丼吉日式吉列豬排專門店 (彩星集團大廈) (已結業)

Highly recommended. Have been to the Tsim Sha Tsui shop and Causeway Bay shop regularly for a couple of years. I found their quality of food has been very consistent... consistenly high. I guess many of us have the experience of feeling unsure about recommending a good restaurant to our dear friends. We want to share with others the excellent food that we found, but very often the good quality cannot be sustained and even ourselves are so disappointed. My favourite: (1) Pork chop - persona

昨日朋友旋風式來港12小時, 由於有事要來尖沙咀, 就同佢來呢度食埋午飯. 原來星期日有拉麵午餐, 價錢雖然吸引, 不過來得就當然要吉列定食啦! 我們都點了吉列豬柳大蝦定食. 搬家後的豬柳依然美味! 比起早前在日本一間吉列店吃到的鬆化豬柳, 多一點"肉"的感覺, 而且更乾身無油. 加埋芝麻豬扒醬, 真係好回味. 炸蝦啖啖肉都好味. 紫菜醋同椰菜絲幾夾. 不過如果可以少一隻蝦, 比多件豬柳, 即係3件豬2隻蝦, 就更o岩"食送"飯. 不過我就懷念日本那個蜆仔湯多過呢度的麵豉湯.不過唯一令我覺得有dd煩係, 一坐底就會有人問你要唔要加十蚊要杯西瓜汁, 點餐就問你要唔要加幾多轉另一個湯, 食完又會問你加唔加錢要南瓜雪糕, 真係有d似搶. 仲要我們飲完西瓜汁, 食完主食, 送上來的生果又是西瓜, 咁我使乜要西瓜汁wor.

It is so good that in Hong Kong we can taste a genuine decent tongatsu. Tonkichi maintains its good quality for so many years. From every minor things - the sauce, the dish set, etc, you can rest assure that this is a restaurant servicing you exceptional food and service. Their services and friendly staff will make you feel like coming back to home, which is typical in Japan but very rare in Hong Kong. Food is not cheap but is very good for value - and I will recommend to true gourmet to tr

之前響Pokka前少少既地舖~ 家陣搬左去加州紅樓下既basement~ 裝修好左好多~ 而且亦都好坐左好多~我本身好鍾意食炸野的~ 呢間既炸野真係炸得好好~ 又脆口~ 又唔油膩~ 加上日本既椰菜絲係無限添加的~雖然佢既野食價錢都偏高~ 但係好值得去食~ 因為真係物有所值的~上星期朋友同我去果度食野~ 我地叫左一客魚生拼盆~ 估唔到佢既水準都好好的~ 又新鮮~ 又大件~ 有三文魚、油甘魚、甜蝦、帶子、八爪魚~ 我本身好唔鍾意食八爪魚的~ 但佢呢度既八爪魚又幾好味~ 反而甜蝦就細隻左D~Remarks : 呢間野都有好多日本人去幫襯的~ 如果佢唔好食~ 都唔會有咁多日本人去~ ^++++^

(23/7/05)姊姊好早前推介過, 但太貴而久久未光顧。直到而家人地加晒價我先嚟。唉....因為有coupon送三文魚籽卷(價值$68)。個卷真係好食嘅, 粉皮好煙un。飯食叫左三文魚生飯定食(仲有三文魚籽拌住),三文魚好新鮮, $78哩度算平架喇。我叫左吉列炸蠔定食, 嘩! 簡直去左味吉陽一的景界, 唔油膩、蠔亦唔係縮水蠔, 有蠔汁, 超正! 蠔有6件, 白飯、菜絲任加, 碟日式蛋黃醬更是出色!!定食可把西瓜轉為, 鮮奶、咖啡布甸(+$15)。見一場嚟到, 侍應推介, 好啦! 哩個又係驚訝之作, 兩件心形布甸, 鮮奶味嘅, 好香/重奶味; 咖啡味唔會太奶或太甜, 味道剛剛好, 仲苦苦地tim! 賣單前, 侍應會問客人意見。我以為炸野炸得咁出色, 是日本廚, 原來唔係, 佢地全部都係香港人嚟嘅。哩度貴係貴D, 但感覺真係滿足過去食buffet。論環境、服務一D都唔迅色。

一間日式炸物專間店, 剛剛搬了落B/F, 比較隱閉, 店內裝修不俗, 而服務員專業有禮, 有問必答, 亦懂用流利日文和日本人溝通...呢間既日式炸物係食過之中最好嘅, 而且唔覺油利…由於二人餐沒有吉列生豪, 所已我叫了兩個雙併定食, 有前菜, 麵豉湯, 白飯, 4款炸物及生果...吉列豬扒ok, 配有需要自己磨碎的芝麻, 別有一番風味, 至於吉列帶子和蝦就幾大隻, 有咬口同鮮味!!! 但最好食都係吉列生豪, 入面十分鮮味和嫩滑, 係其他鋪頭不能比較的…而d椰菜配上特製柚子汁都幾好味雖然價錢較貴, 但有這樣水準算是物有所值...

今日同個朋友叫咗兩個吉列雙拼定食，豬扒、生蠔、大蝦同帶子都試勻，D炸物一D都唔油，仲好新鮮添，特別係個炸生蠔，好好味。仲有，D侍應好NICE，我好煩咁問咗好多問題佢地都好有耐性咁答，真係唔該晒。仲有，見到好多日本人去果度食添，感覺好地道。只係價錢都幾貴囉。

厄人既~~~~~5月去食果時啦~埋單話尖咀店會裝修落下面，仲送張50蚊coupon過我去試下。等我等到6月去試啦，嘩!!!!!!!我無睇錯個餐牌呀嘛~樣樣野都加哂價喎！個2人餐~我無眼花丫嘛~由368超高既價錢再加多70蚊變左438一個二人餐！無野呀嘛~3百幾蚊幾件炸野加白飯，已經夠貴架啦，自己搬鋪裝修竟然搵d客黎開刀？你無野呀嘛？我之前食既時候都覺得呢間吉列店好得~舒服又好食，不過由佢搬鋪加價開始就唔會再去啦，簡直當d客死架，一加加你70蚊, 同個侍應講，佢答我:我地多左好多醬汁呀嘛~所以加返少少囉。一個2人餐加70蚊，算係加左成25%價，咁都叫少少????仲有呀~我而家先知佢d炸野其實一D都唔特別架，大家有興趣食炸野, 不如去新港樓下CITY SUPER果個FOOD COUNT食味吉啦，D味道係一模一樣~我完全覺得佢既炸蠔係一樣咁好食，但人地只係賣緊18蚊兩件，人地FOOD COUNT已經叫好貴，我係FOOD COUNT果度，叫個2人餐，都係98蚊，有兩件魚柳(超滑~保證~)兩件豬柳一件豬扒兩隻炸蠔兩件炸蝦同埋椰菜絲。如果大家同我一樣去食過一次，我相信無人再會願意去比人劏你500蚊

吃了一個Cat小黑貓於04年5月8日吃的二人套餐，相隔一年，價錢由三百多上升至四百多。如網友所講，一坐低果然先問你要不要西瓜汁，睇完openrice當然識點答。食物：軟瞉蟹有少少羔, 但炸得太油。豬柳可以，豬扒有點乾。炸蝦幾大隻、實肉，做得好過好多日式小店，但蝦味唔夠，不知道是不是因為吉列，所以影響鮮味，要待高人指教。炸蠔十分好吃，有汁又夠鮮。點菜絲的醬汁好好味，令我不知不覺吃了好多菜絲。咖喱汁跟飯分開盛載，朋友不吃辣也可以叫這個套餐。單尾侍應提議加$15把西瓜轉咖啡布甸, 啡色那個味道和樣子都是一個罐頭咖啡奶凍, 白色那個味道怪怪, 朋友估計它可能在雪櫃中感染了其他食物的味道。講真埋單五百多元我覺得有點貴, 但那隻炸蠔又真的令我念念不忘…

雖然上個禮拜去了銅鑼灣店, 但得知尖沙咀店重開, 結果又去了. 新裝修很舒服, 比舊店和銅鑼灣店都好.吉列維持高水準. 其中吉列蠔特別好, 吃了很多還忍不住叫了一客吉列蠔(5隻)... 服務一流, 尤其是每次都很友善的那位Waitress小姐. =) 雖然是貴了點, 但是是物有所值.

對於一個一向不太喜歡日式吉列炸物的我，食完呢餐之後都忍唔住要公諸同好，呢度吉列炸物真係好得，裝修後的環境又好，招呼又一流，溫室生菜同飯任添，加入生菜調味品都有供應三四種，實在值得一試。

星期六晏晝同阿媽嚟試吓。點了兩個set：- 雜錦海鮮($150)- 咖哩扒($138)另外喺侍應小姐推介下，要埋和風沙律($20)先上沙律，普普通通，冇乜特別，志在酸酸地開吓胃。咖哩扒跟著到，好失望！件扒唔係咁得，質地有啲「鞋」。連啲飯同麵鼓湯都係唔多好味。好在雜錦海鮮嘅蝦同蠔都好正，外面香脆唔油，裏面又夠新鮮，叫做搶番啲分。不過以咁整體食物質素，唔值收咁貴，我勉強俾個OK佢。另外，嗰度裝修真係好簡陋，我哋話就話坐喺非吸煙區，但係吸煙區同非吸煙區之間只係隔著一瑰矮屏風，我哋一路食，一路俾二手煙「攻」住。聽講佢哋下個月就搬過去隔離大廈，希望可以改善吓。

全店都係食吉列，炸得十分香脆!仲有好多日本人去食，很地道的啊!全店都貼了好多明星簽名tim!

全部吉列食品都不油膩, 極之好味. 兩個人吃了個三人套餐都OK. 任吃的椰菜絲非常爽口. 可惜沒有大伙人去,不能試多幾款食品. 甜品是自家製的朱古力慕絲, 不太甜, 非常好.Waitress 小姐不但日文了得, 又nice, 而且仲....很耐心介紹不同的食品的特色, 真是不錯. ;-)

尋日同朋友約了在尖沙咀食飯，他說想吃日本食品，行過這裡，見有位，吉列店只去過世貿店，又未來過這裡，就兩條友入來幫襯。一點幾，人客不多。呢度地方算唔錯，但當然比不上世貿那邊。午市有一系列套餐，朋友要了吉列海鮮加三文魚刺身的，而我就要了珍寶豬扒拉麵。明知這裡的拉麵好不了那裡，為的就是那塊炸豬扒，果然是沒有令我失望。炸得炸皮鬆脆，不算油，豬扒肥廋合度，腍身得來又不失咬口，亦沒有化學品的痕跡，令人吃完一件又一件。雖然是薄身了一點，但幾十蚊貨色，算係咁，仍然係咁有水準；在吉列店，湯麵只是填肚的東西，不值得多花精神去看湯底及麵身如何，總之一句是麵身幾爽口，味精又一定有。朋友的炸吉列海鮮也不錯，但相比之下，當然是吃招牌的炸豬扒為上算。埋單一百六十多，食物有水準，唔算太貴。如果喜歡日式炸物，這裡當然不能錯過。