九份•十分 (T Town ) (已結業)

朋友生左個B，家住天水圍，特登入去探佢哋，在下對天水圍實在唔熟，B媽教我坐西鐵到天水圍站轉乘706輕鐵，到富頌站下車，仲提意先去T town 醫肚先，後至上去玩B，一帶就帶左我嚟呢間九份·十分，佢話非常好食；醉三小$148，有醉鴨舌、酒醉蝦及酒醉一口吉品鮑，酒味啱啱好，唔會腌到苦或過鹹， 欣賞個醉蝦除左有酒味，仲留有鮮蝦味，我哋連雲耳及每一粒紀子都清哂，好味指數可想而知；古早醉鴿$88，肉質醃得尚嫩，保留返鴿肉口感，B媽話好彩已經無餵人奶，如果唔係呢兩碟咁正嘅冷盤就無得食😂台灣鹽酥雞$48，大碟兼好食，具有台灣風味，另有六味粉，任君選擇；忌廉芝士磨菇雞翼$28/2隻，𥚃面無骨，釀入忌廉芝士蘑菇，雞翼炸得脆口，食落都幾邪惡；原味吉士可頌$38，牛角包酥軟可口，吉士打到cream咁滑，咬落去好似軟雪糕咁，必食之選；青青草原（頂級宇治綠茶牛奶沙冰）$48，綠茶味濃，略嫌甜左D；海棉寶寶（鮮芒果沙冰）$52，沙冰棉，芒果香，果肉多👍🏼👍🏼咁好味嘅寶島餐廳，朋友真係無介紹錯👏🏼👏🏼

大約半年前嚟呢間九份十分食過佢嘅醉三小，一直都對呢一度嘅醉物夢縈魂牽，今日咁橋有個機會入嚟天水圍，仲唔係佢!?醉溏心蛋，今次添加咗呢一個上次醉三小無嘅項目，醉溏心蛋嘅醉膽明顯比起醉三小濃味，啱啱好可以補足到蛋白味淡嘅食材特性，香濃既酒味入到去蛋黃入面，呢一啖帶有酒味嘅流心蛋黃，鍾意醉嘢嘅朋友絕對需要一試。酒醉蝦，酒醉蝦同上次一樣，選用嘅鮮蝦非常新鮮，由於新鮮嘅關係，就算被酒醉過後，都依然食到蝦肉嘅甜美，蝦身肉質爽口彈牙，蝦頭仲有大量橙色既蝦膏，好過唔少坊間嘅所謂新鮮蝦。老皮嫩肉，點菜之前問過店員，老皮嫩肉即係滷豆腐，本住一個平常心試下， 點知豆腐嘅質感實在令人充滿驚喜，一啖入口，先係撲鼻嘅鹵水味道，跟住係豆腐獨特嘅口感，呢個豆腐嘅口感煙韌得嚟有啲彈牙，有少少似魚蛋同埋腐竹嘅混合體，整體非常特別，另外佢隔離嗰炸酸菜亦都十分出色，嗰隻酸度同爽脆，拍得住饒河街咁嘅質素。台灣鹽酥雞，鹽酥雞一共有六款口味，可以隨著自己嘅喜好而調配，啱哂心多多嘅我，個人覺得原味加埋辣味始終係同鹽酥雞最夾，另外梅子味酸酸地，亦都能夠中和炸雞嘅肥膩，一碟雞有六個口味，賺哂。紅燒牛肉麵，呢度個牛肉麵湯底十分正宗，湯底牛

今天是開心日子因是朋友生日，網上見天水圍有好多餐廳，但朋友愛食台灣野、食甜品同飲台式特飲，剛好有間叫九份.十份在天水圍頌富商場，又近我朋友住的地方，於是去晚餐慶祝生日。香辣炸雞沙拉是好有炸雞香的，是被炸雞吸引才叫呢個沙拉，當真跟相片看上般正，外脆內軟的組合是值得比like, 沙津菜很翠綠又加了沙津汁，真是食到很清涼感覺。滷水雞翼肉澡飯，肉澡是很入滷水味，雞翼又冧身又大隻，食了幾隻落肚，朋友跟我都講下次再來食時要叫番一碟食。忌廉芝士磨菇雞翼，充滿雞翅味入口即散發出忌廉芝士磨菇味，好似食得好健康因為有蔬菜類一起食用，呢個菜用叉具時都方便食。甜品一上來是大尺寸的芒果蜜糖磚塊，雪榚跟格餅同樣搶眼，初見到時很興奮同拍照一下先，還有芒果粒係好正的甜點。

今晚係天水圍呢個商場覓食~而晚餐就決定食台灣野~比九份。十分 呢個名吸引~入到去見到牆身有架火車裝飾～而坐低果時又望到自己對住幅車站壁畫～好特別呀～室內設計睇得出呢度擺左唔少心思～話說大食妹睇到餐牌咩都想食~最後嗌左幾個小食，一個麵線同一個甜品~小食: 古早醉鴿醉雞食得多，醉乳鴿就真係第一次試。但係出奇地覺得酒同乳鴿係夾架喎~完全無伏！隻乳鴿好嫩滑，d酒浸到入哂味落隻鴿度，好特別，好好食！鹽酥雞去每間台式餐廳都必定要叫既一個小食。其他餐廳有時會炸到肉乾噤，但呢道絕對唔會！今日試過~呢度既鹽酥雞係外脆內嫩，仲有肉汁流出黎。可以話係我暫時係香港食過最好食嘅鹽酥雞！另外~佢有6款不同既調味粉比你加落d雞既上面~貪心既我分開試哂6款既粉~紫菜控本身以為紫菜應該會係最好食~點知試過先知落咖喱粉同梅子粉先係最特別~ 落咖喱粉個鹽酥雞既味係即刻提鮮，唔會好濃味但好香！而落梅子粉果時，咸咸酸酸好特別！醉溏心蛋溏心蛋可以逐隻叫~個蛋好香酒味，而且佢真係好夠溏心，我好快就一啖就食哂成隻落口~推介，必嗌！皮蛋豆腐呢碟皮蛋豆腐睇落好普通噤，佢最好食既地方正正係佢既醬汁~佢醬汁嘅味道好濃，有少少酸酸甜甜既味道，

週末想和另一半吃一頓台灣菜，又想去她附近的地方逛逛, 我便打算去天水圍看看有沒有好地方。上openrice就找到—間叫九份 十分的餐廳有不錯的評價，所以就選擇來這裡用餐。我們約定在天水圍站等候，再轉乘輕鐵706, 四個站就來到T Town，途中另一半說起昨夜有看世界盃，竟然要求今晚吃完飯要回家看球賽T Town 有分南冀北冀, 餐廳位於南翼, 要在一樓步行至南翼再上二樓, 我們來到餐廳已差不多晚上八時, 非常幸運地不用等候就可以入座鹽酥雞很人都推介, 價錢$48不算太貴, 但整體來說普普通通, 上餐前店員上了很多款調味粉, 事實上吃的時候吃不出有什麼味道，只想説吃完很口渴紅燒牛肉麵我和另一半差不多每次吃台灣菜都會點, 這裡湯底我個人覺得不錯, 帶點肉骨茶味, 而麵我們選擇粗麵，不過不失, 不過牛根很硬咬不開和蘿蔔不夠林, 扣了不少分，有看過我食評都知我們很喜歡吃紅燒牛肉麵總括來說，我和另一半都算吃得滿意，我們期待下次有更好的食物質素！

天水圍T town 喺天水圍嚟講都算係一個大商場，商場內有好多不同食肆，而其中一間食台灣菜的餐廳，平時好多人去食，今日經過見到唔洗等位，即刻衝入去食! 餐牌有好多選擇，有好多台式小吃、台灣麵、仲有特色台灣甜品同飲品系列，選擇真係非常之多。招牌紅燒牛肉麵去食台灣菜，當然要點返碗招牌紅燒牛肉麵食，一碗牛肉麵份量好多，牛肉有好多舊，一飲個湯底，濃濃既牛肉味，配上蘿蔔，非常鮮甜，而且粗麵煙煙靭靭，而且亦都足夠掛商湯汁，非常入味。而且份量好多，食到非常之飽。三款小吃(蒜香豆角 麻辣牛筋 香辣芝麻海哲) 蒜香豆角蒜蓉味非常之香，而且非常之爽脆，豆角好惹味麻辣牛筋麻辣非常之香，牛筋非常之入味，兩者加埋一齊，係非常之好嘅配搭，牛筋非常之煙靭，好有口感，作為前菜非常之適合香辣芝麻海蜇非常之香嘅芝麻味再加上好爽嘅海蜇，非常之有口感，海蜇好彈牙，非常之開胃綜合水果茶水果茶簡直係台灣嘅飲品之最，清甜嘅生果，再加上紅茶，味道非常之夾，生果嘅香氣融入晒紅茶入面，紅茶香亦都融匯於生果入面，正估唔到入到天水圍有咁高質素既台灣餐廳，價格相宜，服務同環境都令人感到很舒服，性價比非常之高

有一年多未踏入過天水圍，來到 t town 商場（應該係以前的頌富商場）。。嘩～～ 改變左好多，多左不少的食店。去到一間叫＂九份。十份＂台灣食店，下午2點多，依然好多食客。好彩，我一個人，唔需要等好耐，易揾位。午餐可以由 早上11:00 - 下午5:00，仲有好多選擇（有豐富、有輕便）而我就自選散叫，因為好想食一啲台灣的名物不同年紀、不同時代都好喜歡吃台灣美食。記得以前去台灣必食的鴨舌，之後去台灣就必買的鹽酥雞，再後期去的台灣，就必飲的水果茶。老：醉小三（醉鴨舌、醉鮑魚、醉蝦）有當歸味的醉汁真材實料。每碟餸都有雲耳放底，入味，唔浪費，吃哂中：鹽酥雞香脆可口好味之餘，仲可以任你自由配搭不同6款口咪。真係想點吃就點吃。混合味青：綜合水果茶特色：係用冰左的檸檬🍋，再倒入水果茶，果然與別不同，好味

經過見到台灣野，入去試下，點知中哂伏醉雞又無味，啲肉鞋恰恰，不知所謂涼拌三味，個麻辣筋不知所謂，又un又難食台灣腸好啲，但竟然配啲勁難食嘅配菜，台式做法係配一片片嘅蒜夾住黎食真食評! 100個劣評

最近都落雨，就決定係屋企附近覓食，黎左呢間台灣特色店，一入去就見到裝修好特別，而且座位都舒服！呢度嘅店員全部都好好態度，全部都笑面迎人呢度都有好多唔同嘅特色飲品，但係今日有少少唔舒服，就叫咗一杯熱嘅紅豆珍珠奶茶，可以自己決定糖嘅份量，好貼心呀！珍珠奶茶我叫半糖，飲落去甜度啱啱好，而且啲珍珠彈牙紅燒牛肉麵一直都係我嘅至愛，黎到呢度梗係要試吓啦！果然有驚喜呀，啲湯汁好濃味，而且飲得出完全冇味精！牛肉好大件，一啲都唔孤寒！而且好入味，一咬落去肉質鮮嫩，炆得好淋！朋友叫咗一碗鹽酥雞排麵，佢揀咗右面，啲面好彈牙而且都索晒啲湯汁嘅味！雞扒超大塊！而且炸粉都唔算多，炸到外脆內軟，一咬開有好多肉汁！仲叫咗一碟娃娃菜，即使係一碟菜佢哋都做得出色，上面放上少少肉碎，令到就算菜都唔會太齋！

上次探朋友時來吃過，今次重返舊地，味道好像沒有過大的分別。點了這份必吃的 醉溏心蛋，侍應生送上來後，我們二話不說地搶着吃碗裏的雲耳，滑滑腍腍的質感，吃過後才記起手機未吃(習慣來的)。溏心蛋的蛋白滑溜，微微的酒香伴着有濃郁蛋黃香氣的蛋黃，總算不錯！另外再多點一份我上次看過鄰桌食客吃的 惡魔三明治。 直至侍應生把三明治送上枱，我確實忍不住要為三明治拍了多張照片，因為它的外貌實在是太邪惡了！ 烘脆過的厚多士夾入 層層疊疊的餡料，有炒滑蛋加芝士還有蕃茄等等等，沙律白醬又是滋味無窮，難怪上次看見鄰桌是吃得津津有味！ 味道 3.5環境 3服務 4衛生 4抵食 3.5

今天放工很疲倦, 想吃餐好轉換下心情又不想走太遠, 便在天水圍四周逛逛。平時覺得天水圍沒什麼好東西吃, 原來沒抱什麼期望, 走到這間餐廳前,被餐牌上的圖片和裏面的香味吸引了,於是便進去試試。頭盤我們點的是皮蛋豆腐, 有輕輕的酸甜味,很開胃的菜式。然後來的是阿春麵線, 湯底濃郁,麵線加大腸很有口感。蚵仔肉醉泡飯, 用料十足,每啖飯都可以吃到蚵仔和肉碎。跟住芝士磨菇忌廉雞翅,煎得很香碎, 雞翅裏釀了芝士磨菇, 味道香濃, 忌廉,芝士加上雞翅味道很配合。最後介紹的溶岩芝士雞我覺得是全店最有特色的菜式, 面包裏著溶芝士, 把炸得碎卜卜的雞塊點進溶芝士裏吃, 芝士令炸雞的味道提升了一個層次,像吃芝士火煱一樣, 吃完炸雞還可吃裝著芝士的麵包, 吃完十分飽肚滿足。這間餐廳改變了我之前認為天水圍沒好東西吃的想法, 現在下班有了一個可以吃得豐富好味的地方。

住天水圍頌富商場附近是天水圍居民行街的首選，有間台灣餐廳好喜歡去食叫九份.十份，有時人流好多時要等位，店員幾好笑容及餐牌上食物種類多，等位都值得。先來個涼拌四季豆幾清新，四季豆用涼拌製法好似住家菜般幾健康感，夾多些來食先。台灣食物點少得滷味的台式綜合滷味拼盆，呢個併盆能一次過食儘不同小食是令人開心的事，有鴨腎、雞蛋、豬腸和鴨舌都很入味，雞翅便是肉質夠咬口與別不同，家人讚很好食。鴨腎跟鴨舌更是食出只有台式時製法的野味。 老媽煎餃子是外層燒得香噴噴，餡料肉質味幾好加埋多菜，令到餃子食落更有肉香，食多多都得。台南咖哩蝦飯，串蝦買相吸引人，原來蝦幾鮮味，再將蝦肉質夾雜著咖哩汁同食，更突顯出食物誘人度，加上白飯像剛熟又香用來送咖哩一流，食哂D飯。

由於自己太喜歡台灣，通常一有台灣餐廳開張都好想要走試吃！今天選這家並不是太新，但之前沙田本店開幕時的確有留意到。因為裝修不錯，有特式，打卡也可以。雖然沒有去過沙田那家店，但相比下天水圍店是比較小，裝飾都是簡單為主。台灣鹽酥雞 (多種口味) $48點這個是因為看到大家都點，應該算招牌哈哈。多種口味是指會配上一個共6種口味的調味架。有原味(鹽酥味)、紫菜、香辣、芝士、梅子、咖喱。一份的量並不少，2-3人都夠分。雞塊也夠大、夠脆。但夏天吃有點熱氣的感覺。因為量數多，所以每件配上不同口味試也可以。個人認為梅子、鹽酥比較好吃。其他都較普通。阿春麵線 $28小吃價錢來說是吸引的，應該是大腸麵線無誤。大腸貢丸肉不多，麵線質量一般。沒有特別想推介。芭樂鳳梨鹽水雞干伴麵 $68全晚最欣賞這道菜！可能夏天選涼拌的確是不錯的選擇。芭樂、鳳梨、鹽水雞配起來酸酸咸咸的，很fresh很夾。涼伴上加上一點點七味粉之類的，一點點小辣更突出鮮味。老媽煎餃子 $36/5隻跟照片好像有一點點少出入。個人認為是煎焦了一點，中間的料一般不算多。umm...自行考慮吧。

好耐無去天水圍原來頌富商場已經改左名做t town行過見到間台式餐廳幾有格調決定入去試試佢揭開個menu其實都幾多選擇今次就決定試試個牛肉麵同鹽酥雞排麵等我睇下你同其他台式餐廳有咩分別😏估你唔到 又幾好食個湯惹味得黎又唔會太辣啲牛肉唔會太un太冧又好濃牛味仲要大大舊 無hea你！作為一個唔食牛根嘅人 問左朋友意見 佢話依到啲牛根都幾多幾好食 真心推薦！麵有得揀粗幼而依款粗麵有少少刀削麵嘅感覺好好食架🤤👍🏻鹽穌雞排麵個湯就相較清啲唔鍾意重口味嘅你適合揀依個雞排嘅炸粉唔會太多太厚雞肉都幾多幾大舊依間餐廳嘅性價比唔錯食物嘅價錢都比得上份量同質素 唔錯唔錯👍🏻朋友試左個醉鴨舌佢就話幾好食 仲好快食哂😂由於我唔食鴨舌嘅 味道大概係點就評論唔到啦🙈本身想叫野飲 但最後叫左沙冰🤤紅心皇后（草莓沙冰）係好濃士多啤梨味唔係假化學野溝出黎嘅味道佢仲要有士多啤梨肉架 值得一叫啊！而黃色個杯係海棉寶寶（芒果沙冰）相較紅心皇后甜啲 但一樣咁好飲最開心嘅係大大杯 好滿足👍🏻總括黎講都幾滿意依間餐廳裝修好有心機 員工態度服務都好好 野食質素比起出面間台式餐廳x木 更好更出色 餐廳仲會播唔少當紅台灣歌手嘅歌 聽住杰倫

九份十份聽得多，竟然出現左係天水圍到，今日我地距離非常之近，點都要會一會下佢黎得台灣餐廳點可以唔飲奶茶呢？香芋珍珠奶茶，經典台式奶茶的味道，加上淡淡香芋味，台式奶茶都有它獨特的吸引力海綿寶寶係一杯芒果沙冰黎架，絕對唔係假芒果味，飲得出係真芒果打成既沙冰，好冰好爽忌廉芝士蘑菇雞翼，咬開就食到香濃的芝士，粒粒的蘑菇片爽爽地，雞肉無骨真係食得好爽，啖啖肉仲有芝士，好好味皮蛋豆腐，相信唔少人食台灣菜都知呢款，好奇怪但又好食！凍既豆腐加上凍既皮蛋，醬汁甜甜地，青身絲夠爽脆，仲有肉鬆既小鹹，好多口感同時間聚集埋一齊，難以形容醉溏心蛋就係酒浸蛋，蛋黃係軟心架，好軟滑，鍾意食酒味小菜既人就正！滷味拼盤，有雞翼、豬腸、腎、鴨舌、柞菜同蛋，滷水真係好好味，全部材料都入哂味，食哂D汁，豬腸真係好好好好食，下次要單叫滷水豬腸，食過你就明點解滷水咁好賣鹽酥雞排肉燥飯，鹽酥雞排香脆Juicy，外層炸皮做到好鹽酥既味道，但肉質依舊地滑，肉燥做得較細同蓉，但味道好有台灣肉燥味，微微一股接受到既台灣肉燥「騷」味，又幾好食WO！台南咖哩骰仔牛飯，牛粒好香濃牛肉味，咬落有少少牛油香走出黎，唔算好韌，都算幾好食，咖哩偏向椰香