九井壽司 (已結業)

行完宜家傢俬搵野食，竟然在mega box 野生捕獲一間隱蔽又高汁的壽司店。自從無食激氣壽司後，已經好耐無食過高速線！壽司款式選擇多！價錢都唔算貴！炙燒三文魚壽司同三文魚壽司做緊特價，8蚊一碟，超級抵！仲要好新鮮！叫左五碟都係40蚊，抵到笑左出黎！每叫四碟壽司就會抽獎！抽中左支益力多！鹽燒鯖魚大大條，熱辣辣！雞泡魚乾甜甜地鹹鹹地，燒到脆脆地，好有口感！咁有綠茶味既綠茶🍵雪糕！職員每次都認真地用消毒藥水清潔，令人放心好多！好開心搵到間好味又企理的高速線！

今晚同左朋友仔去megabox 睇戲見到平時要排隊既壽司唔使等位就入去食野@!💕呢間壽司店賣點都係有高速列車送餐服務而且佢哋裝修極度光猛兩個人坐嘅卡位都非常闊落餐枱上面有綠茶茶包Wasabi豉油同筷子自取事不宜遲即刻嗌嘢食咁佢哋係用咗tablet 落單全自動既服務真係好正見到佢地分開左幾個section壽司有晒價錢同埋人氣排行咁見到佢地價錢唔算貴都係正常範圍 好親民💕第一碟就要左火炙蟹棒同三文魚其實都比較驚喜因為佢地既壽司比較大舊cp 值高左好多飯質做得好好 有黏性 唔會散海鮮都幾新鮮❤️之後朋友都要左個三文魚手卷味道唔錯 海鮮新鮮之餘 紫菜都脆第二碟要左鰻魚北寄貝吞拿魚鰻魚好大片 好滿足 而且個汁整得好好食👍must have item北寄貝😛正 係高分之作吞拿魚朋友話都幾好 cp 值高之後encore 壽司要左加州卷 三文魚 火灸三文魚 同芝士鰻魚加洲卷好大舊 好足料小朋友都會鍾意食!!火灸同芝士鰻魚都勁好食❤️❤️我地仲有嗌一口芝士入面全部係溶左既cheese 外面脆炸💕😛🥺餃子雞翼都好特別 入面去骨 好貼心跟住見到人哋叫咗個豚骨湯烏冬好好食阿 先68蚊大大碗 同朋友share 都食唔

自從寶寶出世後，行多咗親子商場。買完寶貝的物資後，見到隔離以火車為主題的壽司店，覺得有點餓就入去坐吓。一入門口，見到有個兒童 corner，真係好有愛。我們找到個方桌位坐下，原來是以平板電腦自行下單。我們一口氣點了以下多款壽司，以一架高速列車乘載著菜式送到。蟹柳小卷軟殻蟹手卷三文魚手卷三文魚壽司炭燒味醂雞泡魚干鰻魚壽司榮螺壽司燒雞軟骨串燒日本甜番薯特式香葱吞拿魚碎甜蝦壽司希靈魚壽司我覺得最特別的是 特式香葱吞拿魚碎，吞拿魚口感十分滑，魚味加埋香葱令味道更顯突出，怪不得可以成為人氣推介 no.3。

今日約了同事去九龍灣吃午餐又想起好吃的日本菜又來吃了 這兒的午餐價錢實惠 款式又多大概60多元就有一個套餐我們分別叫了 咖喱吉列黑豚定食 $62和火炙刺身丼定食 $72另外還叫了小食腐皮壽司 $12 和炭燒雞泡魚干$32食物很快送上，用旁邊的高速自助跑道 送上 全程不經人手 非常方便 每一個套餐均附送麵豉湯和沙律吉列咖喱黑豚份量夠大 咖喱甜 配菜多 炸得夠香夠脆火炙刺身丼有三文魚 帶子 三文魚子和玉子 分量豐富 每件也非常新鮮另外小食份量也十足 最後價錢也不用$100一位 性價比很高呢

有些九龍灣的商場開在離地鐵站很遠的位置，人流不多，有時靠的還是有名的商店撐著，這間九井就是其中一家，平日晚上超熱鬧極爆場，還有人在等位。場內客人清一色坐在列車軌道旁，看著列車運送壽司，丼物，刺身等，小朋友一定很喜歡這設計吧！邊上有任拿的茶包，酸薑跟wasabi醬包。酸薑滿值得一試的、wasabi雖然是平價貨，但獨立包裝，比平日吃放題一大塊放冰上好多了。兩人各點了一碗金の刺身丼$128，簡而精，樣樣都有。三文魚、油甘魚、海膽、三文魚籽、甜蝦，海膽質素不差，帶海水咸香又不會腥胛，其餘的亦有上級放題水準，$128，超值！一客象拔蚌壽司，絕無腥味，爽脆彈牙，$18一客也就滿足了。點菜到上菜的時間飛快，等了不夠5分鐘就上齊了！

跟女友都係壽司吃貨，今次黎到megabox 呢間壽司店。店入面係用平板點餐，選擇唔算太多，每次點完餐都會有抽獎，抽獎動畫好得意，不過抽左幾次都唔中，可惜。茶係用茶包煎茶，wasabi 都係包裝好的。點完餐就會有架高速列車送野食黎，感覺同另一間連鎖壽司店好相似，呢度有我同女友最愛的灸燒左口魚裙邊，每次見到都一定會食，因為肥美又juicy，壽司質素唔錯，如果唔想食另一間連鎖壽司店，呢度絕對係好選擇。特別推介係黑松露壽司系列，味道非常特別，黑松露能夠令壽司既鮮味更加特出，想再追單已經過左last order，唯有下次再試。性價比比較低既就係佢既刺身飯，今次叫左三文魚子海膽飯，如果飯可以比多D就更好。

位置MegaBox九井壽司都係用新幹線列車送餐🚄🤣其實整體上同元氣分別不大係食物款式較少🧐壽司都係可接受範圍之內熟食幾有驚喜❗-九井親子迷你丼 $20用3塊大大既三文魚鋪面加上三文魚籽好滿足仲要只係$20❗每人只可叫1碗但點餐牌入面係冇既要自己問店員🧐-壽司大部分都係兩件上既除左D較特別既會寫明一件😉推介黑松露劍魚腩/火炙左口魚邊壽司夠哂肥美😋-芝士魚糕 $28 /炸蟹炸 $28全部都新鮮炸即刻送餐蟹餅幾好食用一絲絲蟹柳加魚糕做好鮮甜😋芝士魚餅成塊芝士爆哂出黎😍😂-炸餃子雞翼 $32呢個有d貴$30先得2隻比較普通推介上面D魚餅🤣-黑芝麻雪糕 $18因為唔係即刻不出黎而係預先不好一杯杯再雪🍨所以令到個雪糕硬到痴線要攤一陣先食到🧐但味道係真好食黑芝麻味好濃❗

今日同朋友仔去megabox行街，行完街見肚餓，唔知食咩好，朋友話佢想食壽司，我地search下openrice見到呢度九樓有間丸井壽司，見價錢都唔貴，我地就決定今晚食呢間！入到去覺得個設計好得意，如果係一家大細黎食好岩呀，小朋友一定好中意，佢係用ipad落單，每次可以叫四款，然後就有一次抽獎機會，然後等一陣，就有架高速列車運壽司黎嚕，成件事都幾有趣架！我地先叫左三文魚、帆立貝、甜蝦壽司同三文魚加州卷試下，呢度既壽司食落都好新鮮，帆立貝食落仲好鮮甜美味！第二轉叫左火灸三文魚、魷魚壽司，海蜇同燒雞骨腸，個人推介燒雞骨腸，入面係類似台灣既豬肉腸咁，食落有肉汁又唔會太乾，個造型又可愛！第三轉叫左火灸芝士蟹棒同叫多次帆立貝壽司，仲有叫左芝士魚餅，火灸芝士蟹棒食既時候連埋啲芝士⼀齊入口真係好正！芝士魚餅就略嫌普通左啲，不過不失咁。最驚喜係呢轉竟然中左獎，中左盒蘋果汁好開心！總括黎講，呢間壽司有得食又有得玩，兩個人食到飽都唔使300蚊，性價比都係高既！

出左雙糧，梗係要食好D啦！ 今日就同同事去左Mega食九井壽司。我之前都同姨生女黎食過晚飯，餐廳提供免費玩具，每個小朋友可以一人一件，而且送餐特別，令到姨生女成日都話要encore再黎。講返今次lunch , 我同同事各叫左一個定食，定食包面豉湯及沙律，份量都不少。蒲燒鰻魚定食 $72 鰻魚肥嫩厚實，沒有泥味，醬汁剛好，不會過多。沙律菜加上芝律醬，好醒胃。另叫左限時優惠味付芝麻八爪魚 $8一碟有3大隻八爪魚，不錯，好滿足。

是日同HONEY去左MEGABOX AEON買賀年用品，晚餐就去左哩間九井壽司食晚飯，餐廳以高速線做主打，同元X一樣都系用高速線點餐同埋來食品，壽司種類雖然唔多，但都有大路的壽司，另外都會有烏冬,迷你魚生DON，同HONEY點左叉燒烏冬，牛肉烏冬，另外也點左火灸三文魚壽司，蟹棒壽司，海膽帶子井，同埋火灸左口魚壽司，叉燒烏冬，牛肉烏冬兩款烏冬都好足料，HONEY話叉燒烏冬的叉燒好好食，我的牛肉就肥牛，兩款烏冬都彈身，好暖胃.海膽帶子井海膽帶子井細細碗，海膽同埋帶子都新鮮，同HONEY一口接住食一口，火灸三文魚壽司，蟹棒壽司，火灸左口魚壽司火灸三文魚壽司三文魚肥美，忍唔住再叫多碟食，另外火灸左口魚壽司都好肥美，入口溶化，蟹棒壽司都唔錯，食食下都會聽到JR的聲音，真的好像至身於日本JR線中~~

必食！平靚正！完勝x氣壽司！😍-位於Megabox 9樓，地方空間都幾大，好多座位，坐得舒服，平日食飯時間都唔洗排隊！質素佢有！送餐列車佢都有！列車用日本JR既樣，好搞笑😂 落單用pad pad落單，如果列車黎緊會有顯示提醒你拎，仲會播JR既到站音樂！價錢仲好平，2人食到9成飽都唔過$250😱-鰻魚壽司 $25火灸三文魚壽司 $20軟殼蟹手卷 $24芥辣八爪魚壽司 $24日式芝士年糕 $28吉列牛肉薯餅 $20三文魚壽司 $18玉子壽司 $12吞拿魚 $22皇帝蟹棒壽司 $16-全部壽司都好高質❗️好大舊好足料❗️壽司切得比適中size厚啲、大啲！就算係芥辣八爪魚壽司，佢鋪滿左壽司之後再另外倒多一羹芥辣八爪魚上去，好誇張！軟殼蟹手卷係隻軟殼蟹都大到塞唔落手卷入面！壽司全部都好新鮮！軟殼蟹都炸得好好食😋完勝x氣壽司！另外，牛肉薯餅同芝士年糕都比我想像中好食，牛肉薯餅有日本食既質素，芝士年糕咬落去芝士仲會流岀黎😍真係0挑剔！絕對會再黎食！-環境：9/10服務：10/10好味指數：9.5/10回頭率：10/10

Lunch 過黎megabox 食～先點兩個小食分別係芝麻八爪魚🐙（$8）和螺肉🐚（$8）八爪魚🐙淋身又好咬口，芝麻醬汁浸滿八爪魚～好味😋螺肉🐚醬汁帶點辣，肉質爽口，兩款都係好開胃既前菜蒲燒饅魚定食（$72）鰻魚大大舊香口的燒汁配上軟綿綿珍珠米和切成幼絲的煎蛋，口感超好呢！定食還有一碗面豉湯和沙津，好豐富，男仔食都一定夠哂飽咖哩吉列豚肉定食（$62）醬汁香濃，吉列豚肉炸到脆卜卜～小食吉列南瓜薯餅（$20）熱辣辣，好香南瓜味～

依家既迴轉壽司店都好貼心，有一人一部點壽司平板，點壽司超方便的！不過呢，依間迴轉壽司既壽司選擇唔算好多，有啲既圖片仲會有少少唔吸引😂不過好彩勝在價錢唔算好貴，而且以依個價既壽司味道唔算差，食得過🤘🏼其中一款壽司係海膽醬魷魚軍艦，有少少過鹹，重口味，我覺得麻麻。另外，左口魚裙邊壽司好吃，大大件，勁多魚油脂🤤 其他壽司就不過不失！我地一共點左11碟壽司加一個迷你丼一共$342 （另送$20優惠劵下次用），食到好飽好滿足🥰枱抹得唔太乾淨🤦🏻‍♀️

話說近排好多人因為政見嘅問題唔想去食元氣壽司 想搵吓有冇差唔多類型嘅日本料理高速線鋪頭 ，九正壽司就係一個好好嘅選擇，佢呢一個高速線系統會令到食客點完食物5分鐘內送到！✨海膽軍艦 ($30)呢份海膽軍艦係狗仔壽司嘅新品 海膽非常新鮮唔會太腥 味道唔錯✨蟹子沙律($22)食親壽司都要帶一份蟹子沙律可以見到呢間餐廳嘅蟹子沙律係非常足料 有好多蟹子同埋蟹柳好Fresh感覺幾爽✨三文魚 三文魚腩鰻魚 玉子壽司 火炙芝士蟹柳壽司($12- $18)三文魚同埋三文魚腩幾新鮮同埋肥美係我哋想要嘅味道，鰻魚壽司嘅燒汁非常出色有一種炭燒嘅味道，而玉子壽司就甜中帶滑。火炙芝士蟹柳壽司10分高質，芝士控簡直係抗拒唔到！✨炸蝦天婦羅 ($32)炸蝦天婦羅就相較而言調味普通左少少，但係都係即叫即炸，好脆✨軟殼蟹手卷 ($24)軟殼蟹手卷呢個價錢非常超值即叫即炸，軟殼蟹並唔係好似其他鋪頭咁鋪左係手卷上面，而係成條手卷入邊！

公眾假期大概等左5分鐘就有位價錢同出邊大型連鎖迴轉壽司差唔多壽司係即叫即做，等待時間好快大概等左5分鐘就黎齊晒魚生刺身尚算可以 食物種類就比較少，但基本都有齊環境服務不錯，可以再幫襯