九井壽司 (已結業)

MegaBox多嘢食就個個都知㗎啦，今日唔打唔撞行到9樓呢一間名為九井的日本餐廳，第一次來這間餐廳食晚飯，都叫做係驚喜重重。這裏的點餐模式是運用一種自動模式的方法點餐，我們坐下來，就可以在個屏幕上面點自己喜歡吃的食物，而旁邊便是徐生的路軌，點解會係路軌呢？因為你所點的食物，會有一部好似新幹線的列車把每一件食物送到你的面前，而且速度都幾快㗎，真係好似有一㗎列車啱啱開過咁樣，如果帶小朋友嚟呢度食飯佢哋就一定好開心啦。我們點了好多唔同的日本食物，咩都有都真係數唔清食咗啲咩，例如有必叫的三文魚壽司，又點左熟蝦壽司，壽司飯整的結實有口感，魚生新鮮，都算正宗㗎。魚生就有帶子，劍魚腩，切得到大大塊，都覺得幾抵食。又有海膽手卷，d海膽份量都唔少喎。另外我哋仲點左啲炸物，炸蠔，炸軟殼蟹，都好香脆好好味。呢度啲綠茶是自己自助任裝的，環境亦都坐得很舒服，食物質素也不錯，喜歡吃壽司或日本餐的都可以嚟體驗下新幹線送餐的服務。

今日我哋去咗丸井壽司食晚餐，呢一間壽司店以藍色為主題，有一㗎列車作為裝飾的標誌， 十分別緻，而且餐廳有卡位，可以坐得非常舒適呢度嘅壽司都非常性價比高，價錢一啲都唔貴枱面有茶包Wasabi同埋薑片可以自己取用我哋叫咗三文魚壽司🍣鰻魚壽司🍣油金魚壽司🍣赤貝壽司三文魚壽司非常肥美，鰻魚重魚味加上鰻魚汁然後我哋再追加魷魚壽司同埋熟蝦壽司同埋一定要試嘅濃芝士軟殼蟹卷佢個軟殼蟹卷非常鬆脆，再加埋邪惡嘅芝士，真係夾到不得了見到有新產品於是我哋叫咗過嚟試吓，就係鹿兒島豬軟骨烏冬，烏冬上面有大大嚿嘅豬軟骨加上粟米粉紅魚片同埋豆作為配菜，另外佢個烏冬非常彈牙爽口

Megabox真係美食雲集，今次到九樓嘅九井壽司環境幾好，燈光光鮮，令人有精神感覺！送餐仲係自動化，係有架列車送到你面前，好得意以下是lunch time兩人所點的食物🔶三文魚海膽丼定食 $88好味既，三文魚有4塊都好鮮甜，睇到脂肪比例岩岩好另外有海膽一大舊，海膽就不過不失，唔係臭既！不過份量有點少，岩女生/細食既人！呢個定食有湯、沙律跟，飯前開開胃🔶咖哩吉列黑豚定食 $62呢個份量岩岩好，相對抵食！咖哩係甜咖哩，唔洗怕辣黑豚外脆內軟，都有好多塊，一定夠飽！跟餐仲有湯、沙律，抵食👍🏻🔶小食：燒芝士餃子雞翼 $32好好味，係無骨架，肉質鮮嫩、仲釀左芝士係肉裡好juice好彈牙！檯上有煎茶包，可以俾你自助沖茶埋單個時仲見到有個區好可愛，俾小朋友揀一件禮物走

呢間迴轉壽司好適合帶小朋友一齊去，一入門口就見到門口擺咗好多圖書可以比小朋友借閱，隔離中放咗啲小禮物送俾小朋友添！同仔仔一齊去佢都食得特別開心。叫咗三文魚魚腩，成塊魚腩都好肥美，可以媲美到元氣嘅質素。另外加咗黑松露嘅油甘魚感覺好新鮮😋黑松露嘅味道同油甘魚互相配合，正！另外估唔到鯖魚燒都好高質！鯖魚燒 燒得啱啱好，魚嘅肉質唔會好鞋，個皮仲脆卜卜！加埋檸檬食真係好fresh😍😍

《九井我來也》我家住觀塘，也多喜在Megabox找食店落腳食嘢，昨天因工作攰了，與朋友想吃日本嘢！我地便去左九井壽司店，此店以新幹線形式如遊記般，快速送上食物，我地坐在宽敞座位上，輕按桌上屏幕，约幾分鐘食物便由食物新幹線送上！爽，屏幕仲有抽獎！好玩！我叫了天婦羅炸蝦，大碟抵食，炸皮香脆，不錯！燒芝士餃子雞翼好味，外皮燒得脆脆香香，雞翼內芝士肉餡有汁，調味剛好，一落口顿感豐富的，讚！特式海膽壽司，海瞻非常新鮮，一吃就知選食材不馬虎，所以我也推薦下次必要吃海膽啊！雜錦刺身丼定食這大大碗的雜錦丼，有菜沙律、及多料大碗湯，各款刺身非常新鮮，鮮味已勝一切，及用正宗日本米煑得軟香的飯，說來鲜刺身及靚飯，而份量大，食店賣此價錢是公道，做食客的我是感超值套餐！好還有一提Wasabi是超正，辣味是勁野，如挑戰了便知！九丼壽司，也見不少小朋友食客，開心喜见家長們舆孩子同親子樂！員工態度親切細心，而此好店子又大眾化價錢！所以我們也會再來的！

難得平日放假當然係去d大商場,相對又無咁多人流,又無咁焗促,megabox一定係我首選,貪佢夠晒闊落.行到攰當然又係搵食既時間啦,今次經過呢間壽司店見到除左大連鎖餐廳以外既列車送餐！咁特別當然要支持下.呢到送餐係唔會見到架上既路軌,相反係一輸送帶,枱上有個平板電腦,當食品準備送上既時候仲有係螢幕上有提示,好貼心.火炙刺身丼定食,以$72呢個價錢黎講係相當實惠.先係配料款式已經有6款咁多,而且每份配料仲切得大大佢之餘仲帶厚身.經過輕微炙燒後將刺身既魚油份迫左出黎令入口更香嫩富有魚油既甘香.壽司醋飯用左珍珠米粒粒分明口感煙韌.三文魚籽海膽迷你丼做緊半價咁抵就點左黎試下,雖然同預期既size同份量有少少偏差,但食材十分新鮮,海膽唔會變得暗啞,色澤光鮮呈鮮橙黃色.三文魚籽外脆,咬開後溢出充滿海洋鮮味既魚籽汁.燒雞翼串中間片開燒更放便食用,雞翼烤得夠乾脆,加上面上微微鹽調味,鹹鹹香香好惹味.

繼續尋覓megabox既美食😍😍Megabox多左好多新嘅野食行街行到攰可以食下~~搵到一間好適合附近返工人士嘅壽司店咁啱嗰日去到有午市套餐見到裏面有魚生飯或者鰻魚飯、鯖魚飯果啲$60-$70唔鍾意嘅話都可以揀壽司嚟食佢哋裏邊有自動傳輸帶壽司會自動送到你枱而且一個壽司份量都幾大可能會比連鎖店嘅貴少少但係完全值得午市唔會話好多人所以坐落唔會好迫啱晒而家疫情期間想出去食但係又怕好多人既情況女仔食一個lunch set夠曬飽了~~

來Megabox IKEA買點東西，隨便選了一家日本料理進去，店員服務有禮，茶包、wasabi都獨立包裝，感覺衛生。極上。金の刺身丼（$128）原價$256，刺身全部新鮮，三文魚夠厚切，連海膽也有甜味，如果刺身份量再多點會更好！剛好趕上下午茶，壽司駅（$42）有四件壽司，分別是甜蝦、北極貝、八爪魚及甜蝦，另外還有一件蟹肉忌廉薯餅及一份小烏冬，份量也足喔！另外點了火炙左口魚裙邊壽司（$24）及火炙三文魚壽司（$20），壽司飯不錯，火炙後油香更重，也不錯。味付螺肉（$8）原價$19，夠大塊，$8在餐廳吃很划算。味付中華海蜇（$8）原價也是$19，比想像中乾身，但味道也不俗。後來再加點了一個味付螺肉，居然還中獎了，有個益力多，不錯呢！整體坐得也舒服，食物不錯價錢合理呢！

可能受疫情關係星期五夜晚等2分鐘就可以入去兩人位會相隔一個屏幕可以減少同其他食客接觸。入門口前會派一張濕紙巾方便你去抹手(好細心呢！)座位比較寬躺而且茶包係獨立包裝享受食物嘅設計同一般日本舖頭沒太大差別。但我最欣賞佢提供嘅屏幕令我諗翻起去日本食壽司嘅感覺，除咗可以減少紙張而且電子落單會比較方便食物大約過兩三分鐘會直接到你枱，壽司每客裏面有兩件。方便兩個人食可以開心share唔使自私食極力推介軟殼蟹手卷！！！！除咗紫菜脆卜卜而且炸嘅軟殼蟹非常之夠味！！！但吞拿魚壽司比較令我失望，會有根部而且顏色和食物不太新鮮今次去職員話只收現金，但亦都可以提供免費泊車嘅優惠只要帶齊足夠嘅現金就可以去食啦！

Mega box都算係九龍灣美食荒漠，選擇唔多嘢食普通，見到有新迴轉壽司店，又想食壽司即刻入去試😋三文魚腩壽司$20甘香肥美值得一試！😋😋😋燒鯖魚$33甘香皮脆！燒得岩岩好！要試！😋😋😋吉列炸生蠔香脆而且有沙律伴碟！好大姐及多汁😋😋最值得推薦嘅地方係入門有小朋友圖書角同埋小朋友禮品送，岩晒一家大細嘅你！另外由於MegaBox人不太多，服務都非常殷勤而且埋單時還會送優惠券！會下次再幫襯

今天去九龍灣maga box ,同朋友和她的小朋友一齊食飯！我們去了"九井壽司"一入去見到有條長長的運帶！坐下後見到台上有一個電了餐牌！由點菜地上菜都不用人手！我們點了午餐咖哩炸豬扒飯配沙律和湯$62豬扒炸得香香脆脆，咖哩不辣有點甜甜！飯有點硬！沙律都好好味！湯都剛好！火炙刺身丼定食$7x刺身經火炙下午茶加洲駅有六件壽司有一碗小烏冬有一個小沙律味道不錯！上餐快速！總結價錢合理味道可以環境～好可愛，好玩！

終於比我係屋企附近搵到一間元氣替代品！抵食大件環境又舒服。角切魚生丼定食 $72角切魚生大大粒，有三文魚、吞拿魚、油金魚、希靈魚、蟹子同青瓜粒，分量都好多，$72勁抵！仲有麵豉湯同沙律。三文魚腩壽司（2件） $20唔算超肥美，但係好新鮮。劍魚腩壽司（2件） $25厚身，油香，好食。原條星鰻壽司 $38長拉拉嘅鰻魚打卡一流，兩三個人share都岩岩好咁滿足☺️ 冇骨又林身。炸蟹餅 $28睇佢個樣好似普通魚蛋咁，但係入面真係有一條條蟹肉，真係和桿冚珍珠啊。吉列牛肉薯餅 $20薯仔真係世界美味，牛肉薯餅更加係首屈一指！薯蓉好滑，牛肉碎好香肉味。海苔魷魚天婦羅 $28粉漿薄身，魷魚多肉，紫菜味都幾出！抵。

好鐘意去MegaBox行街街，商場夠哂大，行得舒服，商場9樓仲好適合同小朋友添，因為九樓係兒童樂園。玩到攰，見以新幹線做主題既壽司店「九井壽司」好靚，阿女都好鐘意。又見好多款壽司、小食選擇，仲有兒童餐添呀，就同阿女入去食個lunch 先！門外有兒童圖書及文具可以供小朋友拿取，阿女好鐘意！我地叫左兩個定食，角切魚生丼同三文魚刺身盛。以為阿女會揀兒童餐添，佢話食定食個小烏冬已經夠。阿女仲話要食芝士魚，我就試埋個特式吉列蠔壽司！丼飯好味又大份，飯入面刺身料又豐富。吉列蠔壽司好味，熱辣辣，脆卜卜，唔油膩! 環境好乾淨，店員效率高，收碗碟快！

阿仔係火車迷，上次帶佢嚟過呢度食壽司之後，成日話要再嚟過，今日就放假嚟食同玩啦！😃呢度全部食物都係有新幹線火車🚅送到，食物停係你面前就自己攞落嚟，架車就會自動洗走㗎啦。阿仔梗係食兒童餐，兒童餐都有三款可選，佢依然鍾情於個「特急-九井號」（ $65 ），都係因為有個新幹線載着囉，裏面有一件🍣花之戀壽司、粟米壽司、腐皮包住嘅小龍蝦沙律，兩隻炸蝦和兩條芝士春卷，仲有🍧一杯雪糕，個樣超靚，開心死佢。我就叫咗個鹿兒島豬軟骨烏冬（ $68 ），同埋一件軟殼蟹手卷（ $24 ）。個豬軟骨烏冬真心驚喜，啲豬軟骨好腍好好味，啲骨完全可以吞落肚，烏冬都非常之滑，質素好高。👍🏻👍🏻另外個軟殼蟹手卷都好唔錯，隻軟殼蟹🦀都算大，而且炸得外脆內嫩，好味。後來發現點四樣食物就會有得抽獎，於是我哋再叫咗一個芝士雞翼（$32），兩隻雞翼起咗骨釀咗芝士入去，啖啖肉味道都好好。點餐系統係你點了第四樣食物之後，就自動進行抽獎，雖然最後抽唔中，但係個抽獎片段都好得意，阿仔睇到卡卡笑。🤣🤣呢間餐廳食物唔貴，質素又好，小朋友仲有禮物添，仲要亞仔咁鍾意新幹線，我相信我哋

又來到九龍灣做嘢，又去吓megabox行吓商場吃吓嘢，今次來到呢間『九井壽司『，旋轉帶邊有好多卡位坐，同朋友或家人一齊，可以面對面咁交流，同埋有列車送餐，好吸引，對我呢個大朋友來講都係咁話，更何況係小朋友，因此來到時都見到好多家長帶小朋友來吃，大人細路仔都咁開心。嗌咗個雜錦壽司盛62蚊，有壽司，炸雞，烏冬，够豐富。雜錦刺身丼定食78蚊，有三文魚，北寄貝，八爪魚等5款刺身，款款2片，可以两人share吃，幾咁正。味付螺肉特價8蚊，勁多，原價18或19蚊，平過街邊小吃檔。味付芝麻八爪魚特價亦係8蚊，有3隻，都好大隻，好味又超值，唔吃就走寶。蟹肉忌廉薯餅26蚊，ok好吃。少少錢换來多多满足嘅一間舖頭。