丼丼屋 (HomeSquare)

营业中

休息中

有時想食和式定食，都會嚟丼丼屋。貪佢食物有質素，環境衛生尚算良好。不過食lunch最好12:30前，如果唔係都好多人排隊。鹽燒鯖魚（配飯)魚皮煎得香脆，外脆內嫩，上菜時熱辣辣，鯖魚唔腥，無骨。一啖魚肉一啖飯，食吓傾吓，好好享受呢一個lunch hour，好好地放鬆一下再工作。呢排yuu仲做緊一個優惠：- 以4000積分兌換炸芝麻雞翼（2隻）。雞翼香脆，調味啱啱好，和同事一人一隻加餸。份外滿足。如果大家都有yuu積分，可以考慮拆單，每人都換兩隻炸芝麻雞翼。👍🏻

從來未試過出劣質嘅評價☹️六點過後外賣自取都已經變成常態，平時食開嘅日式鰻魚飯都好似食評影相咁樣，起碼兩舊手板咁大，正常都有一cm厚度，尋日即係2月4號晚上八點左右🥺外賣返屋企真係嚇咗一條，收我$158 ，雖然有八折，但係嗰塊鰻魚竟然係得掌心咁細仲要薄過0.3cm，可惜嘅係忘記咗影相，從來未試過食一餐咁唔開心嘅丼丼屋，八折外賣最多咪俾你縮水少少嘅份量，但係而家係得返¼嘅份量，以後都唔想再幫襯。😡🤬😡🤬

今日 食大餐見到隔離位叫烏冬 係個 menu 搵唔到既原來係 單張 menu上好啦 我試個豬啦我第一次食 唔知原來要 先夾起豬因我食 得太慢豬仔 食食下 開始over cooked 但都 可以 依個set 熱烏冬 配 刺身 太開心啦同朋友傾傾下 竟然俾我食晒 不得了！隻蛋撈左 好香口 ～下次我都係想食 燒豬 烏冬 有就好啦

呢個商場尤其係呢一層嘅食肆一向都多人排隊數量仲要不相伯仲 等咗至少半個鐘 光速決定咗要個角切魚生飯 跟餐 另外朋友叫咗個滑蛋和牛丼定食 跟餐 仲有幾粒章魚燒添！由於太多顧客嘅關係 上菜速度相對比較慢啲但總算唔駛催單 而且一上菜就全部野到齊喇！當中包括：柚子梳打、軟糯紫薯沙律、麵豉湯味道適中，不會過淡或過鹹。為增加香味及口感，當中亦加有不少香蔥和大大塊豆卜。角切魚生飯對女仔嚟講非常飽足 真材實料 有充足嘅刺身覆蓋白飯 呢個價錢嚟講性價比算高 絕對會回頭再試！章魚燒同滑蛋和牛丼都表現平平🙈

呢啲日式餐廳都真係絕對唔平，動輒一個餐都要120至到150 ，還未計加一服務費。我都是因為要去宜家傢俬買家品，然後又發現宜家的餐廳竟然又再等位，條氣唔順宜家傢俬餐廳竟然要等位，於是才把心一橫，用埋張美心$50現金券來丼丼屋。丼丼屋的刺身，我心想，集團式的日式刺身，應該不會比小店的單點刺身好吃吧？於是還是點了個滑蛋吉列豬扒丼。都不算等得太久，應該沒有店員所說的10分鐘，滑蛋份量相當多，飯都混入了汁醬以及滑蛋、蔥，不會令你有機會吃到沒有汁醬的白飯，令人吃得暢快，吉列豬扒大大塊放在飯的面頭，邊皮位帶點脂肪，肥瘦均勻，味道就更加可口，中間的雖瘦點，不過都算好，肉質不算太乾鞋。小食不知是什麼豆，因此我沒有多吃；麵豉湯也不太差，至少不覺得太鹹，還有一片油揚切絲；另外的甜品好像之前吃過的水信玄餅一般，但是是一碗裏面有五六片薄片的透明啫喱，再配以黑糖汁，味道帶甜，質地極之滑溜，也相當可口。如非運用了之前可能是馬會還是信用卡賺取的$50優惠券，這份午餐要差不多$130 ，委實不便宜，雖然份量夠多都夠滿足，質素比起你用張$50券去食美心快餐絕對優質得多，不過正價時段應該不會再來。

個滑蛋親子丼。。。好彩d滑蛋ok,, d雞又無味又老又硬。。。好"鞋"。。。食石頭咁。。。個豚肉飯仲衰。。。真係好硬成塊紙板咁。。。 衰過親子丼ge原因係親子丼都仲有d滑蛋撈下 d飯易入口d。。。豚肉飯d飯都要乾食咁。。。成餐飯都係訓練咀嚼肌 無咩嘢味道又硬又鞋又唔好味。。。唔會再食

📍丼丼屋📍💡沙田 Home Square諗唔到食乜，係沙田行過就救奇入一間食飽就算，🐥 贅沢三色吞拿魚丼定食($158)有大拖羅、吞拿魚 、長鰭吞拿魚刺 配 三文魚籽，整體都多肉食跟餐仲有埋 蝦沙律，小食，甜品，麵鼓湯🐥 什錦刺身丼定食($138）刺身同 配料都唔多跟餐有蝦沙律，小食，甜品，麵鼓湯🐥 十勝帶廣名物豚丼 ($88) 份量十足 但肉質偏熟，豚肉入味而且煎得好黎，另外可以另加$15轉套餐呢個價錢我會選擇食其他😂

呢間商場食肆選擇唔多所以就入咗呢間搵嘢食飲品我嗌左走冰普普通通一杯雪梨茶另外一杯嗌咗少冰就好飲啲 不過冇影到相帆立貝幾好食 魷魚鬚有啲油淋淋碗湯幾好味 有3舊豆卜索晒啲湯嘅味有一舊紫薯蓉+黃番薯粒 都幾香紫薯味甜品都幾好味 黑糖味好香 呢個餐淨係個主食同上面個set唔一樣大拖羅都OK 食到又油脂香另外紅啲嗰款有好多根 麻麻哋帆立貝個餐都OK 吞拿魚個set真係麻麻地

我同朋友到達丼丼屋取票，因我地有5個人，咁我地就拎左5人票。取票後我地跟住條隊由後面排上去，到我地係第一個既時候都我地見到有1張4人枱，另一張2人枱既人準備離開，職員話，我地係跟「時間」安排客人入座既，但係佢之後係安排俾我地後面既人坐先，而唔係俾我地入去，重點係，排我後面既人係遲過我地拎票，仲要職員態度真係好差！唔會再有下次！

少到離譜，值$98？叫咗刺身丼，等咗大半個鐘先有外賣，回家一看，個盒好（大）喎！打開真係驚喜既啫，得兩淡飯，加少少刺身！咁就叫刺身丼，食水都幾深！真係差差差，唔會再幫襯

今晚收工去咗沙田嗰邊行吓諗住買下啲傢俬行到咁上下之後就諗住去食嘢Home square依家餐廳嘅選擇唔多都係得幾間餐廳最後決定食呢間 因為同男朋友都無食過同埋個價錢都好抵，百零蚊就有成個餐不過今次我揀嘅都係散叫叫咗一個炙燒魚生丼，加$12變set，有湯有前菜有野飲有甜品😋😋😋 另外叫咗一個泡菜牛舌飯，男朋友話幾好味😋另外我哋加咗$98要刺身刺身都幾多份量，每款都有兩件至三件，好夠食😋😋最後我哋兩個都飽到癲咁走😹😹😹成餐埋單都係三百幾蚊，性價比好高，下次會再試其他😋

第一次嚟呢度食之……唔係間間日本嘢都可以亂試……但唔試又唔知道好唔好 🙄 （好矛盾）下次試新嘢，都係搵返啲穩陣嘢食嚟試……擒晚行過先決定食呢間，攞咗飛（下次可以用 gulu 攞飛 😏）鋪頭唔大，得九張枱加 bar 枱，而四人枱多過二人枱，二人枱得三張，仲要如果有六人，張二人枱會同四人枱合併。所以四人飛等兩張枱就到，二人張要得十張枱 ……🙄🙄🙄🙄 終於等到二人 bar枱角落頭……值得贊嘅係，一坐低有兩個紙袋裝口罩，兩張濕紙巾，仲有一支搓手液。 👍但個 menu 好簡單，只有文字，大約知係咩嚟……點餐時，經理企響 bar 枱頭問我哋食咩，我就要嗌出去點餐 🥴，中間係有四個人坐嘅 bar 枱 😫黑咖哩野菜和牛……得幾片好細片嘅牛肉，一大 pat 咖哩汁名物牛筋丼……正如之前講，menu 得文字，只知係牛筋都好啦。睇落好似幾多料，一咬……多都無用，係硬到咬唔入，如果面頭嘅沙律醬都叫做汁，咁我係靠呢少少汁食咗碗白飯，其實係乾哽咗碗白飯 😭好彩送咗杯果茶最後濕一濕個口，其實係蜜桃茶，唔甜，少少蜜桃吊吓水嘅味……好過飲水。硬食咗碗飯，其實我想飲水 🙄 但水都費事麻煩佢哋，迅速離開……如果有下次，應該

新城市廣場 下午茶 ， 環境清靜 ， 我哋兩個女生就嗌咗 ，三文魚角切魚生飯 ，配飲品，三文魚 好新鮮， 還有雞蛋粒和其他 鮮蝦粒，上面鋪滿 脆卜卜的魚子， 另外仲有爽脆嘅青瓜粒 和八爪魚粒 口感豐富得嚟又清爽。 絕佳嘅搭配 滿足咗我嘅味蕾，真的好喜歡。

丼丼屋嘅lunch set真係無得輸👍一個月至少都食2、3次～滑蛋吉豬同十勝豚丼都不斷encore~前菜都絕不欺場㗎~去唔到日本旅行，唯有黎呢度食下野，當自己身在日本啦

話說iPhone突然開唔到機，即刻book咗去沙田整機，嗰日一家四口去科學園玩完平衡車之後就過去沙田，但係新城市冇乜車位淨，所以揸去HomeSquare泊車，趁仲有時間嗱嗱臨同兩個細路搵餐廳填飽個肚先，嗰時都五點幾好彩俾我搵到呢間餐廳仲有位。拖羅丼$15x只能說，可以填飽個肚....湯太鹹了滑蛋和牛丼定食$78呢個足料，有滑蛋嘅都會加分（本人勁愛）兒童餐問侍應先知原來佢哋有兒童餐。個薯蓉係冷盤嚟，我本人覺得如果係兒童餐比個熱嘅普通薯蓉會比較好啲。有兩個蛋糕仔，兩個仔可以一齊食，白飯有啲乾，好彩我有滑蛋丼，撈埋小朋友先肯食。沙律都係大人食，小朋友比較細我唔敢比佢哋食太多沙律老實講我覺得呢個兒童餐唔合格，佢哋冇企係5歲以下小朋友立場去諗