丸十日本食堂 (已結業)

今晚約左幾個朋友去到葵芳新都會廣場（丸十日本食堂）食日本菜，餐廳大部分以木的顏色來設計，非常柔和簡潔，樓底又夠高，整個空間都十分寬敞，仲有好多卡位座，坐得非常舒服，餐廳食物種類有好多特別的款式而且質素又高，所以今晚大家食得非常開心。澳洲和牛烏東$138，和牛肉質粉嫩，不會老，牛味仲好濃郁，烏冬好軟滑再加温泉蛋，更能帶出鮮甜美味。丸十彩虹卷$118，賣相十分精緻美觀，分別有吞拿魚、三文魚等 好有鮮味，新鮮魚生配上軟綿綿的飯團，超正。海洋之盒$158 串燒分別有，大蝦夠彈牙，白鱔夠鮮甜、帶子十分香口啖啖肉、生蠔外脆内軟、鰻魚金黄香脆，每一串都有自己獨特的味道，鮮甜美味。汁煮海螺$88，海螺肉好爽口，滲透了秘製的醬汁，十分惹味。海之櫻花卷$88，將香口鮮甜的櫻花蝦整成的櫻花卷，外面脆卜卜，內面軟綿綿，好有層次感。