丼瀛 (已結業)

在觀塘食日本菜，自己多是去OPC放題。今次朋友提議試試丼瀛，book了6:30pm，到店的時候，食客不算多。侍應向我們推介當日空運到港的食材，也略略講解兩款魚刺身的分別～～ 在丼瀛重遇魴鮄魚刺身 之前在太和試過一次，就愛上這款魚了，想不到可再這裡也遇上～～前菜和沙律分別點了山葵八爪魚及溫泉蛋松葉蟹肉野菜沙律。山葵八爪魚 ($38)，八爪魚粒粒爽脆，山葵幾香，不會太嗆鼻，醬汁配搭惹味開胃。溫泉蛋松葉蟹肉野菜沙律，沙律份量都幾多，沙律面層鋪著滿滿的蟹肉絲，還有兩隻蟹鉗！松葉蟹肉細長幼嫩，味道清甜，與溫泉蛋汁拌勻後，也沒有蓋過其甜味～配上爽脆的沙律菜及脆卜卜的蟹籽，口感豐富，清新的開胃菜！其中一位朋友不吃刺身，所以選了大蔥黑豚肉串燒及野菜照燒雞扒稻庭烏冬。大蔥黑豚肉串燒 ，豚肉燒得幾香，不會乾身，擠些檸檬汁能減輕油膩感！野菜照燒雞扒稻庭烏冬 ($98)，沒試雞扒，只試了烏冬，烏冬質感好嫩滑，湯底清甜。今餐焦點 是魴鮄魚刺身 可點半條或原條，我們今次選擇原條，因上次在太和吃，覺得不太夠喉呢～～魴鮄魚刺身，魚肉白裡透紅 ，肉質清甜爽口又帶點柔軟感！好好味！味道不會令人覺得膩～～～另外再蘸些許醋味

魚生呢～要不就不要吃，吃過就短時間內很想再吃！就是因為兩星期前在朋友家中吃了個外賣海鮮丼，從此念念不忘，最後要威迫身邊人帶我再去吃一遍，不論哪裏什麼的都可以，只要是日式海鮮丼！➡️ 試業約一個月，終於正式營業，門口放滿恭賀花牌，真的很滿，花香樸鼻，是因為黃店受友多嗎？➡️ 首點海之幸丼 $179，外形甚是滿意，海膽甘甜，飯量適中，算抵食！➡️ 碎蔥吞拿魚腩海膽卷 $78，太愛海膽，再來一客含海膽的➡️ 黑松露油甘魚薄切 $108，我平時不會主動點油甘魚，但帶黑松露的油甘魚所香，沒有白色魚一般的魚味（本人不喜魚）➡️ 再來三客串燒、薯餅等小吃，一對小情人表示很夠吃！

由工廈搬左去商場鋪位，睇落開揚左，店內擺放好多文宣，期間仲會播放數字歌。大約2:30pm到鋪頭，有好多人排隊，好彩翻枱得幾快，好快有位。所有午市套餐包沙律、味噌湯、蒸蛋同甜品，其實幾抵食，可惜去個日生意太好，套餐既甜品賣晒。蒸蛋嫩滑，入面加入白果，蝦同鳴門卷，材料豐富。#浦燒鰻魚石鍋飯 $118好大碗，石鍋燒得好熱，記得食時要小心，仲要趁熱撈勻，可能因為冇咩汁醬，比較難撈，但食到最後有飯焦，脆卜卜。原條鰻魚好吸引，肉質軟淋，配菜有中華沙律、雞蛋絲同泡菜。#沖繩丼 $148見餐牌包括三文魚、油甘魚、松葉蟹、甜蝦同海膽，因為生意太好，所以冇比海膽，但多左隻甜蝦。丼飯價錢屬中等，一分價錢一分貨，質素算唔錯。厚切大塊刺身，好滿足，食落冇腥味，三文魚油脂分佈平均。另外加左炸餃子，一碟有3隻，正正常常。#八香果梳打 #巨峰提子梳打 (跟餐加 $8)梳打飲落清爽，唔會太甜，而且都幾大杯，好抵飲!歡迎follow IG: fatsnow02  

要食梗係搵間良心又好食嘅餐廳啦🤩 今日同朋友嚟觀塘到行街，喺APM附近有依間食日本嘢嘅餐廳，嚟到已經好旺好多人，應該係啱啱開業，出邊有超多花牌👍🏻但重點係依度嘅嘢食高質得來，仲要價錢超級平，一個刺身飯都只係幾十蚊omg性價比極高！日式炸豆腐本身已經好鍾意食豆腐，呢度嘅炸豆腐超級驚喜，出邊超級趣，而且豆腐好滑好嫩，食落口簡直係雙重享受🤩👅芝士翠玉瓜唔好睇佢係翠玉瓜平平無奇，實際上內有乾坤，出邊嘅芝士燒到好香，連埋翠玉瓜一齊食味道好夾，有炭燒香味！鰻魚青瓜芝士卷鰻魚、青瓜、芝士同紫菜嘅味道一流，好食又飽肚🤩築地壽司杯如果各位好似我咁三心兩意嘅話，依個數是杯就啱晒你地，因為每一個背對着唔同嘅刺身、唔同嘅口味！我特別鍾意就係依度嘅蟹肉、蝦、三文魚同魚子，全部都勁新鮮🤩

响觀塘APM人真係太多，間間都等位，寧願行過少少响商貿區揾食，食完又可以去海濱長廊行下，估唔到選擇都幾多，見呢家丼瀛都幾滿座，食完呢家日本嘢，覺得性價比都幾高海之幸丼嘅賣相好吸引好特別，好似一隻高腳酒杯盛承名貴山珍海一樣，刺身多而且好大塊，大蝦好大隻色澤好通透，肉質好彈牙，三文魚同吞拿魚都好鮮甜，仲有蟹肉蟹籽同玉子，款式多放滿滿响碗，好似品嚐緊海洋松葉蟹肉甜海膽蝦丼，海膽好鮮甜，估唔到响香港呢個價位食到咁高質海膽，蟹肉同魚籽份量都好多，幾乎食每啖都有，松葉蟹嘅鮮甜充斥住整個口腔，三文魚籽好大粒漲卜卜，响口入面發放鮮味，仲有幾隻甜蝦，呢個丼內容都好豐富什錦天婦羅有好多款式，大蝦有三隻，大大隻鮮甜又彈牙，仲有紫薯、南瓜、茄子、秋葵，都幾驚喜有秋葵，平時多數係涼菜，但估唔到天婦羅都幾好食，南瓜同紫薯都好甜，可能秋天當造，就算唔點汁都好好食仲有明太子醬燒玉子，上檯熱辣辣，外面有少少香脆可口，玉子口感香軟順滑，加上明太子少少辛口，兩者好夾

觀塘分店嘅丼瀛重開啦！星期二既丼𤅗仍然座無虛席，加上網上評論讚多過批評，身邊朋友都讚好，尊重民意既我決定試一試丼瀛。餐廳非常闊落，燈光十足。- 焗帆立貝我哋叫左明太子味同芝士味，特別之處在於丼瀛將帆立貝切粒後再焗，並非原隻焗，食落非常爽口彈牙。明太子焗帆立貝味道比較豐富，芝士焗帆立貝比較膩，但滋味程度爆燈🤤- 燒大蝦頭蝦頭好大，不過蝦身肉質麻麻，相比焗帆立貝變得普普通通。- 鍋燒烏冬份量好足料，入面有炸雞同炸蝦，撈勻蛋黃後湯底無咁鹹，烏冬就好滑溜。- 甲羅燒松葉蟹肉丼賣相十分豪邁，松葉蟹肉同三文魚籽鋪滿丼飯上面，加上兩支飽滿蟹腳，鮮甜無比。更誇張既係仲有甲羅燒，蟹膏香濃，鹹甜適中，送飯可謂絕配。整體嚟講，焗帆立貝同蟹肉丼好出色，味道提升咗一個層次，真係強勢回歸。

成日話日本嘢冇乜💛🥺 依家越黎越多啦💕真係我見過最💛嘅日本餐廳😭成間鋪都係文宣🤩位置雖然係觀塘要行一陣 但平日夜晚都爆場🥴都難怪嘅 佢良知同食物質素都有💛٩(˃̶͈̀௰˂̶͈́)و❣️溫室蕃茄豆腐沙律配胡麻醬🥗 $58唔expect咁大碗😂 以為係啲日式前菜咁🤭呢個配搭唔會出錯 擺盤有心機 我哋食唔晒☹️❣️碎蔥吞拿魚腩海膽卷🍣(4件) $78真係算幾平😂 有海膽通常都好貴🤭但呢個就比較正常 包青瓜我冇咁鍾意🤪不過海膽唔腥已經加曬分٩(๑❛ᴗ❛๑)۶❣️牛油焗雜菌🍄 $48一啲都唔健康嘅食蔬菜方法🤣不過好香好好食😛有大量金菇同冬菇🤩 要趁熱食(⁎⁍̴̛ᴗ⁍̴̛⁎) ❣️天龍卷🐉(4件) $98呢個係我最鍾意💓 首先賣相又靚 炸埋個蝦頭俾我哋😚見隻蝦頭咁大都知唔係流野(˶‾᷄ ⁻̫ ‾᷅˵)面頭舊三文魚好厚切‼️火炙左少少 下面仲生🥰沙律醬加三文魚籽已經夠晒味(灬ºωº灬)♡❣️月見牛肉石鍋飯 轉烏冬🍲 $138🦖好鍾意食🤣 份量超大 分到五碗出嚟🖐🏻☝🏻壽喜燒汁底 有好多牛肉同雜菜 仲有溫泉蛋😋

去觀塘我剩係識去apm，難得朋友帶我去其他地方食野，開心😃因為佢知我想食日本野，所以就睇吓你依家丼瀛花之戀 $52厚厚嘅三文魚夠新鮮，大大件好食蒜蓉燒茄子 $58蒜蓉夠香，配上軟軟嘅茄子口味好夾明太子醬燒玉子 $26甜甜嘅玉子上邊鋪滿我最愛明太子醬，加上輕輕地燒過，好香好食串炸摩天輪 $168見到非常驚喜，真係一個摩天輪放上唔同嘅炸物，睇得又食得，炸物包括有炸紫薯、炸蝦、炸蟹鉗等等，炸得香脆唔油膩，不錯特上蒲燒原條鰻魚爆丼 $$148鰻魚大大條又厚肉，食落唔腥亦唔會有細骨，甜甜嘅鰻魚醬汁送飯亦都一流，正

觀塘好多食肆收好夜，今次就去左中海日昇中心丼瀛，呢度裝飾都非常別致而且富有意義，食過既就明白，要大大力支持！牛舌 $48火喉剛剛好，牛舌燒得過火就會韌，但呢度完全無呢個問題，加埋檸檬汁簡直係perfect 碎蔥吞拿魚海膽卷(4件) $78賣相好驚艷，啲配料多到滿瀉，真係想問下老闆咁樣會唔會蝕本，不單賣相好而且味道都好好，我覺得吞拿魚+海膽真係絕配，諗番起都想食多次松葉蟹肉海膽甜蝦丼 $158滿滿既蟹肉、魚子、海膽再加埋3隻大甜蝦，淨係視覺上都已經勁滿足，甜蝦新鮮無雪味，蟹肉亦好鮮甜，呢個價錢食到咁既質素，相當唔錯什錦天婦羅 $78上菜時用左竹籃，擺盤亦都好別致，最令我驚訝係見到炸金菇，天婦羅食得多，炸金菇天婦羅真係第一次見，炸出黎好靚，好似藝術品咁，好有驚喜

今日同老公去觀塘行街搵嘢食，我哋行咗一陣，就去到中海日升中心，我見到好多唔同嘅國家嘅美食，又見到呢間好似好吸引，咁就決定入去食。😆😆😆沙律同茶碗蒸沙律用芝麻醬，沙律菜好新鮮，反而要講下個茶碗蒸，因為我平時唔食嫁，因為出面個d我成日都覺得甜甜哋，食蛋，我真係唔鐘意食甜，而佢呢個係少少鹹鹹哋，有冬菇、蝦、鳴門卷同銀杏，蛋又超滑，我今次係一個人食晒。😁😁😁丼瀛特選丼嘩，嚟到真係好靚，成個飯好似一個刺身花咁，刺身好新鮮，有三文魚、帶子、劍魚腩、牡丹蝦同海膽，講多少少，飯有加到飯素添，真係又新鮮又好味。😍😍😍鰻魚拉麵鰻魚雖然唔係原條，有大半條，但好肥美，拉麵湯底最有誠意，因為我哋食時發現佢有奶味，而且好滑，食完之後，我哋就問其中一位服務員，佢就立即入廚房問大廚，大廚回覆話係用豬骨同奶淆製而成，唔怪之得咁正啦！🤩🤩🤩青蘋果梳打呢個清清哋，唔錯。😀😀😀巨峰提子梳打反而呢個就甜少少，好香巨峰味。😃😃😃走時仲見到佢門口有外賣自取（特價餐），係附近返工嘅朋友就有口福啦！👍👍👍

松葉蟹肉甲羅燒蟹膏丼 $128配沙律丶味增湯丶蒸蛋甲羅燒丶蟹肉丶蟹籽丶松葉蟹二本爪丶鵪鶉蛋，蟹膏甘香，蟹肉鮮甜，加埋蟹籽，豐富口感層次蒜香一口牛 $98配沙律丶味增湯丶蒸蛋丶燒餅棒2件一口牛好香，每啖充滿牛油味，肉質軟腍丶惹味；伴有炒雜菜，可減低油膩感蒸蛋算滑，有鳴門卷小片丶半塊香菇片丶蝦粒丶雞肉丶銀杏燒餅棒似切件嘅大阪燒，鋪滿木魚絲，如果分量多啲就好啦！南瓜味薯餅 $22脆脆薯餅熱辣辣上枱，啖啖南瓜味巨峰提子梳打 $8青蘋果梳打 $8

好少嚟觀塘，唔知原來而家觀塘咁多好嘢食，仲開咗好多新商場，真係太耐無黎🤣。今日陪朋友食飯，佢帶咗我嚟呢間黃店，勁黃，好開心！！🌟油甘魚牛油果沙律 叫咗個沙律做前菜，牛油果同油甘魚估唔到又幾夾🧐！每款材料嘅份量都夠多同新鮮，好健康🥳。 𓂀推介度：♥︎♥︎♥︎♥︎♥︎🌟丼瀛特選丼 $𝟷𝟾𝟾🔸三文魚 🔸劍魚腩 🔸牡丹蝦 🔸海膽🔸三文魚籽 🔸帆立貝好驚喜‼️冇諗過原來係咁大份，個碗仲好靚啱哂我呢啲港女🤣。啲刺身好新鮮👍🏻👍🏻，同埋全部都勁大塊，好抵食！我最鍾意個牡丹蝦😍，啲肉質好綿好fresh，如果可以多一隻就好🥺！𓂀推介度：♥︎♥︎♥︎♥︎♥︎🌟明太子醬燒玉子 $26好耐都冇食過好食嘅燒玉子，唔知點解好多餐廳嘅燒玉子係凍冰冰，今次終於食到想食嘅味道。個玉子燒得勁香，金黃色，外邊脆卜卜😚，唔使醬汁都好好味！❤️𓂀推介度：♥︎♥︎♥︎♥︎♥︎🌟蒜蓉燒茄子 $𝟻𝟾痴線㗎勁抵食！🤣邊有可能呢個價錢食到咁大份嘅燒茄子！正係佢都已經收埋咗我嘅心，燒得又香又夠多蒜👍🏻！𓂀推介度：♥︎♥︎♥︎♥︎♥︎🌟天龍卷 $𝟿𝟾味道唔錯，天婦羅炸蝦炸得幾香口，成個配搭好有層次感。不過個汁會有少少漏，建議share😆。呢碟嚟到嘅時候俾佢嚇親，舊飯大件都算，連塊三文

觀塘工廈區好多好野食，今晚黎到朋友大力推薦嘅日式黃店，試試佢先～環境闊落，隔足1.5米小店的細心～作為一間日式小店，款式都相當多～刺身丼飯都好有特色～既然嚟到特色小店，我同朋友都叫左特別嘅野食丼嬴十二道風味（$398)十二口味包括多款刺身同刺身壽司，認真過癮～每款刺身都好新鮮，其中最出色我兒得係海膽，大大舊絕無打斧頭～另外鮑魚都好爽身，唔會銀～另外我地仲叫左流心芝士漢堡扒2件（$48)漢堡扒好厚身，一咬，暖暖嘅芝士流哂出黎～芝士味道唔會太濃，配埋漢堡扒食好夾～兩人埋單$491 好飽 抵食啊～

之前已經食過工廠大廈入面嘅丼瀛，原來搬咗鋪啊！喺觀塘工業區入面，今日就去試吓！海之幸丼 $148有三文魚兩片、赤身兩片、油甘魚一片、赤蝦一隻、三文魚籽！整碗丼飯都好大碗，足料！雖然魚生不是頂級的質素，不過塊塊刺身都厚切，質感厚實，而且肥美濃郁，這個價錢算抵食。丼瀛特上築地壽司杯 $248有赤牡丹蝦、三文魚腩、時令魚、芥末八爪魚、蔥吞拿魚腩、帆立貝、松葉蟹二本爪、海膽、三文魚籽！我覺得佢最得意係佢用酒杯仔做一排壽司set， 每款賣相都豐富又吸引，都幾打卡able！而且每一細杯乂都有滿滿的魚生，非常真材實料。個人幾鐘意食蔥吞拿魚腩，好滑又鮮甜，正！

香港人食嘢越嚟越揀擇，之前經過見到呢間咁有心💛嘅餐廳，今日決定約埋朋友一齊支持一下。💪喺OpenRice訂枱午市有七折，但其實唔係所有食物都有優惠，職員會另俾一張獨立嘅餐牌，上面嘅食物先有七折。作為精明嘅消費者，當然會研究一下個「優惠」有幾優惠😎。七折餐牌上的食物，其實都是取自main menu，而個七折價錢，係以⚠️晚市⚠️餐牌去計算的（呢個係重點！容後再說）。另外，特價餐牌上的主食，係單點，沒有set lunch 包的沙律、味噌湯、蒸蛋、甜品及餐飲的。為了引證一下推論，朋友點了一個七折餐牌上的北海道海膽油甘魚爆丼（原價$158，特價$111），上桌時其實跟午餐C油甘魚海膽丼（$128）完全一樣（下圖），所謂便宜了的$17 ($128-$111)，是因為放棄了套餐所包的沙律、味噌湯、蒸蛋、甜品及餐飲。是否值得乃各取所需，但我認為把這個算法叫「七折」有點兒取巧。🤨味道方面，最大的問題是海膽未充分解凍，咬下去好像在咬碎冰的口感😰，味道亦非新鮮。相比之下，油甘魚則明顯優勝，大塊亦鮮味。而我就點了午餐B 海膽三色丼飯（$128）。因為是午市套餐，所以有齊成set配套（後記：餐廳忘記給我甜品了！😓