丼吉日式吉列豬排專門店 (彩星集團大廈) (已結業)

早幾日開展了未定完成日期的減食大計．就在這一晚失守了..沒有辦法～實在有太大的吸引力趁著Happy Friday 跟老公仔訪此店二人餐著實太大份了．所以分開點了兩個餐1.蝦+豬扒2.蠔+豬柳最美味的是豬柳．非常Juicy~接著就是蝦＊..十分新鮮豬扒的肉就似乎實了一點~至於蠔嘛... 確實十分鮮甜肥美...但兩公婆都不是太好此物... 總算試過吧～所有的吉列粉漿都不是太厚．終於有一種是吃食物不是別粉的吉列!雖是炸物..卻不是弄致滿口都是油~!!椰菜~混入紫菜汁或柚子汁都好味~清新的口感...剛好中和吉列的油膩~服務員態度好得驚人常主動的問客人是否需要添菜..添飯~亦會主動講解醬汁的用法~ 很貼心＊飯後送上cash coupon...確實令人想要一吃再吃...

昨晚第二次到訪這店。第一次已是年多前﹐也是跟好友MT去的。昨晚本來還有另一好友L (三劍俠??)﹐但她病了﹐所以只有我們。之前撥電來訂位時﹐它們說週末晚上七時後不可以留位﹐所以就訂了七時。入去已見坐滿八成﹐因為MT是常客﹐就等她發版-- 這裡出名就是吉列東西﹐所以就叫了個豬扒定食﹑一個雞扒定食﹑還加了一件豬柳($40一件)。菜還未來﹐就先上了一碗芝麻-- 把芝麻"雁"碎﹐然後加醬汁﹐用來點炸物。最大的是醬汁﹑另外兩小瓶是放在耶菜的沙律汁(一個是柚子汁﹑一個是紫菜汁)。上菜很快﹐不一會就來了: 左邊前面有豬柳(切了兩件)﹑後面是雞扒-- 豬柳多肉汁﹐一流﹔雞扒也不錯。右邊是豬扒-- 亦很好味﹐難得是炸得不太乾﹐配上剛做好的芝麻醬汁﹐很好吃。另附上芥辣-- 香。加多$24 (如果沒記錯)就有咖喱汁﹐用來伴飯超好味。白飯任加﹐如果我們三個人來﹐大概叫兩個定食然後多添些飯也夠了。耶菜任加﹐這個是加了柚子汁的樣子:加了紫菜汁的樣子-- 兩個汁也好味﹐兩"溝"也好吃﹐就是因為有這兩個汁﹐所以吃了很多耶菜:飯後送水果-- 西瓜清甜。埋單不用$360﹐朋友有$80 cash coupon + 85折咭

上月和兩位家人來吃晚餐\，其中一位遲到，所以先點了兩個小吃，人齊了再開懷點菜。軟殼蟹夠香夠酥化，沒有油淋淋，先加了印象分。角椒八爪魚(名字不確定)點點的酸辣非常開胃，角椒很爽脆，叫我吃不停口。主菜我們點了很多，都很乾身的沒有油膩感，而且十分鬆化，很可口。海鮮類不算很突出，但帶子的確很大隻，應有足一吋厚吧，奈何口感較粉。肉類則不錯，豬扒有咬口，豬柳肉味較佳。伴吃的醬料都很惹味，最愛沙律/他他醬。任吃的椰菜絲又是一驚喜，刨得非常的幼，味道鮮甜，沒有一般生椰菜的苦澀味，西柚汁很醒胃，紫菜汁又很香口... 我們加要了大大的一盤呢！我是第一次來，環境比想像中高級和寧靜，服務也不錯。平時不太愛吃吉列食品，覺得總會吃得一口油和炸料碎，裏面的食物又乾又韌，但這裏的令我吃得很開懷。看相片-http://home-and-garden.webshots.com/album/558926998zwDtnM

下大雨的晚上, 又來了這裡. 不知是否雨太大, 濛濛查查的, 竟入了隔離鋪.終於坐低, 都係叫個幾樣例牌. 其實選擇都不太多, 都係揀炸乜, 同埋要唔要汁.先盅一盅碗芝麻, 都係係度食的例牌餐前節目. 都未盅完已經有得食, 效率係好快.吉列生蠔豬扒定食: 9分, 生蠔係幾新鮮, 炸過之後係不太腥, 文迪食都無問題.豬扒肉係實了點, 但點了醬汁都係好好送飯.吉列大蝦豬柳定食: 9分, 大蝦好像沒有生蠔般有鮮味, 感覺上比較多粉, 但豬柳比豬扒的肉較鬆化.雖然係炸物, 但炸得唔油, 熱辣辣, 相當吸引.而度係白飯任裝, 只要你問, 白飯係源源不絕的供應. 用沙律汁或者醬汁去撈飯都好正.沙律都係任裝, 撈西柚汁係好清新. 食炸物有大量沙律中和下都幾好.加上飯後的西瓜, 滿足的一餐.想要食吉列食品, 都係來這裡為上算. 係貴了點, 但真係值回票價.

同2個friend叫了一客三人餐, 有幾件豬柳, 一塊豬扒, 3隻蝦同3隻蠔. 雖然全部野都係炸嘅, 但係入口完全唔覺得油膩. 攞吉列豬柳同豬扒比較, 我覺得豬柳比較"林"同味道淡d, 豬扒比較有"咬口"同肉味重d. 天婦羅蝦就不過不失. 戲肉炸蠔就真係無得頂, 咬落去覺得好鮮味, 仲有蠔汁流出黎. 雖然散叫要35大元一隻, 但都忍唔住再order多3隻. 另外餐後奉上每人3片西瓜. 服務方面, 侍應服務態度好好, 不過有試過想加茶時找不到人, 要等一等.環境都幾清優, 地方又闊落, 坐得舒適, 音樂又唔會太大聲, 係個同friend慢慢談天的好地方, 食完晒慢慢談都無問題(我地由7點幾開始食, 傾到佢地話last order)

元宵節同女朋友食飯, 雖然中國情人節的氣勢非2月14日所能比, 但總不能太馬虎, 因此決定試試這裡的吉列定食!其實早有來朝聖的心意, 食評也看過不少, 唯始終一直未試過。此店坐落廣東道, 確實相當方便。今次早定了位, 我們約6:30到, 店的人客也不多。我們坐四方枱, 看看餐牌, 我二話不說就叫了車海老定食, 女朋友看來看去, 我提議她叫炸蠔定食(因看食評指相當不錯), 最後她叫了豬扒蠔定食。活像在日本吃吉列一樣, 奉上芝麻木棒給客人磨芝麻, 感覺相當地道, 也可避免芝麻的香味流失!等了一陣子, 食物終於來了, 賣相相當有看頭, 車海老足有十吋長, 一客兩只!蠔有兩只, 加豬扒一大塊!先說蠔, 女朋友吃了激讚, 坦白說我一向對蠔也是「麻麻哋」, 但一口吃下, 第一是新鮮, 熱辣, 香脆!第二個感覺就是很新鮮, 最後就是感覺太少(只有兩只)。連我自己也有點吃驚, 因為我還有想再吃蠔的感覺, 真的少有!!車海老方面, 新鮮滾熱辣不用說, 海老是新鮮貨色, 蝦頭多膏, 不只頭, 是由頭至尾均有一條橙紅色的蝦膏呢!蝦肉不用吃也很有彈性, 為什麼呢?因為真的很大只, 切來吃時已感覺到肉質充滿彈性

最近都好忙冇時間寫食評之前都好多人話呢間野好食架啦情人節就來左呢到食!之前confirm左2月14當日冇日訂位, 所以早少少就來左等位啦!可能我地早左少少(7pm左右)等左一陣間就有得入去食一到左個姐姐就sell我地飲杯西瓜汁, 10$杯, 但係感覺係加左好多水既西瓜汁, 中計了!叫左個2人餐... 4xx$睇佢個list好似好少野食咁, 點知食落就好鬼飽!樣樣都有.. 炸出來既野食冇我想像中咁油, 好好食!!由其係炸蠔! 連我本身唔多鐘意食炸蠔都覺得好正, 其他野食都幾好! 服務還ok...但係感覺上就咁食炸野好似貴左d!

上星期第五撃，是與朋友在尖咀的即興飯局。朋友對食物要求頗高，知他鍾情日本菜，我便提議這間大受好評的吉列專門店。不辱使命呢!　當晚點的是精選二人餐，包括了飲品x2、三文魚刺身5件、味噌湯x2、吉列豬扒x1、豬柳x2、炸蝦x2、炸帶子x2、咖哩及飯，以及特選甜品兩客。由於很想食炸蠔，我想過點其他二人餐，不過最終捨不得三文魚刺身及甜品，決定另散叫兩隻炸蠔。　飲品是檸檬什飲，酸酸的很開胃，甜味適中很不錯。三文魚刺身則較普通，始終都是炸物最精彩：先吃炸帶子，如此肥大肉厚的帶子我都是第一次嚐，感覺是滿足又美味；其次試炸蠔，嘩嘩不得了，生蠔本身超級鮮甜肥美，炸香了吃下去非常滋味，$35一隻亦是物有所值!個人認為炸豬柳及豬扒味道分別不大，當然也是有水準的；也許是最後吃的關係，炸蝦反而未見出色，同樣是炸，不少地方的天婦羅做得好很多。　佐菜的醬汁以他他汁最為滋味，適量的海鹽也不錯，芥辣就一般，而自己手磨的芝麻醬就好玩有餘，美味不足。還有伴碟的椰菜絲也爽甜好吃，添了一次；其實味噌湯、珍珠米飯及咖哩汁及都不差，不過再沒有胃納了...　當然，再飽甜品也不可錯過；當晚甜品是荔枝雪葩伴清酒jelly，味道清甜而精緻

四個女仔來試試聞名的吉列食品。我們叫了幾個set，每個加廿多元會有一大碗有菜有肉的湯，味道不怎麼樣，喝過後已飽了三份一。侍應姐姐為我們介紹不同醬汁怎樣混和與甚麼同吃，聽得我頭昏腦脹，我只記得那個和手磨芝一起混的醬用來點豬柳很好，以及那個芥辣太搶，配甚麼也不太合適。吉列蠔真的是一流，一咬下去肉汁緩緩流出。至於吉列豬柳和豬扒，相對下便沒有驚喜。當然，食物是炸得恰到好處，這也不用詳述。老實說，是吃得很飽(很大碗飯呢)，但每人二百元著實不便宜。就當日所見，在場人士多是三十多歲或以上的中產，我們四個o靚妹在hee hee ha ha，份外礙眼，嘻嘻。

四個女仔來試試聞名的吉列食品。我們叫了幾個set，每個加廿多元會有一大碗有菜有肉的湯，味道不怎麼樣，喝過後已飽了三份一。侍應姐姐為我們介紹不同醬汁怎樣混和與甚麼同吃，聽得我頭昏腦脹，我只記得那個和手磨芝一起混的醬用來點豬柳很好，以及那個芥辣太搶，配甚麼也不太合適。吉列蠔真的是一流，一咬下去肉汁緩緩流出。至於吉列豬柳和豬扒，相對下便沒有驚喜。當然，食物是炸得恰到好處，這也不用詳述。老實說，是吃得很飽(很大碗飯呢)，但每人二百元著實不便宜。就當日所見，在場人士多是三十多歲或以上的中產，我們四個o靚妹在hee hee ha ha，份外礙眼，嘻嘻。

由於同事試完"食評"都positive. 又見很久都未有嚐到taste good的吉列食物(坊間大多不是厚粉少餡, 便是不夠鬆脆) 故走去試試。一份吉列定食range 由百五到二百吧. 我的感覺當然是蠻貴的. 不過一試無妨。我點了basic的吉列豬扒. 加了咖喱汁(加廿多元) 味道沒什麼特別。其後更知道若我不是加了咖喱汁, 原本是會跟一碗有芝麻的配料!!幸好吉列食物沒有令人失望. 炸得非常鬆化香口. 配菜加調味, 真的可以refill, refill 再refill呢!

尋日平安夜, 我同我男朋友去左食個2人餐食物如下三文魚刺身<-- 好好味, 好新鮮炸豬柳炸豬排炸帶子炸蝦白飯&菜任加朱古力mousse雪糕配料有自己磨既芝麻加豬排汁同埋幾種汁.. 都好好味!total 480 加一總括黎講都幾好味.. 不過覺得有d唔抵咁la!!

1-12-2006太座好耐無食吉列豬柳及生蠔，今晚就盡情食番夠本。辣泡菜豆腐，豬柳定食，生蠔定食。辣泡菜豆腐香辣開胃，豬柳依然鬆軟有肉香，我有個習慣將所有未食的豬柳都分開，目的是不想它們因餘溫而過熟。生蠔唔使講，超好食又肥美，加埋介茉真係無敵，不過一定要熱食，涼了就變成兩個世界。不經不覺光顧了Tonkichi已十載，由世貿到尖咀分店，水準一直保持，實在是難能可貴。

呢度o既吉列豬扒一向出名好食, 不過都幾貴, 所以都諗左好耐先黎試.食物黎講選擇不算多, 只是環繞著豬扒、蝦、蠔、帶子的組合, 我同老婆分別叫了一客咖哩豬扒定食同一客炸海鮮定食.所有定食都包括麵豉湯同菜絲沙律, 豬扒端上檯時已聞到香味, 食落果然外脆肉嫩, 非常鬆化, 還保留著肉汁. 相對豬扒來說, 海鮮就比較失色了. 當中以蠔比較做得好, 蝦本身不是靚貨, 不彈牙亦沒有蝦味.值得一提是有一個紫菜味沙律汁, 酸甜之中帶著濃郁紫菜味, 配合得出奇的好, 相當特別.這餐我倆都覺得豬扒最可取, 其他都沒有甚麼出色, 中規中矩.服務方面很週到, 侍者們個個都笑容滿面, 又樂於介紹各種食物及食法, 還經常詢問是否要添加沙律, 相當有禮.埋單$360

想呢間好耐架喇, 見大家都激讚,冇可能唔試家嘛!但見到個價錢, 都唔會話試就試,至少要番個同道中人.上星期, 本人有幸邀得姚東師傅同往,心情緊張,萬分期待.去到環境舒適,當堂心裡一喜,因小弟向來厭惡狂嗌勁嘈既人.食:-黃蘿蔔, 爽口, 唔錯-面豉湯, 不太淡, 又係唔錯-耶菜, 正, 好清新囉, 仲有2種汁配, 柚子汁, 清新之選, 紫菜汁, 野味之選, 2隻撈理都仲得! 佩服佩服!-炸蝦, 咁既價錢, 炸得唔油就梗架啦, 好既地方係蝦大隻又彈牙, good ! 加埋沙津醬, fit.-炸豬柳, 唔乾身, 加埋佢個自磨芝麻醬汁, 又係讚啦.-炸蠔, 有冇搞錯呀, 好食成咁, 離譜掛! 隻蠔勁肥美, 勁正囉, ok ? 食時真係有愛不惜手, 唔捨得食既feel. 激掂!! 讚讚讚讚讚!服務好好, 加茶加耶菜, 唔駛人叫.會再幫襯, 就係為佢隻蠔! 我相信好多人都同我一樣想好豪咁蠔情一番!