丼丼屋 (HomeSquare)

营业中

休息中

每次嚟到沙田HomeSquare都會頭痛食乜嘢好。因為選擇唔多又唔想行去新城市廣場。元氣又永遠都大排長龍，所以今次去咗唔使排嘅丼丼屋。其實座位都還可以，但係服務態度就需要改善。因為我只不過想餐飲由態度蜜桃茶轉咖啡，侍應就即刻黑我面。食物方面:小朋友就最鍾意佢嘅滑蛋牛肉飯。因為蛋夠滑牛肉又軟熟，唔會硬，好開胃。十勝帶廣名物豚丼定食配特上剌身配副菜 、寒天、日式湯及果茶雖然我哋唔鍾意豬肉，但係呢個日本豚肉好好食，醬汁亦都加埋飯好好味。不過我自己唔鍾意寒天，因為冇乜味。得償刺身都夠新鮮。極上海鮮丼定食（有三文魚、拖羅、甜蝦、小柱同埋魚子）魚生夠新鮮，一碗飯有咁多不同種類的剌身，大滿足。

同阿女喺沙田行完宜家傢俬，要醫肚！經過丼丼屋見到十勝帶廣名物豚丼，我哋兩個都太掛住北海道啦，9秒9入咗去！上次喺北海道食過念念不忘！十勝豚係北海道地區特有嘅品種，因地理環境優越，加上以純天然飼料飼養豬隻，脂肪分布均勻，而且肉味濃郁，喺烹調過程中更容易入味。-十勝帶廣名物豚丼有別於其他日本產地嘅豚肉，十勝帶廣豚出產嘅，選取肉質更為軟稔滑嫩嘅肉眼部位。豚肉片沾上秘製醬汁後高溫烤製，燒至微微焦香後仍保留豐富肉汁，鮮嫩又有咬口，唔錯！-醬汁吉列豚丼另外試咗個醬汁吉列豚丼，份量十足嘅厚切豚肉沾上麵包糠後炸成金黃酥脆嘅吉列豚，肉質鬆軟，入口香酥。呢個丼飯嘅靈魂所在係用咗日本吉列豬扒丼專門店「明治亭」獨創嘅特製豚肉醬汁，略帶微酸，被吉列豚薄薄嘅炸衣吸收後更加入味，又有清新爽甜嘅椰菜絲中和油脂感，底層就係日本宮城縣產特A米飯，口感香甜煙韌，好味！兩個都升級咗優惠定食，包括前菜、日式湯、甜品同果茶，大滿足！

🤤搵到一個口味相近嘅人真係唔容易‼️我男友就係正正同我...相反😂我鍾意食刺身🍣，佢就鍾意食肉🍖平時出街食都唔知去邊間餐廳好🤔點先可以一次過滿足我哋兩個呢⁉️丼丼屋🌟真係符合晒我哋口味😋💫海鮮三色丼 有我最愛嘅蝦🦐、油甘魚和三文魚腩🐟份量十足，刺身新鮮味美💖🤷🏻‍♂️男友款款都想食！揀好又改，選擇困難症🤭幸好分店係手機自助落單📱可以慢慢揀唔怕麻煩到店員😅不過佢揀呢款真係好正👍🏻超抵食😝🍱鹽燒鯖魚定食 配特上刺身好豐富呀！套餐包括果茶、前菜、湯和甜品有魚仲有刺身食🧡抵！又揀得幾好wo😝👌🏻

請廚房用扒爐時睇下個爐需唔需要清潔下先⋯第一碗D豬前後都有好多扒爐燒左唔知幾多轉而冇清潔好而留底既黑色渣唔止我碗係咁 我隔籬枱個碗都係咁同第一碗個條蘆筍真係好黑 基本上360°都係黑既熟還熟唔洗燒到黑晒既⋯圖係重新送黎個碗 好過第一碗好多拎返黎個個侍應就咁放底碗野就走左唔好意思都冇句⋯

沙田 IKEA旁邊呢間餐廳用木系嘅裝潢感覺乾淨舒適餐廳主打唔同配搭嘅日式丼飯Menu上嘅款式多款 好吸引好多款都想試✨十勝帶廣名物豚丼十勝除咗馳名紅豆，豚肉都好好味豚丼用上北海道十勝帶廣豚肉每片肥瘦度適中，軟腍又Juicy日本珍珠米粒粒飽滿加埋秘製祖傳醬汁，輕輕灑上胡椒，更香更惹味✨牛肉鍋燒烏東牛肉鍋揀咗壽喜燒作湯底加咗日本雞蛋，輕輕搞拌後溶入湯底之中裡面有金菇．滑嘟嘟豆腐．韮菜．冬菇嘅配料+$15 upgrade套餐，有埋前菜．麵豉湯．甜品 同飲品✨咖喱風味唐揚雞軟骨熱辣辣嘅雞軟骨，外層香脆好有咬口，灑上味粉同檸檬汁，令味道更突出佢哋最近仲新出咗期間限定嘅 「牛油粟米北海道十勝豚丼」係用北海道產嘅十勝豚肉製成將軟稔嘅豚肉片燒至微微焦香加上融化咗嘅牛油同埋日本粟米配宮城縣產米，聽到都覺得好吸引，可惜當日去到已經賣晒，下次再嚟一定要試

上星期，送咗囡囡返咗學，同朋友去咗「丼丼屋」食lunch，我係丼丼屋嘅粉絲，因為好鍾意飲佢哋嘅果茶，好多時叫set 的話就會配果茶，帶有荔枝味，好香甜，夏天飲最正！點咗期間限定嘅「春之什錦海鮮丼」，只係$108，但刺身有6款，包括：燒鏗魚、三文魚🍣、吞拿魚腩、大蝦🍤、三文魚籽等，仲有大大隻生蠔🦪，性價比好高！生蠔🦪好新鮮，入口仲有淡淡海水味。另外，仲點咗「鹽燒鯖魚定食配特上刺身」，刺身好新鮮，有三文魚、大蝦和螺片。鯖魚又大條，燒到外脆內軟，正！呢個set 仲有味噌湯、甜品、果茶，真係豐富到食唔哂。

平時經過呢間日式丼飯專家丼丼屋都見到大排長龍😍最近放lunch同同事去咗附近分店試嚇🥰價錢唔貴 份量好足 品嚐到新鮮味美嘅正宗日式丼物！丼丼屋選用日本產米同時令食材🍚製作新鮮味美嘅正宗日式丼物😍佢哋除咗有熱食丼飯外 仲有刺身丼、小食、炸物等 經過千祈唔好錯過🙌🏻▫️牛油粟米北海道十勝豚丼定食(配前菜、日式湯、甜品及果茶）呢款係最近推出嘅期間限定🥰選用左北海道產、脂肪分布均勻、肉質格外鮮嫩濃郁嘅十勝豚肉 軟嫩美味 豚肉片燒至微微焦香後仍保留豐富肉汁🥰滿滿既油脂感 混合融化咗嘅金黃牛油同香甜嘅日本粟米🌽日本米飯配上豚肉醬汁加埋粟米香甜 真係食唔停口▫️蒲燒鰻魚 ·洋蔥牛肉便當定食同事叫咗呢款個樣都好唔錯🥰鰻魚厚身大塊 無骨食落啖啖肉 鰻魚汁好香口 配埋日本米真係好香💓洋蔥牛肉唔會好乾 口感好豐富！我哋仲加咗個小食 芝麻雞翼都只係$25/2件 即叫即炸脆卜卜 熱辣辣好香口 肉汁滿滿雞肉好嫩滑！

屋企附近有丼丼屋，所以成日都會走去食架🤭我最近就食咗期間限定嘅北海道十勝豚餐目➖「牛油粟米北海道十勝豚丼」、丼飯嚴選北海道產十勝豚肉，百分百還原北海道滋味，味覺瞬間好似去咗一轉日本旅行咁🤭丼飯可單點或加$10升級做定食，定食配前菜、日式湯、甜品同果茶，好豐富喔☺ 丼飯豚肉厚切有口感，脂肪分布非常均勻、而每塊豚肉片燒至微微焦香，咬落肉味濃郁鮮嫩，極具口感😚而粟米香甜富誘人牛油香，超讚。 兩者嘅精華渗入軟糯嘅宫城縣產特 A 級「一見鐘情」米之中，忍唔住成碗食晒🤭

好多人去咗日本食好嘢～其實香港有好多正宗日本美食架！就好似日式丼飯專家 ♥ 丼丼屋 ♥ 咁，佢地嚴選日本產米及時令食材，製作出多款抵食、足料、新鮮美味、賣相吸引嘅正宗日式丼物，今次就揀咗2款 #期間限定 日本丼定食！   ♥ 牛油粟米北海道十勝豚丼 (特盛定食) $128 ♥有並盛 $98 或特盛 $118 選擇，可單點 或 +$10升級定食(配前菜、日式湯、甜品及果茶)呢款丼嚴選北海道「十勝豚肉」，脂肪分佈均勻、肉味濃郁、肉質鮮嫩，豚肉片燒至微微焦香，鎖住滿滿肉汁，入口肉嫩多汁，配上油香飽滿日本粟米及宮城縣產特A級「一見鐘情」米，一啖肉一啖飯，惹味多汁，好快清碗～定食組合豐富，足以細嚐北海道滋味！ ♥ 春之什錦海鮮丼定食 $148 ♥餡料豐富，鮮氣十足！碗上放滿時令燒鰹魚同鯛魚，配搭三文魚腩、特大赤海蝦、吞拿魚、同埋大大粒三文魚籽～定食嘅 「兵庫縣產湯霜牡蠣」以日本料理方法「湯霜」輕燙牡蠣表面，保留到佢嘅天然鮮味，入口嫩滑多汁！想延續北海道美食之旅？即日起至5月30日，快D去全線丼丼屋 及 丼丼屋×鳥開聯乘店食返個十勝豚肉丼啦！

逛完傢俬店，行經🇯🇵日式丼物專家丼丼屋，見佢新推出嘅期間限定春日海鮮餐目，賣相吸引。再望望餐牌，丼丼屋大部份定食定價大約百幾蚊，價格相宜，所以決定㩒飛等等位🎟 🔅春之什錦海鮮丼定食 (期間限定) $148 海鮮丼非常豐富，配有六款時令刺身，包括燒鰹魚、鯛魚、三文魚腩、吞拿魚、特大赤海蝦同三文魚籽。特大赤海蝦肥厚大隻，而每款刺身都鮮甜肥美。三文魚腩油脂十足，入口即溶。燒鰹魚就比較結實，帶有一陣煙燻味道。而三文魚籽脆爆，好適合撈飯 定食亦包括當造嘅兵庫縣產湯霜牡蠣。牡蠣帶有少少海水味道，肥厚新甜 🔅春之海鮮盛 +$50包括燒鰹魚、鯛魚和三文魚腩三款刺身。好啱選擇咗其他丼飯嘅朋友(即係我)加點試試🔅鰻魚豚肉生薑燒飯 $88 鰻魚飯都係熱門選擇。鰻魚燒得香，加上甜甜醬汁，拌飯一流，配上豚肉，味道變得無咁單一

剛好有事要去沙田，順便相約離沙田地鐵站5分鐘路程的Home Square的丼丼屋與朋友聚一聚！🌟春之什錦海鮮丼 $108(定食+$40 配兵庫縣產湯霜牡蠣、日式湯、副菜、甜品及果茶)最近慢慢有回暖感覺，原來餐牌都可以迎接春天的到來！呢個定食限定供應到5月30日，想食就要趁早了。丼飯表面佈滿配料，有燒鰹魚、鯛魚、三文魚腩、吞拿魚、特大赤海蝦及三文魚籽，每件刺身目測都切得幾厚，鮮味十足！定食還附上兵庫縣產湯霜牡蠣一客，湯霜法輕燙牡蠣完全鎖住天然鮮味！🌟春之海鮮盛 ($50)因為刺身真係新鮮好吸引，所以加配多一份，精選了3款刺身包括燒鰹魚、鯛魚和三文魚腩。鰹魚食得出燒烤煙燻味，鯛魚和三文魚腩都好鮮甜，特別喜愛三文魚腩的油脂感。🌟十勝豚丼(特盛定食) ($123)呢款是餐廳推介之一，實物跟照片一樣豚肉表面有燒肉迫出嘅油脂感，豬肉切得有一定厚度令咬口感十足，入口即感受到燒肉油香，配搭拌勻燒汁的珍珠米，燒汁微甜食多兩啖都不覺膩。

在日本料理中，生魚片是必不可少的元素，而帶子魚生飯則是其中的經典之一。在這道菜中，三文魚和帶子的鮮美味道完美融合，米飯的口感柔軟，讓人一口接一口地享受每個滋味。三文魚的油脂與帶子的鮮味相互融合，入口即化的口感令人垂涎欲滴，每一口都能讓人感受到海洋的清新與豐盈。除了帶子魚生飯，我還品嚐了一道令人驚豔的柚子蒟蒻。這道小點心結合了柚子皮的清香和蒟蒻的口感，令人一口咬下去就感受到了柚子的味道。柚子蒟蒻的口感柔軟，帶有些許的彈性，每一口都能感受到清新的柚子味道，非常適合當作點心。最後，我要說說這家店的日本茶。茶水清澈，香氣扑鼻，入口後滑順帶有些許的苦澀，是一款非常適合搭配日本料理的茶品。在這家店中，我不僅品嚐到了美味的食物，還體驗到了日本的文化氛圍。店內裝飾簡約而雅致，营造了一個愜意舒適的用餐環境。總的來說，這次用餐體驗非常棒，餐點豐盛，美味可口。店家的服務也非常親切，讓人感到賓至如歸。如果你喜歡日本料理和文化，這家店絕對值得一試。

一向好鍾意食煎炸野，最近見到有個期間限定新出品，今日就去食吓先😙～醬汁吉列豚•大蝦丼🐖🦐（$148）呢個丼飯係日本長野縣醬汁吉列豬扒丼名店「明治亭」「醬汁吉列豚丼」嘅升級版～淋上「明治亭」嘅特製豚肉醬汁，酸酸甜甜好開胃，再加入吉列大蝦🍤，見到實物咁靚仔，真係要打個卡先📷😆吉列豚🐖炸到外面酥脆，肉質仍然鬆軟，加埋酸酸甜甜嘅「明治亭」秘製豚肉醬汁淋喺吉列豚肉表面，味道真係好夾，愈食愈開胃～大大隻嘅吉列大蝦🍤，除咗好彈牙，仲好有鮮味添，食完仲想食多隻🤣！丼飯嘅底層係宮城縣珍珠米飯，口感煙煙韌韌🍚，仲配上大量嘅椰菜絲解膩～果茶🍊🍎🥭🍵（免費附送）夠香甜，而且果味十足～炸魷魚鬚（加$28）大大條嘅炸魷魚鬚🦑，好多肉兼好香口🤤

今日買野經過開，見到午餐都有幾多人食，重有人等位，於是買個便當返屋企食。買左個日式吉列豬扒便當，等左大約5分鐘就有，大大盒熱辣辣，拎到返屋企都重熱，不錯。便當入面有蕃茄仔同粟米粒，但就無沙律醬，食到清新嘅味道。有個日式涼菜應該係黃豆同醃紫菜，味道甜甜地幾開胃。有2棵烚西蘭花，呢個就麻麻，烚到林晒，重要有一陣草青味。有個蛋餅，又係唔掂，係凍嘅，同埋一pat野唔似蛋嘅質感，無乜味。主角吉列豬扒，焗左咁耐都重脆口，脆漿唔會過厚，不過豬扒嘅質素較一般，太多肥膏，同埋有筋，無乜味，要靠沾個豬扒醬先叫有啲味，最好味係個飯，食到明顯係日本米，煙煙韌韌，不錯

紅日放假去做Facial, 做完見肚餓打算一個人食個快飯~ 本來想食Beans, 但係好不幸地, 佢地剛開門已經入左第一ROUND客人, 至少要等1.5個鐘先到下一輪😭😭😭無奎之下唯有轉去食DONDONYA~ 本來近排都想食日本野, 所以都無乜點諗就揀佢了~我嗌左呢個滑蛋雞肉定食, 有埋飲品、湯、前菜同甜品, 算係幾齊全~ 味道係OK既, 正常日本餐廳質素, 而且都坐得好舒服下~ 埋單大概100元, 雖然有少少貴, 不過唔使等位可以直入, 我又覺得幾好, 同埋食物同服務都OK~