丸十日本食堂 (已結業)

一月份果陣同老公食過依一間位於新都會既丸十, 我同同事share完之後佢一直都話好想試, 今日難得我地都唔使準時返屋企就放肆下啦, 先唻鰻魚玉子 完全唔會腥而且冇骨, 小朋友都好岩食, 再唻有澳州和牛同埋日本走地雞, 和牛脂肪分佈平均, 肉質好淋, 咬幾口已經溶化, 至於炒雞, 雞肉本身好滑, 配埋碟邊既醬, 更帶出另一種風味, 推介！食完依一round唔算好飽, 我地再order雞泡魚乾, 點埋salad醬, 唔覺唔覺都食哂成碟, 仲有個他他和牛, 本身唔食生野既我都食左半碟証明有幾好味, 最後叫左個甜品結結左完美既一餐！

今日約左friend係葵芳食野，見未試過呢間日本野就諗住試下🤣一試又真係幾好👍🏻餐廳係和式裝修連Menu都非常和風🎏📋menu所有差不多所有日式食物都應有盡有🤩唔小心叫叫下叫左好多🤪作為牛魔王當然要叫番d燒肉試下🤤另外，見到呢到嘅matcha latte 幾特別所以都有叫到黎試下🤗🐟自家製鰻魚玉子燒鰻魚夠入味，鰻魚汁整得好好，連外層嘅玉子都有濃郁嘅鰻魚味😍好正！🦐北海丼相當足料嘅魚生飯，蝦、蟹肉三文魚、帶子等等全部都有齊🤩好多都好新鮮😙不過海膽略嫌有少少腥，不過整體都好滿意😋🦀炸軟殼蟹壽司漢堡見呢樣菜式比較新穎所以叫左黎試下🍔🍚充滿醬油嘅飯，兩層飯包住熱辣辣嘅軟殼蟹加芝士🧀想唔好食都好難🥰不過外層係飯始終容易散開，食嘅時候要小心d🤣🥩米國牛肉厚燒（左）和澳洲和牛厚燒終於到我最鐘意食嘅牛肉🐂澳洲和牛比較有牛味、比較鮮嫩😋配上蒜片一齊食，口感更佳😙米國牛肉比較比較煙靭，蘸上醬汁食更加好味☺️🍵凍抹茶拿鐵一拎上黎就見到有抹茶冰粒和坐熱左嘅牛奶🥛呢個做法，恰恰可以拎抹茶味道更濃郁，避免冰塊溶解稀釋抹茶拿鐵嘅味道💕慢慢倒入熱牛奶，抹茶冰粒會慢慢溶入牛奶中。🍨 抹茶雪糕配紅豆、白玉丸子🍡最後仲叫抹茶

今日同個friend黎左葵芳shopping，行完街之後順便搵下野食，誤打誤撞之下黎左丸十日本食堂。我地黎到既時候差唔多7點半，間餐廳都已經好full了。餐廳非常新淨，座位寬闊，無論係餐具定menu ，都好日系。我地2個女仔叫左4樣野食，食完都覺得好滿足。首先叫左我最中意既黑松露焗雜菌，雜菌係我最鍾意嘅黑松露醬，雖然焗雜菌睇落去好似冇乜特別，但係呢一個既焗雜菌黑松露味香濃，而且食落去淡淡都係黑松露味，用錫紙包住嘅雜菌擺咗一陣先食，都仲係熱辣辣，作為前菜非常一流。跟住試個卷物，叫左個海老之櫻卷，見佢個Menu寫住係新出，諗住睇下好唔好味。 結果冇令我失望。卷物中間係帆立貝，而面頭鋪滿左櫻花蝦，櫻花蝦下面有啲櫻花籽，咬落去充滿櫻花蝦香味，而中間有着新鮮軟身嘅帆立貝，口感豐富口感豐富，非常新鮮。再叫左個自家製明太子玉子燒。玉子燒一碟有六件，而且好厚身，而中間鋪滿左明太子，鹹香中帶點微辣，而甜甜既玉子正好中和返d辣味，恰到好處。最後叫左個澳州和牛厚燒，和牛非常新鮮，燒至7成熟左右，咬落去非常juicy，而且肉質腍嫰。可以揀鹽或者醬汁黎點牛食，兩者方面，我較鍾意容易用鹽，因為咁先能凸顯出牛嘅鮮味

相約朋友到葵芳食「丸十」,日式料理一直都系我地既最愛。餐廳以木質裝修為主，走和風路線，燈光柔和，充滿日式風味。野食選擇十分多，連甜品都好吸引！我地點左一個日本地雞丼。雞皮炸至金黃，雞肉就特別嫩滑。雞肉份量不俗，米飯粒粒飽滿。壽司方面，我地點左一個牛油果炸蝦卷，牛油果很熟，食落綿密，炸蝦香口。十分match!蟹籽很脆爽，口感層次豐富！小食點左份日本一口番薯，口感令人驚喜，番薯的皮燒得薄脆，咬開一口十分香糯，而且甜而不膩。最後當然要食埋個甜品先叫圓滿，抹茶紅豆小丸子，賣相討好。抹茶雪糕軟滑，茶味甘香，加上紅豆，甜度恰到好處！超級喜歡！

今日黎到葵芳新都會哩間新開冇幾耐既日本餐廳 丸十之前已經想試，因為啲設計好靚好吸引！入到去果然冇令我失望～門口帶位妹妹笑容親切，其他侍應都好有禮貌，又主動介紹是日海鮮👍🏻menu既相同選擇實在太吸引，幾個人叫下叫下叫左勁多😂冷盤叫左個三文魚他他，上面既海膽好甜好新鮮！三文魚都好肥美😋小食方面明太子玉子燒蛋極度嫩滑！連配上既蘿蔔蓉都好味燒雞泡魚乾簡直顛覆我對哩樣野既概念！以為平時嗰啲已經好好味，但哩度既係肥美啲，食落口唔會好油，但係勁香😍串燒叫左幾串share, 牛舌、青芥末雞肉同雞肝，青芥末醬好特別😋仲有澳洲和牛厚燒！！好嫩好重牛味！👍🏻仲試左兩樣之前未食過既壽司冬甩同牛油果三文魚壽司漢堡，個人鍾意冬甩多啲！因為貪心既我可以食哂三文魚、帆立貝、甜蝦、玉子、牛油果、松葉蟹同三文魚子🥰最後叫多個和牛炒飯，好惹味呀，食完真係飽到郁唔到架喇，不過都係要留多少少位食甜品叫左個紅豆抹茶雪糕配丸子，勁足料既雪糕食極都食唔完🤣士多啤梨芭非，濃厚既cream配落清甜既士多啤梨雪糕度好正😇總括黎講非常值得再黎～連甜品同酒類都好多選擇，無論情侶拍拖定朋友聚會都好適合！

上星期五同老細朝早去聽course，中午返到公司，唔打唔撞入咗呢間去食，開咗成半年都未黎試過。我老細推介香葱鮪魚蓉海膽丼，佢話佢請食飯，叫我唔好客氣。咁我就唔客氣叫咗呢款丼。講講外觀，成個餐都好精美，用木盒盛起，食完個前菜。主角黎到，成碗丼都舖滿鮪魚蓉，見到已經食指大動，魚蓉食落唔腥，每啖配埋調好味既醬油飯，好好味，好耐無食過咁好味既魚生丼，海膽無‘呃’味，都鮮既，但唔夠鮮甜。第一次食呢間都真係算唔錯，下次試埋其他。

葵芳新都會商場裝修完多咗好多新食店，今日晚餐去了丸十，見佢六點幾已有十幾人排隊，食物應該不太差吧！拎左飛後喺商場行咗一陣，好快就入得去！餐廳面積好大，有幾張吧枱，可以望到師傅製作過程，比較少有。點了一個北海丼$158用上海膽、蟹肉、蟹子、帶子、赤身、三文魚油金魚和甜蝦，材料豐富，非常新鮮！燒雞泡魚乾$68燒到金黃色，很惹味！丸十彩虹卷$118用上三文魚、赤身、牛油果再加上金箔，用料足，而宜不會容易散開👍雞之盛宴$98有五串串燒，免治雞肉，雞亦，雞皮燒得香脆！三文魚牛油果壽司漢堡$78小朋友至愛，很少地方有得食，軟殼蟹口感可能會更好！人均消費二百多元，用料很新鮮，難怪每天也大排長龍！

今日同朋友去食葵廣，下午已經掃完同行完街，晚餐就係隔離個新都會食，呢一間日本餐廳好多人係到等，見到咁多支持者，信心嘅保證，所以就係到攞位了。呢到係sale 精米，佢嘅米係來自日本唔同嘅地方，所以餐牌入面都不乏米飯爲主嘅菜式，另外呢到都有提供甜品，鐵板燒同串燒。1️⃣明太子玉子卷-明太子係中間，有口感同辣辣嘅感覺。2️⃣火炙三文魚親子卷-內脆外軟，入面有燒到脆身嘅三文魚，好味道。3️⃣雞之盛宴-想食串燒，單點又覺得好難揀，所以揀左個雞串燒set。特別喜歡呢一個雞軟骨串燒，有肉有骨。4️⃣溫泉玉子伴燒澳洲牛肉爆丼-呢一個招牌菜果然名不虛傳，澳洲牛肉質素可以媲美係扒房食嘅牛排🥩，玉子撈飯，飯唔係單一嘅白米，混左唔同種類嘅米，有軟有硬。5️⃣抺茶拿鐵冰-一杯熱牛奶🥛配上冰凍嘅抺茶冰，好飲，超喜愛！

同好朋友去左葵廣血併一輪買左夏季新裝後，之後到葵芳新都會廣場醫下肚仔，就來到丸十食日本料理，餐廳以卡位位置為主，坐得都幾舒服。而餐廳的抺茶粉都是自家產品。丸十彩虹卷 （$118），好靚的彩虹卷，目測有4款刺身魚，吞拿魚、三文魚、章紅，油甘魚，還有上面以金箔作為點綴，盡顯矜貴食材，刺身非常鮮味，而壽司卷包住青瓜絲、蟹柳，加埋一齊好豐富。炸軟殼蟹壽司漢堡（$98），軟殼蟹的部分炸得香酥可口，而且份量都唔少，壽司飯好實淨，不易鬆散，整體都唔錯。溫泉玉子伴澳洲和牛肉爆丼（$148），賣相好吸睛，牛肉約3成熟但唔會覺得硬，因為個飯太爆丼了，所以食時可把牛肉先浸在溫泉蛋裡，撈勻再連同飯一齊食，牛肉會更嫰滑，飯食到底也不會寡。抺茶味丸十芭菲（$78），作為飯後甜品2人share真的剛剛好，抺茶雪糕非常濃味，雪糕分為2層，上下層都有朱古力脆脆和朱古力醬，還有焦糖味的馬卡龍，是以濃味為主的芭菲。整餐飯食完真係好滿足呢！

早工同fd食飯，朋友介紹呢間，開心，有car位坐。餐廳裝修好整齊乾淨，餐具好的式。我地點左6樣嘢，上菜超快，5分鐘就將我地張台擺滿，見到一堆嘢食特別開心，每個款式都好骨子，賣相好吸引，不單止賣相吸引，食都好好食，特別個蟹仔玉子豆腐，襯熱食超正啊！還有個三文魚🍣牛油果🥑漢堡好特別，而且好足料。還有這裡的丸十🌈彩虹卷好有特色. 第一次食雞軟骨🥟餃子. 咬感都幾得意。野食整體黎講很好。服務員服務態度都不錯，經常幫我們收碟，也有點頻密！哈哈哈！他們都很友善。下次叫老公請我黎食先😀😀😀

早前，有姊妹話我知星期日經過葵芳新都會廣場，將會有間新開的日式餐廳 <丸十日本食堂>！ 在11月平日星期三當晚，我跟男朋友一起走到葵芳新都會廣場，這間新開的日式餐廳 <丸十日本食堂>！這裡地方闊落，和風木色系裝潢，舒適自然！ 餐具也頗特別！食客可自行添綠茶！店方以日本「米」食文化作主打，打開餐牌，日式美食琳瑯滿目！ 圖文並茂！賣相既吸引又有創意特色！ 以米入饌的美食也不少！黑松露海膽茶碗蒸 $58滿載鮮香！ 蒸蛋滑不留口，加入海膽及蝦增加鮮甜味美！落足料的黑松露絕對可提升口味！令整體味道更精彩！自家製明太子玉子燒 $58明太子玉子燒口感滑溜富濃郁蛋香，混入明太子口味變得不單調！𣊬間燻製鮪魚腩 $128當我一打開玻璃杯上的紙巾，陣陣煙燻味飄來鼻子！未嚐先有視覺及嗅覺雙重效果！鮪魚腩入口鮮滑富鮮味！他食得津津有味！炸軟殼蟹壽司漢堡 $98壽司漢堡就是 rice burger！ 壽司飯選用珍珠米富彈性！而且燒過的壽司飯零舍香口，配合炸軟殼蟹及芝士，食出啖啖滋味！松葉蟹肉壽司漢堡 $98這款壽司漢堡是最後送上！讓我們久等， 松葉蟹肉份量豐足，混合沙律醬，濕潤口感

隔離餐廳好多人排隊呀我真係唔想排隊呀所以提議試下丸十啦入面好似好靚咁menu又精美一坐低就飲番啖茶先 綠茶粉好香濃我中意飲佢玉子燒火喉控制得唔錯啊～而且明太子好足料我個明太子控朋友表示高興呢個雞泡魚乾💯💯💯💯💯個人認為必嗌！！唔同出面食個d乾爭爭既雞泡魚乾佢係想像唔到咁juicy我每舊都食好耐先捨得吞因為好好味呢個壽司冬甩好QQ呀我夾開一舊一舊好似平時壽司size咁食比想像中易handle右邊個舊就有dd辣因為有明太子小小辣多多趣左邊個舊又有帶子又有甜蝦又有三文魚全部都好大舊架見到壽司漢堡好新奇又叫黎試下啦實物都幾大架喎有我掌心咁大（我手掌算大😂）我就試下好似平時係漢堡包咁樣拎住食 又得喎大家都可以試下呢個日式高級版飯tastic哈哈😂串燒無叫好多因為有好多其他食物揀左邊係牛舌 中間係雞肝 右邊係青芥末雞肉串個人推介青芥末雞肉串個sauce好正入口即溶既和牛就算唔點調味都好有牛香同油香啊店員拎呢個黎既時候我都有d好奇呢舊野😂然後店員話準備好先好開呀因為會有煙飛出黎😂好似好得意咁我緊係準備好相機先開啦一開個下真係好大煙好wow到大家所以一開個下我揀左拍片而家圖中係煙既餘韻😂呢個三文魚他他

行完街緊係搵吓有咩好嘢食啦，經過呢間丸十門口，再望吓佢嘅餐牌，好自然就俾佢吸引咗入去試吓菜色嘅選擇真係好多，樣樣都好吸引，真係好難揀明太子玉子燒，雖然唔係好食得出明太子嘅味道，但玉子就非常嫩滑雜錦天扶良，款式配搭都唔錯，有兩隻大蝦加蔬菜，熱辣辣丸十彩虹卷，分別用唔同嘅魚生做嘅，既美觀又好食燒牛舌、鯖魚，牛舌唔會燒得過火，鯖魚就比預期好味，一啲鯹味都無燒日本南部地雞，雞肉嫩滑多汁，再配小小柚子醬，真係絕配燻製三文魚他他，打開嘅時候已經聞到一陣燻香嘅味道，食入口更加有種特別嘅感覺，值得推介丸十海鮮丼、北海丼，兩碗丼嘅用料非常新鮮，有種置身日本嘅感覺，而且份量適中，飯都煮得好好味

經過葵涌新都會廣場見到呢間叫丸十， 當中又叫香港首創當店精米餐廳， 好奇心驅使下就入去坐低， 環境都唔錯大部分都係卡位， 而且相當闊落。跟住我就研究咪叫做精米， menu入面有講嘅， 我大概可以撮成為，精米就是將米糠從粗硬的玄米表面輾走， 在打磨成口感軟熟的白米。 丸十就喺餐廳裏面進行精米嘅工序， 真係全港首創嘅餐廳。講番食物先,牛油焗蘆筍,露筍烚到度啱啱好跟住再拎去焗,唔好太淋或者太硬,可以咁簡單嘅嘢都整到咁好味松葉蟹海膽天扶良， 因為未試過 ， 食落好得意， 首先用紫菜包住蟹肉同海膽， 跟住拎去炸， 食落去覺得紫菜好脆， 餡料又唔會overcooked， 呢種食法好新鮮。北海丼， 三文魚，吞拿魚，甜蝦，海膽， 油甘魚 ，帶子加埋蟹籽 雜錦刺身飯， 正正正，因為材料好新鮮。松葉蟹肉壽司漢堡， 底面兩層啡色已調味 嘅飯，夾住超爆多蟹肉加芝士嘅餡料， 非常yummy 。今餐食嘅量唔係好多， 但所有嘅食材都好高級 ，真係重質不重量。

Overall verdict: tasty but nothing notable.We ordered:1. Australian Wagyu Beef Udon2. Rainbow roll3. Yakitori set1. The udon came out hot and tasty. The wagyu beef did not look as quality as the photo on the menu but was still tasty 😋2. The rainbow roll was beautiful and tasted the best out of the three dishes. I would recommend this 👌3. The yakitori set includes 5 different skewers; chicken mince ball, chicken skin, cartilage, wing and meat. My favourite was the chicken mince ball. I think the