心由南部揸到上去，就係因為咁好多年都無食過喇，估唔到今日竟然可以喺香港，仲要係天水圍嘅小店度食到十足十既台灣風味；呢度個醉蝦同醉的小品一樣有飽滿既蝦身，肉質彈牙爽口，蝦頭蘊藏大量新鮮嘅橙黃色蝦膏，絕對係要夠新鮮嘅蝦先至能夠做得到呢個效果；醉過既肉身入味非常，酒味更能帶出蝦既鮮甜，確實妙絕；個鴨舌係連埋喉嚨椗丁嗰兩條鬚鬚嗰一種，喺香港比較少有，嗰個老天祿嘅感覺即刻番哂嚟；鮑魚嚟講就唔夠個蝦咁入味，不過食到一個咁醉

啱啱去完台灣旅行，番到黎就開始掛住台灣野食，所以去左呢間台式餐廳，睇下可唔可以搵番嗰種喺台灣覓食嘅感覺。成間餐廳行簡約風，令人覺得好舒服好乾淨。店員服務值得一讚，好熱情為你講解之餘，執碟清枱斟水嘅速度都好快，令你可以好舒適咁樣同朋友傾計。紫薯珍奶紫薯味濃，而且只係微甜，幾好飲。胚芽珍奶的胚芽份量大方，最尾一啖都飲到胚芽同珍珠。涼拌三小碟有四季豆， 海蜇同牛筋，全部都好有麻油香，爽口彈牙！必叫就梗係紅燒牛肉麵啦！湯底充滿住濃郁嘅牛味同清甜嘅蘿蔔味，唔單止有牛腩，仲有牛筋架，真心推介！蚵仔泡飯清新，蚵仔粒粒飽滿唔腥，仲有硯肉仔，令個湯更有海鮮味。點少得鹽酥雞呢？每一嚿都炸得好酥好juicy，最貼心就係俾左個調味架你，要咩味就落味，玩味美味雙全。以士多啤梨雪糕窩夫作結，成餐飯真係無得頂！

天水圍頌富商場重修後，多左餐廳進駐。lunch時間到，已經有好多上班人士，學生，同一家人食緊。叫左古早醉鴿($78)，芭樂鳳梨鹽水雞干拌麵($68)，台式綜合滷味拼盤($52)，香辣瘋狂炸雞沙拉($48)，忌廉芝士蘑菇雞翅2隻($26)，白肉珍珠雙色冰淇淋鬆餅($58)， 原味吉士可頌($38)，墾丁星空飲品，鮮柑桔蜂蜜綠茶。平時食炸乳鴿多，醉鴿少之有少，台式餐廳更加少見。尼個醉鴿有好濃既酒味，釀得夠耐，上枱已經聞到陣陣酒香。鴿肉肥美，值得試既開胃菜，唔係間間台式餐廳都食得到。鹽水雞伴番石榴，菠蘿，青瓜，灑上少少辣份，拍得住係台灣夜市食到既鹽水雞。不過雞肉"鞋"左dd，但份量好多。干拌麵係人手製造，彈牙，涼拌麵岩哂夏天消暑。滷味細拼盤雖小，但包哂所有小食，有大腸，鴨腎，鴨舌，滷蛋，雞翼。醃得夠入味，唔鹹，尤其鴨腎爽口大件。炸雞沙律只係$48，但係係一大盤，份量多到4個人都未必食得哂。炸雞有6件，件件都有半個女仔拳頭大。沙律醬多，仲有d微微辣既醬係炸雞面頭。超抵食。蘑菇雞翅必試，雞翅起骨，釀入蘑菇，芝士，一食，芝士味好出位，燒完唔會乾，仲有肉汁係入面。可以叫2隻or4隻，超貼心，所有可以

相信天水圍居住嘅朋友對T Town一定唔會陌生但居住喺核心外圍嘅我 大鄉里出城 基於探朋友才第一次踏足T Town晚飯時候朋友介紹一間食台灣嘢嘅餐廳話質素高 而且價錢大眾化由於久未踏足台灣 對台灣嘅美食心癢癢一於今晚就黎個台灣之旅【醉小三】$148 呢度前菜包含咗三款嘅醉物分別有 醉鴨舌 醉鮑魚 醉大蝦之前喺台灣旅行亦曾經買過「醉的小X」做手信發現呢度嘅醉小食 質素居然拍得住名店尤其係醉大蝦 酒味十足又唔苦加上蝦肉新鮮又夠彈牙 蝦頭嘅蝦膏仲非常甘甜至於醉鴨舌亦非常入味 質素絕對拍得住台灣出品【鹵水拼盤】$52 入面有鹵水豬大腸 鴨腎 鴨舌 豆腐 雞翼 同滷蛋材料可謂相當豐富各款滷味嘅顏色都非常深 證明鹵水時間夠長尤其喜歡豬大腸 滷得夠入味 肥美之餘亦唔會太騷鹵水汁香料味突出 而且加入咗麻油 吊出咗一份麻油嘅香氣【紅燒牛肉麵】$62 紅燒牛肉麵有齊牛筋同牛肋肉 牛肉炆得非常之軟身 牛味十足麵條口感亦夠煙靭 非常彈牙 就算食得耐都唔會變淋湯底亦夠曬深色 飲得出係經過長時間淆製 湯底帶有微辣 夠曬濃郁【鹽酥雞扒肉燥飯】$68 呢度嘅鹽酥雞扒名不虛傳雞扒夠曬酥脆 亦 最難得嘅係外皮夠鬆脆之餘每

在我心目中，天水圍一直是一個美食沙漠，所以我很少去天水圍食飯，但原來近幾年天水圍變化頗大，以T Town為例，入面的食肆頗有特色，而且大部份也不是連鎖集團式，所以這天難得來到天水圍，就索性和朋友試試入面這間九份•十分才回家。餐牌上的食物選擇多樣，有台式小食、沙律、 麵和飯，還有土司飲品等，加上餐廳休閒風的裝潢，實在有點像茶木，但價錢卻明顯更加親民，份量也比茶木大份抵食多了！酒醉一口吉品鮑($128)一客有8隻迷你吉品鮑，size剛好一粒一啖，每隻都爽口入味，充滿酒香。醉溏心蛋 ($12)蛋一樣入味散發酒香，如果蛋能溏心就更好了。阿春麵線($28)其實即是大腸麵，麵條滑身扎實，湯底濃鮮，份量也足料，加上滷得入味的大腸，水準不錯。忌廉芝士蘑菇雞翼肉燥飯($68)肉燥飯比較乾身，只是在白飯上倒上肉粒，比較單調。不過忌廉芝士蘑菇雞翼很有驚喜，嫩滑多汁的雞翼內塞滿忌廉芝士蘑菇醬，非常惹味。台式烤香腸（$36）香腸烤得薄脆，味道甜甜的，十分討好。份量很多，適合多人分享。

今晚和朋友去天水圍食飯今次揀咗台灣餐廳其實係門口已經俾個Menu吸引飲品、甜品和主菜都好多😋圖文並茂，價錢亦相當合理餐廳嘅佈置都好有心思牆壁上嘅立體火車裝飾😵同臺灣風景壁畫就自然諗起放天燈嘅地方好配合餐廳嘅主題值得一讚👍🏻今次揀咗一啲比較少食嘅餸都好想品味下台灣唔同風格嘅食品☝🏻☝🏻☝🏻芭樂鳳梨鹽水雞（凍食）我同朋友都係第一次食有新鮮菠蘿、番石榴、青瓜、同鹽水雞係好清新及開胃嘅前菜特別好鍾意新鮮菠蘿，唔係用罐頭菠蘿架👍🏻☝🏻☝🏻☝🏻醉小三（凍食）又係第一次食😜有鮑魚仔、大蝦、鴨舌我朋友勁鍾意食鴨舌大讚爽口同入味，洒香亦恰到好處☝🏻☝🏻☝🏻 鹽酥雞排肉燥飯雞扒非常大件，好抵食，亦都非常鬆軟！最得意嘅係有六種調味粉加入雞排俾你逐一去品嚐唔同嘅味道我個人就最鍾意香辣粉同咖喱粉！最後就係雜果雪糕鬆餅見到個Menu就有衝動一定要食鬆餅外脆內軟，生果同雪糕都OK我最鍾意就係啲忌廉唔會好甜我食完都唔覺好漏其實我覺得係兩人份量！真係好大碟😜總括來說：會再幫襯！招呼亦好周到！員工好有禮貌👍🏻✨

嗌咗五樣嘢，分別係熔岩芝士雞、紅燒牛肉麵、暗黑系甜心（Orea沙冰）、綜合水果茶同埋醉鴨舌。我之前都食過幾間西餐廳嘅芝士火鍋，覺得佢哋嘅芝士底淡而無味，又稀。但呢間嘅芝士雞，芝士醬味道香濃，都幾稠，有好香嘅芝士羶味，仲可以食埋香脆嘅包，睇得又食得！間餐廳會準備埋膠手套比食客，包裝好特別，令人驚喜😂牛肉麵嘅牛肉好嫩滑，仲有大大嚿嘅牛筋，麵質煙韌，必食！Oreo沙冰勁大杯，仲有幾塊Oreo，飲每一啖都會覺得食緊Oreo咁，就算啲冰溶得7788 ,但杯嘢飲都仲好有味！另外，侍應嘅態度好好呀，佢哋開心有活力，好難得㗎！總括黎講，呢間餐廳抵食又好食，我會再去！

上次講過個豬手都唔錯，豬手都幾入味下，所以今次都叫左個豬手麵食 ～幼麵仍然都無咁彈牙。今次聽到Waiter推個鹽酥雞，話有自由咁調味，可以一試。我聽到可以自己揀落咩粉，就兩話不說就叫左。因為我好鍾意試唔同粉( 重口味) 哈哈 ～點知真係有幾多下，有成6隻可以揀 ～ Spicy one and 原味 combo 普普通通，原味加咖哩個味都幾出下。Anyway, 可以自己慢慢試到鍾意。I like it !都係咁香脆juicy，炸到岩岩好，無任何炸到老身既感覺。所以都好快襯熱食哂 哈哈。！講到台灣野食，緊係要叫個滷味啦 ～ 但係我就覺得無其他咁出色啦 比起其他野食。因為個八角味有啲重...不過可能係個人喜好 。最後都咁係黎個甜品做收尾。今次揀左水果waffles .令我very impressive ! 整得岩岩好，外面都仲脆脆地，而配埋個雪糕一齊咬。YUMMMMM!!下次好想試埋個chocolate ar!!! 

放工之際得悉鄰居係天水圍之後就去搵佢順便食商場入面既餐廳而吸引我眼球既就係一間叫九份十分既餐廳懷舊香港的設計令我有興趣彷彿在譜寫香港的精神 （當然包括美食，由港式茶餐廳，大排檔到這店鋪多元化的食物）餐廳的人一直很多，亦從中看到中國的剪紙藝術品剛才一直說香港美食多元化所以很隨意就能翻到台式，韓式，和外國的標誌美食而作為雞控的我就點了這個溶岩芝士雞加了少量果醋令果茶味道變得濃郁 而杯中的檸檬和冰糖卻令果茶中的甜更上一層樓紅燒牛肉麵是我至愛的美食作為台式美食之一這店大膽運用了韓式面底配上傳統配搭的食物味道出奇地好芝士炸雞快到前職員給我一個「安全套」仔細一看原來是「食物安全手套」炸雞終於上了熱騰騰的炸雞和芝士包炸雞上麵粉頗薄而脆芝士說是溶岩不為過而且十分濃郁點炸雞味道一流港式餐廳把韓式料理完美呈現出來到最後當然就是甜品時間芒果蜜糖磚塊！雖然芒果雪糕頗硬但是因為考慮到香港的炎熱天氣放了5分鐘後就好忌廉味香濃芒果片很甜也很適合和蜜糖磚拌著一起吃而且比起某連鎖店份量更多沒有叫到九份都已經是十分滿分了，下次會再來

中學時代後 較少在天水圍出沒 上次拜訪友人家 商場還是「頌富商場」但現已更名T TOWN 檔次又好像不同了 看介紹發覺開了這間台灣菜 今次就來一探究竟紫薯珍珠（熱）$28 OK冷熱同價 珍珠煙韌 但紫薯味很淡 不太吸引老皮嫩肉 $28 外形像滷豆腐 但口感很特別 有像魚片頭一類的厚度 但又有豆腐般的嫩滑 推介！台南咖哩雞翅飯 $68 份量不少 炸雞翅脆香 咖哩汁味適中 但不算有台南風味 若變成鹽酥雞風味或更提升蒜香焗茄子肉燥飯 $62 份量亦多 滷蛋一般 肉燥沒有台灣風味 只像有味肉碎 缺乏油脂部份 烹調時間也過久 茄子蒜香味適中 但口味是港式路邊檔的燒茄子呢奶油奶酥吐司 $32 店子推介之一 吐司厚薄得宜 而且真的夠奶酥 熱辣辣也不難切 很快便KO了席間一家大細客人很多 店子都有適當安排 座位也尚舒適 說到味道 小食及甜食較出眾 其他則較遜色也沒甚台灣風味 但勝在價格合宜 且在商場內 算是多個選擇 還會再來的

小女子作為一個土生土長於天水圍的九十後，廿幾年來品嚐無數不同口味的餐廳，今次品嚐的是台式風味餐廳一走進來便感覺到這裡的裝潢很用心☺有十分的景色和台灣的火車🚄坐下來，店員細心而有禮貌而且傾落店長仲係街坊，主動推薦食物值得一讚的是店員會在用餐後主動遞上牙籤很會留意食客的需要😊🤗😊食物夠熱，下單後即製，晚市時間人流多仍能控制出餐速度真的不錯！👍鹽酥排骨粒麵（$52）🍲排骨夠酥脆，沒有炸得太過火，恰到好處麵食有驚喜，麵是可選粗麵或幻麵我選擇了粗麵，很有𡁻勁，我最喜歡有彈性的麵條了烤台式香腸肉燥飯（$58)🍛香腸的肉汁好豐富，肉燥調味很好，不會過鹹香芋珍珠（$22）🥤這𥚃的茶飲可以選擇糖份和糖的份量是很細心的服務啊😳綜合水果茶（$48）🍎🍇🍊好特別的一杯茶，選用水果新鮮上乘，還有一粒話梅，好好喝啊！最用心的是有兩個杯，分別都有檸檬冰啊～是檸檬冰啊～🍋🍋🍋🍧真的花費了不少心思去調這杯水果茶，一定要試！結論：性價比十分高的一家餐廳，食物環境服務質素都十分高，值得覆桌！👍👍👍