影片
更多
2018-03-22
63 浏览
相信天水圍居住嘅朋友對T Town一定唔會陌生但居住喺核心外圍嘅我 大鄉里出城 基於探朋友才第一次踏足T Town晚飯時候朋友介紹一間食台灣嘢嘅餐廳話質素高 而且價錢大眾化由於久未踏足台灣 對台灣嘅美食心癢癢一於今晚就黎個台灣之旅【醉小三】$148 呢度前菜包含咗三款嘅醉物分別有 醉鴨舌 醉鮑魚 醉大蝦之前喺台灣旅行亦曾經買過「醉的小X」做手信發現呢度嘅醉小食 質素居然拍得住名店尤其係醉大蝦 酒味十足又唔苦加上蝦肉新鮮又夠彈牙 蝦頭嘅蝦膏仲非常甘甜至於醉鴨舌亦非常入味 質素絕對拍得住台灣出品【鹵水拼盤】$52 入面有鹵水豬大腸 鴨腎 鴨舌 豆腐 雞翼 同滷蛋材料可謂相當豐富各款滷味嘅顏色都非常深 證明鹵水時間夠長尤其喜歡豬大腸 滷得夠入味 肥美之餘亦唔會太騷鹵水汁香料味突出 而且加入咗麻油 吊出咗一份麻油嘅香氣【紅燒牛肉麵】$62 紅燒牛肉麵有齊牛筋同牛肋肉 牛肉炆得非常之軟身 牛味十足麵條口感亦夠煙靭 非常彈牙 就算食得耐都唔會變淋湯底亦夠曬深色 飲得出係經過長時間淆製 湯底帶有微辣 夠曬濃郁【鹽酥雞扒肉燥飯】$68 呢度嘅鹽酥雞扒名不虛傳雞扒夠曬酥脆 亦 最難得嘅係外皮夠鬆脆之餘每
但居住喺核心外圍嘅我 大鄉里出城
基於探朋友才第一次踏足T Town
晚飯時候朋友介紹一間食台灣嘢嘅餐廳
話質素高 而且價錢大眾化
由於久未踏足台灣 對台灣嘅美食心癢癢
一於今晚就黎個台灣之旅
【醉小三】$148
呢度前菜包含咗三款嘅醉物
分別有 醉鴨舌 醉鮑魚 醉大蝦
之前喺台灣旅行亦曾經買過「醉的小X」做手信
發現呢度嘅醉小食 質素居然拍得住名店
尤其係醉大蝦 酒味十足又唔苦
加上蝦肉新鮮又夠彈牙 蝦頭嘅蝦膏仲非常甘甜
至於醉鴨舌亦非常入味 質素絕對拍得住台灣出品
【鹵水拼盤】$52
入面有鹵水豬大腸 鴨腎 鴨舌 豆腐 雞翼 同滷蛋
材料可謂相當豐富
各款滷味嘅顏色都非常深 證明鹵水時間夠長
尤其喜歡豬大腸 滷得夠入味 肥美之餘亦唔會太騷
鹵水汁香料味突出 而且加入咗麻油 吊出咗一份麻油嘅香氣
【紅燒牛肉麵】$62
紅燒牛肉麵有齊牛筋同牛肋肉
牛肉炆得非常之軟身 牛味十足
麵條口感亦夠煙靭 非常彈牙 就算食得耐都唔會變淋
湯底亦夠曬深色 飲得出係經過長時間淆製 湯底帶有微辣 夠曬濃郁
【鹽酥雞扒肉燥飯】$68
呢度嘅鹽酥雞扒名不虛傳
雞扒夠曬酥脆 亦 最難得嘅係外皮夠鬆脆之餘
每口嘅雞扒都能保持肉汁 相當嫩滑
肉燥飯迎合返香港人嘅口味 唔會有太多肥膏
撈埋酸菜一齊食 夠曬爽脆清新
【黑白珍珠雙式冰淇淋鬆餅】$58
以呢個價錢可以食到咁大碟嘅甜品簡直係物超所值
鬆餅被焗得相當鬆脆 但入面就柔軟綿密 真正做到外脆內軟
黑白珍珠 同綠茶丸子都夠Q夠彈
加上雪糕球同忌廉 食起嚟有冰火感覺
幾個朋友一齊share都夠曬食
【胚芽珍珠奶茶(熱)】$24
食台灣嘢又點少得胚芽珍珠奶茶呢
呢杯奶茶嘅茶味香濃 珍珠夠o趙頭
【綜合水果茶】$48
綜合水果茶入面真係有齊各式各樣嘅水果
蘋果 布冧 橙 熱情果 菠蘿 柑桔 仲加入咗話梅
果然不負水果茶之名
各款嘅水果粒都非常新鮮 一路飲一路食夠曬refreshing
特別之處係每個細杯裏面都加入咗檸檬冰
咁就唔怕水果茶越飲越淡
呢間《九份。十分》 無論係價錢定食物質素都可為係超班
難怪喺晚飯嘅時段門外都排滿食客啦
张贴
