丸十日本食堂 (已結業)

今日晚市黎到新都會真係好多人，幾乎每間餐廳都要等位😯原來和民已經執咗，而家開咗間日本料理叫丸十打開餐牌有好多嘢食，有燒物、刺身、卷物、丼飯、炒烏冬、甜品等等。真係咩都想食😜有丸十綠茶粉，可以自己調較味道，綠茶味幾香。先嚟一個燒七味魚翅，魚翅燒得好香。咬落去脆脆地，但中間係淋嘅，點埋沙律醬加七味粉，好食😋送酒一流!卷物叫咗海之櫻花卷，有好多海老仔，整得好靚，入面係有帶子刺身，一客有六件，睇得又食得🙆‍♀️丼飯叫咗火炙海鮮丼🍱最鍾意食火炙，因為有 火炙香味，丼飯有火炙帶子，厚切大大粒，仲有三文魚、油甘魚、吞拿魚、魚子、蟹肉等等🙃最鍾意係佢啲飯係充滿醋嘅味道，顏色呈淺啡色，飯嘅份量都好多，足夠我哋兩個人share👍串燒方面叫咗雞之盛宴，真係全雞宴🤭有燒雞翼、個皮燒得好脆， 有鹽燒，好食😛仲有燒雞粒、雞軟骨、雞串等等，串燒醬汁好入味，夠惹味🍢再加多個鐵板海鮮炒烏冬，烏冬充滿日本醬油味，面上有好多肉鬆😋海鮮有帶子、魷魚等等，烏冬咬落煙韌👍埋單500蚊左右，叫咗咁多嘢食都ok 喎!

去完附近商場買野，肚仔餓，經過呢間日本餐廳，見有鐵板燒一於試吓。叫左鐵板燒試吓。蟹肉沙律：鮮美的蟹肉，新鮮的沙律菜，加上腰果沙拉汁，何止開胃那麼簡單，簡直是色香味俱全，令人回味呢！波士頓龍蝦：牛油香味的波士頓龍蝦，那是一個肉鮮甜而帶著微微的海水咸味，這個配搭視乎比蒜蓉龍蝦更加出色！南非鮑魚：照燒鮑魚充滿著酒的香味，爽脆的鮑魚是我的最愛，再沾點自製的醬汁真的是讓人味蕾為之享受！ 安格斯牛肉：一直喜歡吃牛，而不喜歡吃太多掩料醃過的牛肉，最簡單的做法最能夠顯示它的鮮味，直接照燒的牛肉，加點淮鹽，味道一流呢！

我想食日本野 而男朋友又想食串燒 佢就搵左新都會呢間 丸十日本食堂同我食飯啦😛我哋叫咗個和牛丼同好多串燒 估唔到串燒又唔貴喎 散叫又得 套餐盛盒叫又得😛先講串燒 分別有三個盛盒 主要分為雞肉海鮮蔬菜三款😍 我哋就要左雞肉同海鮮 海鮮嗰個真係超好食呀😋😋😋 有蝦 鯖魚 活鰻 生蠔同埋帆立貝 五支都係水準之上😋 尤其係活鰻 生蠔！活鰻燒得個皮脆之餘 肉質厚滑好鮮甜好juicy 仲有淡淡的魚油香🤤 非常好味呀😋 生蠔就唔會燒到熟晒 食落仲有啲creamy既口感 散叫都$45一串 梗係叫盛合抵啲啦😝 唯一爭啲既係帆立貝個汁 咸啲會更突出帆立貝既鮮味😛見串燒咁有水準 男朋友就話叫個鐵板燒南非鮑魚 燒得都好有味道既 鮑魚切條上 好方便食 亦唔會韌 好彈牙！😋😋和牛丼就幾吸引 高到成座山咁上枱 不過和牛唔夠多 好想食完再食啊😍 和牛只用左簡單調味 主要食到牛既味道 點玉子食正😛最後我地叫左個甜品 抹茶雪糕配紅豆。白玉丸子 雪糕好滑 不過我覺得甜味唔夠 帶出唔到個抹茶味🤔 配紅豆食就好啲 咁個抹茶味就出番啲啦🤣

丸十位於葵芳新都會4樓，人流極旺，未夠7點已經人山人海了。等咗15分鐘左右就被安排入座，餐廳用餐區範圍極大，轉個彎仲有勁多枱，唔怪得等一陣就有得入！絕大部分座位都係卡位，有綠茶粉同熱水壺，可以按自己喜好調較茶的濃度。以精米為主題的餐廳，餐牌很有質感！落單後5分鐘，幾乎黎齊所有嘢食，效率極高！澳洲和牛烏冬 $138和牛的色澤十分誘人，令人食指大動！烏冬幼身但不失嚼勁，雪白的魚湯頗為香甜，不錯！海鮮刺身沙律 $98蟹籽和白飯魚之下是大量的角切刺身，刺身份量算多，菜葉也很爽脆，配柚子汁十分開胃！三文魚親子丼 $98三文魚籽粒粒都咁飽滿，而且鮮味十足！三文魚刺身油份充足，肥美好吃！而個飯底粒粒分明，軟硬適中，米香四溢，不愧為主打，正！自家製明太子玉子燒 $58新鮮熱辣辣，蛋夠嫩滑而且味道濃郁，明太子的咸鮮味也很突出，推介！冷抹茶紅豆拿鐵 $55茶和奶的比例啱啱好，而且有紅豆和忌廉的加持，又香又甜又滑！

因為大家都唔肚餓，所以我哋散叫左一啲小食同壽司軍艦，但有d想食既野太搶手，7點幾就已經無得叫了，失望......但咁大間店好應該預備多d食材架......特選豐洲刺身盛 - 都幾新鮮，好有口感。自家製明太子玉子燒 - 好味，明太子既份量洽到好處，食落不會咸過頭。牛油果炸蝦卷&炸軟殼蟹卷 - 叫唔到想食的卷就叫左呢兩個啦，所以都係同平時食既差不多，不過不失啦。唯有下次再來試試啦，但唔便宜唷！

丸十保持日本設計既簡潔好合我心意日式茶碗蒸蒸蛋好滑比起平時食開嘅蒸蛋硬身少少蒸旦最怕唔夠熱 呢個溫度剛剛好除咗蒸蛋之外我哋仲叫咗呢個魚生飯北海丼包括：海膽/甜蝦/蟹籽/帶子/松葉蟹肉等等材料十分新鮮丼內既飯亦有別於我地平時食開個種仲有紫菜係入面添雪花牛舌厚度剛好無怪味調味料有啲搶走左牛肉原先味道雖然咁樣整都好好味但係如果可以留返牛肉原先嘅味道就更加好啦梅酒有三種呢種既甜酸係三款之中既中間古城梅酒不錯不錯呢餐幫我趕走哂返工既疲倦開心開心！

好耐冇行過葵芳新都會廣場，今日冇意中發現開咗間丸十日本食堂。見餐牌上的丼飯賣相好吸引，便決定入去試試！😋溫泉玉子伴燒澳洲和牛肉爆丼～見到都流晒口水，和牛鋪滿飯面，要夾開啲和牛，係飯中間開個窿，先有位置將溫泉蛋倒入飯中間，伴均後再同和牛一起吃！和牛肉味香濃，口感豐富，唔係入口即溶油份高嗰type，加埋大蔥、櫻花蝦味道好夾好正！👍🏻👍🏻北海丼～有多款刺身、海膽、蝦、帶子、松葉蟹肉、魚籽，非常新鮮味濃，吞拿魚入口又棉又軟，完全冇渣。海膽鮮味十足！👍🏻👍🏻雞之盛宴～五款串燒 全部都係雞🙈🙊雞肉、雞軟骨、雞肉丸、雞翅和雞皮。燒得好香脆，尤其是雞皮和雞翅，外表沒有什麼特別，其實皮下脂肪全都迫哂出來，薄薄的又香又脆，裏面的雞肉還是很嫩滑！最後甜品是抹茶丸十芭菲～ 同樣材料豐富，抹茶味道好濃，唔會太甜。個馬卡龍超香杏仁味！成杯芭菲超大足夠兩個人食。

今晚黎到呢間開張左幾個月, 標榜以精米製作米飯嘅日式餐廳開飯｡餐廳環境非常寬敞, 室內以日式嘅設計為主, 座位有卡位 & Bar 枱位兩款｡Menu 上嘅食物款式非常多, 就連壽司漢堡、串燒、爆丼飯 & 鐵板燒都有, 而且價錢比起其他地區嘅日式餐廳較相宜｡自家製鰻魚玉子燒玉子層層分明, 中間捲住一件鰻魚, 呢款玉子燒唔會好乾身, 蛋香 & 蛋汁仍然豐富, 口感濕潤, 鰻魚令玉子燒嘅味道變得不平凡｡雞之盛宴鐘意食雞串燒嘅人絕對唔可以錯過呢款雞串燒拼盤: 手羽先 (燒到外皮香脆)、雞腿肉 (配上特製醬汁, 而且啖啖肉)、雞肉丸 (第一次食雞肉, 味道偏濃)、雞胸軟骨 (軟骨中夾雜左少少雞胸肉)、雞皮 (脆到好似食薯片咁, 而且一 D 都唔油膩)｡丸十究極の卷材料極盡奢華, 有海膽、鮪魚蓉、三文魚籽、帆立貝 & 甜蝦, 味道夠晒新鮮甜美, 上面仲放左少少金箔裝飾｡澳洲和牛薄燒薄燒嘅澳洲和牛, 味道一 D 都唔輸蝕, 中間仲包住左 D 香蔥, 牛香肉濃, 唔會燒到乾晒身, 食落去仍然好 Juicy｡ 可以先食原味, 然後再加少少岩鹽或特製燒汁一齊食, 令味道更加昇華｡

星期六,六點食晚飯打算第一輪食，去到攞咗飛，第一張二人枱，但門口太混亂，待應安排太差，淨係俾三或四人枱入，又話卡位係俾四人要我繼續等，等咗半小時以上，被安排入坐，見到好多卡位都只有兩個人坐.... 枱面有綠茶粉同熱水壼，很好不用等待應refill 。叫咗雞泡魚乾，除咗上碗賣相差，味道ok明太子玉子燒，夠juicy，其他地方食會有汁加蘿蔔蓉，但呢間個蘿蔔蓉已經有調味仲帶少少酒味三文魚牛油果burger, 用料足，飯好味好香海洋的盒，有鰻魚，鯖魚，蠔，大蝦，帶子，一上枱好香蝦味，但可惜粘殻。鰻魚就好肥美。鮑魚煮得好淋，但就只有牛油味無乜鮑魚鮮味。配上salad 好fresh 個dressing 相信都係秘製有米味。澳洲和牛鳥冬，鳥冬好味有米香有彈性，和牛有牛味但有少少老，平時食和牛應該是鬆軟雪糕配朱古力布朗，非一般牛奶雪糕。

葵芳一向都多野行多野食，行完就緊係醫下肚！我地揀左黎新都會入面既丸十日本食堂，我地去到大約6點半，已經非常多人，好彩入面都幾大，唔洗等好耐就有位！打開本menu勁多選擇，完全諗唔到食咩，唯有揀左野飲先！我同朋友都一眼睇中左抹茶拿鐵冰！佢既份量比想像中大杯，滿滿一杯既抹茶冰，視覺效果非常好，淋上溫熱既牛奶，睇住d冰逐逐溶化都幾治癮。佢d冰一時三刻溶唔哂，杯野綠綠地已經可以開始飲，未來以為會苦苦地，但喜出望外，係比較偏甜，飲第一啖就覺得好彩冇叫錯！真係幾好飲，係有抹茶香既甜牛奶。野食方面，我覺得係同傳純日式食肆唔同，打破傳統日式小食既框框，揉合不同元素，保留傳統之餘又令人覺得非常新穎首先係鰻魚玉子燒，我都係第一次食玉子燒入面有鰻魚，都幾夾，配埋鰻魚汁一流仲有炸軟殼蟹壽司漢堡，軟殼蟹壽司你可能食過，但大到漢堡咁真係未食過。漢堡入面有埋芝士同生菜，真係堅漢堡冇呃人，咁食法真係幾新，軟殼蟹炸到好脆，成個配搭好好食北海丼就係傳統既魚生飯，d魚生好新鮮，每件都入口即溶，而且份量好大份！剩係蟹肉都唔少我地仲叫左兩款牛，一款係米國牛肉厚燒，一款係澳州和牛厚燒，澳州和牛厚燒價錢貴少少，但真係牛味重d，個人

平時好少黎葵芳，今日下就要特登過黎呢頭見客，見完都夜晚了，就同同事提議不如係附近行下。去到新都會廣場先發現，原來好多野食！行過呢間丸十，被佢門口一部好大既機器吸引住，原來係專門用黎打磨米粒既。打磨完既米叫「精米」，就係用黎做壽司飯！睇返個menu，雖然款式唔多，但每樣都好精緻，好難揀一入到去，地方好闊落，仲有一半位置無入鏡。餐具非常日本風，綠茶自己炮製前菜先黎一客刺身，11款任意組合，彈性夠高，岩哂唔食魚但又鐘意食日本野既我赤貝爽口，帶子鮮甜，甜蝦好肥美。鐵板和牛，呢個頗出色，雖然價錢對相唔平，但一分錢一分貨。牛肉入口即溶，配上調味，炭鹽同黑椒汁，味道更為鮮明。田園串燒，夠哂入味，燒得岩岩好。鮪魚蓉海膽飯，魚生同飯既比例係1:1同同事share既飯，雖然我唔係點食魚，但都試左少少，食得出係新鮮既，海膽就好甜無腥味。飯本身已經有味道，加少少豉油就得。精米食落既感覺有d似珍珠米整個用餐感覺都唔錯，地方好乾淨，食材新鮮，款式精緻，值得再試

葵芳新都會廣場入面睇中左一間日本餐廳，同屋企人入咗去叫咗幾道菜式:雞肉拼盤、芝士軟殼蟹漢堡、廣島炸蠔、芝士扇貝盒、羊架。🌻個人最喜歡嘅就係佢嘅芝士軟殼蟹漢堡首先，菜式夠創意特別，而且漢堡上下層都係由飯造成，溫度夠熱，軟殼蟹都係好脆口。。。。。。。。。。。。。。。。。。。。。。。。。🌻另外嘅就係呢個芝士海鮮扇貝盒，面層有魚子同芝士，打開芝士嘅背後就係有唔同嘅海鮮，例如扇貝、蟹柳、蠔。。。。。。。。。。。。。。。。。。。。。。。🌻廣島蠔，夠脆，而且都有五隻咁多！建議點醬汁，感覺更加美味、。。。。。。。。。。。。。。。。。。。。。。。🌻羊架啲肉啱啱好，唔會太多血水，個人鍾意喺羊架表面吉幾個窿，然後折啲檸檬汁， 感覺更加開胃而不油膩

今日嚟到葵芳見到呢間餐廳咁多人排隊就知係好野。果然就係我最鐘意既丸十!!!雖然隊好長，但係我地冇幾耐就入得，真開心。我咁鐘意丸十其中一個原因就係佢食物款色夠多。除了唔同既刺身同卷物，仲有好多其他地方冇既食物，好似壽司漢堡咁，好有新意。食過咁多次彩虹壽司，今次我地決定食呑拿魚拖羅卷。本身個呑拿卷泥到既時候，見到佢顔色真係冇之前食開既卷物一樣色彩繽紛。點知一食落就知道果然冇揀錯。呑拿魚拖羅係中間超級肥美🤤🤤而且一啲都冇楂。魚油仲好香好香❤️❤️之後我地都叫左饅魚玉子燒。玉子燒泥到個時仲係熱辣辣，仲出跟煙。饅魚亦都入口既溶，加埋中間半熟既玉子，真係好滋味🤤泥到丸十，冇理由唔食佢既串燒呀嘛～由於真係下唔到決定，我地就叫左個海鮮串燒assortment。個拼盤有燒蝦，饅魚，燒蠔同燒秋刀魚。其他食物好味都知嫁啦，估唔到佢個燒秋刀魚都咁惹味❤️佢其實有幾隻食物都有哂醬所以都唔洗加其他調味料。小食方面,我地仲叫埋個日本直飛到港既鐵板燒雞。同其他食物一樣，燒雞上到枱都係好夠熱，所以食落都好有風味。我最鐘意既都係佢上面好多好多既日本葱！加埋真係好夾。最後，我同個飯tung friend都叫左個安格思牛肉飯。牛肉

行完街有啲肚餓，雖然已經食咗晚飯，不過想搵地方坐低好好地食甜品，記得呢間餐廳夜晚食飯時間好多人，但係今晚可能我哋已經比較夜、竟然冇乜人，我地就一於揀佢食個宵夜坐下。次次見到呢間餐廳menu已經想試左好耐，今次唔洗排隊就食到，特別開心餐廳裝修，餐牌，餐具都好有日本風。宵夜都係以小食為主，明太子蛋捲，蛋捲夠滑有蛋香，連埋明太子一齊食，咸咸香香又唔會太濟住個胃，唔錯唔錯！薄燒牛肉卷入面加咗蔥花，特別香，牛肉嫩滑有牛味，燒得剛剛好唔會太乾身，一舊一啖食咗兩舊，好想叫碗白飯送黎一齊食，哈哈叫咗個牛油果鰻魚卷，卷物入邊有舊軟芝士，估唔到同鰻魚咁夾，加埋三文魚子，每一啖咬落去都有唔同口感，值得一試。今晚主角其實係甜品，雲呢拿雪糕配特濃咖啡，雪糕即時變左咖啡雪糕，超好味，食到尾雖然雪糕溶左，但又好似變左一杯咖啡特飲，太好味，我一滴都無浪費，勁正啊！

喺葵芳行完街之後當然要搵間餐廳醫肚，見到呢間餐廳都幾多人排隊，應該都唔差，不過我哋等左唔使好耐就已經入得。鋪面門口擺左個「製米機」先知原來呢度特色係啲米！「精米」係指將米糠由粗糙嘅玄米表面輾走，再打磨成口感軟熟嘅白米嘅過程，而啱啱完成呢個程序嘅白米係最好食，所以喺呢度食到嘅壽司口感好軟熟 唔會「實的的」 感覺亦好豐足丸十彩虹卷呢度有好多唔同特色卷物，我地就叫左好多人推介嘅彩虹卷，由吞拿魚、三文魚、牛油果組成 顏色好繽紛，材料好豐富，面頭上有金箔好deluxe海鮮串燒呢個拼盤都幾抵食，有大蝦、生蠔、鯖魚、鰻魚＆帆立貝，Size都唔細，生蠔燒得唔乾身，仲Keep到幾Juicy！澳洲和牛丼實物賣相同餐牌嘅差唔多，都係好大碗，２個人食夠哂，牛肉份量都好多，而且肉質嫩 有牛肉濃香味