九井壽司 (已結業)

係MegaBox 行下街又肚餓，見到九井壽司有新幹線🚄送餐，即時試下先！全程自助用平板點餐，之後新幹線列車🚄 就會送食物🍣俾你。新幹線送餐效率好高，一路食一路睇住送餐好有趣☺️我選擇午餐定食雜錦刺身井，有三文魚，牡丹蝦，油甘魚，北寄貝，八爪魚每款2件，我比較喜歡牡丹蝦同北寄貝爽口鮮甜😋仲包埋湯同沙律🥗非常豐富！另外涼拌海蜤惹味爽口，剛好特價可以試下。下午茶時間都有幾款定食選擇，包埋湯，前菜，主食等都不過$50，非常抵食。