丼吉日式吉列豬排專門店 (彩星集團大廈) (已結業)

每個月都會黎呢度食1次，因為真係好正好好味!!炸得黎好脆，又唔膩，口感一流!!!當日因為有couple關係~仲叫左2個前菜~凍豆腐+沙律不過味頭麻麻始終最好味既都係主菜!!!叫左個吉列炸蝦拼帶子 + 1個吉列豬柳~~帶子好大粒好入味~不過1人得1粒唔係好夠喉~~豬柳d肉好淋~好多汁~~

八月二十九日 星期五 同老婆黎依到食晚飯慶祝老婆加入新公司一個月為左唔想等檯六點二就黎到la叫左兩個set1.蘿蔔汁炸豬扒2.炸蠔一如其他人所講食物既水準非常之高炸豬扒好鬆脆 好多調味醬炸蠔既味好鮮 好有蠔味咁點解我要俾劣評呢?因為我好唔滿意依度侍應既服務之前 一向唔鐘意d侍應叫都唔理既態度而依度 剛剛相反 d侍應煩到嘔1. 一坐低都唔夠3分鐘 同老婆傾下食咩既時候 侍應就搭咀 問你食d咩2. 睇餐牌既時候 個侍應會企o係你側邊陪你睇 好似好趕時間咁3. 同老婆傾偈 手郁一郁 就有侍應問你要d咩4. d椰菜仲有一大半 就有人問你加唔加菜5. 侍應會o係枱邊望住你食野 好似想第一時間就去收曬你d碗碟咁點解我唔去其他餐廳食平既炸豬扒而要俾多禁多錢黎依度食呢其實 我只係想搵個靜d 靚靚地既餐廳慶祝下同老婆食d好味既野 傾下偈咁 貴d都冇所謂可惜 依度俾唔島我舒適既感覺想傾偈又成日俾d侍應阻住我只係感覺到d侍應 好想我快d走咁我諗 我以後都唔會再黎lu寧願加多小小錢 去酒店食buffet好過結果 未夠七點我地就埋單lu果然 門口有一大條人龍排隊既人請放心侍應已經趕緊裡面既食客走架la

今日係老尖出現, 諗起係電視蔡生介紹呢間餐廳, 吉列豬扒好似好好味, 就特登去試一下.六點幾去到, 全院滿座, 心諗, 呢間可能真係好嘢, 今晚應該會有食神 (點知最後係錯).等咗大半個鐘, 終於有位. 一坐低, 侍應就話今日有十元一杯鮮搾西瓜汁優惠, 要唔要試. 覺得十元咁抵, 就叫咗一杯. 跟住再叫一個2人豬扒豬柳定食 ($298) 及一個荼碗蒸蛋 (好似 $42). 等咗一陣, 西瓜汁送到, 比較細杯. 一飲, 味道好怪, 同我平時係生果店飲嘅鮮搾西瓜汁差好遠 (都係十元杯). 跟住, 荼碗蒸蛋送到, 一食, 普普通通, "元氣" 好食過佢好多. 係呢個時候, 對呢間餐廳都心裡有數. 再等咗一陣, 主角豬扒豬柳出場, 買相幾好. 即刻夾一件豬扒同點埋豬扒汁一齋食 (豬扒汁好似街邊日式墨魚波啲汁, 酸酸甜甜, 不過其實汁嘅味道係同豬扒唔夾). 一食之後, 非常非常普通. 再試豬柳, 都係一般. 我覺得平時係荃灣 "聯x" 燒臘舖買嘅瘦义燒好食過佢. 重有, 食完返到屋企幾口渴, 味精都幾重.總結: 物非所值, 唔食絕對冇損失.

同老公好耐冇食吉列專門店了,應該有幾個月,尋晚(25/8)放工行完電腦節,打算去食,掙扎去cwb主店定係這間好,最後老公揀左這間果然係明智的決定! 八點幾去到只係等七至八張枱,so gd!等左半個鐘多d就有得入lu,仲有卡位坐~正!我地例牌會叫兩個set,平時就叫大蝦+吉列豬扒同埋淨豬柳set,今次就試下炸蠔,所以叫左大蝦+豬柳同豬扒+炸蠔,再加一個炸軟殼蟹我同老公不嬲唔鍾意食生蠔,但依個炸蠔真係好好味!!仲好juicy!下次一定要再叫!其他的都係一貫的水準,好好味~雖然加左價,所有野都貴左幾蚊,但我一定會繼續黎!因為這間店真係我的最愛!服務也很好,上菜快,見你食完會好快手幫你收碟,又有禮貌~

睇完menu, 原來呢度午餐同晚餐時段叫吉列定食都係一樣價錢, 我地兩公婆叫左一個吉列豬扒定食($152), 同一個吉列豬柳+吉列大蝦定食($186), 大家share食首先來左個手磨器具連芝麻, 比我地自己磨芝麻, 同日本食吉列的餐廳一模一樣, 夠正宗, 等左10分鐘左右, 吉列豬扒定食:送到, 有一大件豬扒, 切開左8小件, 我急不及待醬都唔點就試一件...o嘩!!:唔油膩, 又夠香脆同乾身, 豬扒屬於一般厚度, 肉質食起來都唔'un'同無勁醃的味道, 水準非常高, 炸的油溫同時間都控制得很好好吉列豬柳+吉列大蝦定食有2 件豬柳同3件大蝦, 豬柳形狀圓圓的, 試一口....不得了,啦, 因為佢比豬扒更加'林'同軟熟, 因為較厚肉, 肉汁亦比較豐富, 我自己比較喜歡豬柳, 但我老婆則喜歡豬扒................跟住食下有成隻手板咁長的大蝦, 好彈牙同新鮮, 炸得唔油, 有3隻都算幾扺食個定食包麵豉湯, 一碗飯(係日本珍珠米仲可以添食), , 任食日本椰菜沙律, 同埋幾甜的西瓜, 仲有好正的甜豬扒醬.....索價唔平宜, 但食物同份量俱有水準, 唔怕熱氣同鍾意食吉列的朋友

好耐之前已經想食....但每次經過都見到長長的人龍.....有日心血來潮....的起心肝早D去....六點去到......已經要等位 .....足足等左一個鐘.........日本人...外國人....一家大細....情侶....一大班朋友.....嘈到暈.....入到去...原來間舖咁鬼大....(但係都等左咁耐).....兩個人都可以坐張4人台....台與台之間大把空間....令人舒服....叫左一份豬扒....同一份雜錦海鮮.....order 完先送上兩碗芝麻要你DIY磨呀磨...侍應姐姐話要磨到成粉狀先OK.....等左約十分鐘...食物送到....即刻試下果D聲稱由日本專程運到的椰菜絲.....點醋食又幾好味喎....D人成日話炸物油淋淋....但係呢間D炸物....一D油的感覺都冇....豬扒好味....帶子....蝦...魚餅....又好味...最正係個炸蠔.....碗飯其實都幾大碗...但係實在好味...所以追加一碗.....飽到捧住肚皮走....埋單$330....絕對物超所值.....走果陣.....門口的人龍...未短過...........

上星期三同sweet heart嚟食晚飯，好在之前訂咗位，我哋7:30pm去到已經有好多人等緊位。兩個人叫咗一個炸生蠔餐(5隻生蠔)，一個炸蝦拼帶子餐(3隻炸蝦+2隻帶子)，一個咖喱汁，另外加$28將一個面豉湯轉雜菜湯。呢間餐廳D吉列炸得好好味，皮薄又唔會太濃。呢度嘅炸生蠔係我嘅至愛，好肥美又多汁，係必吃之選。炸蝦同帶子都唔錯，sweet heart話隻帶子乾咗D，而我就覺得隻帶子好大隻(因為我隻大D，hehe)，淡淡肉，都唔錯。咖喱汁送飯好正，雖然要加$30，但係都值得，sweet heart仲食咗2碗飯。而加$28轉的雜菜湯就普普通通。我哋叫套餐，D菜同飯任食，我好鍾意食D菜，好新鮮好嫩，加咗D酸酸嘅汁好好味。最後嘅甜品係西瓜，幾甜，但係唔凍。最後一提，可能呢度太多人等位，侍應會高速上菜，收碗碟同上甜品，搞到食完都唔好意思坐多陣。

As seen on last Sunday night TVB show, my hubby and I were very happy to know there is a restaurant which can do the same deep fried pork cutlet like the one we had +missed in Japan. We decided to go there for dinner on last night (Friday). As we heard people start queuing very early so we got there around 6:10 pm and there were already a few there. They won't allow partial entry so my hubby has to wait for my arrival before they seated us.We were sitting right outside the kitchen but at a pri

真係多得蔡先生(唔少)在電視介紹這間食店, 令本來爆場的情況更爆場, 如果不想呆等, 當然是先訂位, 因為得1/3座位供預訂, 而家最好提前一個月訂位就最好; 如果walk in既話, 一係開鋪即去攞位, 如果唔係, 起碼要輪侯30個號碼以上, 如果你攞左籌, 不用呆等, 過去海港城行下街, 每半小時打去check一次, 如果知道只剩10個號碼左右就好回店中等, 其實有好多人都會等得唔耐煩中途離開, 我曾經試過九點後, 10分鐘可以叫20個號碼籌, 因當中大部份人已經無再等, 超快!!食物方面, 海鮮必食! 首選炸生蠔!! 生蠔新鮮唔老, 炸完裡面完全唔鞋口, 那碟用來點生蠔既介辣醬更相得益彰!! 其次係大蝦, 帶子, 最後先輪到豬扒, 豬柳~服務方面, 我未遇到過其他讀者的情況, 打電話check號碼籌的時候, 沒有不耐煩; 有次送來食物的時候, 侍者不小心打翻那小碟鹽, 可能濺到碟邊那些炸蝦上, 她都主動為我們更換那些炸蝦, 抵讚!!

My second time here. The first time was worst enough, waited for 45 minutes, but this time, it was totally unbelievable, waited for 1 hr n 45 mins. The fried oyster is definitely the BEST. !!!! So huge and juicy, with a very thin layer of crust. (unlike some places where the oyster is so tiny with very thick layer of crust).The cabbages are also very good, I took seconds.The sauces are great as well.Kimchi tofu is quite good too.

My friends and I (eight of us in total) went to this restaurant last Friday night, and waited for more than an hour. The restaurant is nicely decorated in woods, and with soft lights. The whole place just makes you feel very relax.All deep fried food are freshly made, so you can expect all are very hot and very crispy on the outside by the time food are served on table. All deep fried food are not oily at all. Below listed comments for individuals food we ordered that nighteep fried pork chop wa

真係好好味~~~~~~~~~~~仲可以自己磨芝麻醬~~~好玩~豬扒和豬柳都好嫩滑~~~蝦都好新鮮~~!!!唔會太油同多炸漿!!!好香脆salad 配ge汁都好好味~salad仲可以refill tim~~

(10/7/08)好耐無o黎喇,姊姊心血來潮話想食,在無訂枱之下,店員說7:00前來到都ok,人齊入座。記得上次也是那位有禮的女侍應,介紹醬汁點配,醬汁簡直是靈魂所在。事不而遲,我地叫左吉列蠔(必食!有5隻share左勉強滿足)。新試的蟹肉薯餅炸蝦,頗失望,因為完全食唔到蟹肉,薯蓉內有什麼紅蘿蔔粒之類東西,與炸蝦一樣未見特出。由於本身吉列功夫一絕,未見特出,也不會見怪。吃過幾次,覺得蠔、及豬柳是最好味!

當天是星期四，book 左位 12: 30pmwaitress 係電話入面講到明只會 hold 10mins我心諗 : 「嘩 ! 呢間餐廳都幾大牌下啵 ! 」當日落左地庫之後，我盲中中咁直行。點知撞左去第二間日本野。原來落左去之後轉右先係 ~我地 6 個人被安排住係卡位度。靚就靚，不過出入有 d 麻煩，肥少少都坐唔入 ~ 同埋著裙的會好易被張 chair 刮到大脾。講番 d 野食同服務，我覺得佢服務 ok 。有笑容 ~ 只不過係門口等左好耐都未有人帶位，同埋講野快左 d，feel 到佢好急咁樣。waitress 解釋 2 款點椰菜的醬，我覺得紫菜味正 d ^^D 芝麻俾我地即磨，磨完之後加個醬落去點炸豬排。好好好香 !炸軟殼蟹 - 超水準。D 蟹有膏嫁 ! 又唔油~ 一上臺我地就將佢分屍。炸豬排拉麵 - 湯底我比較喜歡拉麵 888 果種，不過麵身就 ok。豬排夠大塊 ! lunch set $ 88 ，絕對唔係 1 人份量 !叉燒拉麵 - 有三塊叉燒，但比起炸物，這個拉麵平平無奇。唔值 $ 82 !另外叫左個定食 $ 138 ( 白飯 & 椰菜可以隨意 refill )同埋一個三人定食

早幾天打來訂位，說full booking，不過待應生說只有三份一的位是for booking，所以也有很大機會不用等太耐，食過銅鑼灣那間食上癮，所以等一陣也無所謂吧！七點半去到預左等好耐，門口得5張凳，等的人卻是爆滿，雖然只係等八張，但都足足等了四十五分鐘才能入座。六個人，要了一個二人餐和一個三人餐，食物質素跟銅鑼灣是一樣的好，豬扒和豬柳都十分嫩，而且一點油都沒有，生蠔很大隻，非常抵食！炸軟殼蟹是最好的一樣，熱辣辣，而且蟹膏非常多，超美味！整晚的敗筆是服務，比銅鑼灣那間差上了一大截，待應完全沒打算講解芝麻怎用，令我第一次來的屋企人感覺很差，當落單時待應知道我們只叫兩個餐，感覺好像很不屑，還啤了我們幾眼和在背後跟另一個待應竊竊私語，令我們很尷尬、無奈和嬲！一流的食物配九流的服務態度，可惜！