丼丼屋 (HomeSquare)

营业中

休息中

今晚睇完傢俬，順便喺附近搵地方坐低食埋晚飯。講真，呢個商場係繁忙時間食飯真係排好耐😓今日我同朋友兩個人，就排咗一個鐘頭十分鐘，明明只係等六張枱，入座限時食70分鐘，點解可以等咁耐🤔🤔算啦算啦，香港人放鬆啲啦～😆一坐低，見到每個座位都有一個紙袋送，比客人放個口罩。疫情下...唔係每間餐廳都有，都算窩心👍🏻我同朋友都好肚餓，每人都叫一個「特上盛大蝦海鮮丼」，但可能因為太夜，話已經賣晒！咁我哋唯有改叫「炙燒海鮮丼」，而我同朋友都另外加錢加配小食、湯、同埋飲品...。我覺得丼丼屋係抵食嘅，雖然魚生切得比較薄身，但係新鮮。平均百零蚊一個餐，有主食、小食、湯、飲品...真係已經值回票價👍🏻

今日開始實施餐廳枱與枱之間有1.5米距離，來到沙田 homesquare丼丼屋也排了一會兒才可安排入座，入去要先度體溫，之後店員給予濕紙巾及紙袋放口罩。今次我點了店鋪限定炙燒三文魚配牛油果丼，賣相非常吸引，三文魚及牛油果片鋪滿在飯上，再加上三文魚籽！特別一提珍珠米加入醬料非常好味，而且珍珠米還是溫暖的！牛油果非常香滑，加入炙燒三文魚相當搭配！而且不用加豉油已經夠味！我還升級加了蟹花卷、湯、沙律及南瓜蓉，好味而且非常飽！

下午2時許，喺沙田買傢俬順便搵食， 撳飛攞位後，好快號碼牌便叫我的號碼， 以為可以入座， 點知等咗成10mins都冇人理會（心唸：唔通要等2：30下午茶開始，我地先入得），點知原來餐廳係冇下午茶…………………起初食既時候，覺得依個風味醬汁好咸，但若果你會食哂成碗飯既話，佢真係需要有依個咸度，因為豚肉底下只有飯同椰絲，係一D sauce都冇，冇農味野配搭，真係食唔落套餐要加錢先有咖啡或者其他飲品，如果唔想加錢， 餐廳都會提供一杯冰凍桃茶，都唔算太差，仲可以走冰，而個湯係超級清， 只係比起水多一點點蔥花

今日嚟到沙田行傢俬店，除咗店內半自助式西餐，同一個場仲有幾間食肆。日式定食選擇都多，仲有店舖限定嘅湯咖喱，記得好耐之前睇過套日劇以湯咖喱做主題，好想好想試，今日終於有機會$98,跟餐加$38有湯有沙津前菜同蟹卷，價錢合理蟹卷飯多咗D，可能本身都係食飯，覺得份量多咗，肚餓D會更好。湯咖哩內有豐富嘅雜菜，半熟蛋同主角嘅炸脾。湯上加各樣材料，好有食火鍋嘅感覺湯咖喱嘅精髓心係偏向湯汁嘅口感，撈飯食係湯飯咁俾平時咖喱汁撈飯更易入口，但味道唔會淡咗。另外最欣賞係茄子，食得出有先走油再放湯，茄子上以十字密集花，湯汁更加滲入，香口又入味，估唔到茄子除咗魚香，同curry一樣咁Match肉類擺到最後，雞脾都炸得香脆，又大大隻，十分抵食。食類單點都份量十足，除非肚餓到食得落大笨象，否則單點都夠食。

一向都好鍾意食九州名物南蠻炸雞，之前喺日本嘅塚田農場食過佢嘅南蠻炸雞之後簡直係一試難忘，可惜香港塚田農場完全係行貴價路線，同日本嘅平民居酒屋價位差好遠，咁啱嗌網上外賣平台嘅時候見到有南蠻炸雞，無懸念即刻叫咗！大分南蠻雞便當 Chicken Nanban Bento $110「大分」指嘅應該係九州大分縣，但又咁啱佢嘅份量都真係幾「大份」！基本上一餐係唔會食得晒，便當入面有千本漬、蟹柳粟米番茄沙律、薯仔沙律、玉子燒同清淡的和風湯，好豐富！主角雞扒大大塊，仲有南蠻炸雞嘅靈魂－特製tartare sauce!佢個醬食落好似有薯仔同洋蔥蓉咁，甜甜酸酸好開胃，同香脆嘅雞扒形成對比，但入口嘅感覺好爽，唔知可以點形容。滑蛋吉列豬扒丼 Katsudon $110男朋友最愛，吉列豬扒雖然因為外賣送到嚟淋咗，但都依然好香熱辣辣，配埋滑蛋一流！花畑牧場芝士豚肉薯餅 Hanabatake Pork Raclette Cheese Minced Cutlet $48如果可以多返少少豚肉少啲忌廉就會好食啲！

同朋友平日夜晚去homesquare搵飯食，見好似唔使等太耐就攞飛，大概等咗20分鐘就有位喇。帶位女店員見我朋友大肚，入座時無要求都俾咗杯暖水佢，好細心，加分。其他食客只會得室溫水。三河一色鰻魚三味丼($158)。鰻魚有炭燒味卜卜脆，唔係超市幾十蚊嘅貨色。另外有碗鰻魚汁，不過個飯同魚已經有汁，夠味唔使再加。第二食要彈嘅係紫菜喺熱嘅飯面上好快淋曬，同埋應該有wasabi但佢無。最後第三食加高湯變湯飯，大滿足。滑蛋吉列大蝦丼($78) 。炸蝦大大隻，略嫌個飯淡咗啲。蟹柳沙律，薯仔沙律同個湯不過不失。特上刺身 ($58)。叫得過。三文魚同帶子新鮮，仲有 大大隻嘅牡丹蝦，抵曬。總結係，絕對無欺場，必定會返食。

同朋友臨時約食晚飯，大家都係沙田友....係返沙田食就最fit啦😙雖然係blue Monday但沙田搵食都有難度，原本想食個間排長龍咁有小朋友一齊就即刻搵plan B，好在附近有丼丼屋，可以用apps拎飛仲有小朋友都啱食嘅豚肉飯~~大人又可以開開心心食魚生飯啦😋我食嘅大蝦魚生丼，有幾款魚生仲有我最愛嘅帶子份量剛剛好，為食想試多d野又有人一齊share 就加左廿零蚊有炸豆腐，湯同薯仔沙律性價比高👍🏻埋單時仲有驚喜，原來而家每食滿＄200有$20 coupon送，正！～沙田友食飯唔錯嘅選擇～

天氣好熱，竟然有凍烏冬，簡直正到無朋友！雞肉冷烏冬定食$82 （日本悠然雞）成個定食跟menu相一樣，一啖已經食得出係日本雞，跟本地係唔同，煮得好柔軟好嫩，面頭本來以為係辣椒油，心諗死啦，落咁多實辣到不得了，所以第一時間撥開左，後來發現係炸蒜加辣椒油渣，一點都唔辣，仲好香，放少少同雞肉夾住食好香口另外係有一兜麻醬，加埋落撈烏冬味道更加美味，再加少少炸蒜辣椒，而烏冬唔係我地平時食開果隻咁滑咁粗，口感係實在有咬口而且幼d配菜有牛油果，青瓜絲及車厘茄切片，配牛油果係新穎，切粒好過做醬，真係食到牛油果嘅味道，車茄厘新鮮定食之中仲有沙律，昆布湯，凍荔枝紅茶，極少甜，非常喜歡加$18/2件芝麻雞翼，係抵架（正價3件$42），雞翼一貫水準，炸得脆卜卜總括無論present，配搭，味道我係滿意，惟獨是要挑剔係個炸蒜辣椒油應該另上，我可控制份量，不過亦明白係特色，因為夾住雞食係一絕，呢個係我自己問題

之前去Ikea 買野，之後發現咗井井屋，想去試試！之後叫咗個「和牛烏冬」要91$左右！上桌後，發現所謂嘅和牛完全冇味！而且得好少！鳥冬又唔係好多！所以價錢根本唔符合！所以建議大家可以試吓其他！

本身好少食丼丼屋，但見佢同日本既喝鈍Crossover，係拎左全國丼物大賞金獎🥇即刻去左試😍蛋真係超級滑🥰仲要除左鰹魚汁之外，仲食到濃濃既蛋味💯豬扒炸完都唔會老，肥瘦剛剛好，同埋肉味都幾重，據說係用左日本產既豚肉🐖不過唔知係咪掛住影相，搞到層炸漿淋左😅•定食包左沙律🥗海帶湯🥣白飯🍚沙律我就麻麻既，不過粟米好好食🌽海帶湯居然有蜆肉，即刻升lev😂飯食到米飯香，對得住價錢😌 •雖然價錢唔係平，但真係食到日本既質素🇯🇵佢仲有番茄芝士味，大家等我包膠🤣

🍳🐖🍛| 滑蛋吉列豬扒丼定食 | $105（另加一）好耐冇食過丼丼屋啦～今次試咗呢個滑蛋吉列豬扒丼定食！好飽好滿足🤤不過略嫌個滑蛋唔夠滑同埋將塊吉列豬扒擺埋一齊落啲汁度，個皮好快就淋晒🤧本人一直覺得炸嘢係唔可以用汁浸太耐！唔係個皮淋咗就好難食....但呢個丼整體味道都ok的！

丼丼屋今期又出新野，忠粉朋友拉咗小編去試～👭-滑蛋吉列豬扒丼定食 $105日本產豚肉及雞蛋，豬扒炸得脆又嫩滑又熱辣辣，唔會比滑蛋汁浸到淋左；滑蛋汁配合洋蔥嘅甜味，撈飯食一流👍🏻定食除左主菜，仲有一份酸酸甜甜嘅沙律同味噌湯，整體份量比想像中多，好飽肚。另外，聽講呢個丼係來自大阪吉列豬扒丼專門店喝鈍 ，係全國丼連盟新一屆全國丼物大賽中獲得金賞🏅👇🏻特別口味👇🏻1. 芝士番茄滑蛋吉列豬扒丼2. 泡菜滑蛋吉列豬扒丼如果食飽想食甜品，米雪糕係不錯嘅選擇，論口感上，滑滑雪糕配有米粒；論味道，有點似豆腐雪糕，便利店都見唔到類似的，所以都可以一試。

今晚黎咗呢間來自大阪吉列豬扒丼專門店「喝鈍」，佢地係新一屆「全國丼物大賽」中獲得金賞🏅🏅係香港都有好多分店，今晚就黎咗試佢地最出名的日本產豚肉及雞蛋。估唔到7點左右已經有人排緊隊😱😱😱🧡滑蛋吉烈豬扒定食（$105）看似普通的滑蛋豬扒飯，好多日本餐廳都必定有，但要整得好食並唔係間間都做到。呢間真係有驚喜🤩🤩🤩不但豬扒件件都超厚，非常飽滿，而且肉質軟腍，薄薄的炸皮沾上濕潤的滑蛋和洋蔥，食落口非常Juicy😋😋😋即使係厚切豬扒，都勁入味，真係忍唔住係咁食😂😂😂之前食過嘅豬扒一係好薄，炸粉多過肉；一係就厚肉，但越食越乾的柴口感，真係一件起二件止。真係禁橋坐我附近的食客都係叫呢款主食，但點了不同口味，果然滑蛋吉列豬扒丼係必食👍🏻👍🏻👍🏻👍🏻

星期日下午行下沙田家俬鋪，行到攰想食個下午茶，周圍都好多人，每間餐廳都要等幾十張枱，最後丼丼屋最快有位就入左去食。揀左個拖羅丼set 另加芝麻雞翼，個set有湯有前菜有沙律幾抵食！芝麻雞翼有少少辣，而拖羅大約有9塊，雖然唔算厚但都夠入口即溶，係好味既！建議：大家預左自己行完家俬會去丼丼屋食野既話，最好用Gulu個app拎飛排隊先！咁就至smart啦！

如果叫主食，加$58有限定拖羅定食，有三大件拖羅剌身，好新鮮，入口即溶，未入口先興奮。我當然選了signature豚丼並盛 (即regular size煎豬肉片飯)，豬肉很入味，分量超多，飯又大碗。女仕們選regular size就夠了。Yummy!我囝囝當然揀咗佢嘅至愛的兒童套餐:有香腸、雞肉、蟹肉沙律、甜蛋和豆沙甜品。不過杯橙汁的味道好古怪，有血腥嘅味道。我試咗，我都覺得係，所以叫佢唔好再飲啦。 不過，佢話啲雞好味。 我就覺得兒童餐一般罷了。