九井壽司 (已結業)

第一次黎呢種有路軌送遞野食既壽司舖，shoop一聲就送到你面前，真係好過癮同啱一家大細帶細路仔黎。呢度件件壽司都大大件，三文魚同火灸三文魚壽司都係$8兩大件！比火燒出黎既油脂一啲都唔膩。劍魚、左口魚、帶子等等都係新鮮既！我最鐘意既一定係香葱碎呑拿魚腩，有別於一般既壽司軍艦。一口食左佢，成口都係佢既感覺真係好滿足！最搞笑既係個抽獎，抽左3次唔中，然後朋友講左句:咦，冇用既，然後就中左，有盒Qoo飲，開心。