丼吉日式吉列豬排專門店 (彩星集團大廈) (已結業)

I have dinner with my husband in last night, for his birthday celebration, it is my first time to try that, so many friends recommed,,,um,,, I think not "very very good"law~ quite expensive,becoz the pork is little "un" ,,,and my husband also said not "very very good".

星期六晚八點行過落去望吓見到唔係好多人等咗十五分鐘就有得入座.其實已經對香港食店的日式吉列食物完全提唔起興趣!因為中招次數太多,無一間有日本嘅五成水準.估唔到呢間會例外!本來叫咗豬柳拼蝦同豬排拼蠔,但係嚟錯咗兩份豬柳…豬柳---肉質尚算嫩滑但調味略縑不足,偏淡!但已經嬴咗好多店舖幾條街!(始終懷念喺淺草咐近食過嘅成吋厚吉列豬排!)蝦---個皮上得好靚唔會一咬落去就解體! 蝦都幾大隻唔似出面其它食店,炸出嚟就大喇!但一咬開隻蝦...蝦肉仲幼過筷子果Ｄ衰嘢!蠔---呢個真係好食!咬開無腥味同唔會水汪汪! 如果唔係飽飽地會再Order!飯---差少少!因為偏爛唔係一粒粒.服務都唔錯如果減少港式日文會好好多,係張枱較為細張,距離同隔離枱好近!(有Ｄ人出街食飯好鐘意攞埋家事出嚟傾)呢樣嘢…唔係咁多人有興趣知!

點了2個定食, 有生蠔, 豬扒, 帶子, 炸蝦. 期望太高反而沒有驚喜, 最喜歡生蠔帶子, 豬扒就普通了. 裝潢都幾有特色, 2塊鏡凝做空間, 睇落大好多, 建議分開 order, 差不多食完再點 / 分開上. 冷氣較強, 冷了的吉列味道馬上差一截. 上菜都幾快.

一個月前, 原本想食銅鑼灣o個間 .......... 點知, 已經係 book 緊三個月後o既 table最終, book 左 tst ............. 之前聽人講過話態度或食物都唔及 cb o個間食完之後, 發現又唔係 wor, 都 ok worserve 我地o個台個女仔仲非常好 tim 是日食左個二人套餐 HKD 520 + 10%...... (因為剛好有哂我地想食o既野)包括: - 2 杯飲品- 三文魚刺身- 2 件帶子- 2 隻炸蝦天婦羅- 2 件豬柳- 1 件豬扒 (cut 開左 5 - 6 pieces)- 2 份甜品 - 及湯 / 菜 / 飯兩個女仔食, 真係飽到上心口, 最終都食唔哂個人建議...........如果唔係食好多野o既人散叫會抵 d ....... 平均一個人平 60 - 70 蚊左右但係, 就無野飲 + 甜品 推介 - 1) 帶子 ---> 好人隻 ----> 滿足 2) 甜品 ---> 荔枝雪芭 配 sake jelly 做底 因為本人好鐘意食荔枝 係時候 .... 去相 (用

成日都聽見朋友話有一間食炸豬扒好出名既日本食店，想試好耐！結果終於試到喇！就係呢間啦！好彩我地早去咋，六點幾已經去到！七點幾出面已經排隊排到癲咗！圓圓嗰兩款係沙拉汁！有紫菜同西柚兩種！紫菜嗰隻好好味架！仲有碗芝麻係比你整碎佢，然後加豬扒醬架！我地點咗炸豬扒加蟹肉薯餅，仲有炸蝦！其實係好味既，不過就唔係好食得咁跨張！只係站於愛食吉列野既人仕嚟講，佢既吉列認真唔錯！但又未至於外面炸得好好而裡面充滿肉汁！唔乾其實都算好有功架！而個沙律菜絲方面，佢會不停幫你refill，服務都ok！

04 nov 2008 dinner耐唔時都會嚟食, 因為佢地d炸蠔實在好好味~約6:35 walk-in去到, 4個人但仲差1個嚟緊, 見到d枱都無人, 係都要齊人至比入, 好嬲~(到6:45齊人終於比入)3個order咗炸蠔set, 1個order咗蘿蔔醋汁配炸豬扒. 其中2個+$28轉雜菜湯.(我好鐘意飲架,貪佢夠多料)我覺得d炸蠔好似細隻咗, 無以前果d咁大隻, 但仍然係好味既. 但個雜菜湯好似無以前咁好飲, 咸咗d.咁我同1個朋友食完啦, 佢地好快手就過嚟收野, 仲上埋西瓜tim. 連另外2個未食完既朋友果份都上埋....駛唔駛咁急呀.咁到大家食完傾吓計啦, 個侍者比個menu嚟問我地有無興趣order d甜品, 又話佢地d蕃薯雪糕好出名咁, 但我地大家都好飽, 已經話唔駛, 但個menu仍然放响我地枱面.如是者响我地傾計途中, d侍者問咗我地不下數次, 每次語氣都唔太好, 好明顯想我地交枱囉. (我地坐响比較入既位置, 唔知係咪好多人等緊位)佢既態度令我地覺得好討厭, 佢越係咁我地越唔走, 你奈我咩何? 睇怕我地嚟既次數都會減少lu.

特登係平日既晚上,六點零去食,貪無人排隊叫左一客炸蝦+炸蠔定食及豬柳定食,另加錢轉菜湯同埋一杯西瓜汁炸蠔肥美juicy,炸蝦夠大隻肉又厚,豬柳亦肉嫩可口椰菜絲切得夠幼細,點柚子汁可食過不停但加錢轉個菜湯無料到,西瓜汁又好淡,唔建議叫總括黎講,想吃吉列野既時候都可以一試,但如果款式方面多d就好同埋我一定唔會排隊黎食~

同一間食店寫兩次食評,原因係今次真係令我失望之前睇過其他人的食評,都有講佢水準差左,但我經常去食都唔覺,但今次去就明顯feel到差左d 上星期某晚,同老公豬又去食, 去到要等十幾個, 於是行一陣, 再返轉頭d人走左好多, 好快就入得了, p.s. 之前唔會電話通知就快有位, 而家會叫你行陣先, 差唔多到會打電話call, 我覺得幾好坐低例牌叫豬扒拼大蝦, 豬柳拚蠔兩個set, 炸軟殼蟹,西瓜汁做緊特價10蚊杯,叫左一杯,之後加左28蚊將麵豉湯轉菜湯野食好快到, 第一個感覺係:點解size細左ge!? 蠔比上次細左三分一, 蝦就差唔多, 但豬扒同豬柳好似瘦身咁, 比不嬲食開細左味道方面, 豬柳令我最失望, 之前食開係唔韌,林林地,有d嚼勁, 但今次係好林, 林到好似煲完湯咁!! 雖然未至於難食, 但同平時的水準有差距! 其餘的就差唔多, 唔係太大退步, 但好似冇之前咁好食了...只得軟殼蟹保持水準, 熱辣辣真係要改善下, 作為我最喜愛的食店之一, 我真係唔希望佢會越黎越差

因為八五折吉會係九月尾過期,今日同屋企人去食TONKICHI ~~今次第二次食, 食既野多過上一次~因為多人, 可以試多d~~!~!我地六個人, 平均消費$180~ 好貴但好飽好飽, 而且質素不錯~~今次我地叫左幾個前菜，有1. 吉列薯蓉~ 一般~ 唔係太抵 $26 一小舊~2. 薯仔沙律, portion 同價錢唔成正比, 好食既, 但好多地方都會有薯仔沙律3. 刺身沙律~~~ 如果唔想食炸野係可以食個沙律的~~但如果你叫左定食, 就唔好叫li個, 因為你個定食都會有refill的椰菜~~~而定食有四個1. 幫阿麻叫左個滑蛋吉列豬扒定食, 有滑蛋同洋蔥, 仲有汁, 就唔會咁熱氣~~~ 豬肉厚而嫩，很有水準!!! (我地揀左分滑蛋豬扒同飯分開上)2. 三人定食 - 豬扒一塊, 豬柳, 蠔, 蝦各三件豬扒肉厚多汁~! 我地之後仲追加左個3. 豬扒拼蠔定食及4. 蠔拼蝦定食!!蠔真係ICHIBAN~!~! 食完想再食~!~!~蝦亦是不容錯過的~~豬柳就係喜出望外~~!~!因為好多人都話豬柳唔好味, 我今次第一次食, 佢火候剛剛好, 多汁而肉鬆軟, 好味過豬扒, 但我諗佢既質素應該會係唔穩定

星期六同波波去TST行街, 一早諗定食井吉, 所以5:50pm就到達, 但當時已經有幾十人等la...如果再遲d就無位喇...上次等過個幾鐘,有d驚我哋坐係四人枱,舒服d.豬柳拼炸蝦 -炸得好脆, d蝦好新鮮, 係覺得d豬柳無以前咁好食...豬柳拼生蠔 - 每次都要食蠔, 出面脆內面"林"又有蠔味炸軟X螜 - 又係炸得脆脆, 唔係出面雪將貨色另加HKD28.轉了一個雜菜湯waitress都依然係好努力咁為我哋加椰菜, 我最鐘意食, 加埋個柚子醋, 又可以加飯.....

星期日同男朋友行街,差不多6點鐘就搵下野食...行行下見到原來尖沙咀都有哩間吉列專門店,見咁早就博下會唔會有位啦,要到6點鐘先開始,哈哈.....只係等左10分鐘都冇呀就入得,(聽人講銅鑼灣個間要死等爛等個幾兩個鐘)原來銅鑼灣係總店!吉列豬扒 併 吉列大蝦(三隻)吉列豬柳 併 吉列蠔(兩隻)豬扒同大蝦一般,不夠厚身同蝦不算大隻,所以食唔倒o係日本食既感覺!豬柳肉質好鬆,好淋,正!不得不吃就係吉列蠔,好好味呀,大隻之餘仲好蠔味呀!仲好juicy 添呀!諗住散叫其他試下啦,點知原來散叫好貴架!!!蠔$40/1隻,帶子$50/1隻~~~~最後冇叫已經好飽了!!整體都係好味既,因為吉列好鬆脆,食落口又唔算油~

恨食好耐，前晚帶媽咪嚟井吉食生日飯，終於有機會一試。一個月前卜位話full咗，唯有walk in，五點九到已經好多人排緊，由於要齊人入，所以好快就有位。四個人要咗個三人餐&炸蝦豬柳定食，豬扒&豬柳冇想像中咁好味，唔夠juicy；本身唔鍾意食蠔，但講到咁正點都要試一啖，係好肥美好juicy，不過有少少腥；炸蝦最好味，大隻肉厚；椰菜絲好新鮮，加紫菜汁或柚子汁食，送飯一流，最鍾意個芝麻醬，點炸物好好味。環境幾好，個卡位好日本feel；服務都幾好，會主動問加唔加椰菜或飯，而且收嘢有效率。哩餐雖然整體唔錯，但覺得唔多值咁貴，套餐價錢仲可以接受，見佢散叫豬扒要$120，蠔一隻要$40，間唔中食一次好喇

我係呢間日式吉列餐廳o既常客,通常一個月會去三-四次左右, 但發覺近排除o左加o左價之外,份量好似比之前少o左.八月尾o係上海番香港之後食o左三次,兩次Lunch 一次Dinner, 有以下o既感覺:Lunch 1 : 與細佬及佢女友一齊去, 一入去, 認得我o個位黑衣經理話Lunch Set o個個珍寶豬扒拉麵賣完, 但確認有豬扒飯之後照食, 係貴少少. 我點o左一個豬扒炸蝦飯, 好似比之前貴o左幾蚊, 一上台, 豬扒細塊o左好多, 炸蝦就依舊. 一入口, 豬扒比以前乾了一點, 而且比以前瘦, 有點失望, 炸蝦依舊好食.Lunch 2 : 自己一個人去, 今次有珍寶豬扒拉麵, 比以前貴o左十蚊 ($78->$88), 上台, 豬扒已不"珍寶", 肉都係瘦, 但係炸o既質數仲keep到. 反觀拉麵個湯差o左好多, 以前充滿豬骨味o既湯忽然淡如水, 有點失望.Dinner : 同友人食叫o左二人Set, 都係唔明點解塊豬扒比以前細o左同瘦o左咁多, 其他野依舊, 不過其實佢地有冇諗過個餐可以分兩次上(如先上豬扒+炸蠔,再上豬柳+炸蝦), 因為一次過上o既時候次次食到最尾D吉列皮

之前個星期已經打去book枱,佢話dinner嘅booking已經去到9月中喇,不過只有3份一枱係for booking嘅,咁唯有早d去攞位啦~6點8去到,已經有人等緊位喇,我地有一個朋友因公事要遲d黎,令本來有枱都變左無枱喇~因佢地要人齊先入得呀~~朋友7點到左,結果要等到8點先有位,好彩我地之前早到,坐到出面果d椅,如果唔係著住高跟鞋嘅我地真係累死都似呀~~我地叫左炸軟殼蟹: 最快上,味道ok,但好油~~三人吉列set: 有豬扒,豬柳,蝦同埋蠔d蠔脹卜卜,炸左都唔會乾柴柴,仲好juicy,我唔係好鍾意食蠔都覺得超正呀~~蝦都幾大隻,好鮮味~~豬柳啖啖肉,食肉獸啱呀~可能以上幾款都好食,顯得個豬扒真係好一般,略乾,但就一定比出面果d好食嘅~~跟餐面豉湯,ok,但唔夠熱~~西瓜兩片: 起沙但唔多甜~地方濶落,即使唔係sofa位,d椅都幾大張,坐得好舒服~之前有人話d服務員煩到嘔,但我果日都ok啦,仲有時搵唔到個服務員加茶呀......佢地個茶壺好細,只有兩杯半水左右......(唔通佢預我地會叫其他野飲?!)下次想試埋佢地個帶子同埋再食好好味嘅蠔呀~~不過就唔可以成日食喇,除左價錢略貴

男朋友仔媽媽生日, 一家人黎左呢間野到食~我試左個豬柳+生蠔set~d食物炸得唔錯...唔會油淋淋或炸到好乾豬柳幾淋幾入味....整得唔錯特別推介佢d炸生蠔....真係好有蠔味&鮮味(我本身唔係點食蠔都覺得好味)不過太多炸物其實幾溜....個set都係食左一半到就食唔落(太溜)...要男朋友仔幫手食不過咁既價錢主要係食炸物就覺得唔算低食羅~~~~~