丸十日本食堂 (已結業)

今日同屋企人去葵芳嗰邊行，最後去左丸十日本食堂都食嘢，呢度都幾多人，想食要預先早啲等位。我哋叫咗個蟹籽沙律做前菜，都非常多蟹籽，而且個青瓜都好鮮甜，好味。仲叫咗個黑松露海膽茶碗蒸，個海膽好鮮甜，黑松露嘅味都好濃郁，配埋啲蛋食一啲都唔寡，仲好好味添。主菜方面我哋叫咗澳洲和牛烏冬同埋溫泉玉子伴燒澳洲和牛爆丼。因為我哋好鍾意食和牛。我發覺每一份嘅和牛都非常之多，我哋四個人食啱啱好，個和牛入口即溶，非常之有牛味。如果烏冬就正正常常。我哋仲叫咗啲燒物， 分別有燒南非鮑魚，聖子王，原隻生蠔。個南非鮑魚好好食，好彈牙，而且燒到勁香口，非常推薦。而個蟶子皇配埋啲調味料，非常惹味，並且好多肉汁。個生蠔亦都肥美，如果更大隻更加好。除咗燒海鮮，我哋仲叫咗燒牛舌同埋燒三文魚頭，個燒牛舌非常juicy，一啲都唔韌，好味。燒三文魚頭亦都非常之多肉，肉質鮮嫩。我哋仲叫咗個火炙三文魚親子卷，非常足料，味道正常。甜品就叫咗個抹茶雪糕， 好濃嘅抹茶味，配埋甜甜嘅紅豆食簡直一流。

同朋友兩個人食，叫得唔多。但整體食物質素唔錯，服務態度亦十分好，環境舒適。閒日去會少人好多，我見佢成日都大排長龍，但如果以等咁耐入去食，又唔算好值，屬於唔洗等可以一試類型🙂

今日約咗個客到葵芳開會，點知個客放飛機，我同我同事為咗安慰自己對自己好啲去搵間正嘢食！上網搜尋就見到呢間日本料理，就打電話訂枱，定一個鐘之後有位餐廳10分大，座位也很舒服，坐窗口望到公園人來人往10分寫意首先叫咗個海鮮沙律，刺身新鮮份量夠多！雞之盛宴，就是串燒雞的種類，有燒雞翼，雞俾肉，雞肉丸，雞軟骨同雞皮！他們選用的都係日本雞，脂肪少雞味重，用燒嘅方法令雞更加特別香，好好食我哋仲叫咗個吞拿魚茸海膽丼飯，成個碗都鋪滿吞拿魚茸，新鮮，仲有一排海膽，這個海膽雖然細粒，但係味道比較重，好過出邊大大塊但係冇味的！食埋個當飯10分滿足飲多杯生啤，成條氣順晒！

平日晏晝兩點半去食下午茶，唔使等位，即刻有得入去坐。侍應安排左我哋坐窗口卡位，位置寬敞。三個人叫咗每人一個下午茶set，有麵豉湯同主菜。另外加咗幾個小食。我叫咗海膽吞拿魚丼，賣相十分好，味道方面，海膽鮮甜，一啲都唔苦同腥，吞拿魚茸有蔥辟味，都唔覺得腥。份量睇落唔多，但食起嚟就知道啱啱好，有七八成飽。性價比高，74 hkd 就食到靚嘅海膽同吞拿魚。小食方面，叫咗章魚小丸子，炸廣島蠔，枝豆。章魚小丸子普通，粉漿比較多，而且冇木魚絲，但係夠熱，過得去。廣島蠔有驚喜，飽滿鮮甜，脆漿啱啱好，炸到金黃色，香脆可口。枝豆上菜嘅時候熱辣辣，食落鹹香，好好味。小食加錢就可以叫到，性價比高。最後叫咗甜品，Brownies 雪糕同小丸子雪糕，賣相同味道都普通。Brownies質感唔鬆，又唔夠香，雪糕只有朱古力醬味，食落似食雪葩，唔太creamy。以50幾蚊來計，性價比低，唔抵食。

當你身邊那位是從來不會訂座的人……問及生日當天最想吃什麼，定必是日本菜！這次是我們第二次拜訪葵芳丸十，雖然是星期日但六時前去到就不用排隊直入，四大一小就直接坐四人卡位還好，用餐時間限制90分鐘，雖然說有限用餐時間，但他們的上菜速度可用火速來形容，基本上不消10分鐘全部上齊，以我們顧著孩子半吞狀態大概40分鐘已經吃完。這次任性地點了大量煎炸食品，拍照一流的炸物摩天輪$228點一次就好了， 當中包括炸魷魚、雞軟骨、炸蠔、炸薯角及炸雞塊，份量不多每個款式只有數件，下次還是散叫炸雞軟骨比較好；壽司方面 因為帶著孩子的關係我們都只點熟的， 包括火焰三文魚親子卷、加州卷及兩份蟹柳小卷。 當天同行有人要吃素就直接點了一碗野菜烏冬（$88）烏冬彈牙足料，小朋友都岩食，這次沒點上rice burger 和皇牌飯，也沒有點上甜品，但是覺得心靈和肚子都感到滿足，就看同枱到底是哪一位。回家寫食評時看到清單才驚覺原來上漏了一道蟹籽沙律……錢可是照付了～這就是媽媽獨立點菜、爸爸獨立結帳的壞處…… 不管怎樣，下次還是會再來。

每逢星期六日肥雞梗係揸架車同屋企人去試下新嘢去遠啲嘅地方啦咁今次肥雞就去咗葵芳新都會廣場嘅丸十日本食糖咁入到去咁啱唔使排隊帶件其他人都開始排隊好長隊睇完menu之後肥雞嗌咗個自家製明太子玉子燒肥雞仔可以講佢啲肉明太子落得好重手配埋甜甜用茶魚煲成嘅玉子燒又進鰹魚嘅味道濃入曬喺蛋漿入面咁肥雞老豆鍾意食三文魚所以就嗌咗個三文魚刺身畀佢食啦三文魚都好新鮮嘅咁肥雞相對一鍾意火炙三文魚親子卷有一粒粒彈牙嘅三文魚子配埋燒得香香嘅三文魚食落口呢嗰種汁係爆響口腔嘅感覺非常之一樓再嗌多個牛油果炸蝦卷個牛油果軟骨嘅口感配埋熱辣嘅炸蝦又係雙重享受跟住就嗌多個叫*之盛宴其實係唔同種類雞嘅串燒有雞翼雞肉雞皮等跟住再嗌多個松葉蟹魚籽丼佢啲松葉蟹落得好重手食極都仲有配埋一粒粒彈牙同埋充滿魚香嘅魚仔呢一碗飯 飯真係好矜貴跟住再嗌多個溫泉玉子半消澳洲和牛肉爆丼業嗰啲澳洲和牛肉燒得好香牛尾喺你個口度爆發出嚟陪埋溫泉玉子嘅蛋漿每一口都有豐富嘅蛋香味同埋肉香味其他媽咪就嗌多個執著海螺呢一個係涼拌嚟嘅凍凍哋嗰啲海螺肉都幾新鮮

來葵芳新都會買啲嘢，順便食番餐late lunch，咁啱見到呢間唔洗排隊，又係日式，決定試試佢。入到來環境舒適企理，唔算多人，都算淨。檯面有晒所需餐具同水。來到已經係下午茶時間，睇佐menu後決定要鮪魚海膽丼☺️抹茶似乎都係餐廳既主打，所以追加一份抹茶雪糕配紅豆，白玉丸子。主食好快來到，海膽唔算特別好味，有些少腥味，但入口都creamy；米飯粒粒分明，夠醋味，配上紫菜唔需要再另外落醬油，整體都滿意🥰抹茶雪糕偏甜份量足，紅豆反而比我想像冇咁甜，配搭上來都可以過過我既抹茶抹茶癮🥳 至於丸子似乎未完全解凍？有啲位係影既。。

見呢間日本野好多人食，而且睇menu見菜式種類非常豐富，刺身、壽司、炸物、甜品都有好多可以選擇，就同朋友入去食！呢間餐廳嘅茶唔係普通日本茶，而係抹茶。每檯都有抹茶粉可以自己沖！鰻魚玉子燒玉子燒質素好高，玉子嘅熟度控制得非常好，口感軟滑嘅玉子包住燒汁鰻魚，食嘅時候仲有有蛋汁流出，好味！雞之盛宴呢個串燒拼盤有雞肉串、雞翼、雞軟骨、雞肉丸等。雞肉串同雞肉丸都加左甜甜嘅燒汁，味道較濃，而雞軟骨好有咬口，整體上各項都燒得唔錯！溫泉玉子伴燒澳洲和牛肉爆井呢個和牛爆井非常高質！！和牛有好多件，每件都煎得剛剛好，肉質軟滑又Juicy，配搭嘅洋蔥燒汁都好好味，加埋煮得半熟嘅溫泉蛋落去一齊食，超級正！丸十芭菲最上層係士多啤梨雪糕，下面有士多啤梨果凍同Cream，配料仲有士多啤梨粒、朱古力脆條同馬卡龍。士多啤梨雪糕好軟滑，有酸甜嘅味道之餘奶味亦好豐富，幾fresh，並唔係個d質素低雪糕嘅死甜味道。

難得嚟到葵芳食嘢，今次食嘅唔係去葵廣，而係去隔離嘅新都會廣場到搵食。呢一間丸十日本食堂主打日本高級料理，既有燒烤料理又有各種魚生壽司丼，可以話想食咩嘢就有咩嘢。喺前菜方面嗌咗一個自家製鰻魚玉子燒。要睇一間日本餐廳係唔係高質素就要睇下究竟廚師識唔識得整玉子燒。玉子燒來到之後帶有一種鰻魚嘅鹹香味，而蛋本身嘅蛋味亦都相當濃郁。錦上添花嘅係個玉子燒亦有少少蛋汁，令到食起上嚟冇咁乾。第二樣嘢食嘅係雜錦魚生壽司漢堡。呢個漢堡最神奇之處係佢唔係用一般嘅漢堡包作為基礎。首先將日本飯粒搓成一個圓形嘅面同底，跟住再燒烤佢之後變成一嚿鬆脆嘅飯焦，配上中間嘅魚生同埋小許嘅蔬菜食落去另有一番口感。跟住我哋仲食咗丸十彩虹卷，中間唔同魚生嘅配搭配以唔同嘅蔬果例如牛油果等等令到成件壽司嘅層次感相當分明，極具特色。主菜方面試咗個極上鮪魚丼，聽聞係呢間餐廳嘅主打菜式。上咗之後亦不負所望，魚生嘅色澤相當亮麗亦充滿油脂，份量較大，食落去每嚿魚生都有相當新鮮嘅味道。 最後喺甜品方面我嗌咗個阿法奇朵，一開始見到菜單以為係一件小小嘅雪糕是不知大有驚喜。原來佢唔知係雪糕 ，仲係一件可以玩嘅雪糕！喺享用前顧客先需要將熱騰騰嘅咖啡倒入凍

在香港，日式餐廳新開業，大抵都是以刺身、燒肉或丼飯作招徠。對我而言，刺身的吸引程度並不足夠。而這天朋友向我推介這家以「米」為主的日本菜，看到餐廳餐牌內食物大多是熟吃，我就不抗拒，並漸生興趣。 可是，抵達時是7時多的晚飯繁忙時間，所以要稍等才能入座。餐廳座位分2類，如吧檯和卡位。我們被安排入座卡位，而坐吧檯的客人就可以看到廚師即席烹調鐵板燒的過程，如果我是吃鐵板燒的話，都一定會爭取坐那裡的！餐牌內，大多數的食物都是跟「飯」有關，餘下的3成食物包括有刺身、鐵板燒、串燒、天婦羅和麵粉等等。跟朋友商量過後，就快手下單。隨即，侍應就送上一壺熱水和抹茶粉，跟日本的待客之道相近。客人可以按個人喜好，將適量的抹茶粉加入熱水內，拌勻即可飲用。自家製明太子玉子燒 $58玉子燒有明太子和鰻魚可選，感覺明太子會特別一點，所以就選明太子。來到時，玉子燒做得剛好，雞蛋香軟嫩滑帶些許甜味外，中間的明太子帶微微鹹香，但不覺辣，值得一試。餐廳主打「當店精米」，即會在店內將日刺直送的米，透過精米機，在每日的午市和晚市打磨為白米，確保丼飯和壽司用的米的質素。有見及此，我們便點了壽司拼盤淺嘗。丸十彩虹卷 $98 賣相十分吸

有一排冇行新都會廣場， 原來而家裝修完之後多咗咁多食肆， 今日咁啱行過見到有一間睇落質素幾高嘅日本菜，就入嚟試下先！丸十日本食堂餐廳面積多大， menu有好多選擇，刺身，丼飯，串燒， 鐵板燒，甜品等等乜都有， 就連壽司漢堡都有， 非常有創意。刺身丼飯好吸引呀， 內有豐富海膽，蟹肉，正！雞泡魚乾燒到暖暖地甜甜地又好咬口，係一流嘅小食！7點刺身拼盤唔使講，齋睇圖就知質素高， 非常新鮮肥美。三文魚壽司漢堡，創意清新，非常過癮。壽司卷物都非常靚呀！走果時七點幾非常多人，好彩今日早左過嚟早啲食，唔使點排隊哈哈！

今日同屋企人過來葵芳行街，想食日本野，原本打算x気食，去到見到隔離有丸十，於是決定食哩個。入到去就知道無選擇錯，環境好，野食質素高。蟹子沙律份量不多，但味道很好，最緊要乾淨，幹身，無出水。黑松露海膽茶碗蒸上面大大塊海膽，係鮮甜的，一定係新鮮。黑松露配上蒸到滑一滑蛋，味道極香。蛋入面淡淡菇味。距地還有飛機直運海鮮，我地叫左聖子皇，連殼蠔，南非鮑魚，全部都係燒，聖子彈牙爽口完全無沙，而且鮮甜。蠔方面雖然好細隻，但極香蠔味，配上小🦐，更加鮮。而鮑魚方面，熟度剛剛好，爽口完全唔硬。燒物還叫左雪花牛舌和燒三文魚頭，牛舌屬於厚燒，但火控制的非常好，入面見唔到血，而非常爽脆，一定都不硬，推介，而且假期不貴。魚頭方面包括埋魚餃一齊，其實魚餃係最好食，多肉多汁。主菜叫左一個澳洲和牛烏冬+溫泉玉子澳洲和牛丼。2個都好好食，尤其個飯，淋上溫泉蛋汁，配上和牛，勁好食。烏冬方面都不差，烏冬滑而彈牙，清清湯，加埋和牛，超滿足。最後來個甜品抹茶雪糕，不甜濃抹茶味。

同同事咁岩係葵芳食lunch，又完全無咩頭緒食咩好。大家都知道葵芳岀名多野食，中價位去到街頭小食都有，真係多選擇到眼花撩亂。係葵芳要諗食咩真係個人生大難題🤣🤣所以擇日本野，大家都岩食😌丸十店內空間好寬敞，而且我地七個人係中午繁忙時間都唔洗等太耐就入得座我就點左個燒地雞定食，嫩滑多汁既日本南部雞配「精米」，加埋燒汁一齊食，絕對係無得輸 加埋小費每人平均一百蚊內，整體黎講都幾抵食😌🤤會再幫襯😌

雖然葵芳有好多好味小食⋯但經過見到未食過既餐廳又心思思想食🤣·🐮溫泉玉子伴燒牛肉飯（$138，包沙律漬物麵豉湯）🤤🤤牛肉好味！燒到岩岩好⋯juicy得黎肉質唔鞋口💓日本米加埋溫泉蛋⋯無得輸～•🍜米國牛肉烏冬定食（$88）牛肉未有熟透，保持肉質嫩滑～可惜湯底頗油膩🙊

因為泊車方便，葵芳新都會都是常去的地方，不過這裡的餐廳好像變了不少，這間丸十日本食堂還未吃過，決定試試。這裡環境不錯，座位也算寬敞舒適，吧枱位好像沒那麼舒服，但可以看到師傅如何工作。自家製鰻魚玉子燒 $68玉子燒口感軟綿濕潤，中間的鰻魚亦軟稔好咬，一口一件剛剛好。松葉蟹肉壽司漢堡 $98讓我想吃曾經吃過的Rice Burger，但在日式料理餐廳中見到還真有新鮮感。而且用上松葉蟹肉，吸收力倍增。米飯除了添加了味道外，也輕輕煎過，口感微脆又香口，而且蟹肉的份量很多。不過吃的時候有點麻煩，因為很易散開。牛油果炸蝦卷 $118炸蝦卷的蝦炸得夠香脆又不會過熟，而牛油果熟成度剛好，口感creamy ，加上卜卜蟹籽，還有我最喜歡的蛋黃醬，很合我口味。北海丼 $158北海丼包括有海膽、蟹肉、帶子、蝦、蟹子和幾款魚刺身，以價錢來說，有這樣多款的刺身和份量，其實已經很抵吃。而各款刺身亦算新鮮，不會有腥味。某連鎖店結業後，新都會又多了一個日本料理的選擇。