丼吉日式吉列豬排專門店 (彩星集團大廈) (已結業)

20050305 7.30pm有o的鋪頭當你諗唔到食咩就會不其然"叮"一聲咁諗起佢, Tonkichi 對我o黎講係其中之一.跟男友2人晚餐, 男友吃- 咖喱吉列豬扒定食, 日式咖喱好味開胃好送飯, 但男友嫌豬扒比較韌, 切得太厚, 佢話不如兩塊薄o的咁仲好啦.我吃- 吉列豬扒定食, 賣相靚仔o左wor, 無啦啦豬扒個底有塊鐵架隔一隔咁樣, 但係味道就比銅鑼灣店差少少. (唔知點解)環境比銅鑼灣店好,銅鑼灣店o的o野好鬼殘.service 本來都幾好, 但係o的waitress真係太pushy, 不停要你order 呢樣果樣, 咁我想order 自然就order o左o架啦~ o徙氣~ (最緊要係佢除o左吉豬同炸蝦好味之外其他o的小食好鬼麻麻, 我上過當一次就唔會再食o架啦~)埋單$290.p.s. 一路都唔知Tonkichi 中文名叫乜! 睇返openrice 先知原來叫井吉wor!p.p.s. 絕對不要響開頭坐低就叫西瓜汁飲, 1)我懷疑溝o左糖同水(有錯請指正), 2) 定食附送生果又係西瓜, 雖然好味, 但係當你飲完一輪糖水西瓜汁之後你就唔想再食西瓜的了.

下次若果你見到有唔熟o既豬柳，唔使夾硬食o嫁；話俾侍應知，佢地實換俾你o嫁！

終於考完試啦! 為左慶祝放監,一定要食餐好! 尋日下晏食完大快活平價吉列豬柳,突然好懷念呢度o既tonkatsu, 就叫爸爸媽媽黎食晚飯!我地一家人不嬲都好細食,所以只係叫左兩個定食咋, 一個炸蝦,一個吉列豬柳. 但係個waitress不單止無白鴿眼,仲好好服務態度, 抵讚呀!好快兩個sets就到左. 大蝦同豬柳都炸得好脆,個豬柳又好淋,好好味! 不過美中不足之處係有一舊豬柳麻麻地熟. 媽咪驚我食完會肚痛,自己食晒o個舊唔係好熟o既!我覺得豬柳點tonkatsu汁好味,而大蝦就用檸檬汁加沙律醬好味!最衰佢地無吉列豬扒三文治啦! 我o係東京銀座一間吉列豬扒專門店食過好好味,不過香港就搵唔返咁好味o既啦...

又係食二人套餐, 不過平o左二十蚊, 即係$36X~ 都幾多o野食~ 有兩碗麵豉湯, 小食(今晚係軟殼蟹兩隻), 吉列豬扒一塊, 吉列豬柳兩件, 吉列蝦兩隻, 吉列蠔兩隻, 兩碗飯, unlimited refill o既椰菜絲, 一碗咖喱汁, 兩客西瓜, 兩飲o野飲~ 軟殼蟹油o左d, 其他都唔錯~ 我飲咖啡, 原來係Pokka咖啡~ service一如以往咁好~ 洗手間依然乾淨~* 以依個餐o黎計幾抵食- 4分~

5月3日一個人黎食晚飯，叫左個雜錦海鮮餐($150)，有兩件蝦，一件蠔，一件帶子，一件蟹肉薯蓉。自己覺得幾好，一黎吉列海鮮好味，二黎有多Ｄ唔同款。本來心思思想加件豬柳($35)，諗諗下都係驚飽得滯無叫到。之後加$15西瓜轉甜品，有荔枝雪芭，朱古力慕士同唔記得咩揀，要左朱古力慕士，好濃0既朱古力味又不失慕士0既滑，而質感比較濃厚，面頭有少少金箔，都幾好味喎。下次一個人黎應該都會食番呢個雜錦海鮮餐（可能我個人比較花心啦！）由於閒日比較少人，Ｄwaitress都好nice，照顧好周到，仲會埋黎問下你Ｄ野食點呀咁。

這次日本之旅，當然唔少得去食tonkatsu。連鎖店「和幸」亦如想像中味道只一般；不過連略有名氣o既garden place「katsu好」都唔及tonkitchi，就真係有D失望。星期日下午又o黎Tonkitchi開飯。第一次o黎食午市，原來有拉麵同lunch set。我地都係叫番平時食開o既$138吉列豬柳定食；另外叫多一客$78三文魚拼吉列海鮮定食，有少許三文魚魚生，另有吉列炸蝦同炸蠔各一隻。吉列豬柳唔油膩，肉質鬆軟，一如以往般好味；炸蝦同炸蠔就冇想像中咁好味。若同日本「和幸」與「katsu好」比較，Tonkitchi豬柳比較鬆軟而有肉味，而任添椰菜也比較鮮甜；美中不足係醬汁選擇唔及日本多，但整體味道的確比較好。另外仲試多一客自家制荔枝sorbet，味道一般；但伴蝶果D荔枝jello味道十足超市D荔枝蒟蒻咁，不吃也罷。

4月9日晚四個人黎食晚飯，要左三人餐＋神戶牛肉蝦set。一開始磨芝麻，好香呀！主角吉列真係幾好食，唔油，但凍得快，我食得慢，所似之後食0既已經係凍凍地。妹妹都話一開始食件豬柳好好味，又鬆軟又充滿肉汁，但後尾再食已經無咁好味，所以建議係，要食快Ｄ！個牛肉好林，但我都係鍾意海鮮多Ｄ（今次有蝦＆蠔）。本來睇落覺得好似好少野咁，但食落都好飽下（我只係食左少少飯），記住要食椰菜，因為真係會無咁飽滯。最後係起沙好甜0既西瓜。總共食左七百蚊，都貴0家，但間唔中食下都ＯＫ啦。

呢度絕對係小妹o既飯堂，皆因另一半勁鍾意食tonkatsu，每逢初一、十五都總要o黎食過至安樂。強列推介$135一客o既吉列豬柳定食(記住唔好叫錯豬扒呀，無論肉質、味道都同豬柳差得太遠！)；當然任添o既日本米白飯同鮮椰菜亦十分正。食得太多ton，今次試下新口味，叫o左個$175吉列帶子定食；原來$175既定食只有帶子三大粒，的確係貴一D！不過D帶子都好大粒，okay啦。帶子裡面冇炸熟到，明白新鮮帶子應該冇乜concern，而且裡面亦會因此冇咁「鞋」；但外面熱辣辣但裡面生生地凍凍地，食落有D怪，又冇o左香口！下次都係叫番吉列豬柳好過。相裡面就係吉列帶子定食。

I went to this shop not many customer but most of them are Japanese.The food are good & not oil.I order a set for two & sushi set total $560.The pice is acceptable.

lunch 時叫左2個拉麵一個刺身, 雖然佢地出名係吉列, 不過其中海鮮拉麵自己都幾欣賞佢d用料, 而吉列豬扒拉麵都唔錯, 豬扒鬆化, 不過就唔係幾鐘意佢地d燒汁, 都幾酸濃下. 個刺身都唔錯, 係d蝦唔多新鮮.地方都唔錯但服務一般~

尖沙咀店除katsu之外依家仲有魚生；叫o左個細o既雜錦魚生，百幾蚊一客，用o左隻玻璃船盛載，賣相唔錯。魚生有三文魚、甜蝦、油甘、帶子同三文魚籽，好新鮮；尤其係salmon roe，又爽又鮮甜，好正！但店員話尖沙咀店至有魚生食，CWB店冇o嫁。不過，始終o黎得呢度都係食katsu居多~另加一客$13x至愛炸豬柳定食，同男友兩個share剛剛好，又唔會咁熱氣。仲食o左個新o既甜品士多啤梨玉子花伴燕窩，$45，整到成朵花咁，好靚；當然唔會期望有好多燕窩，玉子好滑，味道都ok。相中就係魚生船同士多啤梨玉子花伴燕窩。

呢度d大蝦同生蠔炸完裡面仲有好多汁好爽口...雖然貴d...但係值嫁...我仲o係門口見到周杰倫個簽名添呀!

上星期六和男友一試這間好評如潮的吉列餐廳,果然名不虛傳.它是我所試過的吉列中最好的,海鮮很鮮甜,炸得鬆脆卻無油膩感覺.海鮮中以帶子及蠔最鮮,炸豬柳的肉汁很豐富不過論味道卻不及海鮮.埋單共300多元.不是不好吃,不過獨沽一味稍嫌單調.如果到火間土是吃氣氛及裝修的話,那麼這裡一定是為食物而來.

話晒都係呢間店o既長期客仔，點都要寫下。環境方面，雖然呢度冇銅鑼灣o既無敵維港靚景，但係家庭客多D，所以舖裏面冇咁多人食煙，空氣好D。可能好多人會覺得用百幾蚊食日本吉列katsu唔係好值；其實要整靚o既katsu，並唔容易。當年o係日本o既時候D日本仔曾經帶過小妹入間吉列專門店o既廚房睇過，原來每件katsu都要用兩個唔同溫度o既油鍋炸兩次；而且用料要靚，ton(豬柳)要用豬最靚o既部位，海鮮又要大件同新鮮。講番Tonkitchi；必食tonkatsu吉列炸豬柳，又香又鬆軟，並非一般炸豬扒可以比較。不過Tonkitchi只得最普通果隻醬汁來配豬柳，要其他汁就要另外加錢，唔似得o係日本咁有好多醬汁可供選擇。通常會叫tonkatsu set，$135有4粒豬柳+面豉湯+白飯任添+椰菜任食；白飯係用日本米，好香好甜。椰菜雖然係生食，但本身已帶甜味，加少少醬汁好似食沙律咁都唔錯o嫁，而且幾有營養添。相中就係$148吉列炸蝦伴豬柳set。

又話香港個市唔好? 今時今日星期五9pm 都要等位~<br />依家有二人套餐, $38X~ 有湯, 飯, 炸豬扒, 炸豬柳, 炸蝦, 炸蠔, 炸軟殼蟹, 同甜品~ 炸豬扒同炸豬柳真係唔錯~ 其他ok啦~ 整體都幾滿意, 不過都係CWB 好d 喎起碼有海景睇~<br />味道: 4; 環境: 3, 服務: 3, 衛生: 3, 抵食: 3