丸十日本食堂 (已結業)

位於葵芳的丸十主打精米，在日本各地搜羅適合的米種，把表面粗硬的部份輾走再打磨。既然米是這間餐廳的主打，當然要點有米的食物。 餐廳食物種類多。 澳洲和牛丼 色澤深紅的澳洲和牛，肉香味濃，肉汁緩緩流出，再配上溫泉蛋，米粒沾上蛋液更美味，唯一不足是醬汁不夠，吃到底時沒有醬汁就淡味。 松葉蟹肉壽漢堡 米漢堡煎得焦香，甚有口感，中間有生菜、芝士和松葉蟹肉，啖啖蟹肉非常足料。 丸十彩虹卷 色彩繽紛的彩虹卷是由牛油果、三文魚、油甘魚和吞拿魚製成，每件彩虹卷都有兩種食材，魚生新鮮，牛油果口感軟綿，加上爽口青瓜絲，適合選擇困難症的你。 雞之盛宴 有雞翼、雞胸肉、雞軟骨、大蔥雞肉和雞皮，外皮香脆。但雞皮帶油膩，另外雞胸肉太鞋。 抹茶丸十芭菲因為吃了很多飯所以很飽，於是甜品作結。最頂的抹茶軟雪糕，口感軟滑而抺茶味甘醇濃郁，內裏加入了粟米脆片、酸甜的士多啤梨和香甜軟棉的紅豆蓉，口味層次分明，口感豐富。沒想到非主打的甜品有如此質數。 餐廳食物種類多，味道不錯，地理位置方便，服務都蠻好，整體非常平均，一定會再來。

今晚約左幾個朋友去到葵芳新都會廣場（丸十日本食堂）食日本菜，餐廳大部分以木的顏色來設計，非常柔和簡潔，樓底又夠高，整個空間都十分寬敞，仲有好多卡位座，坐得非常舒服，餐廳食物種類有好多特別的款式而且質素又高，所以今晚大家食得非常開心。澳洲和牛烏東$138，和牛肉質粉嫩，不會老，牛味仲好濃郁，烏冬好軟滑再加温泉蛋，更能帶出鮮甜美味。丸十彩虹卷$118，賣相十分精緻美觀，分別有吞拿魚、三文魚等 好有鮮味，新鮮魚生配上軟綿綿的飯團，超正。海洋之盒$158 串燒分別有，大蝦夠彈牙，白鱔夠鮮甜、帶子十分香口啖啖肉、生蠔外脆内軟、鰻魚金黄香脆，每一串都有自己獨特的味道，鮮甜美味。汁煮海螺$88，海螺肉好爽口，滲透了秘製的醬汁，十分惹味。海之櫻花卷$88，將香口鮮甜的櫻花蝦整成的櫻花卷，外面脆卜卜，內面軟綿綿，好有層次感。

最愛食日本野，知道葵芳新開左一間丸十日本食堂，就迫不急待來試下。食飯時間好旺場，好大的店面都full,等左一陣有卡位坐，真系心情大好！餐廳主打fusion日本料理，淨系睇餐牌已經流口水了。餐廳從裝修到擺設都充滿日式風格，睇上去倍感溫馨。一來就點左期待已久的軟殼蟹壽司漢堡，賣相誘人呢大大咬一啖，口感層次好多，脆，酥，爽，香，彈，醬油米飯留在口中，糸超級大享受！點左一碗燒豚肉丼，欣賞燒豚肉的質感，每一塊都肥瘦適中，燒得好夠味！更欣賞佢既米，好似每一粒都飲飽水咁，好Q好糥！正！叧外點左牛油果炸蝦卷，高質抵食！蝦天婦羅炸粉好薄，香脆可口。鰻魚玉子燒，蛋滑鳗魚香！下次再來，呢間店開在葵芳好方便！

見佢新開，個日同班同事去試下個下午茶，我就嗌左個和牛炒飯 ($70-80)。和牛炒飯 ($70-80) 個炒飯好油 好膩 入面又有好多飯焦 好硬 食左2啖左右已經唔想再食 一黎成口油 二黎太多飯焦 食到個口好攰料又唔多 如圖所見 淨係見到一堆飯 我都唔知自己食緊咩 食完個碗底好多油例外D同事又嗌左D小食 小丸子 章魚圈個D 對比個炒飯黎講好好多正正常常 唔係特別好食同難食另外其他野就唔知好唔好食 不過以呢個價錢同咁既食物質素  應該就冇下次啦

另一半今晚訂了枱與我撐枱脚，地點是曾經熟識的地方(葵芳)，現在商場的店舖與當年差不多完全轉變了，難得他又找到這裡來，原來是姪女告知他的，新開不久日本精米食店。精米是：玄米    輾走表面粗硬米糠     最新鮮的白米   最短時間吃最有營養自家製玉子燒 $48微微溫暖，蛋味略遜但軟滑，不會像在日本吃到的較甜味，伴著加了醬油的蘿蔔蓉一起吃，不錯。丸十彩虹卷 $118嘩！有金箔，黑魚子在上面，壽司上卷上2種不同的魚生，或牛油果，每件不同，魚生新鮮嫩滑，牛油果綿綿口感，壽司內裏包住蟹柳和牛油果。牛油焗蘆筍 $58。蘆筍鮮嫩，不會有根，牛油味香，但不會過於油膩，只子份量不足，加多一點點較好!外面這塊是酸蓮藕。松葉蟹肉壽司漢堡 $98蟹子沒有圖片的那麼多，原來混在蟹肉裏面，食落卜卜脆，精米煎得脆口，煙煙韌韌，味道比較清淡，醬汁不多。澳洲和牛丼 $148牛肉圍繞米飯圏了一圏，還加了一隻溫泉蛋，牛肉是Medium rear，有一點點筋，但牛味很濃郁，肉嫩，如注意牛肉的橫直紋切工咬口更好；米飯的層次，何解有硬有煙韌有軟及腍，我擔心生米多一點，故向待應查詢，原來一碗米飯內有四個地區的米粒，包括現時較熟識

利申:真金白銀俾錢食唔係免費試食寫多幾隻字又俾人誤會做人真是很難。間唔中就會很想到葵芳 吃劣食以及逛葵涌廣場 雖然商場內賣的都是淘寶貨 但就是那種琳瑯滿目的感覺讓你好像快閃到台灣所以對我而言還是頗吸引的 通常吃得太多劣食反而會想正正經經地坐下吃一頓好的 至少是一間可以安靜靜坐下的餐廳 首選當然是相連的新都城商場 循例地看看商場內的指引發現新開了一家日式食堂 直接開在元氣壽司旁邊以前是和民的一個角落 日式的 裝修 而店面已經大大隻字寫著研究精米似乎現在開餐廳也是以專研為先餐牌也是一貫日式 精美的餐牌 裏面的選擇眾多 有串燒有鐵板燒 如果喜愛鐵板燒的話 店員好像會安排你 坐到鐵板燒前的位置另外也有和食 因為喉嚨很痛就不吃燒物了相反我們點了這些煙燻三文魚他他先用一塊白色的布蓋著 在吃的時候打開 便會有一陣煙飄出來 亦能得到煙燻的味道 但吃下去的時候跟普通三文魚他他並沒有太大分別 都是gimmick而已吞拿魚蓉飯其實也是一般 很新鮮到算不上 如果要選的話我會吃北海丼的吞拿魚蓉飯 看得出用了很多的一道卷物 有吞拿魚蓉帆立貝海膽以及黑松露 一口自是吃不完其實餐牌上上有很多甜品類也有飲品 但已在葵涌

今晚約同朋友去試試這家食店，平日晚上也不算太多人。坐得舒服，聊天一流。我們三人點了明太子沙拉，裡面有新鮮大蝦，拌起小辣的明太子醬，挺開胃的。明太子玉子也不錯，每人有兩塊。雞軟骨炸得非常脆，有咬口。松腳蟹魚子飯加上芥末醬油，食材新鮮，非常好吃牛油果三文魚漢堡挺特別，外層是米做得的，吃起來有點乾，需要加一點醬油就剛好。米做的包吃起來好像健康些。甜品是抹茶雪糕，喜歡抹茶的朋友不妨一試啊。每人大概170，已經比我想像中平了。

最近睇報紙見到新都會廣場原來係裝左修，新增左好多唔同類型嘅食肆。今日趁有時間得閒就同朋友去一試究竟。朋友俾啲一間食肆嘅門面，同埋𥚃面嘅環境吸引左，就入咗去食日本野啦。一打開餐牌，佢係食丼飯，同埋其他日式料理為主，一於就樣樣都叫啲啦！北海丼 $118貪佢有幾種唔同嘅刺身樣樣都食到一啲，刺身晶瑩通透十分之新鮮，份量都絕對不少，米用上日本精米。味道方面，吞拿魚腩蓉入口即溶，松葉蟹肉一梳梳，蟹味豐富，不錯。澳洲和牛烏冬 $138用上了精選和牛，入口即溶，牛肉味濃郁。唔好睇佢好似好生咁，入口剛剛好。而烏冬方面湯底濃厚，配似流心雞蛋。燒三文魚頭 $78燒到卜卜脆，非常香口，不太油膩，健康之選。雞軟骨餃子 $38形狀同普通嘅餃子唔同，是棒形的，煎得十分香脆，內裏鬆軟。抺茶丸十芭菲 $78淨係賣相都值得order了，綠茶味香濃，配上穀物脆，入口感覺非常特別。味道不太甜，感覺很好。

同friend行完葵廣，過返新都會食日本野丸十日本食堂餐牌上寫著和米專門，香港首創當店精米餐廳，所以就叫左丼，壽司我地就叫左北海丼有海膽，帶子，三文魚，魚子，蟹肉，甜蝦等等賣相非常吸引精米較一般米煙韌有咬口魚生新鮮，而且一碗就可以食到多款刺身👍🏼刺身拼盤2個人淺嚐剛剛好壽司冬甩2個壽司冬甩不同味一個係三文魚，牛油果，帶子加左千島醬，味道好得意冬甩用壽司飯做成，壽司飯醋味濃三文魚和帶子肥美，而且都幾厚身另一個係蟹肉，魚子壽司飯味道酸甜，似梅子粉味道澳洲和牛烏冬燒和牛外層燒左，入面未全熟薄片，完全唔韌因為已經有丼又有壽司，揀左烏冬仲有隻溫泉蛋架！流心好食😋

兩個人去到葵芳行街，見到開左間日本米專門店。店面好大好有日本海鮮市場感覺。用具都幾有特式~係用綠茱粉沖茶架~叫左一樣我好想食嘅日本送酒小吃！燒七味魚翅！好香好脆，一絲絲魚翅令我忍唔住不停食！魚生壽司漢堡係其中一樣精選！丸十嘅日本米好香口，加七味粉同飯素直頭係神級！好耐都冇食過咁好味嘅rice burger !鐵板日本南部地雞肉嫩，雞油直頭係香甜！上碟嘅時候好熱仲支支聲架，唔細碟，有好多件喔。緋紅卷係牛肉加炸明太子卷，好足料！唔需要醬汁都好好食。綠茶檸檬梳打細細杯，但好解渴，適合食完香口野！唔少得牛奶雪糕Brownie甜品，完美嘅一餐！

一直想食呢間丸十日本食堂，今天終於都有時間來試下，餐廳在葵芳新都會近平台位置，裝修好有日本味道，簡潔令人舒心。餐廳面積好闊，但食飯時間客非常多，仲要拎號碼籌等位，相當受歡迎。餐廳主打精米制做各類日本料理，淨系睇個樣已經垂延三尺。餐具好有日本風格，飲一杯抹茶，感覺好似到左日本，心情大好吖。壽司漢堡，即系米漢堡，我的摯愛！fusion 好愛，用混合左醬油的壽司米壓成的米餅做漢堡，我地揀左松葉蟹肉的米漢堡，一上到來，已經好口痕，大咬一啖，口感非常不錯！芝士好香滑，松葉蟹肉好滿足。海鮮拼盤，燒海鮮好正！入味又豐富！蟹籽玉子燒，口感細膩軟滑，好新鮮。燒豚肉丼，一座小山型既丼賣相勁吸引，鋪滿洋蔥燒汁的䐁肉丼，香味四溢！米飯🍚系絕對要贊既，粒粒香米好飽滿！豚肉肥瘦適中，肉質嫩滑。肚已飽，口仲痕，所以又嗌左一份香口小食炸薯角，真系好香脆！好味！

食過幾次，每次食完都覺得中伏，頭一兩次以為只係個別事件，所以再畀機會，點知都係伏大部分菜式既份量都少得可憐，例如價值100蚊既鐵板燒野菜只係得幾片菜更離譜既係，所謂人氣和牛炒飯，成碗飯裏面既和牛加埋，連一粒肉碎既份量都冇；海鮮炒烏冬都係伏，所謂既海鮮，只係得舖面既木魚，兩粒細得可憐既蝦米同兩片薄如紙既魷魚。感覺好似用廚餘煮餸咁。味道亦唔好，只有平價日本餐廳質素。以為只係廚師一時失手，不過見到其他人都有同樣經歷應該唔會再去

Happy Friday 一定要約朋友出唻食餐飯放鬆一下, 好好獎勵下自己！朋友係新都會返工, 果邊又有間新餐廳開幕, book左依一晚既八點, 去到門口已經大排長龍, 好彩唔需要等就入座！我地先叫左個salad清清地, 我就叫左個牛肉丼, 朋友就叫左波士頓龍蝦, 先講下我個牛肉丼, 份量岩岩好一人份, 牛肉望落雖然好生, 但食落絕對冇血水味同腥味, 好濃牛肉味, 非常非常推介！由於個飯未算好飽我地仲叫個幾件刺身, 魚生新鮮, 帆立貝爽口, 依一間餐廳既食材食得出係好高質全部都好新鮮！非常推介大家, 但記住要book位呀！

新都會開左新餐廳, 我又點會放過呢, 未食前已經聽朋友提過係一間高質餐廳, 但價錢有少少高, 本住岩岩出左雙糧就決定試一試啦！好彩我地一早就book左枱, 星期五晚真係成個新都會都人山人海, 餐廳氣氛好好, 兩個人唻都比個卡位我地, 傾計絕對冇問題！我地日主打係小食, 有波士頓龍蝦, 燒鰻魚, 一個牛肉丼share, 仲有個大蝦salad , 先講下個salad, 我好鐘意個醬, 至於燒鰻魚唔多骨燒到岩岩好！今次主打波士頓龍蝦, 我同朋友最期待, 食落仲有少少海水味, 冇落任何調味料 非常原汁原味, 真正好既食材先可以咁樣做,正正依一間餐廳可以做到！

精米釀酒聽得多 好少見到餐廳拎黎做綽頭仲要拎黎做Burger🤔🤔 門口成部精米機 好得意入面好大 有bar 鐵板燒料理行入去仲有卡位tim 餐具好精緻 一套齊哂 抹茶粉自己加 明太子玉子燒 蛋味濃郁 又滑 加上明太子偏鹹特別惹味😃😀G同我都喜愛白魚 用黑色既碟擺係上黎 白魚魚身精瑩剔透 簡單既魚味入到口 令舌尖都感受到一絲香味😀不得不試用精米做既漢堡三文魚牛油果漢堡😀😀三文魚魚油偏多 配上清新既牛油果😀😀每一口都令人回味無窮澳洲和牛烏冬 和牛味濃 配上烏冬湯底加上一半熟雞蛋 增加風味😃G同我當然唔夠食 叫多個本地雞飯用既都係日本精米 飯味好香 不過今日水多左太只黏身😲 不過雞味搭夠😀