丼吉日式吉列豬排專門店 (彩星集團大廈) (已結業)

4月9日晚四個人黎食晚飯，要左三人餐＋神戶牛肉蝦set。一開始磨芝麻，好香呀！主角吉列真係幾好食，唔油，但凍得快，我食得慢，所似之後食0既已經係凍凍地。妹妹都話一開始食件豬柳好好味，又鬆軟又充滿肉汁，但後尾再食已經無咁好味，所以建議係，要食快Ｄ！個牛肉好林，但我都係鍾意海鮮多Ｄ（今次有蝦＆蠔）。本來睇落覺得好似好少野咁，但食落都好飽下（我只係食左少少飯），記住要食椰菜，因為真係會無咁飽滯。最後係起沙好甜0既西瓜。總共食左七百蚊，都貴0家，但間唔中食下都ＯＫ啦。