九份•十分 (T Town ) (已結業)

T Town開咗唔少亞洲風味嘅餐廳，今日行完街，決定再去「九份•十分」食台灣菜。上次食午餐唔錯，今餐晚飯都好正，保持一流嘅水準，果然再黎係正確選擇！晚餐有各種小食、麵、飯、甜品、飲品任君選擇，全部都以傳統台灣風味為基礎，今次帶埋鍾意食台灣菜嘅朋友黎，佢都讚不絕口。我地叫咗幾個小菜，一份甜品，每人一杯飲品，因為份量多，已經可以食到好飽。涼伴三小碟 $72三小碟分別係麻辣牛筋、涼伴四季豆、海蜇。麻辣牛筋真係名副其實，入口第一啖就散發辣味，跟住愈食感覺愈麻痺，作為前菜，非常醒胃。不過牛筋有少少韌，要咬多幾啖先吞得。涼伴四季豆同海蜇就幾爽口，凍凍地，同牛筋一齊食，簡直爽到冰火兩重天。酒醉蝦 $68有五隻大大隻嘅蝦，啖啖肉，好香酒味，配埋雲耳唔會咁單調。古早醉雞 $62有接近半隻雞，用歷史悠久嘅方法烹調，酒味撲鼻而來，雞皮好嫩，雞肉非常滑。芒果蜜糖磚塊 $72芒果迷必食！因為係即叫即整，所以食到咁上下時間，就要order定。可能融咗少少，無想像中咁高，但係都好大份。幾片多士疊成一個盒狀，再裝住啲多士粒，上面擠滿咗cream同芒果醬，仲帶一大球芒果雪糕。又甜又脆滿足哂我地嘅心靈。維多利亞的秘密 $

九份。十分係天Town商場斯唯二的台灣養廳中嘅其中一間，今次就試左佢嘅薑母麻吉燒同芝士蝦沙律吐司。先食薑母麻吉燒，薑湯底，飲落好暖身，味度剛好，不會太甜太辣。麻吉燒就夠曬煙韌，與湯圓類似。而芝士蝦沙律吐司材料有蝦、青瓜、洋蔥、粟米、番茄同埋芝士，味道開胃，芝士份量足夠，食落可以拉絲。加上有青瓜、番茄同洋蔥，為吐司加上一點健康元素。而珍珠奶茶就茶味較淡，比較甜，飲得甜度底嘅朋友適宜叫少甜。珍珠就屬正常水平。

今日同表妹一齊食lunch~見到九份十分都幾多人等位 又未試過 所以就好奇等埋一份 試下好冇食啦我地都算好快有位 五分鐘左右就有位啦我地叫左小食 醉小三 溏沁蛋 主菜 芝士雞 再加甜品waffle 個醉小三真係幾香酒味 個人麻麻酒味 但表妹都Ok中意😂仲有溏心蛋! 其實佢是醉溏心蛋 所以都好重酒味 但我好中意食溏心蛋 ，所以有酒味都覺得好食😂芝士雞😍 呢個好好食 連麵包都食得 好多時d麵包浸左汁太耐會軟晒唔好食 但呢個就算食晒d雞再食包 d包都仲好脆!!手套包裝好funny😂😂😂😂我地叫左兩杯野飲 omg 一攞出黎原來有燈架!! 好正 隔離枱客人都問我地可唔可以影相仲有Oreo飲品😍 always my favourite Waffle 😆 cream 好香奶味又唔會太甜 waffles 仲脆脆地 好正😋 同埋想講staff都好好 我地個時冇諗太多野放枱會放唔晒 所以叫左甜品一齊上 但staff都同返我地講分開上好d 😂 果然! 一次上係唔得架😂今日是滿足的一餐

平時成日黎食晏，覺得好抵，食物種類多，環境又好，今次約左朋友係tsw見面，索性就試下個晚餐  晚餐既餐牌同晏就唔同，冇左鹽穌雞飯同冇送珍珠奶茶，有少少失望，另外叫一杯要成22蚊，所以就冇叫啦，想食得平又有珍珠奶茶飲既朋友可以黎食lunch，可以喝餐免費飲    咁今次我就叫左個鹽穌雞排麵試下，雞排炸得好穌脆，又大件，幾抵食，個麵可以揀要幼定粗，我就揀左幼麵，煮得岩岩好，夠彈牙，入面有紅同白蘿白做配料，不得不提入面加左酸茶，好夾，好好食  

直接叫九份十分o既餐廳，應該好有台灣風味了吧！之前我去台灣o個陣淨係去o左九份，無去過十分，而且o個陣煙雨朦朧，d 景都唔靚……唔緊要，呢度內裡都帶點火車同路軌o既設計，欣賞下當做補償啦！通常我食台灣o野好大機會會滷肉飯或者鹽酥雞二選一，咁最近又無乜食過熱氣o野，好啦，放縱d，叫份鹽酥雞排麵($62 未加一) 啦。塊雞扒ok 大塊，沾滿粗薯粉再拎去炸，令到塊皮十分酥脆，而內裡d 肉仍然保持到嫩滑。呢間o既鹽酥雞無瀋到好多椒鹽o係面，但係會有個一set 六款o既調味架俾你，隨你喜好而落。個麵menu 無講，但waitress 姐姐話可以揀粗或者幼麵，揀o左幼麵。呢個有d surprised，麵底唔算好特別，但個湯底一d 都唔鹹，反而因為落o左好多蘿蔔同菜，蔬菜味幾重，帶點清香，正好中和番d 雞扒o既油膩感。飲品揀o左杯oreo 曲奇奶茶珍珠($26)，比普通一杯珍珠奶茶多o左d oreo 碎，飲落個口感似胚芽好立克。我另外見到隔離檯對情侶叫o左杯應該係沙冰o個類，賣相好靚呀，仲附送埋一個發光底座，下次o黎都可以試下。見個肚都仲有少少位，於是睇下d 甜品，諗住叫個最細份量o既試下。因為爪哇

係天水圍頌富商場食晚飯，選擇唔算多，即使佢重新裝修過後，都只係加入好多連鎖式餐廳，以前間五十嵐變左依家呢間九份.十份之前已經同朋友係呢間速食過lunch,今次得閒同屋企人慢慢嘆晚餐，再試真d。麵線既餸係偏咸左少少，28蚊細細碗，我下次應該唔會再叫。鹽酥雞好快就上左，係好似試管咁一支支既調味俾你自選，試曬唔同既味，個人推薦梅子粉同香辣粉，其他味唔係咁出到，咖哩粉就唔建議去試。野飲都唔錯，同街外台試飲品一樣可以根據返自己喜好～滷味飯入面個鴨舌係好好食！蚵仔肉碎泡飯，湯太多，不過整體都好食。埋單三個人人均100～

這晚去天水圍探朋友，到附近大型商場T Town食晚飯，晚飯時段這間九份.十分需要等位，發現原來這間餐廳可以用電話app FOOD GULU提早拿輪候號碼，下次這樣做可以更快入座呀。店內牆上畫了一個九份.十分車站，以及掛滿台灣語句，置身台灣一樣。醉小三 - $148 醉鴨舌, 酒醉蝦, 酒醉鮮鮑魚 & 古早醉雞 - $62 - 酒醉系列最適合做前菜，醉小三做得不錯。皮蛋豆腐 - $32 - 豆腐很滑，配肉鬆很夾。台灣鹽酥雞 - $48 - 有7枝調味粉提供可以滿足貪心的的我，每款口味都有不同感覺。涼拌三小碟 - $72 涼拌四季豆, 麻辣牛筋, 海蜇 - 牛筋有點辣，海蜇爽口。星空奇遇鐵達尼, 蝶戀花奇異果冰沙 - $38 - 色彩繽紛，杯墊有LED，玩味十足的一杯飲品，奇異果口味很清新。青青草原 - $48 宇治抹茶牛奶沙冰，濃濃抹茶香，透心涼。蚵仔肉醉泡飯 -$58 - 湯飯湯底鮮味，加入米通後更能增加口感。湯浸肉燥娃娃菜 - $48 - 娃娃菜煮得腍甜, 再配上肉燥一流。原本很想點甜品的, 但最後真係太飽了, 下次一定要留一個位置給甜品。

朋友推介好食，所以慕名而來，鋪頭對正商場電梯，方便易搵。入到去揭下menu，除左一般主食之外，最意外就係呢2頁色彩繽紛既甜品。第一樣黎既係滷水拼盤，好足料下，雞翼豆腐鴨舌大腸雞腎滷水蛋樣樣有齊之後黎左魚丸貢丸湯，味道有d似茶餐廳既紫菜湯，加上d丸夠彈牙，開胃一流跟住黎左碟古早醉雞，一入口就好大陣花雕味，雞就好嫩滑，食完一舊就忍唔到手夾下一舊之後再黎一份萬巒豬手，豬手配滷水汁，不過不失，最令人驚喜反而係椰菜，同出面d椰菜唔同，有一陣酸酸地既味道，隔一隔食完豬手果陣油膩既感覺。呢個係最期待既醉小三，分别係酒煮鴨舌，酒煮鮑魚，酒煮蝦。每樣食材都同酒味非常配合，特别係個蝦，本身隻蝦又大隻，d肉又彈牙。估唔到香港都食到台灣既阿宗麵線！！！！！最後叫埋2杯野飲，分别係鮮柑桔蜂蜜同海綿寶寶，解渴又好飲。

好開心係天水圍揾到有呢間高質台灣嘢食呀！佢個manual有好好好多唔同嘅食物種類!單係沙律已經有四、五種，飲品有十幾款! 又有sandwich,潛水包，飯呀牛肉麵呀等等等…小食同甜品又有超多選擇，令好鍾意食台灣嘢嘅我哋面對好大選擇困難lol 呢間嘅食品份量好足，有啲大份xd 我哋試咗什果明蝦凱撒沙律，入面有好多水果，芒果呀士多啤梨呀奇異果呀等等等等，水果同菜嘅比例喺1:2，好滿足㗎！醉溏沁蛋好有驚喜，酒味香醇，同嗰蛋好match!涼拌小碟嘅香辣牛筋好辣，鍾意食辣會好鍾意~溶岩芝士雞超推介，嗰芝士味好濃郁！飲品質素都唔錯，青青草原嘅牛奶抹茶味好濃厚，海綿寶寶嘅芒果好多，好開心！概括嚟講食品味道份量都唔錯，有啲幾有驚喜，價錢一般。特別想讚一讚佢嘅環境好有台灣嘅感覺，有九份十分火車月台壁畫，牆上又掛滿咗好多台灣特有木製明信片，令我哋好有少少係台灣旅行緊嘅感覺!

今日同朋友嚟天水圍食晏，朋友話想食吓台灣嘢，咁我就帶佢嚟食呢間啦。朋友都好鍾意呢度嘅環境，坐得舒服，啲裝修好有特色，鋪面又大。服務態度良好，侍應姐姐好好人。鹽酥雞呢個鹽酥雞特別之處在於佢有好多粉可以選擇，大家又可以DIY la😁d雞炸得好香，配每種粉都好好食進擊巨人三文治一碟有三大舊，仲配有沙律，好健康。上層配有雞扒，下層有蛋沙律。個人鐘意上層多啲，雞扒同沙律醬好夾，而且都好juicy😆佢太大舊要分兩層食，好彩餐廳有手套準備比我地~凱撒鮮果鮮蝦沙律份量好大，賣相都好靚。沙律醬好開胃。值得一提既係入面有好多水果，例如士多啤梨，藍莓，奇異果等，好清新同健康🤩隻蝦都好好食，配上雜菜好夾。紅心女皇士多啤梨沙冰，份量幾大，好有士多啤梨味，食得出係真嘅士多啤梨，好清新，有一粒粒士多啤梨，而且唔會太甜又唔太濟。不過，五十幾蚊嚟講有啲貴呢度嘅服務質素、食物、環境都係中上，係同朋友食飯嘅好地方，下次都會再嚟！

今日同三個朋友去天水圍行街，見到呢間之前係沙田食過一次，所以就入咗去食。入到去餐廳，裝修同沙田果間好似，有好多台灣特色嘅裝飾品，而且我地有得坐卡位好舒服。台灣腸呢度啲台灣腸好有台灣嘅風味，食落味道偏甜同有好多汁，食落好juicy芝士溶岩雞啲雞炸到金黃色，大小適中，唔係好似連鎖炸雞集團啲雞咁大舊，塞唔落口。食落好鮮味，應該幾新鮮。個芝士醬濃郁，幾足料下，點落去會有拉絲嘅效果。但係呢，個包好似焗燶咗咁，有少少硬，苦苦地，所以冇食晒。不過整體嚟講，都值得一試！皮蛋豆腐賣相幾靚，d豆腐切到好薄， 加埋d肉鬆係上面， 睇落好吸引。味道清清地而且食落涼涼地，夏天食一流。Oreo沙冰好大杯，賣相好靚，港女們一定要影相打卡~味道就好似食緊麥旋風咁，啖啖都食到濃郁既oreo味🤭面頭仲有oreo餅食，鐘意食oreo一定要飲🤗整體黎講，食物既質素幾高，又好有台灣特色🤩雖然有些許貴，但係可以坐下傾下計係一個唔錯既好地方🤗

香港愈黎愈多台式餐廳，有名人主打，有台灣登陸，個人非常鍾意食台灣食物，今次尼間餐廳既有主食，又有台灣小食，甜品，仲有特別包點類食物。叫左紅燒牛肉粗麵($65)，阿春麵線($28)，古早醉雞($62)，醉鴨舌($52)，魚丸貢丸湯($22)，香蕉芝麻雪糕鬆餅($58)，胚芽珍珠奶茶，熱薑母茶。牛肉麵一定要叫，有粗/幼麵選擇。首先上枱好大碗，牛肉勁大條，除左有肉之外，更有幾件牛筋。湯底係濃濃既牛肉味，微辣。牛肉煮得"林"，咬完之後，剩底既唔會散開變成碎。有d餐廳既牛肉係碎，或者細細件咁。個人鍾意大大件煮，先夠風味。而配菜有紅白蘿蔔，小唐菜。男仔食一定夠飽。真心覺得，貴/出哂名既牛肉麵唔代表好食，個個人唔同口味。阿春麵線就係細細一碗，但用料十足，有大腸，貢丸粒，另外有3種調味料可以落，分別沙嗲，烏醋，蒜蓉。侍應建議加入醋會好食更多。果然加少少可以提一提味，有得同阿宗麵線比一比。古早醉雞既酒味好重，凍凍地，而且d雞皮好爽口，仲有滑滑既雞脾肉添，有大半隻雞。好少台式餐廳會有得叫尼類型既菜。醉鴨舌，係台灣食過滷水煮法之後就念念不忘，尼個醉酒煮法令鴨舌更香，一碟有大約10隻，好岩做下酒小菜。魚丸貢丸

今早我和屋企人去天水圍探朋友，探完之後 就近近哋喺附近食午餐。 經過見到呢間台式餐廳好多人，諗都唔諗就即刻排隊攞飛。我 們都算比較幸運，等咗一陣就已經有位了。裝修比較時尚新穎，顏色主要以啡色和黑色為主。牆上既圖畫好靚好可愛， 說出台灣最出名既九份和十分，也提及到當地著名既食物。牆上也有好幾幅吊畫和樹枝作裝飾， 環境非常舒適和乾淨，午市時間已經全店滿座。小食叫了一碟大滷水拼盤， 當中有魯蛋，豬腸，雞腎，鴨舌和雞翼。 濃濃嘅滷水味好香，唔會太鹹，軟硬程度適中，非常入味額外再叫了一碟台灣腸，香腸肉非常通透，份量足夠， 肥瘦比例適中，唔會太油😍主菜叫左炸排骨肉燥飯， 用了小型通風欖仔裝住， 炸完出嚟唔會咁快林曬， 又幾細心喎。 排骨香脆粉薄，送到黎仲係熱辣辣的，份量比較多， 肉燥好香，滷水汁夠入味，我一個人都食唔晒，真係幾抵食呀。 另外叫了一杯朱古力曲奇沙冰，好大杯，裝到滿滿的，濃濃既朱古力味，夠晒冰凍， 係呢個炎熱嘅夏天飲，非常消暑飲品非常細心，多少冰和糖也可以為你度身而設，感覺好親切呀!午餐價錢比較經濟，份量非常多

今日啱啱放工，諗住去商場食返個early dinner 🥘 見到呢間餐廳都幾多人，而且最近又想食台灣菜，一於試吓佢啦！睇個餐牌都覺得好吸引！有台式飲品、台式小食、沙拉到台灣著名嘅牛肉麵、鹽酥雞等等都有，即使係少見嘅台灣Cafe嘅輕食同埋鬆餅都有提供，真係咩時間黎都有好嘢食啊！而我就唔想食咁heavy ,所以就叫咗個香辣瘋狂炸雞沙拉同埋「暗黑系甜心」oreo沙冰呢張圖完美展示出咩叫「真人靚過上鏡」！呢盆沙拉總共有七至八件炸雞，面頭有一啲辣辣地嘅醬，下面係凱撒沙律，撈勻之後嗰醬就會變得小小辣，配埋沙律就好惹味！個雞係台式鹽酥雞，個皮好薄！因為Poon沙拉實在太大盤，最後都有少少食唔晒，但係我都有盡力食晒所有雞㗎 ！至於呢杯Oreo沙冰真係好巨型，高度超出左個杯嘅一半，而且面頭仲有大大粒Oreo，真係超好飲呀！最後埋單大約＄110左右，都係一個合理萬分嘅價錢，如果住喺附近嘅朋友都記住黎食啦！

今日放假同屋企人周圍試吓新野，就揸車去咗天水圍呢個商場！可能依家啲學生12點幾已經放咗學，所以嚟到呢度12點幾！已經全場爆滿要等位！望落去個環境裝修都唔錯，唔會話好舊！我哋四個人只係嗌咗三個主食，因為想試多啲小食！叫咗台灣腸，目測有三條！香口👍🏼滷水拼盤包括有豆腐，鴨舌，雞腎，豬大腸，雞翼！款式就多，已經滷得好入味酥炸排骨肉操飯同酥炸雞扒湯麵，正正常常！芝士磨菇釀雞翼雜果大蝦沙律，好大碗主要多菜，多些生果會更好！奶油吐司面頭仲有好多粒棉花糖見到都開心🤣飲品方面嗌咗綠茶沙冰，雖然荼味唔重，但我覺得好好味！好鐘意！細佬嗌Oreo沙冰，真係有一塊塊Oreo 餅！好吸引咁！其他人嗌左熱柑橘蜜同埋焦糖珍珠奶茶👍🏼總結食物同飲品選擇多好多而且價錢親民❤️