丼瀛 (已結業)

感覺觀塘依家黎愈黎熱鬧 愈黎愈多好野食 今日心血來潮食左丼瀛 一間好有heart既壽司小店員工服務態度好好 入座後好快就送上小點前菜 分別有日式燉蛋，沙律同麵豉湯 每樣野都係水準之上 第一道菜我地叫左原條鰻魚飯 D汁超級無敵好食😋魚無咩骨 好surprise！其次就係魚生飯，魚生飯有甜蛋，海膽，三文魚子，蟹肉，生蝦，都尚算鮮甜既。跟住有擺得好靚既蟹肉豆腐 豆腐滑 食落唔散好推薦👍🏻 同埋日式餃子🥟 配 巨峰提子梳打水 成件事好日本 令我好掛住日本既居酒屋啊🏮 成餐飯埋單都係用左$300兩個人 但我地食到超飽超飽 個人覺得想食高質性價比又高，真係極力推薦呢間 ❤️亦都好岩係附近返工既朋友 因為佢地上菜都幾好 而且地方都幾闊落 所以都沒怕無位坐 下次有機會再食過先

餐廳佈置走日本風之餘亦不忘香港，連儂牆同民宣貼滿周圍，食物質素很高，完全係日本菜既享受因為佢地有齊曬我最中意既食材😋最大力推薦係碎蔥吞拿魚腩海膽卷，幸福感MAX！吞拿魚蓉CREAM滑，海膽好鮮甜，淡淡的海水味好滑好好味呀！包住碎蔥就添啲爽口，一啖放入口有種唔捨得既感覺🥺築地壽司杯七彩顏色賣相精緻，中意可以用小匙羹食，甜蝦好大隻又鮮甜，蟹肉卷啖咪蟹肉，三文魚大塊又新鮮👍👍熟食方面明太子醬燒玉子好惹味 ，玉子滑嫩，唔會一夾就散，明太子醬調味恰好甜甜的，一口豚肉脂肪同瘦肉比例平衡而且易咬，沾芥末醬就更好味，回頭率極高既餐廳👍👍😋

正式開將後終於有機會係閒日黎呢度食個午餐, 因為一般都好多人排隊等位,今次早少少到等左15分鐘就安排到入座. 店員雖然忙到飛起都仲好有禮貌. 午餐set每人一定會有一份沙律, 麵鼓湯同蒸蛋, 蒸蛋我比較喜歡因為佢仲熱辣辣仲幾嫩滑, 出面食就相對比較參差. 角切魚生飯雖然屬於較貴的午餐set, 但勝在份量豐富, 而且魚生同甜蝦都算新鮮. 其餘好似照燒雞扒丼, 金菇肥牛卷丼味道都算正常水準, 雞扒大大塊感覺抵食啲. 另外仲叫左個中華冷麵, 都係大大份算抵食.個場仲有得聽住歌仔食飯所以都值得再去

同朋友在觀塘游水後突然想吃日本菜，就想起剛搬去新址不久的丼瀛🍣🍤，餐廳地方好大，雖然已經係9點幾，但依然好熱鬧。原來餐廳仲有特別menu做緊promotion、可以8折不過同朋友都想吃點暖胃的，而且想吃點燒物，所以點了menu上其他東西。🐷豚肉露荀卷：想不到餐廳原來做熟食也幾好，豚肉煎得薄香，而且肥瘦均勻，中間夾了鮮嫩爽甜的露荀，配上日本醬料，咬落去口感好好。和朋友都是海鮮迷，所以點了2款海鮮燒物- 焗蠔和明太子醬燒元貝～🌟明太子醬燒元貝：明太子醬非常香，而且醬內有很多不同的配料，包括蘿蔔，魚子等。帶子切成碎粒粒以更入味。明太子醬非常好食，所以我和朋友都食過帶子後用拉麵點醬料食。🦪焗蠔：焗蠔的醬料用了邪惡的芝士味，完全溶了的芝士好香，配上蟹子和蠔肉，格外「芝」味。🍣香芒三文魚米紙卷：米紙做得很薄，還包了很多甜芒果和厚切三文魚及蟹子在內，好豐富。🍜鍋燒拉麵：原鍋上好特別，而且材料豐富，除大大隻炸蝦外，還有嫩滑的炸雞肉、蛋、菜和海帶等，好有日式feel。而且拉麵麵質好，湯的味道也調得剛剛好。因為CP值高的關係，我已安排下星期的朋友聚會再來😝

看見丼瀛是開飯啦在觀塘區和日本菜的開飯熱店，這次帶着期待和朋友來試一試新餐廳。餐廳的座位比較多，沒有預約等了一會兒都有枱了。主要賣魚生、串燒、天婦羅等多種日式料理。/串燒白鱔$58白鱔外皮烤得香脆，咬下去有「喀滋」聲，而白鱔肉亦很厚很肥美，燒得很香很滑。/碎蔥吞拿魚腩海膽卷（四件）$78因為賣相十分吸引，怕吞拿魚生腥的我都決定試一試，吞拿魚腩都算新鮮，幾肥美，海膽雖不算太新鮮，但一分錢一分貨，可接受。/丼瀛特選丼 $188為了試多款魚生，選了特選丼，三文魚籽，帆立貝和劍魚腩都新鮮好吃，但是牡丹蝦有點腥，三文魚正常質素，但所有魚生溫度都比較凍，像是未完全解凍。/牛肉薯餅（一件）$32新鮮熱辣烤出來，放涼一陣子仍然很燙口，本身調味已足夠，/熱食的水準都不錯，但魚生類不過不失，可能期望太大所以有落差。

觀塘有唔少美食，今日行遠少少去左食黃到金既日本菜💛，仲有好多好歌聽添5201314。.特上蒲燒原條鰻魚爆丼💲148上菜時完全震懾到我眼球😳，特上原條鰻魚超大條！！有成隻前臂咁大，仲好多鰻魚汁添😋好惹味。.芝士蟹子壽司💲44松葉蟹肉蟹膏壽司💲56.串炸摩天輪💲168集合居酒屋都會order既串燒和炸物一身既摩天輪🤩，可以每樣都試啲，岩哂選擇困難既我😆，有：炸蝦、炸蠔、 炸鵪鶉蛋、炸粟米餅、炸蟹鉗、炸帶子、炸南瓜餅，其中炸蝦 和 炸南瓜餅 想encore食多次🤤。.時令魚甜蝦海膽卷💲78今晚既時令魚係池魚😍＋海膽＋甜蝦，魚生都幾新鮮，不過建議池魚分開獨立享受。

今日啱啱喺觀塘呢一區收工，當然啦其實呢一間餐廳係朋友介紹嘅，咁當然出門靠朋友就信佢講啦。 一入到去裝修都幾有特色， 另外座位嘅間隔坐得舒服， 咁我哋叫咗以下:蒜蓉燒茄子：呢個茄子燒我覺得真係唔需要講任何嘢， 因為佢真係燒得唔錯，一般嘅茄子燒係最簡單亦都係最難燒嘅， 自己就鍾意佢擺咗好多蒜蓉落去燒呢個茄子 ，鍾意茄子嘅朋友一定要試。厚燒玉子: 燒玉子有幾香嘅蛋香味，食落去質感夠， 作為餐前小食 ，係唔錯嘅選擇。軟殼蟹野菜米紙卷: 我最愛食嘅軟殼蟹，軟殼蟹炸得好香脆， 個米紙卷記住要點少少汁食，令到口感同風味一流，幾似越南風嘅小食。 鍾意食軟殼蟹嘅朋友可以試下。沙律燒帆立貝: 其實自己都鍾意食沙律醬嘅， 有一啲蟹子喺面頭， 帆立貝嘅size我覺得適中嘅， 廚師燒嘅功力亦都唔錯， 再加上佢個帆立貝同沙律醬嘅調味balance得幾好 ， 會食到唔同層次嘅味道。焗蠔： 呢個蠔我覺得焗得唔錯，同帆立貝都係差唔多，最重要嘅就係佢個焗蠔我覺得都幾新鮮，同都唔錯，鍾意食Oyster嘅朋友都可以試下。特上浦燒原條鰻魚爆丼: 呢條鰻魚認真唔惹少， 大家可以參考我啲相 ，望落去真係幾大條㗎，好過某啲專食鰻魚嘅

媽媽生日飯 一定要食好d 慶祝一下 今次就帶佢去食佢最鍾意食嘅日本嘢！食日本野一定要去間黃到金既！聽住榮江食飯！好欣賞老闆，不畏強權嘅精神！一定要大力支持！金菇牛肉卷牛肉汁超濃郁！一啲都唔韌！金菇非常爽口唔會過熟！大蒜黑豚肉肉質淋身，有肉味！食得出唔係雪藏肉，大蒜竟然有甜味！天龍卷中間卷了一隻很大的炸蝦天婦羅🍤！最正係個龍蝦汁，同三文魚好夾！焗蠔 超濃厚芝士味！蠔肉鮮甜！丼瀛特選丼有牡丹蝦、北海道元貝、三文魚、海膽、三文魚子！全部都超級新鮮！最欣賞係個海膽，入口即溶，淡淡海水味！特盛海膽杯難得媽媽生日一定要豪一次!叫埋個海膽杯孝敬佢老人家!海膽杯真係層層都有驚喜一層比一層好食!好食到嚇死你!有脆脆,海膽飛魚子吞拿魚茸帶子粒帶子碎加拿大海膽蟹膏蟹肉，講得出嘅刺身都有！啖啖都係驚喜，啖啖都係鮮味媽媽食得好開心！🤗

.觀塘黃到金嘅日本菜💛成日去觀塘都因為太多選擇，唔知食咩好～今次就揀左食日本菜嘅「丼瀛」.✨ 築地壽司杯將壽司用shots杯黎裝都幾搞笑🤣不過刺身嘅款式份量一啲都唔hea～款式包括三文魚+三文魚籽、海膽、吞拿魚蓉、蝦、魷魚+蟹籽、蟹籽+蟹肉+蟹膏手卷魚生嘅質素唔錯，都幾鮮甜😙不過好可惜，海膽有少少怪味，最後冇食曬😢😢😢第一次用咁嘅模式食壽司，好有趣～.✨ 明太子牛油帶子燒呢款燒帶子勁邪惡😋面頭放左勁多明太子醬，啱晒👧🏻小編呢個明太子控❤️帶子係一口嘅size，都幾彈牙㗎！配埋明太子同牛油一齊食，真係夠晒惹味🤤.✨ 清蒸茶壺海鮮湯海鮮湯用左茶壺黎裝，仲有兩隻茶杯比你倒出黎飲🤪味道都幾鮮甜，唔會太鹹同好重味精雖然餐牌話係「一人前」，不過👦🏻👧🏻小編兩個share都啱啱好.仲試左厚燒玉子、芝士鰻魚卷、脆炸流心粟米餅，整體味道都唔錯！用餐嘅時候，舖頭仲一直播放💛嘅歌曲而牆身都貼滿唔同日子嘅蘋果日報頭版～.築地壽司杯 $188明太子牛油帶子燒 $38清蒸茶壺海鮮湯 $68厚燒玉子 $25芝士鰻魚卷 $78脆炸流心粟米餅 $28———不專業評分💯食物指數 🍴: 💛💛💛💛🤍環境指數 ⛱: 💛💛💛💛🤍抵

今日約咗家姐喺觀塘食午餐，家姐就揀咗呢間餐廳主打食日式嘢。我哋叫咗兩個午市套餐，成個套餐包左蒸蛋，沙律同埋麵豉湯。因為太肚餓所以仲另外加左一份卷物同兩杯特飲。井瀛特選丼套餐面頭啲刺身包括有三文魚子，三文魚，劍魚腩，蟹肉，仲有牡丹蝦！刺身非常鮮甜而且大大件好肥美，份量都唔少，加上成個擺盆睇落仲好精美Tim！什錦天婦羅冷烏冬炸物包括左兩隻炸蝦、冬菇，茄子，仲有番薯。啲炸物入口非常脆口而且熱辣辣，另外冷烏冬則配上芝麻醬，烏冬咬落非常彈牙有口感。時令魚海膽甜蝦卷新鮮海膽配上甜蝦再用時令魚包住嘅卷物，非常鮮味，入口難忘。檸檬提子梳打，巨峰提子梳打兩杯飲品都不過不失，唔會太甜都幾好飲。

觀塘一向好多食肆，有唔少選擇。行過瀛丼長期都坐爆人，甚至係9點都滿座。決定去食下，睇下魔力何在? 睇下menu, 價錢都好合理，加上款式種類多。睇到我都好心動😳😳樣樣都想order 🙈🙈 最後我同朋友order 左以下幾款： 🌟日本蕃薯 $19🌟細細粒蕃薯燒得火喉岩岩好，迫出蕃薯既真。味道出黎。小小一口作為小食就一流😋🌟蒜蓉燒茄子 $58🌟呢款茄子係有點喜出望外，賣相一流，仲依然保持到鮮紫色，內裡蒜香味十足，配合埋其他調味粉，真係好野味。不過油多左少少，食一件已經好飽肚😌🌟明太子醬燒玉子 $26🌟貨真價實，明太子燒玉子。食每一啖都滿滿日本味道，CP值高。🌟築地壽司杯 $188🌟無疑係呃like 之選，壽司杯一放低，身邊4，5個食客已經回頭睇睇呢款。雖然賣相一流，但每一杯拎出黎食都有難搞既地方。不過就真係勝在多款，好彩師傅握出實實既壽司飯，令我唔洗食得太狼狽。😅🌟松葉蟹肉海膽甜蝦丼 $158🌟肥美甜蝦x鮮味海膽x鮮甜蟹肉x無敵大大粒魚子，呢個巨無霸級份量，真係令人愛不釋手。咀把停不了， 刺身份量多過飯，價錢仲甘貼地，仲可以去邊到搵🙈

主要試左佢哋既壽司、熟食同串燒，最鐘意哩個明太子醬燒玉子$26，好厚身，燒過既玉子加上少少明太子醬特別惹味😋卷物方面嗌左忌廉芝士鰻魚卷$78 同埋牛油果金龍卷$68，都新鮮好味，足料既，不過每款都係四件，所以其實一舊都唔平嫁🤨 串燒既話唔推薦大家叫木魚燒茄子$38，因為叫蒜蓉茄子差唔多成六十蚊，所以叫左木魚茄子，唔係太夾同埋茄子好似燒得唔係好耐咁🤢 但係其他串燒就都好味既💓其他熟食其實味道都唔錯！炸物、天婦羅都非常香口，黑松露海膽帆立貝炒飯$148，D飯好粒粒分明，海膽比較少，好有黑松露味。整體其實都唔錯，只係覺得佢哋價錢方面set得都略高，要連加一服務。

一直知觀塘多好嘢食，今日朋友帶我嚟食呢間日本餐廳，果然冇介紹錯。食物出品唔錯，食材都好新鮮，而且店員親切有禮，晚飯氛圍幾好。我見佢啲lunch set好抵食，如果我喺附近返工就好了。去唔到日本，食日本嘢補償番都開心😛魚刺身甜蝦海膽卷呢個前菜真係不得了，有晒我鍾意食嘅海膽同甜蝦，而且賣相好繽紛又靚，一啖一個，滿口都係鮮甜味，真係好滿足清蒸茶壺海鮮湯（一人前）賣相咁得意，啱晒打卡原來入面都好足料，有帶子、蝦、青口、蜆，熬成一小壺，貴精不貴多，不過兩個每人都倒到兩三杯仔。入口係另一種鮮甜但不會腥，好味海之幸丼飯嘅用料都好豐富，大大件刺身鋪喺面，見到就食指大動了。我覺得餐廳嘅用料幾新鮮，所以啲海鮮同刺身都好味😋明太子醬燒玉子超好食！面層嘅明太子醬燒到少少燶，上枱嘅時候聞到真係好香。我第一次食呢個配搭，覺得真係好夾，推薦一口豚肉豚肉燒得唔會太乾，肥瘦肥瘦啱啱好，好食日式炸豆腐豆腐好滑溜，豆味好重好香

最近特別喜歡吃日本料理，來到觀塘這個美食如雲的區域，也難免找好吃的日本菜，這次經推薦來到一家叫丼瀛的日本餐廳，就享受到別有一番滋味。首先是地道的香港風格，門外有港報可以免費取閱，證明老闆的慷慨，服務員也十分貼心有禮貌，帶我們進去坐下也好好的介紹菜式。這晚跟男友來吃，就想好好慶祝一下，所以點了出名的築地壽司杯，三文魚頭連鮫，明太子醬燒玉子，天龍卷（4見），豚肉露筍卷。光這幾樣食物都夠完美夠我們打卡了。首先這個築地壽司杯也太壯觀了，一排一杯杯的壽司，面頭有昂貴的食材，分別有海膽，甜蝦，三文魚片和魚籽等等，可能外型原因，吃起來分外好吃，賣相也了得。再來是天龍卷，是像加州卷一樣，但裡面食材不一樣，四大塊吃完夠容易飽。三文魚頭煎的恰當好，很香很脆，豚肉露筍卷也煎得特別香，一口吃下次感受多層口感，好好吃。我們還點了一瓶柚子檸檬酒，甜甜的適合女生，容易入口，送食物一流，而且還有可愛的小魚杯，很有心思特色，今晚的慶祝晚餐十分圓滿，好吃又開心。

店舖大約距離觀塘地鐵站十分鐘路程，穿過apm行幾步就到。海之幸丼，$178，舖頭叫得做丼瀛，相信呢味菜係呢度嘅主打菜。裏面配搭咗八款唔同嘅海鮮刺身，每款都好新鮮，特別欣賞油甘魚，好重油香，回味無窮。溫泉蛋松葉蟹肉椰菜沙律，$68，無論賣相定係味道都係清新嘅感覺，絕對係健康之選。清酒煮時令貝，$98，清酒嘅味道都唔會太搶，每一隻都大大件，另外仲配搭好多蔬菜配料，非常抵食。鍋燒烏冬，$98，配料有天婦羅炸蝦同埋唐揚炸雞，湯底係豬骨濃湯，配搭烏冬食落真係唔錯。