丸十日本食堂 (已結業)

I almost had all the foods in their menu. Sashimi is always fresh and tasty;the fried chicken cartilage is crunchy; a good combination with a cold beer.their rice is well-cooked and soft.the tempura is crispy and airy.The beef is tender and juicy; just a bit too small in portion😫

丸十日本食堂新都會裝潢好之後多左好多野食，成個商場格局都好似唔同左，人流較多，好在都有好多餐廳可以選擇。今日見到呢間日式餐廳，以米飯作主打，而我本身都好中意食飯，仲要係日本珍珠米，更加吸引。餐廳環境好舒服，地方同座位都好闊落。自家製鰻魚玉子燒玉子燒非常滑溜，加埋已經調好味既鰻魚，內層鰻魚既鹹香，外層蛋既清甜，好有層次又好滋味。丸十彩虹卷，色彩豐富既壽司卷，每一個都有唔同款既刺身，吞拿魚、三文魚或者油甘魚，配搭牛油果口感Creamy估唔到咁夾。雞之盛宴，有雞肉丸，雞翼，雞軟骨，雞胸肉同雞皮。溫泉蛋玉子伴燒和牛飯丸一粒粒既日本珍珠米，真係好有飯香，飯粒軟綿得黎有咬口，好好食，溫泉蛋既蛋醬拌飯，令成個飯更加昇華。和牛部分脂肪比例較低，肉質嫩滑，每一塊既厚薄都適中，賣相十分討好。

食日本野！好多時大家會諗到壽司，刺身同拉麵！我今次係呢間餐廳，試左其他熟食都好好食既日本野！令我大開眼界！燒雞泡魚乾超好食！睇落去平平無奇， 開頭以為好似燒魷魚咁，估唔到佢入口勁軟！好好食！又有魚嘅解味！很不錯！美國牛肉薄燒牛肉味很重，雖然佢跟咗啲醬料黎，但我覺得唔點醬料更加能夠留住牛肉嘅鮮味！同埋真係切到好薄！好易入口！雜錦天婦羅烏冬呢個烏冬嘅湯底係魚湯底！好有心思！再加上天婦羅都有好多件！好抵食！烏冬嘅質地粗，但唔會好林有口感！抹茶拿鐵冰好有心思嘅飲品，佢將抹茶結成冰，又將鮮奶打熱，當抹茶冰同熱鮮奶混合，抹茶冰就會溶，同事飲品唔會太凍也不會太熱！味道亦都唔錯啱啱好！抹茶味夠濃！總結食日本野好少食咁多熟食，並且每一樣都很滿意！不錯！

之前會係午餐時間黎呢間餐廳食，今次見佢晚市唔多人排就試下啦一坐底就梗係整頓好飯團先，呢張bb凳對於1歲以下bb就有啲危險，扣得唔夠實講返嘢食先，呢間日本嘢真係夠新鮮，午餐果啲都絕對唔會hea比你叫左個角切魚生飯，賣相夠吸引啲飯已經調好味，連埋隻蛋撈埋一齊食，啲魚生唔會比啲有根咬唔開果啲你，夠新鮮另外叫左個三文魚小卷，唔知點解我去親邊間食日本嘢都鍾意叫呢個，雖則佢唔起眼，但新鮮整係好味架呢間個紫菜唔會係一早整定淋晒最後試左個燒雞胸軟骨，唔多地方有得食，燒得啱啱熟，就算夾住雞胸都唔會「鞋」口總括黎講，想試就可以午市去試下，抵食，不過款式上同晚市有價啲出入

新都會開了不少新食堂 呢間日式fusion 料理 鹹食有質素 但甜品相對失色可惜有限時 90分鐘 無人等位先可以繼續坐.蟹肉飯堡 蟹肉很足 飯堡的飯焦仲有少少脆添 size都唔細.明太子蛋卷 明太子份量剛好 唔會太鹹 最驚喜係蛋卷入口微暖.帶子三文魚冬甩 帶子很大顆啊.蟹肉三文魚子冬甩 蟹肉都好多 兩個冬甩都加左少少wasabi 所以少少微辣 開胃啊 唔會食到好膩.燒鱈魚骨腩 骨多 無咩肉 配沙津醬唔太夾 少少檸檬汁已經夠味.牛奶雪糕布朗尼蛋糕 朱古力醬有點假 牛奶雪糕奶味唔濃 蛋糕麻麻.#丸十日本食堂#葵芳#新都會廣場

是日午餐到丸十叫左兩個丼同一個湯烏東。牛舌同豚肉燒得超乾，硬柴柴，飯又唔夠熱，好似暖番熱既冷飯😰簡直豈有此理😡成百蚊個冷飯！米國牛肉烏冬還可以，起馬係熱辣辣上枱。

聽朋友介紹黎食，就試下個火炙海鮮丼，同埋個温泉玉子伴燒和牛肉爆丼。火炙賣相味道一流，飯量正常，不會太少。牛肉就鬆軟，燒得好香，飯量好多甜品抹茶味同紅豆好夾，丸子都好彈牙

今天在新都會行街時，見到這家餐廳的門面很特別，所以就進去晚餐了！餐牌內食物種類超多，很多款式和選擇！店內更有鐵板燒，可以坐吧枱一邊進食，一邊觀賞他們的廚藝！我們點了海鮮丼飯鮮味濃郁，很新鮮！很好味！但價錢比出邊比較貴，大約要$180- 但一分錢一分貨！還點了一個烏冬，明太子玉子燒和炸雞！明太子玉子燒真的要大大力推介，非常好味！玉子燒配上明太子，簡直絕配！而炸雞都非常好味，炸粉不會太厚，咸味適中！下次也要再點這個!

之前係朗豪坊食過同一間既餐廳，個陣已經覺得好高質，原來葵芳都有一間，唔洗諗即刻入！丸十壽司拼盤，有成十舊壽司咁多，仲有我最愛既鰻魚壽司！不過朋友就比吞拿魚蓉吸引左，話入口即溶好正喎鰻魚王子燒，中間舊鰻魚絕對唔細，而且玉子燒夠甜，中間仲要有小小流心既蛋，好快就比我地清哂了海洋之盒，有巨大帶子，魷魚，海老，鯖魚，生蠔。帶子係no.1，又大又鮮甜，個汁仲帶有小小酒味，多層感受最後我地就share個和牛炒飯，一上枱香到想獨吞，啲飯炒到粒粒分明，而且好夠鑊氣，和牛雖然細細粒，但份量好多，每一啖都一定食到和牛另外依到仲提供綠茶粉的之前係朗豪坊就食左兩個丼飯，由於係用北海道米所以個口感係好唔同，我一食就雙眼發光咁，朋友就覺得真係好特別既口感。其實仲好有興趣食依個飯堡架，不過由於太飽了實在食唔落下次就試一試佢🤪依間餐廳無論旺角定葵芳分店都一樣咁高質，想食日本料理絕對可以一試呀！

Weekend經常來新都會廣場，多樓上茶樓食點心，今次換換口味食日本料理，丸十日本食堂是個不錯的選擇！來過２次，單過的丼物：温泉玉子和牛丼、北海丼、吞拿魚蓉海膽丼、燒豚肉丼，我覺得最好味的是温泉玉子和牛丼！和牛點了七成熟，不太生，肉質嫩唔柴，好吃！米飯用日本米，軟熟！伴温泉玉子，好味！米飯要夠熱才好吃！這個比北海丼和吞拿魚蓉海膽丼好味，飯的溫度，是關鍵！份量足！胃口少的會吃不完！定價148/碗，連加一也不過200元，性價比高之選！

昨晚第一次和妹妹來到丸十吃晚飯，被安排坐在窗旁的卡位，環境裝修佈置很日式，背景音樂是日本電影「你的名字」的歌曲，餐桌上有綠茶粉，供食客自行沖綠茶飲，日食的氣氛相當濃厚。餐牌推介「精米」，我點了「燒豚肉丼」。很驚喜上菜速度極快，侍應生把食物送上來時我也呆了，他還禮貌地問我要不要碗仔，十分細心。食物賣相不錯，有蔥等拌碟，可惜味道一般，雖燒豚肉已切得很薄，但可能因燒的時間太長而較硬。至於丼飯的味道和質感普通，令我頗為失望，並不是我預期和一直懷念那種日本米的味道。不過這丼飯的份量很充足，讓我吃得很飽。妹妹點了「燒牛舌丼」，食物也是迅速送來。她説牛舌很豐富，味道不錯，只是牛舌有點乾。最後，值得一讚的是店員的服務不錯，由帶位、落單、上菜至結賬的店員都很有禮貌，在現時充滿怨氣的社會中仍敬業樂業，讓我們食客感覺吃得舒適，實在難得，希望丸十可以繼續保持這麼良好的服務態度。

去任何一間食店如果能夠睇住啲食物烹調過程食物嘅質素同感覺都大大提高今次係葵芳一間叫丸十日本食堂排隊人數好多我地選擇坐Bar 檯位反而好快就入到去我地揀咗究極鐵板燒晚餐  $480包括 (蟹肉沙律、前菜、大蜆味噌汁、鵝肝、南非鮑魚、波士頓龍蝦(半隻)、野菜燒、丸十鐵板和牛炒飯、米國牛肉(厚燒)------------------------------蟹肉沙律 + 前菜前菜係螺肉 味道同出面食到都無太大分別蟹肉沙律份量都幾多夾埋啲沙律菜一齊食又新鮮又爽脆好好食------------------------------大蜆味噌汁味噌湯加大蜆亦都好飲又濃郁味噌雖然普通但加咗大蜆風味唔同咗之外更加鮮甜------------------------------鵝肝呢個一定要講超級好食 大啖食好滿足因為鵝肝好大件下面用牛油多士煎香邊鵝肝同牛油多士互相輝映原來咁樣食係好夾------------------------------南非鮑魚鮑魚外觀雖然唔吸引但唔韌入口彈牙味道有少少畀調味料蓋過不過味道都唔錯 有驚喜------------------------------波士頓龍蝦(半隻)半隻份

食午市，朋友聚會米飯是招牌之一 有期待所以評得狠一點:根本不明白好吃在哪，我不是食家，但一年去五六次日本工作，唔理喺日本係咪真係食到日本米，但求奇一間都好食過佢。菜色是set lunch，頭盤日式沙律又韓國泡菜，唔係唔得，但咁就無謂扮到咁日式，帶子勉強叫尚可，豚&雞肉品品質中下，味道中下，份量只合正常食量OL，set不含飲品。唔難食，不過唔好食。以葵芳地區價位屬中上，如此這般的品質，價位七折尚可，人多坐得算舒適，如果八折是買環境，九折是不太划算，所以以現在價位而言，無回頭，有人請都唔會揀。

今日帶住兩個小孖寶，去完葵芳新都會戶外歷奇公園放電，大家都累爆，一行四人好想快啲坐低醫肚，咁啱見到呢間日本居酒屋，好快有位（可能時間仲早👀），就即刻入去。一入到去，日系木質裝修，令人覺得好舒服，餐具好靚。呢度性價比高，食物質素不錯，份量都十分足科，我覺得係物有所值嘅。我地叫左「溫泉玉子伴燒和牛肉爆丼」🐮，平時我怕生牛肉的血腥味，今次呢個半熟和牛好juicy ，肉質好腍好滑，加埋個燒汁，真係好夾。🤤🤤然後，再叫左「燒日本地雞丼」🐤🍚，雞燒得好脆好香，肉質唔會好乾身，再加個有少少檸檬味嘅汁，都幾fresh 😌😌。呢兩個丼都好大碗，加上呢間餐廳特制的日本米，有種珍珠米黏黏的感覺，又有少少「煙韌」，食完之後，飽到頂上心口😆😆仲有一個係我至愛嘅玉子燒，呢個鰻魚玉子燒，蛋好滑，蛋卷中間有鰻魚汁同小小鰻魚，熱辣辣又juicy，好味到不行了⋯如果鰻魚多少少就更好了⋯⋯🍳這𥚃有刺身、壽司、卷物、燒肉、抹茶甜品⋯等等都好想試，但價錢都唔平呀，等下次有特別日子要慶祝，我會再黎呀。😍

睇食評好似好吸引，為左個牛而黎試，味道係幾香，食落ok,  但寶物同menu同食評相不符，仲已經加左10蚊，質素反而差左，只可以講句失望，唔會想再幫襯下一次。$158，（相片左邊食過，但睇過menu就知有幾唔同）除左海膽一般，整體正常，$178