九份•十分 (T Town ) (已結業)

黃昏多雲，在下白泥的看不到日落，一點點的遺憾，在「九份十份」台灣餐館裏，這份遺憾竟能轉化為驚喜! 😆很少很少會來到天水圍，根據openrice的排名，我們選了食台灣菜。Menu有得多選擇，一般的菜式也能見到，特別的菜如「醉乳鴿」和 「阿春麵線」，可不是隨處能見到，當然要下單了! 1. 阿春麵線 ❤糊糊的湯，卻不太黏口，這是台灣街頭的口味~有少少魚丸和大腸，一小碗20多元，一個人的話，可考慮叫一個面線一份炸雞，就很滿足了! 👏2. 台灣鹽酥雞💙單看然除了大份之外，可能沒什麼看頭。但再看細心的調味粉: 竟然有六款!辣椒、咖哩、原味、梅子、芝士、紫菜😍這個絕對為三心兩意之人著想! 一口雞一個味，一件雞就可品嘗幾個口味了~我是覺得紫菜挺配襯，而之前很少食這味道的炸雞~推一下 😁😁3. 醉溏心蛋💚這簡直是今天至愛。💘溏心蛋很多地方都有，但要做到酒味如此芬芳、入味，還是難得一見。溏心恰恰好，咬破後的蛋黃和酒味融合，讚! 👍👍4. 滷肉娃娃菜💛夠大蝶，多肉，抵食~5. 醉乳鴿💜第一次食醉乳鴿，又幾好食喎~廚子用心的把乳鴿切好又排好，賣相吸引，醉味雖沒溏心蛋濃郁，但都夠味的。可以試下呀～😀餐單上還有很

Recently Taiwan food is all around the corner in Hong Kong. Bubble gum tea, black sugar tea, u name it. Tired walking a whole day with my friend, we were excited to spot a Taiwan restaurant. The shop is not very spacious, but luckily we didn’t wait for long. The menu offers what u have expected. Its style is like teawood, but overall i think it does a better job. I am so into alcohol so i chose many dishes soaked in chinese wine like the duck’s tongue, egg. Sounds weird right? But they are a per

黎到台式料理，都係想懷緬吓鹽酥雞、新竹米、珍珠奶茶等等呢d必食既好東西。有朋友讚過呢間九份·十分夠地道，於是就黎開餐啦！台灣鹽酥雞唔好話我話，仲好過係台灣掃街，點解呢？你睇吓，油絕對唔多㗎。炸得好香脆，裏面既雞肉唔嚡，還有啊，店鋪好豪咁放咗一排test tube調味粉任你落，有六種味道㗎，還記得台灣既梅子粉，呢到都有。用呢六種香料去增加鹽酥雞嘅美味我就比較喜歡，梅子味，家人就喜歡原味同埋香辣粉， 每一個味道都為我哋鹽酥雞增添唔少美味感。這個size真好，正合小朋友胃口，這樣我就可以多叫其他美食。肉燥香滑，亞囡食到舐舐脷魚丸貢丸湯，簡簡單單但味道一流，尤其係貢丸，有著貢丸既香味但又不過濃，食落有好舒服既感覺。而且細細粒，讓你一口一口慢慢品嘗。古早醉鴨米， 用上最愛嘅新竹米線 ，又滑又幼好入口。醉鴨味濃，肉香嫩滑，下次一定要食埋醉雞。非常好茶味的珍珠奶茶，珍珠危煙，仲可以自己揀唔同配搭。例如多甜少甜，多冰少冰等等，必定可以揀到啱你個人口味。

成日都話天水圍冇咩好食。今日同同事去左天水圍做野，收工就一齊食飯。去左頌富嘅商場搵野食。行過依間九份十分，7點鬆少少都已經好多人食緊，一終本住多人食真冇死嘅心態去試試佢。餐廳入面掛滿晒木製明信片。台灣鹽酥雞$48依款鹽酥雞有6款唔同既調味粉比你自己加，我最中意就係紫菜味同芝士粉👍🏻加上啲雞唔會好厚粉。酒醉一口吉品鮑$128同事好中意食酒浸嘅野,所以我地一口氣就叫左3款，鮑魚好彈牙而且好香酒味。古早醉雞$62雞味濃，而且好滑酒醉蝦好服心咁整走左蝦頭同蝦腳，食起黎好方便👍🏻👍🏻原味吉士可頌🤟🏻🤟🏻依個真係不得了，熱辣辣嘅牛角包，加埋雪凍咗嘅吉士醬，真係一流。醉鴿米用新竹米粉，保持台灣風味。綜合水果茶 酸酸甜甜，特別開胃。

話説最近同爸爸講開如果出街食唔好成日去酒樓或者大家樂 幾好食都食到悶 所以 今次我就同家姐帶埋呀爸呀媽食啲後生細仔鐘意食嘅野- 台灣野 就係我屋企樓下~ 間餐廳叫做九份•十分 我地七點幾入去 已經幾full 如果再遲少少入 就要禁非等位 入到去間餐廳以黑色為主 但好在夠光猛 我地四個大食鬼叫左以下食物 食到我地lam lam 脷1. 醉溏沁蛋我地叫咗四隻 每人半隻啱啱好 每隻都只係$15唔算太貴 佢特別在有花雕酒浸住 香同味都俱全 仲有木耳同杞子作伴菜 唔錯2. 醉鴨舌講開花雕酒又點可以唔叫醉鴨舌呢 啲鴨舌好入味 而且佢肉質爽口 但份量再多啲會更好 3. 滷味雞腎角本身以為呢一個前菜係凍嘅點知黎到原來係暖嘅 但仍然係好味道 佢當中仲有鹹酸菜 酸酸甜甜食落唔會太寡 而雞腎都幾彈牙 4. 鹽酥雞黎到台式餐廳點可以唔食鹽酥雞呢佢呢度有六種口味 有咖喱梅子紫菜原味芝士同香辣粉 任君選擇 個人較喜歡原味嘅椒鹽突出返雞嘅味 而雞就唔多粉個皮薄得黎幾香口 雞都幾滑 岩岩整起熱辣辣 誠意推薦5. 茄子肉燥飯呢個我地等左四個字 個蒜香焗茄子冇令到我地失望 佢好多蔥同蒜所以個茄子好入味 而且茄子已經焗到入

近日天水圍遊走一吓，發現又靚又舒適既商場都不少，更重要係都有不少好餐廳。見到九份·十分好吸引，今晚就整番個肉燥飯同珍珠奶茶啦！- 懷緬一下去台灣既感覺!呢個綜合滷味肉燥飯真係好合香港人既為食主意，佢綜合咗滷水鴨舌、 雞腎、豬腸、雞翼同雞蛋樣樣有，真係開心到暈。滷水味濃而不過鹹，豬腸又唔多肥膏，鴨舌係原隻的(睇相)，雞翼、雞腎同蛋都入哂味。仲有，不忘肉燥喎，佢連飯同甜甜既配菜溝埋一齊食，真係好好食，肉燥滑口，飯又香，成個餐好豐富好滿足。價錢都正，62蚊咁多料去邊到揾呀?鹵水雞翼肉燥飯，同上面果個一樣好味啦！仲有滷水豆腐添，都係果句，滷水味正!涼拌三小碟呢個前菜各有特色: 海蜇爽口亦有芝麻相伴 豆角蒜蓉味香牛筋就麻辣味勁 三個都墊咗青瓜絲喺底，感覺真係好清涼甜品真係無敵，waffle仲脆既，唔會比d雪糕整林哂，香蕉、芒果、士多啤梨同藍莓又新鮮又甜，至於d cream哪喎，滑滑咁，再加咗芒果汁上面，更加好味。最然食完個飯都飽，但係呢個甜品真係好好味，我哋張佢放咗入第二個胃。食完一輪就當然要飲番柸珍珠奶茶傾吓計啦！大家都知珍珠奶茶會加好多糖，但係呢間餐廳就好貼心，客人可以揀糖同冰既多少㗎

按公司指示，到天水圍頌富商場工作。午飯當然看一下附近有甚麼好餐廳，經過三樓，眼見這餐廳的客人不少，所以決定一試。要了一個午市套餐奶油芝士炸雞焗手工麵，飲冬瓜茶，再來一客手工餃。整體來說，味道一般，炸雞太干身，手工麵太糊。手工餃的皮雖厚，相對其他而言味道較好。抵玩指數 1+/3 ，總數56元，價錢合理。環境比較擠迫，食物質素尚可。

這一兩年不少新餐廳進駐天水圍，為這片美食沙漠提供更多選擇。頌富已經改名為T town，實在不太習慣，上網一查，貌似這裡的台灣餐廳好評最多！其實這天原本打算吃西餐，但又心思思想吃台式食物。🙈我們不約而同都點了牛肉麵，可以選粗麵或幼麵，我的那碗就是幼麵～份量蠻足，尤其有很多大塊的牛肉和牛筋😋麵條不會煮得太淋，ok! 👌🏻只是太久沒吃，覺得湯底有點油膩而已。😝 另外還點了古早醉雞，不過我自己不太好雞，沒有多嚐～

位於天水圍T Town個商場近期都去唔少，好多間餐廳都好吸引。今日去咗一間名叫九份十分的台灣菜，試一試係咪我嘅味道。入到入面都好光猛，夠闊落，同埋好乾淨。因為時間尚早未算太多人排隊。但係入面已經坐滿七成。首先好想食個沙律，醒下個胃。叫咗一個雜果明蝦凱撒沙律，沙律醬足夠，羅馬菜夠爽口，蝦亦都非常新鮮，仲有奇異果，士多啤梨，蕃茄仔等等。魚丸貢丸湯，類似台灣的綜合湯，湯夠清甜圓有彈力，加上大量嘅蔥花。烤台式香腸肉燥飯：台灣腸夠爽口， 鹵水蛋,豆腐卜都好入味,唔會太油淋淋，滷肉肉碎肥瘦均勻，配上白飯吃，非常滿足 。食嘢當然唔少得叫番兩杯飲品 ，熱薑母茶加珍珠，熱冬瓜茶。整體嚟講食物非常之好 ，份量亦都好夠大，所有菜都幾乎同台灣食的無乜分別，亦都系我口味之內。

入天水圍搵朋友，佢提議試下呢間餐廳，好耐無食過台式，就馬上答應。餐廳上菜速度快，五分鐘左右已經有野食，首先試什果明蝦凱撒沙拉，大大碗七彩繽紛，賣相非常吸引，用左多款新鮮蔬菜同水果，包括士多啤梨、芒果、藍莓、奇異果、生菜、粟米、車厘茄，仲有麵包粒同蝦。除左食材新鮮值得一讚，就算食到底仍然有蝦同各種蔬菜水果，絕對足料👍🏻跟住食涼拌三小碟，包括涼拌四季豆、麻辣牛筋、海蜇，加左芝麻嘅四季豆味道唔錯，海蜇好爽口但略咸，而麻辣牛筋對唔太食得辣嘅我黎講實在太辣😂至於叫左少辣嘅滷味大腸質感幾好，而辣度我覺得剛好。再試醉溏沁蛋，好入味，而且溏沁蛋煮得啱啱好😋然後試烤台式香腸肉燥飯，香腸同肉燥味道不過不失，反而滷水豆腐有驚喜，滷水味濃，豆腐幼滑。終於製作需時嘅溶岩芝士雞到左，金黃色嘅芝士汁用包烤焗而成，再配火侯炸得極佳嘅雞件，兩者配合得天衣無縫，我同朋友都一件接一件，食到停唔到口，芝士汁味道香濃，令人齒甲留香。食完雞件之後再試焗出黎嘅麵包，香脆可口配上美味嘅芝士汁，實屬佳作！再講下兩杯飲品，賣相吸引，有雪糕在上面，仲有新鮮果肉搭配，非常適合打卡。味道方面，鮮果味十足，鮮草莓沙冰較清淡，甜度適中，而鳳梨沙冰

今次嚟到呢個天水圍嘅新商場， 應該係翻新左既。 而家叫左t town， 電梯一上三樓就見到里間以台灣地方命名既餐廳， 九份。十分。 眼見間野都好爆滿又多人，照計都唔會失禮掛。 而且台式野都好岩我地口味。 遇著肚餓既我地 就無諗太多， 拎飛排隊。 排左一振就有位比我地， 入去見到裝修都幾靚， 好有風味。 而且坐既位置都闊落， 唔洗同人迫到實一實。 睇左下菜單， 最有興趣食芝士溶岩炸雞 即刻就叫左先， 其他就再一次過叫埋。 估唔到好快就上菜， 熱辣辣無得輸。拉到絲，一碟麵夠4個人食。 炸雞夠透，芝士味濃。水果茶 冬瓜茶 要清清熱 食咁多熱氣野。台灣腸， 份量都多， 味道一模一樣同台灣比。小食 辣牛筋， 四季豆，海蜇， 味道夠濃，香辣。紅燒牛肉粗麵， 大大碗 要share食， d牛既份量 多到呢。 麵好彈牙，湯底味道好。雜果明蝦凱撒沙律， 足料， 菜好新鮮， 一定要食。仲叫多左個鹽酥雞， 好多種調味料比你加上去食。 正！最後都係叫得太多， 食唔晒， 份量真係好足， 抵食，下次一定要帶埋d大食積黎食多次。 原來天水圍都有間好野收埋係到。

這天帶着親愛的媽媽到天水圍探險，去了濕地公園兜了一圈，就到了附近新開沒多久的商場 T Town逛逛。結果就發現了這間台式餐廳，看看menu覺得十分吸引，便決定一試！Menu裏面不但有各式各樣的飲品，而且賣相都十分漂亮，很適合拍照打卡。有各種沙冰及咖啡，多士及鬆餅，小食及主食。這個鹽酥雞下次一定要試，有多種口味的粉，好玩之餘又可以試到不同口味。以下是ordered的食物:慢煮杜洛克豬沙拉 $52這個沙拉用料十分新鮮，份糧也很多，豬肉也十分好吃，一點也不會覺得乾及難咬古早醉雞 $62嘩！這是一個一流的醉雞！份糧多，而且十分入味，雞肉也很嫩，我一個人就吃了快一碟老皮嫩肉 $32這個我媽在台灣吃過好吃，所以在這裡點點看，結果跟台灣吃的有一點不一樣，不過也瞞好吃的，有點像豆腐的感覺。麻辣滷味大腸 $42這碟大腸又麻又辣，很開胃，大腸處理的很好，不會太油。台式綜合滷味拼盤 $58這個也很好吃，有滷蛋、鴨舌、雞翼、雞腎、豆腐乾及酸菜等，非常豐富。湯浸肉燥娃娃菜 $48這個雖然看起來很普通，但是個人認為是最好吃的一樣菜。湯很鮮，娃娃菜煮得很軟，加上肉燥，完美！阿嬌擔仔麵 $28這個擔仔麵比我想像中的好

好鍾意食沙田果間九份十分但朋友話天水圍果間仲好食就入去一試究竟！不斷都有人排隊係好食既最佳證明都係要再推薦下呢個手機拎籌系統可以預早用手機ＡＰＰＳ拎籌咁就唔洗等餐飽啦==============================台灣鹽酥雞($48)同沙田分店一樣，都有6種唔同既調味粉分別有梅子、咖哩、芝士、香辣、紫菜同椒鹽其中我最鍾意都係香辣鹽酥雞炸得非常之香脆應該係即炸既外層香脆之餘內裡都保持到嫩滑而且都醃得幾夠味但又唔會太咸食到停唔到口一句講晒，掂！酒醉蝦($68)蝦都幾新鮮，爽口又彈牙但係酒味如再香Ｄ會更好然後就係甜品啦九份十分既甜品不嬲好高質所以都好期待特別要一提既係佢既甜品都係即製即焗所以要預早二十分鐘叫白肉珍珠雙色冰淇淋鬆餅($58)極力推薦！！！！！！！！！！鬆餅（其實即係窩夫）外脆內軟，亦食到麵粉香用黎點cream同雪糕簡直一流雖然有成底鬆餅但都輕鬆清晒因為真係太好食但白肉珍珠個人就不太喜歡個口感了太淋，比較鍾意ｄ煙韌ｄ既下次會試下草莓味，應該會更好食而且咁好食咁大份都只係$58真係好食+抵食+大件宇治抹茶奶酥吐司伴抹茶奶醬($38)呢到既吐司不嬲都係好有水準呢個都唔例外

前幾日去咗頌富商場嘅一間餐廳食嘢 叫做「九份十分」平日都幾多人排隊 好彩我地今次早去 我哋兩個人去叫咗六樣餸 第一樣想枱嘅係一杯「綜合水果茶」佢係由蘋果、話梅、橙同檸檬等嘅水果組合而成嘅水果茶 味道酸酸甜甜 令到我哋嘅食慾大增 跟住上咗「古早醉雞米」同「萬巒豬手」「古早醉雞米」聞落去有一陣酒香 但係食落去唔會有太大嘅酒味 但同時又保留左雞原本嘅清甜 而「萬巒豬手」中嘅豬手唔會太過肥同油膩 反而啲豬手殗得好入味 之後就上咗飯 叫做「台南咖喱骰仔牛肉飯」D牛肉好新鮮好多汁 仲配左一個咖喱汁 呢個咖喱汁真係超級好味 但又唔會好辣 牛肉再點埋咖喱汁真係一流 原來個咖喱汁先係精髓 除咗牛肉仲有D薯角 D薯角都好好味 外脆內綿 加埋D咖喱汁仲正 超級鍾意呢個牛肉飯 之後就上咗一杯超大杯嘅嘢飲 佢係一杯超大杯嘅士多啤梨味沙冰 叫「做維多利亞的秘密」呢個沙冰唔算好甜 佢上面有D紅莓都好好味 除咗可以幫你解辣 仲可以令到成個人都好清爽

天水圍地鐵站搭706號輕鐵大概十分鐘好快就去到頌富站，沿途有瓦遮頭唔怕太陽曬或者落雨天，約好左人去到呢間台式料理餐廳一齊食晏。坐低叫左碟＂萬巒豬手＂，伴碟嘅椰菜食入口先知道係開胃酸菜，仲加有話梅粉，非常醒胃，總共有五件豬手，全部都夠入味之餘仲好夠諗。另外叫左兩隻忌廉芝士磨菇雞翼，簡簡單單嘅兩隻鷄翼𥚃面充滿香味嘅芝士，入口時感覺到外面雞皮夠脆而內裡軟肉香口芝士共爐，口感好好。仲有醉鴨舌同埋醉鷄，廚房師傅真的將佢做到夠凍夠酒味，尤其是鷄肉吸收晒啲酒之後放入口裡面一啖就將肉汁同埋肉裡面嘅酒一次過喺口腔內爆出嚟，感覺好過隱。天氣咁熱，所以叫左杯海棉寶寶(鮮芒果沙冰)，唔單止賣相一流大大杯，仲有切成粒狀嘅鮮芒果，實在是解熱首選。