影片
更多
2008-09-10
17 浏览
我係呢間日式吉列餐廳o既常客,通常一個月會去三-四次左右, 但發覺近排除o左加o左價之外,份量好似比之前少o左.八月尾o係上海番香港之後食o左三次,兩次Lunch 一次Dinner, 有以下o既感覺:Lunch 1 : 與細佬及佢女友一齊去, 一入去, 認得我o個位黑衣經理話Lunch Set o個個珍寶豬扒拉麵賣完, 但確認有豬扒飯之後照食, 係貴少少. 我點o左一個豬扒炸蝦飯, 好似比之前貴o左幾蚊, 一上台, 豬扒細塊o左好多, 炸蝦就依舊. 一入口, 豬扒比以前乾了一點, 而且比以前瘦, 有點失望, 炸蝦依舊好食.Lunch 2 : 自己一個人去, 今次有珍寶豬扒拉麵, 比以前貴o左十蚊 ($78->$88), 上台, 豬扒已不"珍寶", 肉都係瘦, 但係炸o既質數仲keep到. 反觀拉麵個湯差o左好多, 以前充滿豬骨味o既湯忽然淡如水, 有點失望.Dinner : 同友人食叫o左二人Set, 都係唔明點解塊豬扒比以前細o左同瘦o左咁多, 其他野依舊, 不過其實佢地有冇諗過個餐可以分兩次上(如先上豬扒+炸蠔,再上豬柳+炸蝦), 因為一次過上o既時候次次食到最尾D吉列皮
我係呢間日式吉列餐廳o既常客,通常一個月會去三-四次左右, 但發覺近排除o左加o左價之外,份量好似比之前少o左.
八月尾o係上海番香港之後食o左三次,兩次Lunch 一次Dinner, 有以下o既感覺:
Lunch 1 : 與細佬及佢女友一齊去, 一入去, 認得我o個位黑衣經理話Lunch Set o個個珍寶豬扒拉麵賣完, 但確認有豬扒飯之後照食, 係貴少少. 我點o左一個豬扒炸蝦飯, 好似比之前貴o左幾蚊, 一上台, 豬扒細塊o左好多, 炸蝦就依舊. 一入口, 豬扒比以前乾了一點, 而且比以前瘦, 有點失望, 炸蝦依舊好食.
Lunch 2 : 自己一個人去, 今次有珍寶豬扒拉麵, 比以前貴o左十蚊 ($78->$88), 上台, 豬扒已不"珍寶", 肉都係瘦, 但係炸o既質數仲keep到. 反觀拉麵個湯差o左好多, 以前充滿豬骨味o既湯忽然淡如水, 有點失望.
Dinner : 同友人食叫o左二人Set, 都係唔明點解塊豬扒比以前細o左同瘦o左咁多, 其他野依舊, 不過其實佢地有冇諗過個餐可以分兩次上(如先上豬扒+炸蠔,再上豬柳+炸蝦), 因為一次過上o既時候次次食到最尾D吉列皮都濕到淋晒(尤其係炸蠔), 分兩次上會keep到個水盡多D.
總結 : 呢幾次食個心成日問自己一個問題, 究竟我係唔係應該離開井吉呢...食物水準差o左, 而且服務比以前差o左仲多. 記得以前班姐姐好好, 識睇你需要乜野, 適當時侯會介紹D野. 記得六-七月o個時, 坐底之後姐姐問我要冰茶好唔好, 因為佢見到我呢個死肥仔大熱天時都受唔到D熱茶, 但宜家, 熱茶都要問先比. 之前, 每一次食珍寶豬扒拉麵都會問我要唔要走筍(我好鍾意食筍ga), 但宜家冇啦... 做o野o既人冇晒heart...
希望我盡快戒甩呢個吉列癮...
张贴
