九井壽司 (已結業)

呢晚放工去Megabox IKEA買啲嘢，但估唔到原來佢閒日收八點半，所以趕唔切喺佢餐廳食埋嘢😥。拎住一袋二袋，唯有睇下個商場有乜好食啦。其實商場好多舖頭都已經收咗，好彩上到去兒童樓層嗰到見到有間壽司舖仲開，而且仲有唔少一家大細食緊。一入門口，我就知佢係一間親子餐廳，因為有玩具送畀小朋友🎁。我哋坐咗喺卡位，側邊就係火車送餐軌。呢到落單係自助㗎，有個屏幕顯示器可以點餐，不過無得拎起，無咁方便🤔。可能為咗氹小朋友嘅關係，佢點餐嗰到啲動畫好搞笑，好似卡通片咁。我留意到而家做緊抽獎，叫滿四碟可以抽一次，可惜全部落空😭。🥗蟹籽沙律($22)，呢個比起平日大份，加上有大量沙律醬，都OK。我食嘅兩款卷物味道都幾唔錯😋，分別係北寄貝沙律卷($25)同帆立貝龍蝦沙律卷($38)，各有三件。🦀軟殼蟹手卷($24)，Size幾大，軟殼蟹炸得幾酥脆。壽司食咗幾款，🍣分別有三文魚壽司($18)、火炙三文魚壽司($20)同皇帝蟹棒壽司($16)，三款放埋一碟。另外，我哋仲食咗腐皮壽司($12)、醋鯖魚壽司($18)同三文魚加州卷($28)，不過唔記得影相😜。味道全部正正常常啦，壽司飯比較大粒，啱哂飯桶。熱食叫咗🐟

曾幾何時，我係不折不扣元氣既fans，但由上年開始已經冇食元氣。經過一番尋尋覓覓，我終於嚟到九井壽司，我認為比元氣更好。落單非常方便，客人只需要用枱上既平板電腦落單就可以。餐廳採用自動送餐服務，食物會透過「新幹線」送到我面前🚄- 三文魚刺身盛呢個係餐廳午市套餐之一，食物非常豐富，包括三件三文魚、四件壽司、沙律同烏冬。三文魚都幾肥美，壽司最深刻嘅係甜蝦壽司。- 三文魚海膽丼定食海膽顏色麻麻，不過口感算軟綿，加上厚切三文魚，鮮甜無比。- 吉列牛肉薯餅薯餅完全唔厚粉，外皮香脆，入面係我最喜愛既薯蓉，散發陣陣牛肉香。- 日式芝士年糕第一啖好煙韌，第二啖芝士已經爆曬汁，而且熱辣辣，差啲辣親個咀仔👅。九井壽司離我公司好近，等我之後試下其他款式嘅壽司。

今日放假同朋友去食壽司🍣叫咗勁多嘢食啊今次有火炙左口魚邊，珍寶帶子😋😋油甘魚壽司，劍魚壽司🍣😋😋每款都非常之新鮮，油金魚壽司肉質爽口新鮮又夠咬口，劍魚壽司充滿鮮甜味不會有魚腥嘅味道👍珍寶帶子好大粒啊超正啊，啖啖肉充滿着鮮味👍👍火炙左口魚邊油分充足又夠爽口👍正！豬軟骨烏冬-豬軟骨軟林林，軟骨組織都林埋好似食緊啫喱咁樣😱真係好好👍味烏冬十分彈牙真係好好味呀😋😋每叫完一次點餐之後會有個小遊戲但係試咗三四次都係失敗嘅點解嘅呢🤣🤣

標題已描述一切看圖自己決定。呑拿魚壽司令人擔心，好腥，好樣衰，完全同爭鮮4元無分別帶子非常腥，好樣衰，完全同爭鮮4元無分別其他所有野同爭鮮一樣值得一讚係唔洗等位，有充足空間，食物非常快到，有人執枱有人收銀。

甘啱經過嚟要買野順便食埋個晏啦事關我真係好鍾意食日本嘢見到佢呢間鋪好似幾靚然後就入咗去發現佢原來係火車軌壽司一入門口見到佢好多小朋友嘅嘢我見佢張紙寫住如果係小朋友可以每人拎一樣走因為我太肚餓好快就坐低左我有選擇困難症見佢有幾款午餐咁就係午餐到揀啦猶豫左一陣我到底食刺身嗰個定係食海膽三文魚丼最後我都係揀咗海膽三文魚因為係海膽呀 我嘅至愛有落單到送到其實都算幾快我仲以為佢都係人手送到點知原來佢都係喺個軌道到送佢有個沙律同埋麵豉湯海膽同三文魚都好足料平時出面食嘅好薄而佢個三文魚全部都係厚切海膽份量都多 而且你食到佢係新鮮嘅好正 好滿足

第一次黎呢種有路軌送遞野食既壽司舖，shoop一聲就送到你面前，真係好過癮同啱一家大細帶細路仔黎。呢度件件壽司都大大件，三文魚同火灸三文魚壽司都係$8兩大件！比火燒出黎既油脂一啲都唔膩。劍魚、左口魚、帶子等等都係新鮮既！我最鐘意既一定係香葱碎呑拿魚腩，有別於一般既壽司軍艦。一口食左佢，成口都係佢既感覺真係好滿足！最搞笑既係個抽獎，抽左3次唔中，然後朋友講左句:咦，冇用既，然後就中左，有盒Qoo飲，開心。

收工黎Megabox呢間超得意嘅餐廳，係用火車路軌送餐！我呢個大細路覺得超可愛，一直好想黎食，今晚就約左媽媽，黎個返老還童之夜。今晚叫左啲壽司、炸物仲有燒物，總括而言熟食比壽司優勝。呢度用枱面嘅平板電腦落單，每件菜品都有相，而且同真實上碟嘅無論份量同賣相都係一模一樣！大部份壽司都係2件上，每碟$1x至$2x有交易，好抵食！三文魚加州卷 $28， 呢個大大件超抵食，賣相亦一流。吞拿魚沙律軍艦 $20，係大家熟悉嘅吞拿魚沙律，味道正常唔會過鹹。油甘魚壽司 $20，呢個色澤比我想像中紅，魚油唔算多，呢個有少少失望。日式芝士年糕 $28，今晚最正嘅食物！入面芝士超流心，而且好濃味，外面嘅年糕又軟身，配合得宜！蟹肉忌廉薯餅 $26，呢個係今晚第二正，外脆，入面嘅忌廉配合蟹肉超好味！芝士春卷 $26，春卷脆身，入面嘅芝士就唔算多，需要點啲蛋黃醬。有5條咁多！燒鯖魚 $38，難得唔乾身嘅鯖魚，都幾大條！鹿耳島豬軟骨烏冬 $68，個烏冬真係超正，係我喜歡嘅咬口感。豬軟骨勁大舊，又好有味！綠茶雪糕 $18，呢個雪糕幾順滑，唔會有冰粒。食完我地都好飽。作為一間面向親子客人嘅餐廳，真係算超高質！呢度每落四樣

係MegaBox 行下街又肚餓，見到九井壽司有新幹線🚄送餐，即時試下先！全程自助用平板點餐，之後新幹線列車🚄 就會送食物🍣俾你。新幹線送餐效率好高，一路食一路睇住送餐好有趣☺️我選擇午餐定食雜錦刺身井，有三文魚，牡丹蝦，油甘魚，北寄貝，八爪魚每款2件，我比較喜歡牡丹蝦同北寄貝爽口鮮甜😋仲包埋湯同沙律🥗非常豐富！另外涼拌海蜤惹味爽口，剛好特價可以試下。下午茶時間都有幾款定食選擇，包埋湯，前菜，主食等都不過$50，非常抵食。

平日既九龍灣放飯時間，megabox 會有超多人排隊等𨋢，但九井位於九樓(親子購物果層），好多𨋢都可以搭到上去，所以覺得好方便。因為想食日本野同埋睇吓餐廳適唔適合姨甥仔去，所以就揀左依間親子新幹缐列車壽司店試下。未入到餐廳座位，門口已經有個小朋友讀書玩樂區。我同屋企人揀左午餐同兩份小食，果度仲有兒童餐，適合仲未可以食生冷刺身的小朋友。坐低就自己用枱面上既pad 落單，果陣時餐廳唔算多人，好快新幹缐列車就送餐黎啦！姨甥仔好鍾意車，佢應該會覺得得意。🤭1. 三文魚刺身盛 （我) – 自己好鍾意依個餐，岩唒貪心既我，因為有三文魚剌身，又有壽司同埋到庭烏冬食。湯烏冬唔會好鹹，味道剛剛好。😊2. 雜錦刺身丼定食 （屋企人）– 刺身夠新鮮同厚切，飯份量充足，家人表示滿意。3. 炸牛肉薯餅 – 依個我好喜歡，完全唔油膩之餘，仲食到啖啖既牛肉薯仔。🤭4. 雞軟骨串 – 配上🍋汁，很滋味，軟骨口感好正。希望疫情快啲過，然後我可以帶姨甥仔去食兒童餐。🙏🏻

前幾日去左 Megabox 行街之後，見到間賣點以新幹線送餐服務嘅壽司店九井壽司🍣餐枱上面有齊煎茶茶包🍵酸薑片、Wasabi、豉油同筷子🥢新幹線列車係日本 JR🚄好搞笑😂列車送餐嘅時候會播放 JR 到站嘅音樂🎶仲會顯示送餐中🤗我地叫左刺身駅、加洲駅，三文魚刺身厚切肥美🤤蟹籽沙律🥗好清新、而且有好多蟹籽👍🏻 軟殼蟹手卷入面嘅軟殼蟹炸得好脆😋食食下見到三文魚壽司系列 $8 一碟😍所以叫左一碟三文魚壽司、一碟北寄貝壽司試下，三文魚同北寄見都新鮮☺️而且 size 都比較大😙最後仲叫左北寄貝沙律卷同蟹柳小卷😛每次點左 4 樣食品就可以抽一次獎🎁我就中左一支益力多

呢間壽司店超高質，環境整潔而且門口有啲玩具比小朋友玩，好啱一家大細黎食住玩。餐牌選擇頗多，炸物刺身壽司手卷熱食全部都有，先上枱係個人最愛火炙壽司，火炙三文魚好creamy油膩感超正，沙律醬做點綴增加油滑口感，大力推介火炙左口魚，而愈黎愈少見到仲要係大大件魚片，一啖食落去超級幸福！可能係我個人好中意食火炙，一碟都只係24蚊，炸軟殼蟹手卷即叫即炸超脆，烏冬湯底好清甜，好足料，麵條煙韌好有咬口彈牙，黑機露系列壽司都好香，炸物方面蟹肉忌廉薯餅同吉列炸蠔都十分驚喜，蠔依然juicy, 薯餅同日本食既味道相似，讚！

平時火車運壽司就知道有元x壽司 但今次試咗九龍灣MegaBox新野 運作都同元x差唔多 都係用tablet點完餐就有架車搵野比你🤣魚類選擇都比較新穎 新鮮度尚可 不過啲壽司飯就酸左啲 同埋有舊壽司好上面唔知點解好似有啲凍左嘅血(?)價錢都大約係20-30碟 出餐亦都好快 tablet亦都會顯示有咩壽司已經嚟咗((呢點唔錯點夠有四款唔同嘅嘢可以參加抽獎但次次都唔中😢😢總括來講呢個價錢㗎質素都可以試吓嘅 不過就唔好expect有咩驚喜🤫-👧🏻👧🏻推薦指數:2.5/5

同朋友去mega box睇戲，見到呢間食壽司好似唔錯~ ..🔸鹿兒島豬軟骨烏冬 朋友點的，豬軟骨炆得好軟腍，好入味，個湯底濃味，浸着烏冬食好入味🔸金之刺身丼 $128首先材料好豐富，有蝦，海膽，三文魚，三文魚籽，吞拿魚腩，上面仲鋪左金銆，最店最貴身價的壽司丼非它莫屬，平時三文魚籽好腥，呢度完全唔腥，證明好新鮮，海膽份量都好多，足料好重手，成碗海鮮丼好好味。 .🔸三文魚壽司 ($8/2件)特價黎，超平，三文魚又大件，同朋友叫左4碟，跟著叫埋炙燒三文魚壽司，價錢又係8蚊，但超好味，燒焦的表面，但下層仍然係魚生，口感豐富，正.送餐方面好特別，點夠4樣菜就有一次抽獎，我地抽到一支益力多，都幾得意！環境方面，佢係有架自動車送黎比你，好似元氣壽司，好方便！

一入到門口小朋友已經被深深吸引因為門口位置有個corner 有玩具送比小朋友每個小朋友可以簡一份 隔離仲有搓手液 入去食野之前可先先消潔雙手點餐是用平版電腦落單 又有圖片睇 好方便壽司會用輸送帶運出黎 小朋友一見到就好開心 好期待食物的到來每次落單後都會有個小遊戲 家長可以同小朋友一齊玩 等野食的時間也不會悶贏左仲有小禮物的近日做緊三魚文大優惠$8 一份三文魚 好抵食 當然要食多d另外，壽司的類別好多 亦有岩小朋友食的壽司一家大細都好岩食

九龍灣係我最近好鐘意去既地方，呢個疫情既時間，人人都唔夠膽出街，我都就快悶死，所以通常會去MegaBox行街，因為地方又大又闊，最重要如果食飯可以$100泊車3小時，爽ＹＹ呀！行下行下，黎左呢間壽司舖，因為見到佢用火車送餐，感覺唔洗面對店員，又可以睇下部車車走過黎個下，幾得意！店員都知道而家衛生問題，會對各人離遠小小，成日用火酒消毒，令到我都覺得可以放心食！－三文魚壽司，火灸三文魚壽司，黑松露油甘魚壽司－今日咁岩做優惠，三文魚壽司同火灸三文魚壽司都係８蚊一碟，仲要一碟有兩舊，真係好抵呀！三文魚仲要好厚，超抵食又好食！黑松露細細粒，但黑松露味超強！油甘魚厚厚的，魚油好香～－吉列忌廉芝士蝦餅－濃郁忌廉，外脆，岩岩炸起，夠熱！－鮮帶子海膽迷你丼－細細碗，但帶子大大隻，兩粒咁多，海膽有手指公咁大，有兩大舊，鮮甜，甘香，抵食夾大件！－海苔魷魚天婦羅－海苔味勁濃，炸咁甘金鬆脆，魷魚每條都好粗身，直得推介！－燒芝士餃子雞翼－熱辣辣新鮮送到，雞翼岩岩燒好，金黃色，餃子餡料勁豐富，包到滿滿，啖啖咬落都有好多肉，雞翼外皮脆脆地，雞翼尖都有好多肉可以食！