丸十日本食堂 (已結業)

葵芳呢邊係購物天堂, d 衫d 小食d 飲品全部都係價廉物美👍不過行左成日, 緊係要對自己好少少見到新都會廣場4樓呢間丸十日本食堂, 到左晚飯時間排晒長龍, 我諗應該好正, 所以排埋一份😂一入去果陣其實係滿座, 但唔想影到咁多人, 畢竟人地未必鍾意出鏡, 等埋單先影架🙈室內全部都係卡位, 2個人都係坐咁大張枱😍自家抹茶粉, 濃淡度自己調校👍築地池魚薄切 - $280問一問侍應今晚有咩築地鮮魚推介, 佢話得番最後呢條池魚, 咁緊係要左佢啦😍魚片做薄切, 魚腩部份就厚切, 講到明新鮮直送既築地魚, 食開日本野既朋友都知佢一定非池中之物, 鮮味一定一流👍考既係師傅既刀功瞬間煙薰鮪魚腩 - $128呢個賣相一流, 一上枱果陣係由塊牛油紙蓋住, 一打開左就好似去左仙境咁, 白茫茫既煙即刻籠罩住件魚腩, 到仙氣一散, 粉嫩色既鮪魚腩就出現喺你眼前👍澳洲和牛烏冬 - $138見到日本餐廳既和牛烏冬竟然係用上澳洲和牛, 有d 驚奇, 但食落就知道個分別喺邊度, 日本和牛肉質較稔較油, 澳洲和牛就偏向有咀嚼感同較濃既牛味, 所以用黎配烏冬係較佳👍海洋之盒 - $158呢個海洋之盒有齊5款大熱門既海鮮串燒

鐵板燒的一大賣點就是可以邊欣賞師傅即時烹調,邊享受美食。首先前菜沙律，清新爽口開胃。中華沙律份量恰到好處。前菜為這餐開展了一個美好的開頭。 帶子非常新鮮吸引，大大粒。香煎過後，沒有太多的縮小，吃下去非常清甜，不用太多調味便能吃出海鮮的香甜。大蝦同樣非常新鮮、爽口、彈牙、肉質結實，而且師傅的輕輕調味更帶出大蝦本身的鮮甜。 第三樣海鮮係三隻肥大的生蠔，同樣非常新鮮，粒粒飽滿。沒有腥味，只有濃濃的蠔味。如果喜歡吃生蠔的朋友必定非常高興！ 接着有兩款牛肉。首先，薄切牛肉配上青蔥非常配合。青蔥可消減肥牛的肥膩，令食客一口接一口 。 第二款是牛小排，油脂分布平均，大約五成熟，非常香口，充滿着肉汁。 吃過那麼多海鮮和牛肉後，師傅便炒了一碟雜錦蔬菜，讓食客清清口中的油膩感。最後，師傅用牛肉碎和不同的配料炒了一碗粒粒分明的黃金炒飯，吃過這炒飯後，飽腹感馬上大增。

今日同朋友行經葵涌廣場就搵啲餐廳醫肚見到有間新開嘅日本餐廳入面full晒 一定好好食啦所以我哋就等左一陣入到去見到有得食鐵板燒所以我哋就叫咗個鐵板燒套餐首先嚟咗個蟹子沙律 開下胃先之後就到燒北海道帆立貝大蝦同埋廣島蠔全部都好好食 燒到好香 因為我哋坐係吧枱嘅關係我哋可以望住師傅燒 完全睇得出好有鑊氣之後就到一個米國牛肉 可以揀薄燒或者厚燒因為兩樣都想試所以就同朋友每人揀一個我自己就比較鍾意厚燒 因為比較juicy最後就係野菜燒同 和牛炒飯一食就即刻飽晒 不得不推介就係佢哋嘅綠茶飲品綠茶latte 係用綠茶冰加鮮奶落去勁特別 令一款紅豆綠茶啦latte紅豆係可以Refill 正啊

今日同朋友來葵芳行街買野，行到攰順便搵下夜晚有咩好食。見到呢間七點已經開始坐满人要等位的丸十日本食堂，就急不及待攞飛，決定食新野。築地直送原條池魚刺身薄切，$280,賣相吸引，顏色晶瑩剔透，魚味鮮甜，肉質彈牙有質感，一啲都唔腥，點醋汁食味道好夾。餐廳新推出的燻製鮪魚腩，$128, 帶有淡淡木香的煙從杯中飄出，香氣撲鼻，鮪魚厚切，油脂雪花分佈平均，入口軟稔即溶，魚香味香濃。澳洲和牛烏冬，$138,肉質顏色鮮紅嫩滑，牛肉味濃郁，咬落煙韌有口感，烏冬彈牙爽口，吸收晒湯底的清甜，仲有一隻溫泉蛋，味道層次豐富。燒雪花牛舌，$35/串，燒得剛好熟，皮脆內滑，牛肉味濃郁，多汁而鮮甜。手羽先，$35/2串，雞皮好香脆，肉質嫩滑，油脂香味散發。

今晚去左葵芳呢間丸十日本食堂喺商場平台一行入去就見到餐廳以木系傢俬為主，充滿日式風味等位既時候可以見到師傅準備食物，相信鐵板燒都係餐廳主打之一部份套餐只係可以比坐喺鐵板燒專區既客人叫不過其他食物既類別都有好多鐵板燒專區係bar 檯型式，由師傅招呼客人我就無打算食鐵板燒，所以就無坐呢邊我點左一款原條魚刺身侍應都有介紹返今晚有咩魚同埋價錢係幾多，有啲魚比較大條就可以做兩食，一半係刺身，一半係燒。我自己對刺身有興趣啲，所以就揀左條細既，好似叫目鱆？（$300)擺盆好靚，亦都睇得出條魚好新鮮！抵食而且魚刺身搭配既酸汁同埋辣紅蘿蔔蓉都好夾，可以突出到魚既鮮味另外我點左一個牛丼餐廳主打精米，我又點可以唔叫返碗飯食？精米果然不同凡響！新鮮白米既味道特別香甜，令人想食完一配又一碗

同朋友喺葵芳食晚飯，想食日本菜，就來試試新開的丸十❤︎叫左幾款壽司和刺身，賣相十分吸引刺身盤包括拖羅, 赤貝, 油甘魚, 吞拿魚和甜蝦 (連加一大約$400，超級貴價，2啖食哂) 不過質素好高！拖羅，超級新鮮，幾乎是入口即溶，同埋無筋，比在日本吃的只有過之而無不及❤︎赤貝，吃得出有是新鮮貨，入口一陣清甜又爽口 <3 另外壽司方面，一樣抵讚口感很豐富，充滿住新鮮魚生的味道，下面竟然是太卷啊！誠意十足！整頓飯而言，味道十分好， 材料亦新鮮，不過價錢略高，而且沒什麼服務可言，要自己到櫃台埋單

話說我思鄉，搵到間高質日本精米食堂！餐廳裝修走和風路線，燈光柔和，同朋友傾下計唔錯！重點係，餐廳採用精米機，將日本直送玄米打磨，輾走玄米表白米糠，製成白米，無論軟熟度、米香，都同平時食開壽司飯完全無得比！！我地叫到成枱都係刺身同壽司🤪<瞬間燻製鮪魚腩>呢個係無得輸，一打開張紙就充斥住好濃烈煙燻香味！鮪魚腩入口即溶，好正！<豊洲刺身拼盤>海膽肥美creamy, 好高質！拖羅好邪惡呀🙈刺身新鮮鮮甜👍🏻👍🏻👍🏻<冰滴咖啡>咖啡唔會好苦澀，粒雪球好靚🤩仲有朱古力cookie添🤩！整體而言，餐廳環境舒適，服務態度唔錯，食物質素高，下次我要試和牛丼！見到隔離枱叫咗，好心動！！🤩🤩🤩

難得阿爸放假，就同佢黎左新都會廣場行下。阿爸唔係成日係香港，所以想同佢食餐好。經過呢間丸十日式餐廳，覺得裏面環境幾舒服，睇個餐牌都幾吸引，我地就決定係到食晚餐。餐牌中有唔少野都好獨特！店員特別向我推介左呢款瞬間燻製鮪魚腩:一開始有一層薄布蓋住，好神秘咁。掀開就有啲煙霧飄出來，視覺享受一流。平時普通刺身就食得多，咁特別就真係第一次見！另外我地仲叫左呢個海洋之盒 (實際係幾款串燒)，分別有大蝦、生蠔、鯖魚、活鰻、帆立貝。全部都非常新鮮，一次過食咁多樣海鮮真係好滿足。仲有我最愛的炸雞軟骨！超香脆，又熱辣辣，如果份量再多點就好。最後仲有呢個溫泉玉子伴燒澳洲和牛爆丼。淨係和牛已經夠吸引，再配上溫泉蛋撈飯，口感更正。牛肉既大塊又厚身，連爸爸都讚不絕口。整體黎講真係幾驚喜！呢度啲菜色真係好獨特，有好多都唔係普通日式餐廳會食到的野

*澳洲和牛爆丼 伴溫泉玉子 $148-份量都大 ,肉汁軟嫩剛好,具咬口,牛肉味香濃,搭上日本精米同溫泉玉子,味道更佳~ 溫馨提示:倒溫泉蛋前記得在丼的肉同飯頂掘舍洞,唔係隻蛋會跌出碗外~!*燒珍寶海鮮扇貝盒-生蠔,帶子,蟹柳,三文魚烤焗得香甜滋味，口感柔軟，每粒都充滿濃郁的芝士忌廉味，具層次感*鐵板和牛炒飯和牛量不多,但鐵板炒飯既飯粒夠乾爽，粒粒分明，雖然好食，但都覺得和牛拎黎炒飯有啲浪費，太奢侈了..*三文魚牛油果壽司漢堡牛油果入囗清新,而三文魚入口即化，魚味濃郁，也帶甘香,搭上日本精米,唔錯*鰻魚玉子燒-看看這多燒汁的玉子燒.本來還膽心蛋會有魚腥味.但其實還好，剛咬下去是蛋的香嫩. 再來鰻魚汁隨齒唇咬下而出,味濃~食左5XX蚊左右 飽哂

今晚的晚餐是跟朋友到葵芳這間「丸十日本食堂」，之前經過常看到大排長龍，而且店門口放了部精米機，更驅使人去光顧試試其特色 — 白米日本人對任何事都追求著極致完美，事事力求進步，每件事都希望做到一絲不苟，包括菜式及食材的態度如是而作為和米專門店的丸十亦是秉承此宗旨，引入精米機在餐廳進行「精米」工序，成為香港首家「當店精米」餐廳這時候你可能會問什麼是精米？「精米」過的白米較軟熟及有米香，因為玄米表面粗硬的米糠被輾走，再經過打磨等工序～～丸十的綠茶不是一般用茶包加上熱水，而是用綠茶粉，客人可以按自己的喜好而調出其濃淡度，綠茶味濃甘香🍵我跟朋友都難以抗拒刺身的吸引，但奈何怕點了太多食物吃不完，所以只叫了三點刺身拼盤，整體刺身質素都很高，新鮮肥美，而且有一定厚度😍澳洲和牛丼賣相跟餐牌顯示的照片一樣，完全符合商品說明條例🤘🏻😬 好似一個小牛肉富士山🗻咁這個和牛丼頂部有微微燒香過的蔥段，搭配埋日本的白米更是滋味非常和牛肉質軟腍，肉味較淡薄沒有想像中的濃郁，肉呈粉嫩粉嫩的顏色，兩邊都經過燒焦，倒上半熟的溫泉玉子，和牛沾上蛋液更嫩滑，丼是用上店的主打 — 白米，「精米」較平時食開的珍珠米黏稠度較高，營養

星期五放工想行下葵廣，所以就係新都會搵食啦，依間日本野都幾多人排隊，係見到佢個餐牌所以揀佢，因為又多元化又創新，睇落去就知啦-鰻魚玉子燒($68)雖然佢賣相平平，但食落係一個幾有水準既玉子燒，食落蛋好滑，玉子生熟度仲係帶少少蛋汁架，夾住鰻魚好正！-松葉蟹海膽天婦羅($128)第一次見依個配搭，依個都係餐廳推介既👌🏻上碟精緻。師傅將蟹肉同紫菜先炸起，入口係滿滿的蟹肉，再加上新鮮既海膽，海膽部分唔係天婦羅黎架，所以新鮮既海膽係吊起左天婦羅既鮮甜味，天婦羅係點綠茶鹽配食，伴碟仲有炸麵，食落香口，仲有兩條炸秋葵‼️-壽司冬甩($88)依個係比個賣相gimmick吸引左點既，其實就係兩件壽司飯，上碟時包裝成冬甩形狀再用剌身粒包住，二件壽司冬甩都唔同架。第一件係有三文魚、帶子、甜蝦、三文魚籽、玉子甜蛋粒，再加上沙律醬。而第二件係飯上鋪滿帶甜味既櫻花碎，加上滿滿蟹肉同牛油果😍兩個配搭都勁鐘意‼️用料都夠新鮮，好睇又好食👏🏻-蟹籽蟹肉壽司漢堡($98)又係gimmick野🙊依間日本料理店比我感覺都係多創新菜式。係兩塊麥當勞Fantastic既漢堡飯啊，中間大量蟹肉，仲有芝士添，真係仿漢堡黎架🤣-香蔥炸辣鮪

今日同朋友係葵芳睇完戲 就黎到丸十日本食堂 聽聞係非常高質嘅日本菜 try try先Menu實在係有太多野食 好難選擇! 最後我地點左5樣野食 首先黎到嘅係自家製鰻魚玉子燒 玉子入面包住一舊鰻魚仔 即叫即整熱辣辣 蛋又滑 正阿之後黎到嘅係火炙三文魚親子卷 壽司上面嗰塊三文魚好厚肉 好新鮮 而壽司入面亦有熟嘅燒三文魚 正適合親子2人一齊享用 然後黎到嘅係三文魚牛油果壽司漢堡 外形就好似精美版嘅飯tastic 但味道就大大不同 係三文魚嘅漢堡 從來未嚐試過 最驚喜嘅係 三文魚加牛油果非常夾! 再黎嘅係鐵板燒日本南部地雞 一黎到就比佢香味吸引 京葱配上燒汁 仲有一個特別嘅柚子醬 沾上後非常清新 份量亦比其他菜色多 接住嘅係丸十鐵板和牛炒飯 和牛肉碎非常香濃 炒飯亦充滿和牛香味 鍾意牛嘅朋友必須一試!最後 我地仲點左個甜品 草莓丸十芭菲 除左靚之外 就係好味! 草莓雪糕 忌廉 草莓醬 草莓馬卡龍 全部都好好味 真係大滿足

上一份工係葵芳返工 所以成日係葵芳搵好野食🙆🏻‍♀️ 不過自從轉左工之後就好少 最多都係去葵涌廣場掃下街 今次舊同事搵我食晚飯🥣 佢提議葵芳既一間新餐廳 丸十 專係食日本🇯🇵野 一齊去食返餐順便聚一聚可能係平日夜晚6點半 時間仲算係早既關係 餐廳既客人唔算多 我地兩個就被安排左一個幾闊落既位置 可以坐到四個人😬 坐得舒服之餘 張枱仲好夠大 岩哂鐘意食野既我地🤟🏻可以叫到一枱都係野食😋餐牌入面既選擇都幾多 我地簡咗一陣就决定好🤩 刺身飯 小食 甜品 各嗌一兩款😬先叫左個玉子燒 有原味 明太子 同鰻魚3款口味 我就簡左鰻魚 玉子燒幾厚實 做到一層層既口感 幾有層次感 半熟玉子嫩滑有蛋香 包裹住有鰻魚汁的鰻魚幾搭配 只係鰻魚既份量相對比較小塊🙈仲嗌咗款汁煮海螺🐚 下酒菜既唔錯選擇 帶點辣味 醬汁幾惹味 細細粒用竹籤好方便食✌🏻丼飯簡咗北海丼 有齊多款我大愛既刺身同海鮮🦞 有海膽 三文魚🍣 帶子 赤蝦 賣相好精緻 份量唔算太大 女仔食會覺得夠飽☺️ 餐廳賣點係米飯🍚同平日食既日本珍珠米唔同 係以日本玄米打磨製成白米 係以新鮮為賣點😎 口感稍硬帶米香😋 赤蝦口感爽彈 味道鮮甜 三文魚厚身帶油脂 感

路過見到新開張。梗係要試啦！係香港想食好耐嫁啦！但一直無機會！點解我話久違，因為我上一次食已經係好多年前，而且吾係係香港食！而香港又揾吾到有，所以排隊既時候真係好期待！我地坐左面對師傅既鐵板吧枱。係呢種感覺啦！超近距離既鐵板料理！吾洗諗食一個set 乜都有齊哂！我就食350既米國牛厚燒既！首先就係蟹籽沙律。細細碗份量吾算多。但就係勝在夠新鮮！當我地食梗既同時師傅就已經開始整下一道菜。實物真係會立體十倍！個2粒帶子未熟既時候真係有手鐲咁大隻！我都係由右至左食先。先係蠔！一啖放入口首先會食到好脆口既櫻花蝦之後就食到好鮮既蠔味！之後就係海老。姐係蝦！蝦平時我都食得多。不過不失。但要一提既係。可以近距離睇住師傅mok蝦！最最重要既係！佢會 清 蝦 腸 ！所以真係要大讚！之後就係帶子啦！係丫！燒完都係大大隻！正！牛丫牛丫！米國牛。都係個句睇住師傅整係最過癮！6成熟剛剛好！無得輸！再跟住就係野菜燒！黎到呢到我想講少少。一開始我都諗夠吾夠飽。但其實食埋個牛已經7成。最後就係所謂既牛肉炒飯！更正吾係所謂。而係超正！點解？平時既炒牛飯有咩味？咸味囉！呢個呢？係有牛味丫！真係無得輸！大大碗食哂！食完真心飽

新都會開左新日本食堂，作為日本控的我們當然要簽到拉😂😂內外裝修很一致，充滿日式和風，以木色為主，而且座位也相當濶落👍👍全店用日本精米，保持質素角切魚生飯很新鮮，而且很多魚腩部位🤭🤭而且份量很多，就連飯也很多😁就算大男人也很夠飽！可算相當實恵😬澳洲和牛烏冬-有驚喜，和牛燒過很香，入口即化，牛味十足，烏冬湯底濃郁，如果淡少少更佳，可以我個人比較清淡😅其他小食也不錯，雞之盛宴同日本差不多，好味😋軟殼蟹卷賣相很好👍鋪上三文魚籽大大粒，卜卜脆，一點也不腥👍👍總括來講，我倆都滿意，下次再來試其他🤭🤭