九份•十分 (T Town ) (已結業)

今日去完天水圍濕地公園，離開的時候已一點多，肚子有點餓，但是對這裡的環境實在不熟悉，於是上網找找餐廳，見到附近有間台灣餐廳，賣相好像不錯，價錢又不太貴，便用google 地區找找位置。十多分鐘後從濕地公園來到，可能已過午膳時間，人不算多，看看餐牌後點了台灣牛肉麵和炸排骨麵，台灣牛肉麵賣相不太差，但牛肉偏硬，不夠入味，湯底不太飲得出牛骨的味道，而炸排骨麵的排骨size 小，炸得太乾，麵的湯底偏淡，不夠調味，整體有點失望。

今日去開天水圍圖書館借書，就順便約下以前返part time 嘅friend食dinner。佢地帶我嚟左頌富食台灣野，一入到去啲擺設同裝潢都好有台灣嘅感覺。台式烤香腸有3條左右，切到一片片，啲肉一啲都唔肥膩！老媽煎餃子一份有8隻，雖然個底係煎到over左，但食落好juicy，肉同菜嘅比例好perfect。忌廉芝士蘑菇雞翼將隻雞翼拆骨，再釀啲芝士同蘑菇入去，漲卜卜，咬落去簡直係味感衝擊，好好味！台南咖喱骰仔牛肉飯個份糧真係十足，仲有薯角配埋。牛肉切到一粒粒好易入口，肉質都幾嫩同一啲都唔癡牙，配埋咖喱汁好香濃野味。鹽酥雞扒麵雞扒即叫即炸熱辣辣，炸到金黃同都幾厚肉，食落唔會油膩。麵底要左粗麵，麵質彈牙同唔會糊，再加上湯底幾清甜，唔錯唔錯。香芋珍珠珍珠幾煙韌有咬口，香芋味重得嚟又唔會太甜。綜合水果茶有橙、蘋果、青檸、芒果、話梅，加埋杯仔入面嘅檸檬味道好豐富。草莓雪糕鬆餅賣相都唔錯，鬆餅有四舊，好香好鬆軟！仲有好多士多啤梨同奇異果。估唔到天水圍都有間咁正嘅餐廳，我地食完都覺得好驚喜。

朋友介紹左好多次，終於有時間試下九份十分😐環境唔錯、店員親切有禮，一坐低後我地已經order左紅燒牛肉麵、阿嬌擔仔米😬紅燒牛肉麵$65紅燒牛肉麵可以選擇粗or幼麵，我地就揀左粗麵，麵嘅口感唔錯，牛肉牛筋都大大件，用料實在，牛肉濃味香口，牛筋炆到恰到好處，唔會太冧，湯底濃淡適中，夾著微微嘅金不換香味，唔錯👈阿嬌擔仔米$28朋友話擔仔米係佢每次黎都會order之一，湯底清甜，正宗台式風味～👍魚丸貢丸湯$22丸丸爽口彈牙😬😬醉小三$148其實醉小三係三款小吃：醉蝦、醉鮑魚、醉鴨舌，一次過滿足晒有選擇困難症嘅人～台北食鴨舌就食得多，大部分都係滷水辣or原味，今次初試醉鴨舌，啱啱入口時覺得淡味，但一陣已經feel到酒香枸桤香味慢慢滲出，wo～我竟然愛上左呢個咁特別嘅味道😍完全冇誇張到😆😆一見到d醉鮑魚已經食指大動😆鮑魚新鮮爽口，好有驚喜～芒果蜜糖磚塊$72（需時20mins）賣相好靚好巨型ar😆撥開圓形雪糕球，見到三塊厚厚的吐司，吐司邊已經好貼心咁切開，中間切成小型方塊，蜜糖味吐司烤得鬆脆香口，沾上綿密嘅奶油與雪糕、wooow～令人大啖大啖地食，so so so yum😍💜星空奇遇鐵達尼$38

同幾位幾年無見的小學同學聚會，揀左一間大家都未幫襯過既。首先上菜的醉酒芯蛋，未食就已經聞到一陣酒味，糖芯亦做得好好，口感good!跟住係今晚最好食的芝士雞翼，外脆內滑，少少的芝士味，真是令人回味無窮，大家呢個要試。主食我叫左鹽酥排骨面，鹽酥排骨份量真係好多，兩個人食都得，而且炸得好好食，唔會咬落去成口油，真係會食唔停口。至於湯面就沒什麼特別，湯底應該無咩味精，因為食完唔使狂飲水，hahaha!朋友叫的豬手面，聽佢講豬手肉係淋有咬口，不過不入味！另一位朋友叫的牛腩面都是普通的湯面，唔算特別好食，不過牛腩味可以一試！最後黎左滷水鵝腸，不入味，不試亦可！

今天回到家後不欲再出遠門，於是便與L小姐到附近的餐廳進食，在商場的芸芸食店之中選了一間台式餐廳-九份．十份。menu上的食物選擇甚多，好一會兒才決定好點什麼餸。率先來到的是一份醉溏沁蛋，微微的酒味與滑溜的蛋十分相襯，而且是冷盤來的，非常開胃，差點令我們想再點一份。然後來到的是古早醉雞，同樣是一碟冷盤，雖然名為醉雞，不過酒味並不濃郁，但淡淡的酒味配上滑雞的效果卻是不錯。主食之一的萬巒豬手飯看上去賣相平平，不過豬手的份量甚足，絕對足以滿足豬手愛好者的需求，可惜的是味道說不上突出，只能說是普通菜色。倒是另一份主菜-鹽酥雞排麵令人十分驚喜，外脆內軟的雞排十分惹味，配以味道濃濃的湯底與滑潺潺的粗麵，令人食指大動，比起一般的監酥雞排麵好吃得多。餐飲點了一杯綜合水果茶，看上去水果滿滿，雖然茶底只是用立頓茶包，但味道竟然出乎意料的好。最後點了鮮雜果冰淇淋鬆餅，鋪滿了濃濃的cream與生果於盤上，以香口的鬆餅結束了這頓豐盛的晚餐。綜合而言，餐廳的水準不錯，價錢亦算合理，叫了這麼多餸合共亦只需350元來埋單，值得一試。

又係一個搵食嘅星期日今日突然諗到上次食過一間好好食嘅鹽酥雞台灣店舖所以今日即刻返去呢度食午飯首先嚟咗呢個珍珠奶茶初初覺得佢珍珠好小但係飲落都夠份量 而且唔甜👍🏻👍🏻呢個麵線都令我哋覺得呢間鋪頭好似去咗台灣一轉 好好食值得推介 冇味精👍🏻呢個飯反而我覺得一般如果下次比我再揀我會揀鹽酥雞

屋企人介紹嚟食，話食物唔貴選擇多，見好耐都冇食過台灣野，就跟埋去試吓有咩食。入到去好鍾意餐廳嘅環境，好似去左九份個車站咁，旅行嘅感覺一湧而上。我地叫左啲麵同小食一齊食，再加幾杯台式飲品。鹽酥雞扒面，試左幼麵，麵質好彈牙幼滑，湯底清清地，配上濃味嘅雞扒好夾，雞扒炸得好香脆，脆脆外皮入面有嫩滑多汁嘅雞肉，估唔到會咁好食。有人叫左紅燒牛肉麵，呢碗配粗麵，扁扁嘅粗麵同樣好味，湯底少辣，值得一提個牛肉超好味，唔硬不特止，仲有一層層筋肉分明，好好味！涼拌四季豆，正呀。酸溏心蛋，酒味好濃，好在食完無醉。台式綜合滷味拼盤，有雞翼，雞腎，豬腸，滷豆腐，整體不錯。皮蛋豆腐，都ok。飲品叫左香芋珍珠，珍珠奶茶，紅心皇后，台灣風味十足。最後食多個甜品，香蕉芝麻雪糕鬆餅，即叫即整，熱烘烘嘅窩夫配最愛嘅芝麻雪糕一流。

好耐之前食過一次，今晚心思思又走過黎食，原因係呢間台灣菜比商場內其他餐廳定價正常，食物質素都ok，而且環境好企理乾淨。揭一揭本餐牌，有幾樣野一睇已經好想食，包括有阿春麵線同埋萬巒豬手，本來仲想食鹽酥雞，見好似有好多粉可以自己調配咁，不過大家都驚熱氣就忍住無叫到。先叫左幾碗阿春麵線，每人一碗唔洗爭，水準依舊好味，內裡有豬腸貢丸等材料，加少少醋，麵線好幼細，成碗野好好味呀。菜一定要叫，我地揀左湯浸肉燥娃娃菜，一堆肉燥鋪滿娃娃菜上面，清淡之中又有肉燥調味，健康之選。萬巒豬手，最鍾意豬皮部分，滑嘟嘟，有滿滿嘅骨膠原。忌廉芝士磨菇雞翼，雞翼拆咗骨，入面釀咗蘑菇同埋芝士，一咬好香芝士味，外皮燒得香脆，好正！

新界西覓食記。來到天水圍T town ， 南北翼都幾多野食，8點幾晚飯時間。餐廳門外都有人等位，餐廳內都坐滿人。裝修幾特別，每張檯與檯之間空間都算多，唔會有壓迫感。等左大概15分鐘左右就入座。餐牌好吸引呀，甜品飲品樣樣都想食！一定要留肚食甜品！先試左招牌鹽酥雞$48份量算幾多，仲有6種調味料。原味、芝士味、香辣味、咖喱味、梅子味同紫菜味。我個人認為咖喱味最濃味，原味相對出色。雞炸得熱辣辣。好食芭樂鳳梨鹽水雞$62雖然呢個相對較貴，但估唔到芭樂同鳳梨加埋鹽水係好好味，雞肉都唔會鞋口，幾新鮮幾輕盈感覺。老虎醬鴨舌$48咁既價錢但份量竟然唔少，鴨舌價錢一向較貴，估唔到$48有咁多，仲要條條都好多肉但個麻辣汁好辣，如果唔食得辣千祈唔好叫，可以試醉鴨舌。醉溏心蛋$15@酒味都幾重，蛋既流心情度做得唔錯，但$15一隻有點貴魚丸貢丸湯$22細細碗幾過癮。魚丸同貢丸味都不錯，湯底味精成份都唔高飲品同友人每人點了一杯，熱朱古力加上牛奶冰就會變成暖暖朱古力奶，幾特別。另一杯就奇異果沙冰，都幾fresh 甜品最後揀左窩夫， 窩夫做得幾好，暖暖地，再加上兩球雪糕同有珍珠同丸子。食落口感幾得意。

最近瘋狂愛上台灣菜，今日由同事帶我去咗食台灣菜嘅晚餐。我就決定散叫，反正價錢亦很實惠。先點一杯香芋珍珠奶茶飲品夠晒冰涼，珍珠份量都好多，香芋味道夠香甜，茶味都幾濃，另外我揀咗少甜，味道剛剛好！然後點左阿宗麵線，食物好快就上枱。麵線細細碗，但都幾足料，味道幾似台灣夜市嘅味道，可以按自己喜好加上蒜泥或台灣沙茶醬，蒜味足夠但落多兩錢會更香。仲有點左兩隻忌廉芝士磨菇雞翼，個賣相外皮金黃色，睇落平平無奇，但其實內裏有乾坤！雞肉同芝士口味好夾，磨菇就增強口感，芝士控唔好錯過呀。仲有咖喱骰仔牛肉飯，係黑椒味牛肉粒，充滿住多汁，加上咖喱就更加惹味，咖喱完全唔辣，岩晒我呀。最後甜品係鮮雜果鬆餅，有好多種類型既水果，而且係新鮮既，加上芒果雪糕係鬆餅上面溶化，軟淋淋雪糕遇上脆口鬆餅，天作之合。

位於天水圍的九份十份，是該區上位迅速的台灣菜餐廳。今天從日本回來，回家放好行李，便來吃個台式晚餐。看到餐廳有如此多食評，令到我嚇了一跳呢，算是天水圍區頭幾名的人氣餐廳吧，今天便來試試它的質素吧。紅燒牛肉麵 $65份量超足的牛肉麵，除了麵底多，餸菜也很多，令大食的我相當滿意哦！紅燒牛肉有兩種，分別有兩大條牛腩和四條牛筋，份量真的很多，很掋食呢。牛腩肉質奇腍，選材部位超好，肉和筋的比例一比一，肉味非常濃郁，牛筋則偏腍了點，欠缺咬口。紅燒湯頭看似濃厚，濃郁的牛香撲鼻，令人喜出望外阿。清香濃醇的湯，有著溫和的口感，喝起來帶點辛辣味道，令我驚喜連連，超級高質，天水圍人表示，我覺得簡直可以堪稱係全天水圍最好吃的餐廳哦。台灣鹽酥雞 $48超級大份的鹽酥雞阿，一個人吃表示非常飽足阿。我看現場，基乎每台客人都會點份鹽酥雞，然後基乎每個客人都會說：這麼大份？！就知道它有多大吧。鹽酥雞炸皮厚身，香脆微酥，口感超好，帶有淡淡的麵粉香，肉質嫩彈，真的非常不錯呢。而且餐廳更創出新食法，可自己撒六種不同口味的調味粉，例如：芝士，咖喱，紫菜，梅子等等，很有趣哦。紫薯珍珠$28

阿女呢排個個禮拜都要默書 唔係中文就英文 見佢咁辛苦 得閒要帶佢食下好嘢😋😋聽朋友講 屋企附近有間 九份十分係食台灣嘢唔錯 今日默完英文即刻同佢過嚟食😋😋😋地方唔大但係燈光柔和裝修骨子 餐廳入面全晚都係播緊台灣歌有好多都係我嘅童年回憶唔講咁多食物先係我哋嘅重點 阿女最鍾意食香口嘢 整番份鹽酥排骨麵畀佢 炸排骨粉漿鬆脆 肉質仲好嫩滑 阿女食唔停口 而個湯麵大大碗麵質彈牙有咬口 加咗個生果沙律 個生果沙律好大份好抵食 有好多新鮮生果喺入面 例如士多啤梨芒果藍莓食台灣嘢點可以唔試埋珍珠奶茶 啲珍珠奶茶有得揀冰量同埋甜度 非常彈性 仲好大杯 味道唔錯👍👍

今日難得收早回到家，見到媽媽一個睇電視，原來爸爸自己去同老友記去happy，咁我就帶媽媽到附近搵食，媽媽經常話食咩都冇所謂，咁我就帶佢再去食台灣野～經常行過都見排隊好多人，今日可能平日，所以不用等太耐～一見到餐牌我就好多野都想食，點都要先照顧左媽媽先，我揀實岩佢口味～古早醉鴿～成隻媽媽一個食哂～本人不好酒制食物，但一上枱個陣酒味好濃～媽媽一路食一路話肉質好嫩滑～涼拌四季豆前菜咁食一流～蒜蓉味帶濃～鹽酥排骨拉麵排骨炸得較乾了一點，麵湯底不錯，不會太油膩～紅燒牛肉麵麵裏面有兩大條牛筋，兩大嚿牛肉，牛肉淋身～牛筋大條爽口～紅豆珍珠奶茶我都係第一次飲紅豆珍珠奶茶，可能加左紅豆既原因，稍為略甜～茉香珍珠奶茶（熱）呢個係點比媽媽飲，所以點個熱飲比佢，佢個人好抗拒飲珍珠奶茶，但今次佢都飲哂一杯，即係不太甜～食飽既時候爸爸電話來得知我地食呢間，已經要求下次要同佢一齊再去食

上個月第一次食呢間頌富新開嘅台灣菜，個鬆餅甜品真係太出色，搞到我成日掛住佢心思思想再食，今次又約朋友嚟食飯，事前更提醒佢個胃要留啲位畀個鬆餅。今次試下佢個主打水果茶賣相好靚，有蘋果熱情果菠蘿橙檸檬青檸仲有幾粒唔肯定係咪柚皮，畀個杯仔你入面有粒冰冰住左塊檸檬，飲落去都幾清香唔會太甜，到飲到最後先發覺原來我太心急飲一直冇攪勻個有啲糖漿，但整體我都好鍾意呢個水果茶，大杯又好飲。之前飲過佢嘅沙冰飲品，又係超大杯同打得好綿甜度適中，今次叫左維多利亞的秘密（野莓沙冰），一樣大杯到好似飲左兩杯咁，都幾好飲，可以再甜啲。什果明蝦海撒沙律，蝦肉爽脆，什果種類多，沙律菜好新鮮，係大份又開胃嘅前菜。叫左個鹽穌雞。未有雞之前店員先送上一個test tube架上面有唔同味粉畀你自己落。好開心一次過可以試哂唔同味。雞以$48嚟講算好大份，我諗有16-18件，炸得香脆唔算太油，試勻咁多種味都係原味最好食最有台灣味，另外咖喱同香辣味都不錯。皮蛋豆腐都唔錯，上面有啲肉鬆同埋醬汁帶出左兩樣食物嘅味道，豆腐味濃，但個皮蛋就唔係特別濃味。阿春麵線好味，麵線唔會煮得太糊，個湯好飲。叫左份細綜合滷味拼盤，唔夠入味。最後甜品叫左白

每次放假經過九份十分，都係好多人排隊，今日九點幾返到天town,不用等位，就入去回憶下台灣嘅味道！地點十分容易揾，就對住扶手電梯。地方雖然不是太大，但坐落亦不會有壓迫感。先來一爵綜合水果茶($52)用立頓茶包沖，配上大量水果，非常健康，建議少少甜！亦夠兩個人飲。古早醉鴿($88)紹興酒味濃郁，鴿肉很滑，鹹味適中！酒醉蝦($68)有五大隻，酒味濃郁，蝦肉彈牙，蝦頭都唔好浪費，因為吸收曬酒味！麻辣滷味大腸($42)大腸夠淋，少少麻辣好野味。台灣鹽酥雞($48)呢個係必點菜式，有六款調味料自由配搭，雞亦作得香脆！滷水雞翼肉操飯($62)有五大隻雞亦，肉操亦鋪滿飯面，肉碎配上酸菜，送飯一流！平日等位既人咁多實有理由既，價錢亦十分親民，希望水準會持續保持落去啦！